% Text title            : Aksharabrahma Stotram
% File name             : akSharabrahmastotram.itx
% Category              : deities\_misc, svAminArAyaNa, gurudev, stotra
% Location              : doc\_deities\_misc
% Author                : achintyAnandabrahmachArI
% Acknowledge-Permission: Swaminarayan Sampradaya
% Latest update         : August 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Aksharabrahma Stotram ..}##
\itxtitle{.. akSharabrahmastotram ..}##\endtitles ##
(shikhariNI vR^ittam)
yadromavivare lInA aNDAnAM koTyaH pR^ithak |
tadakSharaM guNAtItaM guNAtItaM namAmyaham || 1||
mahAdhyAnAbhyAsaM vidadhatamajasraM bhagavataH
pavitre sa.nprAptaM sthitimativarai\-kAntikavR^iShe |
sadAnandaM sAraM paramaharivArtA\-vyasaninaM
guNAtItAnandaM munivaramahaM naumi satatam || 2||
paraM mAyopAdhervishadahR^idaye sve pratidinaM
nijAtmAnaM shAntasphuraduru\-mahomaNDalavR^itam |
prapashyantaM shuddhAkShara\-matitarAnanda\-nilayaM
guNAtItAnandaM munivaramahaM naumi satatam || 3||
shubhAvirbhAvAnAM svahR^idi sahajAnandamanishaM
nidAnaM pashyantaM prakR^itipuruShAde\-radhipatim |
hariM tailAsAra\-pratinibhamathAgre nija ddR^ishor
guNAtItAnandaM munivaramahaM naumi satatam || 4||
hariryasyodAra\-praNayarashanA\-baddhacharaNo
yato naiti preShThAt kvachidapi pR^ithagbhAvamajitaH |
yathA shabdAdartho nijavimalachittAdapi viyat
guNAtItAnandaM munivaramahaM naumi satatam || 5||
sthito mAturgarbhe harimavirataM yo.akSharaparaM
chidAnandAkAraM lalitavasanAla~NkR^itidharam |
apashyatpuNyAkShaM vidhumiva chakoraH shuchiruchiM
guNAtItAnandaM munivaramahaM naumi satatam || 6||
anAkR^iShTAtmA yo bhuvanaviShayai\-rapyativarai\-
raliptatvenAsthAdiha matimuShastAnadhigataH |
yathA vAyushchAbhraM vaDavadahane vAbdhinilayo
guNAtItAnandaM munivaramahaM naumi satatam || 7||
janaugheShvekAntaM vR^iShamakhila\-doShArtishamanaM
subhadraM sachChAstrapratibhaNita\-nirvANasaraNIm |
tatAnAtmapreShThaM purukaruNayA mohadalanaM
guNAtItAnandaM munivaramahaM naumi satatam || 8||
sphuratsphAraj~nAnAmR^ita\-vipulavR^iShTyAti\-sukhado
durApairyukto yaH shrutinigaditaiH sadguNagaNaiH |
vidhuM ninye lajjAM janavividha\-tApopashamane
guNAtItAnandaM munivaramahaM naumi satatam || 9||
janAj~nAnadhvAnta\-kShapaNakaraNAt tIkShNakiraNaM
hriyaM ninye svekShA\-duritadalano yo mR^idumanAH |
mahaishvaryairyukto haripara\-tarAnugrahatayA
guNAtItAnandaM munivaramahaM naumi satatam || 10||
prasa~NgaM yasyaityAjagati nanu jAtA janagaNA
bR^ihadrUpA bhUpA haripurutaradhyAna\-niratAH |
viraktA rAjyAdau shubhaguNayutAshchAtisukhino
guNAtItAnandaM munivaramahaM naumi satatam || 11||
yaduktAM sadvArtAM bhavabhayaharAM shrotumanishaM
samAyan sadvrAtA bahujanapadebhyo harijanAH |
marAlA bhUyAMsaH samudamiva sanmAnasa\-saro
guNAtItAnandaM munivaramahaM naumi satatam || 12||
yadAvAse mAra\-praNayarasa\-lobhAdiripavaH
praveShTuM no shekurvijitavidhimukhyA bahumadAH |
munIndraistaM mAnyaM shubhasakala\-tIrthAspadapadaM
guNAtItAnandaM munivaramahaM naumi satatam || 13||
mahAshraddhopetaM muniguruvaraM svakSharatanuM
harerbhaktyAdau drAgbhavabhayabhidaM svekShaNakR^itAm |
prashAntaM sAdhutvA\-vadhimatulakAruNya\-nilayaM
guNAtItAnandaM munivaramahaM naumi satatam || 14||
muhuryasmai prAdAt purumudamito yadvaraguNair
harirhArAn pauShpAnnijatanudhR^itAna~NgadamukhAn |
svabhuktaM sadbhojyaM varavasanamukhyaM svavidhR^itaM
guNAtItAnandaM munivaramahaM naumi satatam || 15||
anekebhyaH sadbhyo vimala\-harivij~nAnadadataM
bhuvi brAhmIM vidyAM harivachanarUpAmudayatam |
haridhyAnAsaktaM shubhaguNamanAdyakSharamahaM
guNAtItAnandaM sakalagurumIDe munivaram || 16||

iti shrI achintyAnandabrahmachArIvirachitaM akSharabrahmastotraM sampUrNam |
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}