% Text title            : Avalokiteshvara Stotram 1
% File name             : avalokiteshvarastotram1.itx
% Category              : deities\_misc, buddha, stotra
% Location              : doc\_deities\_misc
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Avalokiteshvara Stotram ..}##
\itxtitle{.. avalokiteshvarastotram 1 ..}##\endtitles ##
OM namo.avalokiteshvarAya |
devamanuShyAsuranutacharaNaH pratihatajanmajarArujamaraNaH |
lokesha tvaM mAmasharaNyaM rakSha kR^ipAlo kuru kAruNyam || 1||
saMsArodadhimadhyanimagnaM kleshamahormisamAhitabhagnam |
mAmavadhAraya mA viruvantaM trAhi mahAkR^ipa naumi bhavantam || 2||
tR^iShNAtimiropadrutanetraM maraNamahAbhayavihvalagAtram |
pAlaya bhagavannavalokaya mAM yAvadavIchiM yAmi na viShamAm || 3||
kR^itamanyastrIgrahaNamajasraM hatamaj~neyaM prANisahasram |
nAtha mayA kR^itapApamasheShaM nAshaya sa.nprati kAyikadoSham || 4||
yajjovitasatkAranimittaM lokAn nityaM bhaNitamasatyam |
tallokeshvara shamaya samastaM vAchikanarakaM chiramabhyastam || 5||
sattvAnAmiha chintitamahitaM svayamanumoditamapi naravihitam |
adhunA tanmama mAnasapApaM sphoTaya nAtha karomi vilApam || 6||
devamanuShyAsurajAtInAM tiryaHnArakapretagatInAm |
sattvA ye nivasanti sadArtA rakShasi tAniti tava mayi vArtA || 7||
tena mamopari sR^ija kAruNyaM vIkShya sharIragataM tAruNyam |
iti shR^iNu bhagavan bhavati bhaNAmi yAvannarakaM naiva vishAmi || 8||
kiM chopetya karoShi parArthaM mu~nchasi bhagavan mAmakR^itArtham |
athavA prekShya kR^ipA tava puNyaM janayasi dR^iShTaM kathamavipannam || 9||
smaraNenApi bhavasi parituShTaH kShipasi cha kaluShaM kimiti na dR^iShTaH |
yasmAd bhagavan parahitadakSha kShepaM mA kuru mAmiha rakSha || 10||
dantitura~NgamaputrakalatraM rAjyamakaNTakaveshmavichitram |
asthishiro.asR^i~NmAMsaparyantaM bhavatArthibhyo dattamanantam || 11||
a~njanaguTikApAdukasiddhiH siddhauShadhimaNimantravishuddhiH |
siddhayati yakShastrIpuraveshaH tuShyasi yasya tvaM lokesha || 12||
ye karacharaNavilochanahInA vividhavyAdhimahAbhayadInAH |
te tvayi tuShTe puShTasharIrA vilasantyarujo guNagambhIrAH || 13||
garalaM vyAdhirgrahaDAkinyaH shAntiM yAnti sadA yoginyaH |
sarati na tasya puro yamadUtaH proto yasya cha tvaM jinabhUtaH || 14||
iti lokeshvara kiM kriyamANaM mu~nchasi bhagavan mAmatrANam |
raumyahamanudinamudyatapANirnAshaya trAsasamAkulavANiH || 15||
yadviShayendriyacha~nchalamanasA kR^itabahupApaM vyAkulamanasA |
nItaM janma mayA.asmin sakalaM jaTharanimittaM bhramatA vikalam || 16||
tatkuru sa.nprati mama lokesha praNato vividhA~njalirahameShaH |
yenAbhuktvApAyikadoShaM sugatiM bhavato yAmi na mokSham || 17||
mohadveShavinAshanahetustvaM saMsAramahodadhisetuH |
patitastrastotthApitabAhustvaM guruduritanishAkararAhuH || 18||
deshitasugatAnuttaratattvastvaM pAlitabahuduHkhitasattvaH |
nirjitadurjayamanmathamArastvaM santIrNabhavArNavapAraH || 19||
sakalAlAnanikR^intanadehastvaM paribhAvitajagatasudehaH |
bhagavannanupamakaruNAsindhustvaM janavidito.akAraNabandhuH || 20||
lIlAvidalitakarmavibha~NgastvaM parahitaviShayavyAsa~NgaH |
divyadhyAnasamAhitachittastvaM yAchakasAdhAraNachittaH || 21||
paramapakurvannnapi karuNAvAn mayi paritoShaM na karoShi bhavAn |
kathamiha mohamahoragadaShTaM viShayasharIramakushalaM bhraShTam || 22||
sakalajanArthaM prati yA karuNA sA kiM bhavato niyataspharaNA |
yena na rakShasi kilviShavantaM bhavataH purato mAM viruvantam || 23||
nAtha kR^ipA te vyomavishAlA sattveShu hi yathAmbudadhArA |
sthalajalanimnonnatabahudeshe sarati nirantaramanishamasheShe || 24||
iti bhagavatsmaraNAdyatpuNyaM mama tenedaM jagadakShuNNam |
labhatAM shrIpotalakAchalavAsaM janayatu sundaravividhavilAsam || 25||

iti shrImadAryAvalokiteshvarabhaTTArakasya charapatipAdavirachitaM stotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}