% Text title            : avatArabodhaH
% File name             : avatArabodhaH.itx
% Category              : deities\_misc, dashAvatAra
% Location              : doc\_deities\_misc
% Transliterated by     : Mohan Chettoor
% Proofread by          : Mohan Chettoor, NA
% Description/comments  : Ramanuja Sampradaya.
% Latest update         : June 12, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Avatara Bodhah ..}##
\itxtitle{.. avatArabodhaH ..}##\endtitles ##
    rAmanavamyAM \- meShe punarvasau
chaitramAse site pakShe navamyAM cha punarvasau |
madhyAhne karkaTe lagne jAto rAmaH svayaM hariH || 1||

    kR^iShNajayantI \- siMhe rohiNyAM
siMhamAse.asite pakShe rohiNyAmaShTamItithau |
charamArthapradAtAraM kR^iShNaM vande jagadgurum || 2||

    siMhajayantI \- vR^iShe svAtyAM
vR^iShabhe svAtinakShatre chaturdashyAM shubhe dine |
sandhyAkAle.anuje yukte stambhodbhUto nR^ikesarI || 3||
shrImannR^isiMha vibhave garuDadhvajAya
      tApatrayopashamanAya bhavauShadhAya |
tR^iShNArivR^ishchikajalAgnibhuja~Ngaroga\-
      kleshavyayAyaharaye gurave namaste || 4||

    shrIra~NganAthAvirbhAvaH \- kumbha rohiNyAM
tapasye mAsi rauhiNyAM taTe sahya bhuvaH sthitam | (taTe kAveryAH)
shrIra~NgashAyinaM vande sevitaM sarvadeshikaiH || 5||
shrIstanAbharaNaM tejaH shrIra~NgeshayamAshraye |
chintAmaNimivodbhrAntamutsa~Nge.anantabhoginaH || 6||

    kA~nchIdevarAjAvirbhAvaH \- meShe haste
chaitramAse site pakShe chaturdashyAM tithau mune |
shobhate hastanakShatre ravivArasamanvite || 7||
vapAhome pravR^itte tu prAtaH savanakAlike |
dhAturutaravedyAM tu prAdurAsIjjanArdanaH || 8||
vapAparimalollAsalAsitAdharapallavam |
mukhaM varadarAjasya mugdhasmitamupAsmahe || 9||

    tirunArAyaNAvirbhAvaH \- mIne haste
sanatkumArarakShArthamAgataM brahmaNaH padAt |
yadushailasthitaM mIne haste nArAyaNaM bhaje || 10||

    shrIve~NkaTeshAvirbhAvaH \- kanyAyAM shravaNe
kanyAshravaNasa~njAtaM shrIsheShAchalavAsinam |
sarveShAM prathamAchArya shrInivAsamahaM bhaje || 11||
shrIve~NkaTAchalAdhIshaM shrIyAdhyAsitavakShatam |
shritachetanamandAraM shrInivAsamahaM bhaje || 12||

    lakShmyAvirbhAvaH \- mIne uttarAphAlgunyAM
phAlgunottaraphAlgunyAM sambhUtAM shriyamAshraye |
viShNordivyapadAmbhojaghaTakAM tatpadAshritAm || 13||
namaH shrIra~NganAyakyai yadbhUvibhramabhedataH |
IsheshitavyavaiShamyanimnonnatamidaM jagat || 14||

    godAvirbhAvaH \- karke pUrvAphAlgunyAM
karkaTe pUrvaphAlgunyAM tulasIkAnanodbhavAm |
pANDye vishvambharaM godAM vande shrIra~NganAyakIm || 15||
nIlAtu~NgastanagiritaTIsuptamudvodhya kR^iShNaM
      pArArthyaM svayaM shrutishatashiraHsiddhamadhyApayantI |
svochChiShTAyAM srajinigalitaM yA balAtkR^itya bhu~Nkte
      godA tasyai nama idamidaM bhUya evAstu bhUyaH || 16||

       saroyogisvAmyAvirbhAvaH
tulAyAM shravaNe jAtaM kA~nchyAM kA~nchanavArijAt |
dvApare pA~nchajanyAMshaM saroyoginamAshraye || 17||

       bhUtayogyAvirbhAvaH
tulAdhaniShThAsambhUtaM bhUtaM kallolamAlinaH |
tIre phullotpale mallyAM puryAmIDe gadAMshakam || 18||

       mahadAhvayAvirbhAvaH
tulAshatabhiShAjAtaM mayUrAyurakairavAt |
mahAntaM mahadAkhyAtaM vande shrInandakAMshakam || 19||

       yogivAhanAvirbhAvaH
vR^ishchike rohiNIjAtaM shrIpANaM nichulApure |
shrIvatsAMshaM gAyakendraM munivAhanamAshraye || 20||

       bhaktA~NghrireNvAvirbhAvaH
kodaNDajyeShThAnakShatre maNDaM guDipurodbhavam |
cholorvyAMvanamAlAMshaM bhaktA~NghrireNumAshraye || 21||

       shrIbhaktisArAvirbhAvaH
maghAyAM makare mAse chakrAMshaM bhArgavodbhavam |
mahIsArapurAdhIshaM bhaktisAramahaM bhaje || 22||

       shrIkulashekharAvirbhAvaH
kumbhe punarvasau jAtaM kerale cholapaTTane |
kaustubhAMshandharAdhIshaM kulashekharamAshraye || 23||
shrImadhurakavyAvirbhAvaH
meShe chitrasamudbhUtaM pANDyadeshe gadAMshakam |
shrIparA~NkushasadbhaktaM madhuraM kavimAshraye || 24||

    shaThakopAvatAraH \- vR^iShabhe vishAkhAyAM
vR^iShabhe tu vishAkhAyAM kurukApurikArijam |
pANDyadeshe kalerAdau shaThAriM sainyapaM bhaje || 25||
mAtA pitA yuvatayastanayA vibhUtiH
sarvaM yadeva niyamena yadanvayAnAm ||
Adyasya naH kulapaterbakulAbhirAmaM
shrImattada~NghriyugalaM praNamAmi mUrdhnA || 26||

    parakAlAvatAraH \- vR^ishchike kR^ittikAyAM
vR^ishchike kR^ittikAjAtaM chatuShkavishikhAmaNim | 
(chatuShkavishikhAmaNim \-chatvAraH kavayaH teShAM shikhAmaNim)
ShaTprabandhakR^itaM shAr~NgamUrtiM kalihamAshraye || 27||
kalayAmi kalidhvaMsaM vikalokadivAkaram |
yasya gobhiH prakAshAbhirAvidyaM nihataM tamaH || 28|| (AvidyaM \-avidyAyA bhavam)


    rAmAnujAchAryAvatAraH \- meShe AjayAM
ArdrAmeShabhavaM viShNordarshanasthApanotsukam |
tuNDIramaNDale sheShamUrti rAmAnujaM bhaje || 29||
yo nityamachyutapadAmbujayugmarukma\-
      vyAmohatastaditarANi tR^iNAya mene |
asmadgurorbhagavato.asyadayaikasindho
      rAmAnujasya charaNau sharaNaM prapadye || 30||

    dAsharathyavatAraH \- meShe punarvasau
meShe punarvasudine pA~nchajanyAMshasambhavam |
yatIndrapAdukAbhikhyaM vande dAsharathiM gurum || 31||
pAduke yatirAjasya kathayanti yadAkhyayA |
tasya dAsharatheH pAdau shirasA dhArayAmyaham || 32||

    kUreshAvatAraH \- makare haste
makare hastanakShatre sarpanetrAMshasambhavam |
shrImatkUrakulAdhIshaM shrIvatsA~NkamahaM bhaje || 33||
shrIvatsachihnamishrebhyo nama uktimadhImahi |
yaduktayastrayIkaNThe yAnti ma~NgalasUtratAm || 34||

    ramyajAmAtR^imunyavatAraH \- tulAyAM mUle
tulAyAmatule mUle pANDye kuntIpure vare |
shrIsheShAMshodbhavaM vande ramyajAmAtaraM munim || 35||
shrIshaileshadayApAtraM dhIbhaktyAhiguNArNavam |
yantIndrapravaNaM vande ramyajAmAtaraM munim || 36||
iti proktA samAsena(1) viShNobhaktajanasya cha |
AvirbhAvAvatAreShu paThanIyA guNAvalI || 37||

iti avatArabodhaH samAptaH ||

(1) vistareNa tu svasvagurusakAshAdadhigantavyA |
granthavistarabhayAnnAtra likhitA | adhikamAse prApte tu siMhasa~Nkrame
bhAdrapade.api yadi janmAShTamI bhavettadA tAvatparyantaM dolotsAhaM
kurvIteti keShA~nchinmatam |


##

Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}