% Text title : balarAmasahasranAmastotra % File name : balarAmasahasranAmastotra.itx % Category : sahasranAma, deities\_misc, stotra % Location : doc\_deities\_misc % Transliterated by : Vishwas Bhide vrbhide at rediffmail.com http://satsangdhara.net/ % Proofread by : PSA Easwaran psaeaswaran at gmail.com, Vishwas Bhide % Description-comments : from Garga Samhita, Balabhadra khanda, Adhyaya 13. See corresponding Namavali % Latest update : February 7, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Balaramasahasranamastotra ..}## \itxtitle{.. balarAmasahasranAmastotram ..}##\endtitles ## duryodhana uvAcha \- balabhadrasya devasya prADvipAka mahAmune | nAmnAM sahasraM me brUhi guhyaM devagaNairapi || 1|| prADvipAka uvAcha \- sAdhu sAdhu mahArAja sAdhu te vimalaM yashaH | yatpR^ichChase paramidaM gargoktaM devadurlabham || 2|| nAmnAM sahasraM divyAnAM vakShyAmi tava chAgrataH | gargAchAryeNa gopIbhyo dattaM kR^iShNAtaTe shubhe || 3|| OM asya shrIbalabhadrasahasranAmastrotramantrasya gargAchArya R^iShiH anuShTup ChandaH sa~NkarShaNaH paramAtmA devatA balabhadra iti bIjaM revatIti shaktiH ananta iti kIlakaM balabhadraprItyarthe jape viniyogaH || atha dhyAnam | sphuradamalakirITaM ki~NkiNIka~NkaNArhaM chaladalakakapolaM kuNDalashrImukhAbjam | tuhinagirimanoj~naM nIlameghAmbarADhyaM halamusalavishAlaM kAmapAlaM samIDe || 4|| atha stotram | OM balabhadro rAmabhadro rAmaH sa~NkarShaNo.achyutaH | revatIramaNo devaH kAmapAlo halAyudhaH || 5|| nIlAmbaraH shvetavarNo baladevo.achyutAgrajaH | pralambaghno mahAvIro rauhiNeyaH pratApavAn || 6|| tAlA~Nko musalI halI hariryaduvaro balI | sIrapANiH padmapANirlaguDI veNuvAdanaH || 7|| kAlindIbhedano vIro balaH prabala UrdhvagaH | vAsudevakalAnantaH sahasravadanaH svarAT || 8|| vasurvasumatIbhartA vAsudevo vasUttamaH | yadUttamo yAdavendro mAdhavo vR^iShNivallabhaH || 9|| dvArakesho mAthuresho dAnI mAnI mahAmanAH | pUrNaH purANaH puruShaH pareshaH parameshvaraH || 10|| paripUrNatamaH sAkShAtparamaH puruShottamaH | anantaH shAshvataH sheSho bhagavAnprakR^iteH paraH || 11|| jIvAtmA paramAtmA cha hyantarAtmA dhruvo.avyayaH | chaturvyUhashchaturvedashchaturmUrtishchatuShpadaH || 12|| pradhAnaM prakR^itiH sAkShI sa~NghAtaH sa~NghavAn sakhI | mahAmanA buddhisakhashcheto.aha~NkAra AvR^itaH || 13|| indriyesho devAtAtmA j~nAnaM karma cha sharma cha | advitIyo dvitIyashcha nirAkAro nira~njanaH || 14|| virAT samrAT mahaughashcha dhAraH sthAsnushchariShNumAn | phaNIndraH phaNirAjashcha sahasraphaNamaNDitaH || 15|| phaNIshvaraH phaNI sphUrtiH phUtkArI chItkaraH prabhuH | maNihAro maNidharo vitalI sutalI talI || 16|| atalI sutaleshashcha pAtAlashcha talAtalaH | rasAtalo bhogitalaH sphuraddanto mahAtalaH || 17|| vAsukiH sha~NkhachUDAbho devadatto dhana~njayaH | kambalAshvo vegataro dhR^itarAShTro mahAbhujaH || 18|| vAruNImadamattA~Ngo madaghUrNitalochanaH | padmAkShaH padmamAlI cha vanamAlI madhushravAH || 19|| koTikandarpalAvaNyo nAgakanyAsamarchitaH | nUpurI kaTisUtrI cha kaTakI kanakA~NgadI || 20|| mukuTI kuNDalI daNDI shikhaNDI khaNDamaNDalI | kaliH kalipriyaH kAlo nivAtakavacheshvaraH || 21|| saMhArakR^idrurdravapuH kAlAgniH pralayo layaH | mahAhiH pANiniH shAstrabhAShyakAraH pata~njaliH || 22|| kAtyAyanaH pakvimAbhaH sphoTAyana ura~NgamaH | vaikuNTho yAj~niko yaj~no vAmano hariNo hariH || 23|| kR^iShNo viShNurmahAviShNuH prabhaviShNurvisheShavit | haMso yogeshvaraH kUrmo vArAho nArado muniH || 24|| sanakaH kapilo matsyaH kamaTho devama~NgalaH | dattAtreyaH pR^ithurvR^iddha R^iShabho bhArgavottamaH || 25|| dhanvantarirnR^isiMhashcha kalirnArAyaNo naraH | rAmachandro rAghavendraH koshalendro raghUdvahaH || 26|| kAkutsthaH karuNAsindhU rAjendraH sarvalakShaNaH | shUro dAsharathistrAtA kausalyAnandavarddhanaH || 27|| saumitrirbharato dhanvI shatrughnaH shatrutApanaH | niSha~NgI kavachI khaDgI sharI jyAhatakoShThakaH || 28|| baddhagodhA~NgulitrANaH shambhukodaNDabha~njanaH | yaj~natrAtA yaj~nabhartA mArIchavadhakArakaH || 29|| asurAristATakArirvibhIShaNasahAyakR^it | pitR^ivAkyakaro harShI cha virAdhArirvanecharaH || 30|| munirmunipriyashchitrakUTAraNyanivAsakR^it | kabandhahA daNDakesho rAmo rAjIvalochanaH || 31|| mata~Ngavanasa~nchArI netA pa~nchavaTIpatiH | sugrIvaH sugrIvasakho hanumatprItamAnasaH || 32|| setubandho rAvaNArirla~NkAdahanatatparaH | rAvaNyariH puShpakastho jAnakIvirahAturaH || 33|| ayodhyAdhipatiH shrImA.NllavaNAriH surArchitaH | sUryavaMshI chandravaMshI vaMshIvAdyavishAradaH || 34|| gopatirgopavR^indesho gopo gopIshatAvR^itaH | gokulesho gopaputro gopAlo gogaNAshrayaH || 35|| pUtanArirbakArishcha tR^iNAvartanipAtakaH | aghArirdhenukArishcha pralambArirvrajeshvaraH || 36|| ariShTahA keshishatrurvyomAsuravinAshakR^it | agnipAno dugdhapAno vR^indAvanalatAshritaH || 37|| yashomatisuto bhavyo rohiNIlAlitaH shishuH | rAsamaNDalamadhyastho rAsamaNDalamaNDanaH || 38|| gopikAshatayUthArthI sha~NkhachUDavadhodyataH | govardhanasamuddhartA shakrajidvrajarakShakaH || 39|| vR^iShabhAnuvaro nanda Anando nandavardhanaH | nandarAjasutaH shrIshaH kaMsAriH kAliyAntakaH || 40|| rajakArirmuShTikAriH kaMsakodaNDabha~njanaH | chANUrAriH kUTahantA shalAristoshalAntakaH || 41|| kaMsabhrAtR^inihantA cha mallayuddhapravartakaH | gajahantA kaMsahantA kAlahantA kala~NkahA || 42|| mAgadhAriryavanahA pANDuputrasahAyakR^it | chaturbhujaH shyAmalA~NgaH saumyashchaupagavipriyaH || 43|| yuddhabhR^iduddhavasakhA mantrI mantravishAradaH | vIrahA vIramathanaH sha~NkhachakragadAdharaH || 44|| revatIchittahartA cha revatIharShavarddhanaH | revatIprANanAthashcha revatIpriyakArakaH || 45|| jyotirjyotiShmatIbhartA raivatAdrivihArakR^it | dhR^itinAtho dhanAdhyakSho dAnAdhyakSho dhaneshvaraH || 46|| maithilArchitapAdAbjo mAnado bhaktavatsalaH | duryodhanagururgurvI gadAshikShAkaraH kShamI || 47|| murArirmadano mando.aniruddho dhanvinAM varaH | kalpavR^ikShaH kalpavR^ikShI kalpavR^ikShavanaprabhuH || 48|| syamantakamaNirmAnyo gANDIvI kauraveshvaraH | kumbhANDakhaNDanakaraH kUpakarNaprahArakR^it || 49|| sevyo raivatajAmAtA madhumAdhavasevitaH | baliShThapuShTasarvA~Ngo hR^iShTaH puShTaH praharShitaH || 50|| vArANasIgataH kruddhaH sarvaH pauNDrakaghAtakaH | sunandI shikharI shilpI dvividA~NganiShUdanaH || 51|| hastinApurasa~NkarShI rathI kauravapUjitaH | vishvakarmA vishvadharmA devasharmA dayAnidhiH || 52|| mahArAjachChatradharo mahArAjopalakShaNaH | siddhagItaH siddhakathaH shuklachAmaravIjitaH || 53|| tArAkShaH kIranAsashcha bimboShThaH susmitachChaviH | karIndrakaradordaNDaH prachaNDo meghamaNDalaH || 54|| kapATavakShAH pInAMsaH padmapAdasphuraddyutiH | mahavibhUtirbhUtesho bandhamokShI samIkShaNaH || 55|| chaidyashatruH shatrusandho dantavaktraniShUdakaH | ajAtashatruH pApaghno haridAsasahAyakR^it || 56|| shAlabAhuH shAlvahantA tIrthayAyI janeshvaraH | naimiShAraNyayAtrArthI gomatItIravAsakR^it || 57|| gaNDakIsnAnavAnsragvI vaijayantIvirAjitaH | amlAnapa~Nkajadharo vipAshI shoNasamplutaH || 58|| prayAgatIrtharAjashcha sarayUH setubandhanaH | gayAshirashcha dhanadaH paulastyaH pulahAshramaH || 59|| ga~NgAsAgarasa~NgArthI saptagodAvarIpatiH | veNi bhImarathI godA tAmraparNI vaTodakA || 60|| kR^itamAlA mahApuNyA kAverI cha payasvinI | pratIchI suprabhA veNI triveNI sarayUpamA || 61|| kR^iShNA pampA narmadA cha ga~NgA bhAgIrathI nadI | siddhAshramaH prabhAsashcha bindurbindusarovaraH || 62|| puShkaraH saindhavo jambU naranArAyaNAshramaH | kurukShetrapatI rAmo jAmadagnyo mahAmuniH || 63|| ilvalAtmajahantA cha sudAmAsaukhyadAyakaH | vishvajidvishvanAthashcha trilokavijayI jayI || 64|| vasantamAlatIkarShI gado gadyo gadAgrajaH | guNArNavo guNanidhirguNapAtro guNAkaraH || 65|| ra~NgavallIjalAkAro nirguNaH saguNo bR^ihat | dR^iShTaH shruto bhavadbhUto bhaviShyachchAlpavigrahaH || 66|| anAdirAdirAnandaH pratyagdhAmA nirantaraH | guNAtItaH samaH sAmyaH samadR^i~NnirvikalpakaH || 67|| gUDhAvyUDho guNo gauNo guNAbhAso guNAvR^itaH | nityo.akSharo nirvikAro.akSharo.ajasrasukho.amR^itaH || 68|| sarvagaH sarvavitsArthaH samabuddhiH samaprabhaH | akledyo.achChedya ApUrNo.ashoShyo.adAhyoNa.anivartakaH || 69|| brahma brahmadharo brahmA j~nApako vyApakaH kaviH | adhyAtmako.adhibhUtashchAdhidaivaH svAshrayAshrayaH || 70|| mahAvAyurmahAvIrashcheShTArUpatanusthitaH | prerako bodhako bodhI trayoviMshatiko gaNaH || 71|| aMshAMshashcha narAvesho.avatAro bhUparisthitaH | maharjanastapaHsatyaM bhUrbhuvaHsvariti tridhA || 72|| naimittikaH prAkR^itika Atyantikamayo layaH | sargo visargaH sargAdirnirodho rodha UtimAn || 73|| manvantarAvatArashcha manurmanusuto.anaghaH | svayambhUH shAmbhavaH sha~NkuH svAyambhuvasahAyakR^it || 74|| surAlayo devagirirmerurhemArchito giriH | girIsho gaNanAthashcha gaurIsho girigahvaraH || 75|| vindhyastrikUTo mainAkaH suvelaH pAribhadrakaH | pata~NgaH shishiraH ka~Nko jArudhiH shailasattamaH || 76|| kAla~njaro bR^ihatsAnurdarIbhR^innandikeshvaraH | santAnastarurAjashcha mandAraH pArijAtakaH || 77|| jayantakR^ijjayantA~Ngo jayantIdigjayAkulaH | vR^itrahA devalokashcha shashI kumudabAndhavaH || 78|| nakShatreshaH sudhAsindhurmR^igaH puShyaH punarvasuH | hasto.abhijichcha shravaNo vaidhR^itirbhAskarodayaH || 79|| aindraH sAdhyaH shubhaH shuklo vyatIpAto dhruvaH sitaH | shishumAro devamayo brahmaloko vilakShaNaH || 80|| rAmo vaikuNThanAthashcha vyApI vaikuNThanAyakaH | shvetadvIpo jitapado lokAlokAchalAshritaH || 81|| bhUmirvaikuNThadevashcha koTibrahmANDakArakaH | asa~NkhyabrahmANDapatirgolokesho gavAM patiH || 82|| golokadhAmadhiShaNo gopikAkaNThabhUShaNaH | shrIdhAraH shrIdharo lIlAdharo giridharo dhurI || 83|| kuntadhArI trishUlI cha bIbhatsI ghargharasvanaH | shUlasUchyarpitagajo gajacharmadharo gajI || 84|| antramAlI muNDamAlI vyAlI daNDakamaNDaluH | vetAlabhR^idbhUtasa~NghaH kUShmANDagaNasaMvR^itaH || 85|| pramatheshaH pashupatirmR^iDAnIsho mR^iDo vR^iShaH | kR^itAntakAlasa~NghAriH kUTaH kalpAntabhairavaH || 86|| ShaDAnano vIrabhadro dakShayaj~navighAtakaH | kharparAshI viShAshI cha shaktihastaH shivArthadaH || 87|| pinAkaTa~NkArakarashchalajjha~NkAranUpuraH | paNDitastarkavidvAnvai vedapAThI shrutIshvaraH || 88|| vedAntakR^itsA~NkhyashAstrI mImAMsI kaNanAmabhAk | kANAdirgautamo vAdI vAdo naiyAyiko nayaH || 89|| vaisheShiko dharmashAstrI sarvashAstrArthatattvagaH | vaiyAkaraNakR^ichChando vaiyAsaH prAkR^itirvachaH || 90|| pArAsharIsaMhitAvitkAvyakR^innATakapradaH | paurANikaH smR^itikaro vaidyo vidyAvishAradaH || 91|| ala~NkAro lakShaNArtho vya~NgyaviddhanavaddhvaniH | vAkyasphoTaH padasphoTaH sphoTavR^ittishcha sArthavit || 92|| shR^i~NgAra ujjvalaH svachCho.adbhuto hAsyo bhayAnakaH | ashvattho yavabhojI cha yavakrIto yavAshanaH || 93|| prahlAdarakShakaH snigdha ailavaMshavivarddhanaH | gatAdhirambarIShA~Ngo vigAdhirgAdhinAM varaH || 94|| nAnAmaNisamAkIrNo nAnAratnavibhUShaNaH | nAnApuShpadharaH puShpI puShpadhanvA prapuShpitaH || 95|| nAnAchandanagandhADhyo nAnApuShparasArchitaH | nAnAvarNamayo varNo nAnAvastradharaH sadA || 96|| nAnApadmakaraH kaushI nAnAkausheyaveShadhR^ik | ratnakambaladhArI cha dhautavastrasamAvR^itaH || 97|| uttarIyadharaH parNo ghanaka~nchukasa~NghavAn | pItoShNIShaH sitoShNISho raktoShNISho digambaraH || 98|| divyA~Ngo divyarachano divyalokavilokitaH | sarvopamo nirupamo golokA~NgIkR^itA~NgaNaH || 99|| kR^itasvotsa~NgagolokaH kuNDalIbhUta AsthitaH | mAthuro mAthurAdarshI chalatkha~njanalochanaH || 100|| dadhihartA dugdhaharo navanItasitAshanaH | takrabhuk takrahArI cha dadhichauryakR^itashramaH || 101|| prabhAvatIbaddhakaro dAmI dAmodaro damI | sikatAbhUmichArI cha bAlakelirvrajArbhakaH || 102|| dhUlidhUsarasarvA~NgaH kAkapakShadharaH sudhIH | muktakesho vatsavR^indaH kAlindIkUlavIkShaNaH || 103|| jalakolAhalI kUlI pa~NkaprA~NgaNalepakaH | shrIvR^indAvanasa~nchArI vaMshIvaTataTasthitaH || 104|| mahAvananivAsI cha lohArgalavanAdhipaH | sAdhuH priyatamaH sAdhyaH sAdhvIsho gatasAdhvasaH || 105|| ra~NganAtho viThThalesho muktinAtho.aghanAshakaH | sukirtiH suyashAH sphIto yashasvI ra~Ngara~njanaH || 106|| rAgaShaTko rAgaputro rAgiNIramaNotsukaH | dIpako meghamalhAraH shrIrAgo mAlakoshakaH || 107|| hindolo bhairavAkhyashcha svarajAtismaro mR^iduH | tAlo mAnapramANashcha svaragamyaH kalAkSharaH || 108|| shamI shyAmI shatAnandaH shatayAmaH shatakratuH | jAgaraH supta AsuptaH suShuptaH svapna urvaraH || 109|| UrjaH sphUrjo nirjarashcha vijvaro jvaravarjitaH | jvarajijjvarakartA cha jvarayuk trijvaro jvaraH || 110|| jAmbavAn jambukAsha~NkI jambUdvIpo dvipArihA | shAlmaliH shAlmalidvIpaH plakShaH plakShavaneshvaraH || 111|| kushadhArI kushaH kaushI kaushikaH kushavigrahaH | kushasthalIpatiH kAshInAtho bhairavashAsanaH || 112|| dAshArhaH sAtvato vR^iShNirbhojo.andhakanivAsakR^it | andhako dundubhirdyotaH pradyotaH sAtvatAM patiH || 113|| shUraseno.anuviShayo bhojavR^iShNyandhakeshvaraH | AhukaH sarvanItij~na ugraseno mahogravAk || 114|| ugrasenapriyaH prArthyaH pArtho yadusabhApatiH | sudharmAdhipatiH sattvaM vR^iShNichakrAvR^ito bhiShak || 115|| sabhAshIlaH sabhAdIpaH sabhAgnishcha sabhAraviH | sabhAchandraH sabhAbhAsaH sabhAdevaH sabhApatiH || 116|| prajArthadaH prajAbhartA prajApAlanatatparaH | dvArakAdurgasa~nchArI dvArakAgrahavigrahaH || 117|| dvArakAduHkhasaMhartA dvArakAjanama~NgalaH | jaganmAtA jagattrAtA jagadbhartA jagatpitA || 118|| jagadbandhurjagadbhrAtA jaganmitro jagatsakhaH | brahmaNyadevo brahmaNyo brahmapAdarajo dadhat || 119|| brahmapAdarajaHsparshI brahmapAdaniShevakaH | viprA~NghrijalapUtA~Ngo viprasevAparAyaNaH || 120|| vipramukhyo viprahito vipragItamahAkathaH | viprapAdajalArdrA~Ngo viprapAdodakapriyaH || 121|| viprabhakto vipragururvipro viprapadAnugaH | akShauhiNIvR^ito yoddhA pratimApa~nchasaMyutaH || 122|| chaturoM.agirAH padmavartI sAmantoddhR^itapAdukaH | gajakoTiprayAyI cha rathakoTijayadhvajaH || 123|| mahArathashchAtiratho jaitraM syandanamAsthitaH | nArAyaNAstrI brahmAstrI raNashlAghI raNodbhaTaH || 124|| madotkaTo yuddhavIro devAsurabha~NkaraH | karikarNamarutprejatkuntalavyAptakuNDalaH || 125|| agrago vIrasammardo mardalo raNadurmadaH | bhaTaH pratibhaTaH prochyo bANavarShI sutoyadaH || 126|| khaDgakhaNDitasarvA~NgaH ShoDashAbdaH ShaDakSharaH | vIraghoShaH kliShTavapurvajrA~Ngo vajrabhedanaH || 127|| rugNavajro bhagnadaNDaH shatrunirbhartsanodyataH | aTTahAsaH paTTadharaH paTTarAj~nIpatiH paTuH || 128|| kalaH paTahavAditro hu~NkAro garjitasvanaH | sAdhurbhaktaparAdhInaH svatantraH sAdhubhUShaNaH || 129|| asvatantraH sAdhumayaH sAdhugrastamanA manAk | sAdhupriyaH sAdhudhanaH sAdhuj~nAtiH sudhAghanaH || 130|| sAdhuchArI sAdhuchittaH sAdhuvAsI shubhAspadaH | iti nAmnAM sahasraM tu balabhadrasya kIrtitam || 131|| sarvasiddhipradaM nR^INAM chaturvargaphalapradam | shatavAraM paThedyastu sa vidyAvAn bhavediha || 132|| indirAM cha vibhUtiM chAbhijanaM rUpameva cha | balamojashcha paThanAtsarvaM prApnoti mAnavaH || 133|| ga~NgAkUle.atha kAlindikUle devAlaye tathA | sahasrAvartapAThena balAtsiddhiH prajAyate || 134|| putrArthI labhate putraM dhanArthI labhate dhanam | bandhAtpramuchyate baddho rogI rogAnnivartate || 135|| ayutAvartapAThe cha purashcharyAvidhAnataH | homatarpaNagodAnaviprArchanakR^itodyamAt || 136|| paTalaM paddhatiM stotraM kavachaM tu vidhAya cha | mahAmaNDalabhartA syAnmaNDito maNDaleshvaraiH || 137|| mattebhakarNaprahitA madagandhena vihvalA | ala~Nkaroti taddvArAM bhramadbhR^i~NgAvalI bhR^isham || 138|| niShkAraNaH paThedyastu prItyarthaM revatIpateH | nAmnAM sahasraM rAjendra sa jIvanmukta uchyate || 139|| sadA vasettasya gR^ihe balabhadro.achyutAgrajaH | mahApAtakyapi janaH paThennAmasahasrakam || 140|| ChittvA merusamaM pApaM bhuktvA sarvasukhaM tviha | parAtparaM mahArAja golokaM dhAma yAti hi || 141|| shrInArada uvAcha \- iti shrutvAchyutAgrajasya baladevasya pa~nchA~NgaM dhR^itimAn dhArtarAShTraH saparyayA sahitayA parayA bhaktyA prADvipAkaM pUjayAmAsa | tamanuj~nApyAshiShaM datvA prADvipAko munIndro gajAhvayAtsvAshramaM jagAma || 142|| bhagavato.anantasya balabhadrasya parabrahmaNaH kathAM yaH shR^iNute shrAvayate tayA.a.anandamayo bhavati || 143|| idaM mayA te kathitaM nR^ipendra sarvArthadaM shrIbalabhadrakhaNDam | shR^iNoti yo dhAma hareH sa yAti vishokamAnandamakhaNDarUpam || 144|| iti shrIgargasaMhitAyAM balabhadrakhaNDe prADvipAkaduryodhanasaMvAde balabhadrasahasranAmavarNanaM nAma trayodasho.adhyAyaH || ga\. saM\. adhAya 13|| ## Garga Samhita, Balabhadrakhanda, Adhaya 13 Encoded by Vishwas Bhide http://satsangdhara.net/ Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}