% Text title            : Shri Bhashyakara Mangalam
% File name             : bhAShyakAramangalam.itx
% Category              : deities\_misc, stotra, gurudev, mangala
% Location              : doc\_deities\_misc
% Proofread by          : Aruna Narayanan
% Description/comments  : Ramanujastotraratnavali, Ramanuja Sampradaya. (Prayer to Shri Ramanujacharya)
% Latest update         : December 25, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhashyakara Mangalam ..}##
\itxtitle{.. shrIbhAShyakArama~Ngalam ..}##\endtitles ##
shrIvAdibhIkaragurubhiranugR^ihItaM
          || shrIH ||
    || shrImate rAmAnujAya namaH ||
   || shrIvAdibhIkaragurave namaH ||
shrIparA~NkushapAdAbjasurabhIkR^itamaulaye |
shrIvatsachihnanAthAya yatirAjAya ma~Ngalam || 1||
nAthapadmAkSharAmAryapAdapa~Nkajasevine |
sevyAya sarvayaminAM yatirAjAya ma~Ngalam || 2||
pUrNAya pUrNakaruNApAtrAyAmitatejase |
mAlAdharapriyAyAstu yati rAjAya ma~Ngalam || 3||
saMsevya yAmunAchAryamekalavyosmyahaM guroH |
ityevaM vadate nityaM yatirAjAya ma~Ngalam || 4||
shrIkA~nchIpUrNamishroktarahasyArthavide sadA |
devarAjapriyAyAstu yatirAjAya ma~Ngalam ||
shrImadgoShThIpurIpUrNadivyAj~nAM kurvate mudA |
shlokAryaM gR^ihNate tasmAt yatirAjAya ma~Ngalam || 6||
kUreshakurukAnAthadAsharathyAdideshikAH |
yachChiShyA bhAnti te tasmai yatirAjAya ma~Ngalam || 7||
charamashlokatattvArthaM j~nAtvAryAj~nAM vila~Nghya cha |
dishate taM svakIyebhyaH yatirAjAya ma~Ngalam || 8||
shrIshailapUrNakR^ipayA shrIrAmAyaNamarthataH |
bhaktyA yena shrutaM tasmai yatirAjAya ma~Ngalam || 9||
sha~NkarAdikudR^iShTInAM bAhyAnAM nidhanAya cha |
shrIbhAShyaM kurvate tasmai yatirAjAya ma~Ngalam || 10||
kurvannupaniShadbhAShyaM jagadrakShAM karoti yaH |
dAyAyAH paratantrAya bhAShyakArAya ma~Ngalam || 11||
dramiDopaniShadvyAkhyAM kAlayeti kR^ipAbalAt |
shAsate kurukeshaM taM bhAShyakArAya ma~Ngalam || 12||
gatvA tu shAradApIThaM vR^ittiM bodhAyanasya cha |
avalokyAgatAyAstu bhAShyakArAya ma~Ngalam || 13||
paramANumR^iShAvAdivAdasaMhArakAriNe |
tasmai bhagavate shrImadbhAShyakArAya ma~Ngalam || 14||
shrImatkura~NgapUrNAya shrIbhAShyaM vadate svayam |
pitre sampatsutasyApi bhAShyakArAya ma~Ngalam || 15||
dattvA vR^iShagirIshasya sha~Nkhachakre ramApateH
paramaprItiyuktAya bhAShyakArAya ma~Ngalam || 16||
sannyAsaM kurvate kA~nchyAmanantasarasItaTe |
varade nyastabhArAya bhAShyakArAya ma~Ngalam || 17||
shrImanmahAbhUtapure shrImatkeshavayajvanaH |
kAntimatyAM prasUtAya yatirAjAya ma~Ngalam || 18||
sheSho vA sainyanAtho vA shrIpatirveti sAttvikaiH |
vitarkyAya mahAprAj~naiH yatirAjAya ma~Ngalam || 19||
prakR^iShTaguNapUrNAya prApyAya svA~NghrisevinAm |
prapannasArthavAhAya yatirAjAya ma~Ngalam || 20||
vedAtmakapramANena sAttvikaishcha pramAtR^ibhiH |
prameyeNa saha shrImAn vardhatAM yatishekharaH || 21||

iti shrIvAdibhIkaragurubhiranugR^ihItaM shrIbhAShyakArama~NgalaM sampUrNam |

 || shrIvAdibhIkaragurave namaH ||
##
Proofread by Aruna Narayanan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}