% Text title            : Charucharya
% File name             : chArucharyA.itx
% Category              : deities\_misc, gurudev
% Location              : doc\_deities\_misc
% Author                : subrahmaNyashAstri
% Proofread by          : Ravi Venkatraman
% Description/comments  : Bhakta Kusumanjali  Handful of Devtional Flowers on the Occasion of the Shri Chandrashekara Nakshatramahotsava (1912-1938) of Sri Chandrasekhara Bharati Swami of Sringeri
% Latest update         : October 17, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Charucharya ..}##
\itxtitle{.. chArucharyA ..}##\endtitles ##
shrIsadgurucharaNAravindAbhyAM namaH ||
jADyaM dhunoti jagatAM shubhamAtanoti
     chetaH prasAdayati mohamapAkaroti |
praj~nAM dadAti janimR^ityubhayaM nihanti
     kiM kiM na sAdhayati sadgurusevanaM naH || 1||
valgusmitadyutimukhendusudhArasArdra\-
     vAchA vashIkR^itabudhapravarastutAya |
shrIchandrashekharayatIndragurUttamAya
     sattvaikatAnahR^idayAya namaH parasmai || 2||
vAchaspatiH prathamavAchi kaNAdashAstra-
     niShNAtadhIrubhayatantrarahasyavettA |
svAyattasAMkhyavivR^itiH kavisArvabhaumaH
     shrIchandrashekharagururjayatAddharitryAm || 3||
vishvaprasiddhavibudhAgryakulaprasUteH
     prAdhItasarvanigamAgamasAravettuH |
shrIchandrashekharagurordinachArucharyA
     dR^iShTashrutArthaviditAmiha varNayAmi || 4||
anAdyavidyAkaluShIkR^itAnAM
     vichinvatAM prAksukR^itena shAntim |
yaH prAdurAsInmanasaH prasAdaH
     kutUhalAttaM vinivedayAmaH || 5||
tu~NgAtaTe tu~Ngatara~NgamAlA\-
     samplAvitAnokaharAjiramye |
adrAkShma kausumbhapaTIM vasAnaM
     rudrAkShamAlAparishobhikaNTham || 6||
bhasmatripuNDrojjvalabhAladeshaM
     chinmudrayAla~NkR^itapANipadmam |
mandasmitodAramukhaM svakIya -
     tejobhirAvarjitalokanetram || 7||
bhUteShu pa~nchasvanubhUyamAna\-
     guNAnavidyAkalitAnvibhAvya |
udAsitAraM viShayeShu tattva\-
     mAtmAnamAtmanyavalokayantam || 8||
dayArdramantaHkaraNaM svakIya\-
     mAlokamAtreNa nivedayantam |
kAmAdiShaDvargajayapramoda\-
     sudhArasAsvAdananirvikAram || 9||
durdarsharUpaM duritAnuSha~Ngai\-
     rupAsyamAnaM sukR^itAntara~NgaiH |
nitAntasantoShabhR^idantara~NgaM
     maitryAdichetaHparikarmasiddham || 10||
praNamya bhaktyA yatipu~Ngavasya
     pAdAmbujAtaM sukR^itaikalabhyam |
taddarshanaireva kR^itArthabhAva -
     mAsvAdya saMmodamupeyuSho naH || 11||
nisargavAtsalyamanohareNa
     kaTAkShapAtena vilokya harShAt |
kShemasya yogasya vichArapUrva\-
     mAnandayAmAsa nitAntamasmAn || 12||
        bodhacharyA |
prasa~NgatosmAnvininIShureta |
     dupahvare prAha dayArdrachetAH |
naisargikI tasya hi bodhacharyA
     paropakAravratino mahAntaH || 13||
na jAtireShA vyavahArahetu\-
     ridaM gurutvaM na cha shiShyatA vA |
hitopadeShTTtvaphalaM gurutvaM
     gurUktivishvAsaphalA hi shiShyatA || 14||
saMsevitA sadgurukalpavallI
     phalatyavashyaM chaturaH pumarthAn |
kAmAn pradugdhe guruvaryasUkti\-
     ratIndriyArthAvagatau pramANam || 15||
sukhabhramAdaihikakarmajAlaM
     tanoti vidvAnapi duHkhahetum |
nirvedamAyAti na chaiva loko
     moho mahIyAn vikaroti puMsaH || 16||
asaktachitto viShayeShu nityaM
     dharmAshramAchAravidhUtapApaH |
parAtparaM sha~NkaramarchayaMshcha
     punAti lokaM labhate cha mokSham || 17||
vichArapUrva viShayeShu vidvAn
     doShAnuSha~NgaM manasA vibhAvya |
shanairviraktiM pratipadya shAntaH
     pumarthalAbhAya yateta bhUmau || 18||
dehendriyaprANamanomukheShu
     na chAtmatA yeShu mamatvabud.hdhyA |
duShTo hi loke vyavahAra eSha
     kiM cha prasiddherna vivitsikA syAt || 19||
ebhyo vibhinnAtmavichArayogA\-
     dvishiShyate martyajaniH pashubhyaH |
apArasaMsAramahAbdhimagno
     na chaiva tachchetayate jano.ayam || 20||
anekajanmArjitamohapa~Nko
     na chaikadA yadyapi shuddhimeti |
gurUpadeshAmalavAridhauto
     vishudhyati prAktanapuNyayogAt || 21||
jAnImaH kalidoSheNa mithyAdR^iShTihatA dvijAH |
AtmashreyAMsi nekShante kutarkahatabuddhayaH || 22||
prashastatIrthasa~njAtA api rAjasavR^ittayaH |
doShAkarapraNayinaH kairavaprakarA iva || 23||
pArINAH sarvashAstreShu dhurINAH sarvakarmasu |
anAtmanInAshcheShTante yathAkAlInamAnasAH || 24||
kadadhvanInA naiva syurbahubha~NgabhramA api |
sAdhavo.agAdhahR^idayA guNaratnaughasindhavaH || 25||
bhramolla~NghitamaryAdA nityamutpathagAminaH |
dharmasetUnvibhindanti kupUrA iva durjanAH || 26||
sarvashAstrArthatattvaj~nA vayameveti vAdinaH |
santyAtmanInavij~nAnakushalA durlabhA bhuvi || 27||
idaM duShTamayaM doSha iti jalpanti vAgminaH |
svAj~nAnadoShavij~nAne kiM suptAH kimu mUrcChitAH || 28|| 
khalaH snigdho vikurute prakShubdho bAdhate bhR^isham |
lAlito leDhi shunako dantairdashati kopitaH || 29||
sadbhiH saMvAsashIlAnAM sattvaM sa~njAyate nR^iNAm |
ghanasArAnuSha~NgeNa sugandhi salilaM bhavet || 30||
atIndriyArthavij~nAne gurureva vilochanam |
yena hInA na pashyanti jAtyandhA iva darpaNam || 31||
prAj~nopaj~nAH sadAchArAH prAj~nA lokahitepsavaH |
hitaM cha sarvadA pathyaM pathyabhoktA na hIyate || 32||
vichikitsA kuto varNAshramadharme mahIyasi |
AchAmaM yAchamAnasya kutaH pAkavichAraNA || 33||
phalAnyananusandhAya shraddhAdeyI bhavAdhunA |
karmAnurUpaphalado bhagavAnna hi matsarI || 34||
pravAsasukhapAtheyaM draviNenAtra labhyate |
pAralaukikapAtheyaM dharmamUlyena sAdhyate || 35||
katyagrahIShaM janmAni setsyanti kati vA puraH |
eShA.ayavyayasaktasya tirobhUtA vichAraNA || 36||
sattvasaushIlyapAramyaparituShTo jitendriyaH |
varivasyAvishuddhAtmA chaturvargaM samashnute || 37||
pa~nchayaj~naparA duShTaviShayeShu gataspR^ihAH |
paramArthaM vichinvAnAH shreyaH paramavApsyatha || 38||
           kriyAcharyA |
AsAyamitthaM paribodhya shiShyAn
     vidhitsurarchAM paradevatAyAH |
snAtvA vidhAyAhnikamAdareNa
     shrIchakrarAjasya samIpamApa || 39||
ratnapradIpA~NkurabhAsamAne
     prasUnamAlAstR^itaratnapIThe |
nidhAya chakreshvaramarchayitvA
     sthirAsano japyamasau jajApa || 40||
chatvAri chakrANi shivasya shakteH
     pa~ncha prapa~nchasthitisAdhanAni |
teShAmabhedena vidhAya pUjA\-
     mAnarcha bindau lalitApadAbjam || 41||
prasUnamantrAkShatadugdhasekaiH
     saurabhyavibhrAjitadhUpadIpaiH |
mAtraShTakAdyAvaraNAntapUjAM
     vidhAya santarpya baliM vyatAnIt || 42||
kR^itvA chatuHShaShTyupachAramantaH
     prasAdya devIM lalitAM hR^idabje |
mantrArNachakreshvarayorabhedaM
     svAtmanyabhedaM cha tayonidadhyau || 43||
anusavanamapItthaM bhaktiyogaikagamyAM
     vidhivihitasaparyAcharyayA chArchayitvA |
hR^idi vinihitadevIpAdapadmAnuSha~NgA\-
     tparigataparamAnandachetA babhUva || 44||
           guNacharyA |
autpattikI sujanatA dR^iDhabhaktiyogo
     mA~NgalyamArjavamaviplutanaiShThikatvam |
sambhAvitA bhuvanasaMvananA guNAshcha
     yogeshvarasya bhuvane kimasAdhyamasti || 45||
           bhakticharyA |
archAvasAnasamaye hR^idaye maheshaM
     dhyAtvA pramodarasapUranimagnachetAH |
AnandabAShpabharagadgadaruddhakaNTho
     bhaktiprakarShapulakodga mavR^ittirAste || 46||
           samayacharyA |
tu~NgAtara~NgashishirIkR^itasaikatAnta |
     rAvishya shiShyaparimaNDalamadhyavartI |
saMshrAvayannigamamaulivinishchitArthaM
     kAlaM vyanInayadasau yamisArvabhaumaH || 47||
           prasAdacharyA |
svapnAvabodhasamayeShu vachassavitrI
     devI nisR^iShTanikhilArthasakhIva yasya |
kartavyatAM samupadishya satAM hitAya
     saMsAdhayAM sukaramAsa chatuHpumarthAn || 48||
           pratibhAcharyA |
dR^iShTaM shrutaM yadapi ki~nchidavastu vastu
     kAle gate.api chirasaMstutavadviditvA |
saMsmArayatyavitathaM nijayogashaktyA
     tatprAtibhaM nayanamanyajanairdurApam || 49||
           dAnacharyA |
kalpadrumastu bhajatAmabhivA~nChitAni
     dugdhe kR^itAntabhayadarshananIrasAni |
so.ayaM smR^ito vitarati pratibhItishUnyA\-
     nyAnandasamplavarasottaravaibhavAni || 50||
           j~nAnacharyA |
sopaplavAn viShamayAnviShayAnudIkShya
     nityapramodamanivAritamaprameyam |
     saMvinmayaM kimapi chintayati prakAma
     mAdhyAyati svayamapAstasamastabhedam || 52||
           virakticharyA |
suravarabhavane vA raurave vA kva vA syA-
     jjaniriha bhavataH kiM tyaktasarveShaNasya |
hR^idayagurupadAbjaM chintayannAtmanInaM
     niravadhikasukhAbdhau sAmarasyaM prayAhi || 53||
edhiShIShTa chiraM shrImajjagadgururudAradhIH |
edhiShIran janAH sarve tatpAdayugalAshrayAH || 54||
asti karNATeShu pravarShukAmbhodharamAlAmeduranabhovibhAgaH,\,
vividhauShadhalatAsantAnabahulAraNyaparivR^itaprAntaraH\, sarvasampanni-
ketanaM\, shAdvalaH\, pa~Nkilo.anUpavAn\, vrIhipAlitaH\, shR^i~Ngagiri-
sa.nj~nito bhuvo vibhAgaH . yashcha nitarAM praNiyatyantarAtmAnaM\,
sampannasasyatayA\, nisargaruchiratayA\, prashAntapAvanatayA\, janma\-
bhUmitayA tu~NgabhadrAyAH\, prashAntaniketanatayA vibhANDakAdi-
mahAmunInAM\, krIDAgAratayA shrIshAradAvilAsAnAM\, kosha-
bhavanatayA prakR^itisaundaryANAm . yasminnAjAnapAvane\, nirvairapra-
shAntatapovane, shrImacCha~NkarabhagavatpAdapratiShThApitAdvaitavyAkhyA\-
nasiMhAsanamAdhitiShThan sumasamayasamudIyamAnakusumAvalI\-
syandamAnamarandadhArAdhoraNImadhurimAdharIkaraNachaNavAgvaibhavaH\,
nikhilAvanIpAlamakuTataTaratnanIrAjitacharaNayugalaH\, nirmaryA\-
dAtipravR^iddhadurmatadurmanAyamAnasajjanasharmanirmANakArmaNaH\, naisa\-
rgikatayAnugR^ihItasakalalokaH\, nigamoddharaNadhR^itamatsyarUpahari\-
riva sa~NgR^ihItasatyavrataH\, rAkAshashA~Nka iva sutArAtitulyarUpaH\,
vasantasamaya iva sumahitaviprasavollAsanapaTuH\, bAdarAyaNa iva
pratipAditadharmavijayaH\, shatakraturiva parichitashatakoTiprashami\-
tasatpratipakShavivAdaH\, rAjakoshagR^ihA iva dInArAtipoShaNa\-
kushalaH\, ratnapradIpa ivAnAddR^itaviShaya snehaH\, Chandovichitiriva
yatigaNaguNara~njitaH\, naTarAja iva sandhyAbhrapaTasaMvItatanuH\,
grIShmasamaya iva purovirAjitAShADhaH\, shailasutApraNayavilAsa
iva karavidhR^itarudrAkShaH, mahArAjabhavanamiva mahAvibhUtibhU\-
ShitaH\, parityaktasarvAshAvigraho.api samAshritadakShiNAshAvi\-
grahaH\, vItAkhilatR^iShNo.api guNigaNArjanaikatAnatR^iShNaH\, vA\-
gmipravaro.api paraparIvAdaiDamUkaH\, apArasArasvatavArAnnidhi\-
rapi bhramabha~NgarahitaH\, goptA dharmakoshasya\, AdhAraH shAstrasaM\-
tateH\, nivAso vAtsalyasya\, vihArabhUmirguNagaNasya\, kulabha\-
vanaM pratibhAyAH\, krIDAgAraH saujanyasya\, ekAshrayaH shAradA\-
mbAprasAdAnugrahasya\,
shrImajjagadgurupaTTabhadrashrImacchandrashekharabhAratI
vijayatAM dharAtale ..
A saptaviMshaparivatsaramUrjitashrI\-
     rvyAkhyAnabhadraruchirAsanamAsthitaH san |
AmnAyamauliparatattvamapIpalabdhaH
     shrIchandrashekharagururjayatAcchirAya ||
adhItiH sAhitI yasya vinetA shrIjagadguruH |
subrahmaNyasya kR^itiShu chArucharyA prasAdhitA ||

iti shivamoggAnagarastha paNDita subrahmaNyashAstriNA virachitA chArucharyA samAptA |

(maisUr\-saMsthAna shivamoggAnagarastha paNDita subrahmaNya\-
shAstriNA virachitA)
##(Author: Brahmasri Pandit Subrahmanya Sastri, Shimoga, Mysore.)
In a poeM of fifty-four verses, the daily life of His Holiness
Sri Chandrasekhara Bharati is described. Emphasis is laid on
the catholicity of the Master who is ever ready to advise and
teach all those who are sincere in their quest, irrespective
of their personal attachments to particular religions or creeds. ##

##
Proofread by Ravi Venkatraman

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}