% Text title            : Shri Chandrashekhara Nakshatramala
% File name             : chandrashekharanakShatramAlA.itx
% Category              : deities\_misc, gurudev
% Location              : doc\_deities\_misc
% Author                : veNkaTeshashAstri
% Proofread by          : Ravi Venkatraman
% Description/comments  : Bhakta Kusumanjali  Handful of Devtional Flowers on the Occasion of the Shri Chandrashekara Nakshatramahotsava (1912-1938) of Sri Chandrasekhara Bharati Swami of Sringeri
% Latest update         : October 17, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chandrashekhara Nakshatramala ..}##
\itxtitle{.. shrIchandrashekharanakShatramAlA ..}##\endtitles ##
shrImachChR^i~Ngagirau mahAmahimani pradyotamAne maThe
     nityaM sannihitAM hitAM praNamate shrIshAradAmbAM tathA |
prakhyAtaM bhuvi chandramaulivachasA li~NgaM samArAdhayan
     saMlIno mudi chandrashekharagurupraShTho vibhAti sphuTam || 1||
matpUjyastviti bhAvanA samudiyAllokasya yaddarshanAd
     gambhIrairmR^idubhiryadIyabhaNitairmandasmitopaskR^itaiH |
shrotrantaHkaraNaM shilopamamapi preyAnmR^idutvaM dhruvaM
     nityaM nR^ityatu me manomadhukarastatpAdapadmadvaye || 2||
chaNDatvAkhyA na vR^ittirmanasi samudiyAdyasya sattvapradhAne
     sarve kAmAH samantAdvashamupagamitA yaM vijetuM pravR^ittAH |
vairAgyAkhyAtsvakIyAtsudR^iDhatarabhaTAdviklabaM hanta yAtA
     dhAvatsUktaM japanto vilayamupagatA janma naiva prayAyuH || 3||
draDhimA vasativihIno mano.antare yanmAnasara~Nge hi |
nR^ityati tata eva sukhaM nityaM yaH shrIgururanubhavati sadA || 4
sheSho.api yasya shamadAntimukhAnguNAnnu
     na dhyAtumapyalamiti pratiyanti sarve |
vAchaspatiH khalu matau na mataM tadIyaM
     yashchehate nanu tathApi vichitrametat || 5||
khavR^IndaM vyAvR^ittaM viShayachayato yasya cha guroH
     sadA nirvyApAraM tata iha mano bAhyaviShayAt |
nivR^ittaM chaikAgraM paramapadavIM hA sukhamayIM
     spR^ishadbuddhAvasthaM layamupagataM svAtmAni pare || 6||
rahasi vasatiryasya premAspadaM na janAkule
     shrutirapi tathA.a.achaShTe dhyAnotsukAnyatinaH prati |
ayamapi gurushvAsupnerAmR^iteriti vAkyavi \-
     tpravitatamiha dhyAnAsaktaH samasti na saMshayaH || 7||
bhAvaM bhAvaM paramapadavIM tattvasAkShAtkR^itiM yaH
     saMpadyA.aste na khalu vishayo.atretyahaM prabravImi |
jIvanmuktaH kShapayati paraM nUnamArabdhakarma
     chChAndogyasthaM pravadati tathA tasya tAvadvacho hi || 8||
ratvA brahmaNi nityatR^iptimanishaM yo.asau mahAdeshikaH
     prApto.ato na hi ki~nchidasti saphalaM kArye paraM yadyapi |
\ldq{}saktAH karmaNi\rdq{}padyavittu tadapi svAmyarchanAdyAH kriyAH
     kurvannasti hi lokasa~Ngrahamaho kartuM sadA protsukaH || 9||
tIkShNA buddhiryadIyA kaThinanayashilAM sphoTayatyeva nUnaM
     vAkyArthoktiH sabhAyAM prachakitamanasaH kovidAnsaMvidhatte |
prashnAnshAstre yadIyAnanitarasulabhAnyaH samAghAtumIShTe
     tAddrAnvidvAnna chAbhUnna hi bhavati tathA no bhaviShyatyavanyAm || 10||
svAdhInA maNidIdhitiprabhR^itayo granthAshcha gAdAdharI
     nR^ityantI bahudhA pariShkR^itiyutA yatkaNThara~Ngasthale |
tasmAdeva mahAnsudeshikavaro vidvatsabhAyAM naye
     tarkAkhye vidadhAti vismayakaraM shArdUlavikrIDitam || 11||
mithyAtvaM jagataH suyuktijaTilAH yadvAgjharIH shA~NkarIH
     lokAnAM spR^ishatAM prabhAti sutarAM tadbhAlyarUpe sadA |
ga~NgAsrotasi majjanaM vidadhataH shrIdeshikendraprabhoH
     svAntAntarmalameva nAsti paramAnandaH samasti prabhAn || 12|| 
yogIndro.ayaM bhave prAchyadhigatanigamaM saMsmaranneva bAlye
     \ldq{}AchAryAddhaiva vidyA\rdq{} shrutivachanavashaH sadgurornyAyashAstram |
shrImatprasthAnavidyAmapi cha paThitavAnjaiminIyaM nayaM cha
     shAbdIM vidyAmavaitIti kathamaparathA tAdR^IshI vaiduShI syAt || 13||
girIshaH sadbhAShyaM vyatanuta purA sha~NkaramahA\-
     .avatAraM prAptaH sannaparathayituM bhAShyahR^idayam |
janaM j~nAtvodyuktaM punarapi mahAdeshikatayA\-
     vatIrNo niShkR^iShTAmavagamayituM bhAShyasaraNim || 14||
pAThanarItiryasyA.avitarasulabheti tachChiShyatAM prAptAH |
AchakShIran sudR^iDhaM tadviShaye sAkShibhUto.aham || 15||
dakSho.asau viShayopapAdana iti shrutvA kalArthivrajAH
     shIghraM shR^i~NgagiriM sametya sahasA yachChiShyabhAvaM gatAH |
yachChaktiM mahatImaho pravachane dR^iShTvA gatA vismayaM
     pUrvaM yAvagatirgurau pramititAM tasyAM hi nishchinvate || 16|| 
tattAdR^ikShe sachchidAnandavilAsamandironityam |
shuddhAnpUjyAnmantrAnjApaM jApaM nityasukhe lagnaH || 17||
lagati satataM svAntaM shuddhe paramAtmani yasya tu
     vyavahR^itirapi shreShThA gItoditasthitadhIsamA |
ashanavasanapraShThAnhetUnsharIraparisthite\-
     rne gaNayati yaH prArabdhA.a.akhyA kR^itistu nayediti || 18|| 
jAne.ahaM yatirADasAvuparataH pratne bhave santataM
     yogAbhyAsarato mR^itastvaniyatAtprArabdhakarmakShayAt |
nApto yogaphalaM cha kR^iShNavachanaprAmANyato yoginAM
     vaMshe jAta iti dhruvaM hyaparathA tvevaMvidhaH syAtkatham || 19||
vidhyaikadeshamapi yatsavidhAdanAptvA
     yatsannidhisthitimahaM samupeta eva |
dhanyaM svakaM dhruvamaho satataM vijAnan
     katthe khalu praviduShAM savidhe sadA mAm || 20||
jaya jaya deshikavarya darshanamAtreNa janAnprINayasi |
bhAvatkapAdanalinaM macchitte bhAsatAM satatam || 21||
yaM putraM prApya vidvAnsvakR^itasukR^itataH prAgbhave gopashAstrI
     lakShmyambAkhyA satI cha dhruvamamitamudaM prApya chetthaM jagatyAm |
prakhyAtiM prAptavantau sujanisaphalatAM yAtavantAvimau dvau
     prAchIne janmanImAvatisukR^itavayaM sAdhvakArShTA subhaktyA || 22||
te vidvAMsaH sukR^itipuruShA janmasAphalyavantaH
     shAstrAmbodheH sutaraNaphalaM nityamAsAdayantaH |
ye.amI nityaM sahanivasatiM deshikendreNa shAstre
     vAdAkhyAM cha pravitatakathAM kurvate modamAnAH || 23||
taddeshikasvAmiguroH samAsItpitAmahaH paNDitatallajo hi |
shabdAdishAstre guruvaiduShI cha tato.abhavaddhetusamaM hi kAryam || 24|| 
mAM bhAti chaivaM yatibhAvayuktaH
     santyajya gehaM paridhAvatIti |
sarvAn janAn bodhayituM munIndraH
     sa.nnyAsamApnotparidhAvivarShe || 25||
sa hyArtAnAM surakShAniyamanavidhinA nAshayannArtivR^indaM
     jij~nAsubhyashcha mokShapradamatijanakaM shAstramadhyApayanhi |
arthArthibhyo yatheShThaM dhanavitaraNataH sveShTavastu prayachChan
     j~nAnibhyo j~nAnaniShThAmatisudR^iDhatarAM sandadadbhAti nityam || 26||
dAtavyA brahmavidyA hyupasadanavidhiM pAlayadbhyo janebhyo
     matvetthaM deshikendro yativaranikarAnpAThayansUtrabhAShyam |
ambAyAshchandramauleH paricharaNavidhau vyagratAM deshikasya
     prekShaM prekShaM samartho manasi samuditaM vismayaM no niyantum || 27||
nakShatramAlAM bahuvR^ittashobhAM sa.nnyAsavarShapramitAM tu sa~NkhyAm |
prAptAM kR^itAM bhaktivashAtsuvR^ittAM shrIve~NkaTesho gurave.arpayAmi || 28||

iti shrIve~NkaTeshashAstriNA virachitA shrIchandrashekharanakShatramAlA samAptA |

(be~NgalUra shrIsha~NkaramaThamahApAThashAlAdhyakSheNa paNDitavareNa\-
ve~NkaTeshashAstriNA virachitA)
## Brahmasri Venkatesvara Sastrigal, Principal,
Jagadguru Vidyasala, Sankara Mutt, Bangalore.)
An exquisite garland of twentyseven verses commemorative of
the Pontificate of His Holiness wherein the first letter of
each of the verses is culled successively from the Mahamantra :-##
\ldq{}shrImat chandrashekharabhAratIsvAmiyogipAdatalajAH vijayante tamAM sadA\rdq{}
##

Proofread by Ravi Venkatraman

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}