% Text title            : chandrashekharendrasarasvatIpanchapanchAshatkastotram
% File name             : chandrashekharendrasarasvatIpanchapanchAshatkastotram.itx
% Category              : deities\_misc, gurudev, panchAshata
% Location              : doc\_deities\_misc
% Author                : Kavi Kokila Dr. V. Raghavan
% Proofread by          : Aruna Narayanan
% Translated by         : in Tamil Dr. V. Raghavan
% Source                : From the Archives of Dr. V. Raghavan Centre For  Performing Arts (Regd.)
% Acknowledge-Permission: Copyright Dr. V. Raghavan Centre For  Performing Arts (Regd.)., Chennai-20, Smt. Nandini Ramani, http://www.drvraghavancentre.com/
% Latest update         : January 15, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chandrashekharendra Sarasvati Panchapanchashatka Stotram ..}##
\itxtitle{.. shrI chandrashekharendrasarasvatI\-pa~nchapa~nchAshatka\-stotram ..}##\endtitles ##

shrIchandrashekharAchAryashekharAya namo namaH |
namaH sha~NkarasantAnasudhAmbudhisudhAMshave || 1||
mahAdevendrahastAbjasa~njAtAya namo namaH |
kA~nchIshrIkAmakoTyAkhyapIThAdhIshAya te namaH || 2||
mahAtripurasundaryAH chandramaulIshvarasya cha |
santatArAdhanAnandanirbharAya namo namaH || 3||
namassatyavratakShetranivAsarasikAya te |
kAmAkShyekAmranAtheshasAkShAtkAravate namaH || 4||
mahAdevIhastigirinAthasAnnidhyayogine |
namo, namaH shivAsthAnasthAnaikAntyapriyAya te || 5||
namo.advaitamatavyAkhyAsiMhAsananR^ipAya te |
ShaNmatopAsanAbhaktimArgajIvAtave namaH || 6||
vedoddharaNamatsyAya kUrmAyAmR^itadAyine |
lokoddhAravarAhAya narasiMhAya te namaH || 7||
namaH prapannaprahlAdavardhakAdbhutamUrtaye |
yaj~nAcharaNatuShTAya kumArabrahmachAriNe || 8||
tejasA krAntalokAya tIrthapAdAya te namaH |
guNAbhirAmarAmAya dharmAnugrahakAriNe || 9||
yogatrayopadeShTre te buddhAya karuNAdR^ishe |
kalidoShaharAyAstu puruShottama te namaH || 10||
namo nArAyaNasmR^ityA nArAyANamayAya te |
shrIchakriNe sugadine sudarshanavirAjine |
nandakAya namaste.astu sha~NkhatIrthapradAya cha || 11||
namaH shivAya chandrArdhashekharAya namo namaH |
bhavAya bhavanAshAya shambhave cha mayobhuve || 12||
dakShiNAmUrtaye maunachChinnasaMshItaye namaH |
sha~NkarAya namaH kAmajite kAlajite namaH || 13||
namo mR^iDAya te sarvama~NgalAlaya te namaH |
saumyIkR^itabhuja~NgAya mAntrikAyAstu te namaH || 14||
AshritAbhIShTavarada sahakAraparAyaNa |
chidabhralIla tyAgesha jyotirUpa rasAtmaka || 15||
AshritaprANa saMsArarogavaidyesha te namaH |
bhaktaprasAdasya kR^ite bhikShATanakR^ite namaH || 16||
bhaktapApaviShAshAya vR^iShArUDhAya te namaH |
annaprANamanorUpatripurAtIta te namaH || 17||
sannyAsigaNanAthAya svAminAthAya te namaH |
shrIshivAsthAnayAthArthyakR^ite tatsthiravAsine || 18||
shrIchandrashekharaikAtmyAt chandrashekhara te namaH |
nama indra paraishvaryAt vaikharyA cha sarasvatI |
tattvAtattvakShIranIravivekaparahaMsa te || 19||
atraye triguNAtItabrahmaniShThAya te namaH |
AnandabrahmavidyAyA guro te bhR^igave namaH || 20||
prapa~nchamAyAkutsAya kutsAyAstu namastava |
vasiShThAya namaste.astu rAghavasya gurostava || 21||
shatAnandaprasUteste gautamAya namo namaH |
dakShiNAshAgurushreShThakumbhajAyAstu te namaH || 22||
shrutismR^ityadhvagurave yAj~navalkyAya te namaH |
mokShAghvasAdhanIbhUtavINAvAdanavedine || 23||
namo vAlmIkaye tubhyaM rAghavakhyAtidAyine |
vyAsAya bhAratakhyAtamahimne te namo namaH || 24||
brAhmyA sthityA bhAgavatamahimotkIrtanena cha |
devyA cha lAlitatvena shukastvamasi te namaH || 25||
jaimine vedasaMrakShin brahmavid bAdarAyaNa |
guNAguNaj~na kapila yoganiShTha pata~njale || 26||
nyAyavAdinnakShapAda visheShAbhij~na kAshyapa |
nama AgamashAstraj~nasampradAyAnuyAyine || 27||
govindabhagavatpAdasmR^ititAdAtmyashobhine |
vivekachUDAmaNaye sahasramupadeshine || 28||
manIShiNe samadR^ishe dakShiNAmUrtaye namaH |
maNDanAya brahmavidyAmaNDanAyAstu te namaH || 29||
naiShkarmyasiddhisa.nphullamAnasollAsa te namaH |
sachChiShyasa~NghasharaNapadmapAdAya te namaH || 30||
hastAmalakavad brahmatattvasAkShAtkR^ite namaH |
namo.astu te vimuktAtman vyAkhyAvAchaspate tava || 31||
bhaktakalpataro tubhyaM chitsukhAnubhavin namaH |
yashaH parimalAkR^iShTabhaktabhR^i~NgAlaye namaH || 32||
vidyAraNya namaste.astu jIvanmuktiprakAshaka |
advaitasiddhimUlAya madhusUdana te namaH || 33||
tatatprasiddhakShetreShu nirmitAni yadAj~nayA |
sashiShyasha~NkarAchAryamandirANi namo.astu te || 34||
paShTyabdapUrtikalavaivedanidhyAdisa.ngrahaiH |
parikShAmAnadAnAdyairniyamAdhyAyapoShiNe || 35||
luptashAkhAsamuddhartre vedamelanakAriNe |
vedAdhyayanashAlAnAM sthApakAyAstu te namaH || 36||
vedadharmaparipAlasabhAsaMsthApakAya te |
dharmaj~navirudadvArA smArtasaMrakShakAya te || 37||
yena saMskR^itabodhArthaM sthApitA.amarabhAratI |
parIkShAH pAThashAlAshcha tasmai dIrghadR^ishe namaH || 38||
jIrNoddharaNakumbhAbhiShekaprotsAhanaimuhuH |
devAlaye janashraddhAM vardhayitre namo.astu te || 39||
godAmaNivachomArgashIrShagAthArthamelanaiH |
shaivavaiShNavasauhArdapoShakAyAstu te namaH || 40||
dharmAchAryakapIThAnAM samudAyasamAgamaiH |
aikamatyena dharmANAM prachArapathadarshine || 41||
kAmakoTIkoshamAlAdvArA nAnAstavAvalIH |
sadrAviDAnuvAdAste prakAshitavate namaH || 42||
vedAntanyAyamImAMsAvidvadvAkyArthamAnanaiH |
nAnAmatIyavaiduShyavardhayitre.astu te namaH || 43||
vyAsAgamakalAtantrajyotirvittamamelanaiH |
jIryatAM sa.npradAyAnAM jIvanauShadha te namaH || 44||
daridrakanyakodvAhasAhyArthanidhidAyine |
shrIrAmajayalekheShu janotsAhapuShe namaH || 45||
annakArshyanivR^ittyarthaM muShTishAlivyavasthitiH |
dR^iShTA yena sadollAsipratibhADhyAya te namaH || 46||
vaidyashAlAsu rugNAnAmAshvAsArogyahetave |
bhaktAn prasAdadAnAya sa.npreritavate namaH || 47||
kArAgR^iheShu baddhAnAmutsavAdiShu hR^iShTaye |
satsmR^ityai bhakShyadAnAdi prachoditavate namaH || 48||
tejonidhe kalApUrNa budha saumya guro kave |
sthira sarvagrahAkAra tejomaNDalabhAsura || 49||
lalitAsatatopAstikAlidAsa namo.astu te |
bhavabhUtilasadgAtra bhArave brahmatejasA || 50||
mAgha sarvAgharahita muktishrIharShanirbhara |
shrIkAmAkShInididhyAsamaunamUkAya te namaH || 51||
sarvAn sva.njanavat sarvakushalaM paripR^ichChate |
sarvalokapriyAyAstu namo rAmanibhAya te || 52||
ahameva gurorasya mata ityabhimanyate |
yathA sarvaH shritaH tAdR^igvishvAsAdhAyine namaH || 53||
eko.advitIyamahimA triguNAdyatItaH
      bhaktapradattapuruShArthachatuShTayashcha |
pa~nchAkSha\-ShaDripu\-jayI dyutisaptasaptiH
      bhAtyaShTamUrtyanavamo dashadikprasiddhaH || 54||
Ishvaro ja~Ngamasso.ayamiti yo ghuShyate.akhilaiH |
tasmai jayendragurave shrIjagadgurave namaH || 55||

iti jagadgurushrIsha~NkarAchAryashrIchandrashekharendrasarasvatIshrIcharaNAnugR^ihIta\-
kavikokila\-sakalakalAkalApa\-birudavardhiShNunA rAghavena virachitaM
shrIchandrashekharendrasarasvatIpa~nchapa~nchAshatkastotraM sampUrNam |

DA.c\. rAghavaH

##
Copyright Dr. V. Raghavan Centre For Performing Arts (Regd.)
www.drvraghavancentre.com

Encoded and proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}