% Text title            : dattAtmapUjAstotram
% File name             : dattAtmapUjAstotram.itx
% Category              : deities\_misc, dattatreya, vAsudevAnanda-sarasvatI
% Location              : doc\_deities\_misc
% Author                : Shri Vasudevanandasarasvati
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 24, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dattAtmapUjAstotram ..}##
\itxtitle{.. dattAtmapUjAstotram ..}##\endtitles ##

shrIgaNeshAya namaH ||
ajitAmR^ita yoganidritAchyuta shakteH svakR^itAtimohita |
dyumukhe shrutibandigItato bhagava~njAgR^ihi jAgR^ihi tryadhIT || 1||
atha dhyAnam |
yato.asya janatAdyaja svavashamAya Adyo vibhuH
     svarAT sakalavidguruH sa sukhasachchidAtmA prabhuH |
asaMsR^itirUpa ujjhitamalo.amumaikyAptaye
     nivartya nayanaM niShedhavidhivAkyatashchintaye || 2||
kAryAkShamAnvIkShya pR^ithagyutAnvA yo.anupravishyApi vibhurnijAMshAt |
ninye prabhutvaM hi mahanmakhAMstamupAhvaye trIshamavanyachittaH || 3||
anojajjavIyo hR^ido.apyApnuvanno surAH pUrvamarshatparA~ncho.api tiShThat |
parAndhAvato.atyeti yadvyasanaM te tryadhIshA.arpitaM chittamastAnyavR^itti || 4||
rAhoH shIrShAdaupachArikabhidA viShNo padaM trIsha te
     pratyaktvAchcha nisargashuddhamapi san mAyAMshato.ashuddhavat |
bhAtaM mUDhadhiyA tadarthamamalaM j~nAnAmR^itaM yatnato
     dhyAmatre.atra hiraNmaye vinihitaM pAdyaM gR^ihANAtmabha || 5||
devAchAryaprasAdaprajanitasurasampattisadratnajAta\-
shreNyADhye ma~njule.asminnatitaravimale bhAjane vai vishAle |
dhR^itabhajanajalAdveShTR^itAdyarthajAle
svarghyaM sampAditaM te tryadhipa parama bhoH svIkuruShvAptakAma || 6||
vidhivachChravaNAdi yatkR^itaM te tryadhipA bhava me prasIda shambho |
dvidavidhAvaraNAmbu te.arpitaM satkR^ipayA.a.achamanaM kuruShva tena || 7||
pravachanAdisudurlabhatA shrutestryadhipate ta iha shrutivishrute |
paramabhaktisushItalasajjalaM vapuShi siktamathAplutaye.astvalam || 8||
yatki~nchijjagati trIsha tattvayA.a.avAsyamIsha te |
vastratvenArpitaM tena parAnandArhatAstu me || 9||
yadbrahmasUtraM trivR^itaM kR^itvA samantraM tripa sasvantram |
dattaM sumitraM bhajate na chAtra santrasupAtraM kurumA.anyatantram || 10||
AhlAdanaM chandanamuchyate tatsatyartarUpaM na tataH paraM te |
preShThaM tryadhIshAguNa tena nUnamAlepanaM te prakaromi bhaktyA || 11||
bhagavaMstryadhipa pradadAmi mude sumanaH sumanaH sakalArthavide |
khalu tubhyamamUlyamaghaughabhide sumanaH sumanaskamananyahR^ide || 12||
yogAnale.atra baladarpaparigrahAha~NkArAbhilAShamamatApratighAMshcha dagdhvA |
dhUpo.ayamuttamatamo.arpita AryashAntidvArA tryadhIsha padaparyavasAyyasau te || 13||
so.ahambhAvaprojvalajj~nAnadIpo mUlAj~nAnadhvAntasampAtahR^ityai |
stheyAnbhAsvA.NshChAshvatastrIsha tubhyaM svAtmajyotirdatta etaM gR^ihANa || 14||
yasya brahmakShatre mitre grAso mR^ityurlehyaM peyam |
kvAnveShTavyaM tasmai kasmai naivedyArthaM dattaM dvaitam || 15||
trIsha te.adya parabhaktivITikA pa~nchamaikapuruShArthasAdhikA |
nirvikalpakasamAdhitaH purA ra~njikA.astu bhavabha~njikA varA || 16||
tvaM trIshAhamahaM tvamityavagate sthemne nididhyAsanA\-
tmAnaste paridakShiNA hi vihitA yadyachcha me krIDitam |
tadbrahmAstu chidanvayekShituratho tvAnusmaran vyAhare\-
ttAraM tArakamekamAtmani yathA shArdUlavikrIDitam || 17||
asakR^idabhihitA te.anekajanmAptapuNyaiH praNativitatireShA dvaitasheShA visheShA |
tvayi vinihitametanmej~na sarvaM svakIyaM tryadhipa jayatu pUjA tvadyashomAlinIyam || 18||
yanme nyUnaM sammataM sthUladR^iShTyA bhUman te.anukroshapIyUShavR^iShTyA |
nityaM preyaH svaprabhaM shAlinIyaM tasyAbhUtsampUrNatA shAlinIyam || 19||
rodhanaM dvyAtmanaH shodhanaM dvyAtmanaH pUjanaM tryAtmano bhojanaM svAtmanaH |
yatra saiShA.a.atmapUjA.astu kaNThe satAM sragviNI mA parA strIva kaNThe satAm || 20||

iti shrImadvAsudevAnandasarasvatIvirachitA.a.atmapUjAstotraM sampUrNam |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}