% Text title            : dattAtreyabhaktinirUpaNastotram
% File name             : dattAtreyabhaktinirUpaNastotram.itx
% Category              : deities\_misc, dattAtreya
% Location              : doc\_deities\_misc
% Proofread by          : PSA Easwaran
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 24, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dattAtreyabhaktinirUpaNastotram ..}##
\itxtitle{.. dattAtreyabhaktinirUpaNastotram ..}##\endtitles ##

shrIgaNeshAya namaH ||
prayateH sulabho bhaktyA.ayamAtmA puruShaH paraH |
iti vedAdinoktaM tadbhaktirmukhyA.adhunochyate || 1||
nirvikalpaM paraM brahma sAkShAtkartumanIshvarAH |
ye mandAste.anukampyante savisheShanirUpaNaiH || 2||
vashIkR^ite manasyeShAM saguNavrahmashIlanAt |
tadevAvirbhavetsAkShAdapetopAdhikalpanam || 3||
ityukternavadhA bhaktirvAchyAtra smaraNAtmikA |
shreShThArthyAnyatra cha vyAptA hR^ichChuddhyAsya padapradA || 4||
sahasrA~NgAtmakarmAkhyabhagavatsmaraNAtsadA |
kR^itaM karmApyakarmaiva yenaiSha drAgvimuchyate || 5||
kR^itveshvare parAM bhaktiM bhagavatkIrtanAdapi |
sadbhakto mAyikaM pAshaM ChittvA yAti sa sadgatim || 6||
tadguNashravaNAchchApi shraddhAvAnabahirmukhaH |
samAhito.anasUyurnA kShipraM naiShkarmyasiddhibhAk || 7||
vajrA~NkushadhvajAbjA~NkabhagavatpAdasevanAt |
bhittvA mAyAvR^itiM sattvashuddho yAti paraM padam || 8||
jaleShTAsraM kaniShThikyA likhitvA tAramantare |
patreShvaShTAkSharaM chaikaM hR^itsthamAvAhya tatra ShaT || 9||
pradarshya mudrA R^iShyAdInsmR^itvA vinyasya cho~NkR^iteH |
mAtrAH shAkhA~NgeShu bhUkhavAtAgnyabbIjato hR^idA || 10||
dattvopachArAn gandhAdIn japitvA.aShTasahasrakam |
tarpayitvA chAShTashatamR^iShyAdInekavArataH || 11||
punaH sampUjya vinyasya taM svAtmanyudvasetparam |
trisandhyamarchanaM tvevaM yateranyasya chochyate || 12||
labdhvA pUrvaM svagR^ihyoktaM dvijatvaM bhaktimAnshuchiH |
j~nAtvA dhanarNasiddhArichakrasiddhaM manuM guroH || 13||
labdhvA.arNasa~NkhyAlakShAM prAk purashcharyAM yathAvidhi |
kR^itvA.anenArchayedarchAM niyato nityakarmakR^it || 14||
lauhIM vA saMskR^itAM shailIM vibhoH sAstrAM salakShaNAm |
so.api labdhvAkhilAnkAmAn dehAnte tanmayo bhavet || 15||
purA nArAyaNaM brahmA satyakShetre dayAnidhim |
praNato.apR^ichChadekaM kimupAsyaM daivataM param || 16||
sa prAha mAmakaM dhAma yaddattAtreyasaMj~nitam |
sadAnandAtmakaM shuddhaM sAttvikaM tArakaM param || 17||
vishvarUpaM jagadyoniM tadekopAssva daivatam |
lakAraM vahnisaMyuktaM satuNDAkSharabindukam || 18||
tadarchane manuM viddhi Chando gAyatrikAsya cha |
sadAshivaR^iShirdevo dattAtreyashchaturbhujaH || 19||
manurekAkSharo.asyAyaM jApyo garbhAditAraNaH |
tAraH shrIdurgA kroM bhUmidattaikAkSharayu~NmanuH || 20||
ShaDakSharo yogado.ayaM sarvasampatsamR^iddhikR^it |
R^iShyAdiH pUrvavannyAso bIjaiH shAkhAhR^idAdiShu || 21||
dattAtreyaM shivaM shAntamindranIlanibhaM vibhum |
AtmamAyArataM devamavadhUtaM digambaram || 22||
bhasmoddhUlitasarvA~NgaM jaTAjUTadharaM vibhum |
chaturbAhumudArA~NgaM praphullakamalekShaNam || 23||
j~nAnayoganidhiM vishvaguruM yogijanapriyam |
bhaktAnukampinaM sarvasAkShiNaM siddhasevitam || 24||
ityaupaniShadaM dattaM dhyAtvaikAgryaM manuM japet |
sa vA~nChitaphalaM bhuktvA paratra shreya ApnuyAt || 25||
saikAkSharaM chaturthyantaM dattAtreyaM namo.anvitam |
aShTArNamantraM gAyatraM viddhi drAM bIjamasya tu || 26||
chaturthI kalikaM shaktirnama ArShaH sadAshivaH |
dattAtreyapadasyArthaH satyAnandachidAtmakaH || 27||
prahvIbhAvo namo.arthastu pUrNAnandaikavigrahaH |
tAraM sabinduM tuNDArNaM durgAM kroM turyamehi cha || 28||
dattAtreyeti sambuddhyA svAhAntaM dvAdashAkSharam |
sarvakAmadughaM viddhi gAyatraM bho shivArShakam || 29||
varAbhayadahastaM yo bhajedAbhyAM mahAvrataH |
sarvAnkAmAnihaivAptvA so.amR^ito bhavati dhuvam || 30||
oM bIjaM svAhAtra shaktiH sambuddhiH kalikaM kramAt |
dvAbhyAM hR^idi cha ke dvAbhyAM shikhAyAM kriyayA nyaset || 31||
sambuddhibhyAM skandhachakShurdvaye.astre.antyena tanmayaH |
chaturbIjaiH sakriyAkhyAntyAbhyAM karAdiShu || 32||
kR^itvA yajeddevadevaM yantranyastamabhIShTadam |
dattAtreya hare kR^iShNa unmattAnandadAyaka || 33||
digambara mune bAla pishAchaj~nAnasAgara |
AnuShTubhaH shivArSho.ayaM ShaDbhujAtreyadaivataH || 34||
dvAbhyAM dvAbhyAM hR^ichChirasoH shikhAyAmekato gale |
dvAbhyAmekaikena dordR^igdvaye dvAbhyAM tathAstrake || 35||
vinyasya japitA doShamuktA sarvopakArakR^it |
tAraM vAyuM klAM kAmaM klaM hAM durgA hrUM cha viddhi sauH || 36||
dattAtreyaM chaturthyantaM svAhAntaM ShoDashAkSharam |
vAyusthAne tu vAgbIjaM namo.ante yojayAthavA || 37||
svAhaikatra namo.anyatra shaktirbIjaM cha kIlakam |
tArashchaturthI gAyatrI mantrarAjaH shivoditaH || 38||
hR^idi dve ke trINi shikhAyAM chaikaM kavache dR^ishoH |
chaturthImantyamastre cha vinyasya japakAmadam || 39||
sachchidAnandasvarUpI sukhI mukto bhavatyataH |
siddhagandharvAdisa~NgI lakShajApyaShTasiddhibhAk || 40||
tridevalokasa~nchArI koTijApi cha dattavat |
dashakoTijapI sAkShAjjarAmaraNavarjitaH || 41||
dvyaShTakoTijapI siddhaH parakAyagatAdikR^it |
mantrashaktiriyaM shlokA abhigItA ihApyamI || 42||
khaDgastambho jalastambhaH sainAstambhastathaiva cha |
ichChAsiddhirvashitvaM cha dikpAlaiH saha bhAShaNam || 43||
vAyuvadgatirityAhurAhlAditvaM cha chandravat |
agnivatsarvabhakShatvaM nityatR^iptatvameva cha || 44||
sarvabhAShAparij~nAnaM sarvachittAvabodhanam |
vApIkUpasamudrANAM parvatAnAM cha chAlanam || 45||
dattAtreyamayaH svachCho bhavetsa vyAsavatkaviH |
itIdaM ShoDashArNasya mAhAtmyaM tatprayatnataH || 46||
prANo deyo manashchakShushChittvA deyaM shiro vapuH |
na deyaH ShoDashArNo.asau sachChiShyAya mahAtmane || 47||
mahAguNavate deyaH kupyeta prabhuranyathA |
mAlAkamaNDalUvAdyatrishUle sha~Nkhachakrake || 48||
dadhAnamatrivaradaM dattAtreyaM tryadhIshvaram |
dhyAtvetthaM vidhivanmantrajApyuktaphalabhAgbhavet || 49||
oM namo bhagavAndattAtreyaH smaraNamAtrasantuShTo
mahAbhayanivAraNo mahAj~nAnapradaH || 50||
chidAnandAtmA bAlonmattapishAchaveSho
mahAyogyavadhUto.anasUyAnandavardhano.atriputraH || 51||
aM bhavabandhavimochano hrIM sarvabhUtidaH
     kroM asAdhyAkarShaNa aiM vAkpradaH || 52||
klI~njagattrayavashIkaraNaH sauH sarvamanaHkShobhaNaH
shrImmahAsampatprado glauM bhUmaNDalAdhipatyapradaH || 53||
drAM chirajIvI vaShaDvashIkuru vauShaDAkarShaya
     huM vidveShaya phaDDuchchATaya ThaH ThaH || 54||
stambhaya kheM kheM mAraya namaH sampannaya svAhA
     poShaya paramantraparayantraparatantrANi || 55||
Chindhi grahAnnivAraya vyAdhInvinAshaya duHkhaM
     hara dAridryaM vidrAvaya dehaM poShaya || 56||
chittaM toShaya sarvamantrasvarUpaH sarvatantrastrarUpaH
     sarvapallavasvarUpaH || 57||
OM namo mahAsiddhaH svAhAnto mAlAmantraH |
prathamAntAM chaturthyA dviH kriyAshcha vyAharet || 58||
viShNunoktA ime mantrA brahmaNe kAmadhenavaH |
prayogagrahabhUtArikudR^igruktApabhItihAH || 59||
kAmino.abhIShTaphaladA devasAnnidhyakArakAH |
tadvachcha vajrakavachaM dattanAmasahasrakam || 60||
eShAmanyatameneshaM yo vaidikavidhAnataH |
upAste chittashuddhyA sa muchyate.atra paratra vA || 61||
dattAtreyanivAsaM tadAchaNDAlashvagokharam |
brahmAdistambaparyantaM samadR^ik praNametsudhIH || 62||
chAlako bhAsako.astyeShAM sachchidAtmA svayamprabhaH |
asti bhAti priyatvena bhagavAneva  nAparaH || 63||
yathAdhipe vashA bhR^ityA nirmAnA Ishvare tathA |
vidadhyAtsvAmino dAsyaM nirIhaM dvaitadarshane || 64||
sakhyoH sakhyaM yathA loke nirIpekShaM tathA.a.atmanaH |
parAtmanApi satataM samAdheH prAk prakalpayet || 65||
kartR^itvAdi na mayyeke shuddhe dehAdisAkShiNi |
itIkShaNamasandigdhaM sarvasvAtmanivedanam || 66||
atItya varadeshAdIn kAshyAM santoShya dIpakaH |
vedadharmaguruM rugNaM kaShTena hi mahAmatiH || 67||
shrIdattalIlAshravaNaM nayAche tuShTa eva saH |
guruH shiShyAya yatprAha muktyai tatsAra uchyate || 68||

iti shrIdattAtreyabhaktinirUpaNastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}