% Text title : Shri Datta Prarthana % File name : dattaprArthanA.itx % Category : deities\_misc, shrIdharasvAmI, dattatreya % Location : doc\_deities\_misc % Author : Shridharasvami % Proofread by : Manish Gavkar % Description/comments : shrIdharasvAmI stotraratnamAlikA % Latest update : February 11, 2023 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Datta Prarthana ..}## \itxtitle{.. shrIdattaprArthanA ..}##\endtitles ## (pR^ithvIvR^ittam) shvetaM kathamaho na me hR^idayadArakaM rodanaM dAyAbdhirapi sarvaviddravasi no kathaM he prabho | ahaM virahakAtaro bhavabhayAturaH prArthaye dyutisvabhaktabhavanAshano dyutamate na kiM dhAvasi || 1|| na kiM hariharAdayaH sharaNabhaktachittArthadAH kimarthamiti yAsi mAM hi sharaNaM prabho vakShi chet | trimUrtirapi bho yatastvamiha tatprasiddhaM bhuvi guro shR^iNu bhavArthihankuru kR^ipAM cha mAmuddhara || 2|| svarUpamiti bhAvanaM tvayi yatastrayANAmapi tavA~NghribhajanAdvidherhariratho haraH sharmadAH | tava trivadanairyataH prakaTitaM cha sachchitsukhaM tvameva nirupAdhikaM bhavasi bhostrimUrteH padam || 3|| upAdhipadalA~nChanAdbahu vilajjitaistaistribhi\- ryadA prakaTitA nijasthitirathAvatArastava | trimUrtinijarUpato vimalarUpamAdarshaya\- tvameva khalu rAjase jagati datta turyAshramin || 4|| asa~NgamatinirmalaM jagati nirguNaM brahmaya\- trimUrtipadamadvayaM prakaTitaM yadAsIttvayA | tadeva sakalastavA mama cha shuddharUpaM yato guro tava padaM vinA mama na ko.api chA.atrAshrayaH || 5|| na jIvajagadIshvarAH kila tathaiva yoShitpumA\- nahaM pratitanau cha yatsphurati bhUmarUpaM shivam | asa~NgamatinirmalaM sukhaghanaM paraM brahmata\- dguro tava mukhAtkadA bhavati tattvametachChrutam || 6|| trimUrtipadamadvayaM suvimalaM svarUpaM purA svabhaktabhavamuktaye jagati dattavAMstvaM yataH | svadatta iti nAma te bhavati kiM mR^iShA tadbhuvi svarUpamapi dAtumatra na cha kiM kilAgamyate || 7|| mahendravidhichakradhR^igbhavapadAni no yAchyate viShaM mama tu tatsukhaM tanuhR^idindriyairyadbhavet | aho bhavabhayAtmakaM bhramamayaM tanorvaibhavaM ratishcha puruShastriyorahaha kashmalAyAM tanau || 8|| guroH sukaruNodayAdbhavati sA viraktirdR^iDhA nijasthitiracha~nchalA.ata iha yAchyate tvatkR^ipA | tvadIyakR^ipayA balI nijapadaM vitanvanbhuvi kR^itI cha gurusevayA suvimalo bhaveyaM guro || 9|| guro na tava darshanaM vipuladIrghakAlo gataH kadA bhavasi gocharastava hi darshanAkA~NkShyaham | ayogyamapi pAhi mAM karuNayA.atidIno.asmyahaM gurotidayayA yuto jhaTiti darshanaM dehi me || 10|| yathaiva raghunAthasachcharaNatastvahalyA satI navoDhabhavitA.amalo.ahamapi te~NghripadmAttathA | prabho praNataduHkhahankaruNasAgarastvaM yataH svabhaktajanapAvanaM charaNadarshanaM dehi me || 11|| guro hyatanureva bhostvamapi nAmarUpaM na te upAsakavimuktaye jagati rUpadR^iktvaM vibho | vinA saguNarUpatastava kimasti jIvonnati\- rna muktiratha no tathA viratireSha bodhodayaH tR^iShArtajanajIvanaM kShudhitaShaDrasAnnaM shubham || 12|| mumUrShvamR^itameva me kila daridriNastvaM nidhiH | tvamandhanayanaM tathA jaraThahastayaShTishcha me sutaptabhuvi vR^iShTivattava hi darshanaM prArthaye || 13|| sphuTaM stavanato.api me tava cha vAkparatvaM guro tathaiva tava chintane tava cha hR^itparatvaM smR^itam | svarUpamamalaM tataM na tava vismR^itiM yAtrayA tathApi hR^idi vAsanollasati darshanAya prabho || 14|| are tvamasi nirguNo na cha tavAsti sa~NgaH kvachi\- dyadeka paramA.advayaM tvadasi mAyikaM na tvayi | kimevamatiduHkhinaM tvadanusvarUpaM vade\- tsukhAmR^itakarAnvitanvadiha te vapU rAjate || 15|| na rUpadharaNaM tavAsti khalu bAdhakaM sadguro hyanena jagato.api me.atisulabho.atra bandhakShayaH | vapurahamiti sphuredyadi bhavetsa baddho bhave\- nnijAtmapadavIM dadatkimiti deharUpo bhaveH || 16|| jalaM na cha himena vA na kaTakaiH suvarNaM tathA vibhinnamupalashcha no mR^idapi chandanaM mUrtitaH | vinaShTamapi hanta no vikR^itimatprasiddhaM bhuvi parantu jagato.amunA bahu visheShakAryaM khalu || 17|| tavAsti nanu bAdhakaM hi yadi rUpadR^IktvaM guro kathaM jagati vishruto.asi bhagavantvamatreH sutaH | vilobhaya na mAM jaDaM khalu guro.atrame tvaM gatiH prabho chiraya mA drutaM charaNadarshanaM dehi me || 18|| tava trimukhapa~NkajaiH prakaTitaM svasachchitsukhaM tvadIyavadanaprabhA khalu nidarshayedbrahma tat | suhAsyamatinirmalaM tava vadejjaganmAyikaM tvadIyakaruNArdradR^iksapadi mAyikaM saMharet || 19|| yathA tR^iShitachAtako jaladadarshanaM kA~NkShati yathaiva vidhudarshane kR^itamatishchakoraH sadA | kShudhArditashishuryathA jagati mAtaraM vA~nChati tathA virahakAtarashcharaNadarshanaM prArthaye || 20|| nirAkR^itirahaM kathaM nu tanudhR^igbhaveyaM vada sharIradharaNe.akShamo.ahamiti mA guro va~nchaya | kadApi bhavasIha bho na cha vikArayuktaM vapu\- rnachedavatareH svayaM kathamiti svarUpaM disheH || 21|| na bhUriti na vA jalaM na cha tathA.analovA.anilo na khaM tvayi vibho tathA kimapi naiva pa~nchIkR^itam | na piNDamapi vishvako na cha virANNa vishvaM dhruvaM na jIva iti vAsanA ratiratho na nArI naraH || 22|| na sA prakR^itirapyaho tvayi pumAnjagatsarjanaM chidekarasabhUmni bhostvayi na vishvasa~Nkalpanam | na sUkShmaviyadAdikaM na cha tathA tvapa~nchIkR^itaM na li~Ngamapi no mahanna cha hiraNyagarbho.api vA || 23|| nirAvR^itaguro tamastvayi vibhAti kiM svaprabhe na kAraNamapIha tanna cha tathA tadavyAkR^itam | mahesha iti jIvako kila na mAyiko vidyate svamAtR^iparame.akhilaM kathamidaM cha sambhAvyate || 24|| na bandha iti vAmalA api guNA avidyA tathA na kAryamavikAraNaM jagadidaM na mAyA.api vA | gurosya tu vibhAvanaM tvayi yathaiva rajvAmahe\- rna khaM jalamuchA kR^itistvamapi naiva prAyAkR^itiH || 25|| tvayA tvadavikR^itpadaM na cha vidarshitaM vA yadA kathaM nu viditaM bhavediti cha ko.anya evA.adishet | tava smR^itiriyaM hi bhostava tanurna bhedo.asti vA\- mato mama hR^idIpsitaM kuru cha darshanaM dehi me || 26|| aho ghaTayate guro ghaTitameva mAyA tu yA nirUpayitumAspadaM na khalu sAtisha~NkAtmikA | suvismayatanushcha yA bhavati hanta satyAsatI tvayaiva kila nashyati svayamataH pratIkShe.anisham || 27|| anekaduradR^iShTato bahulavighnabAdhA guro manastu bahu cha~nchalaM bhramati digvaTe durdamam | na vajravapurapyaho bhavati dushcharaM no tapo na shuddhahR^idayaM tathApi bata kiM vadeyaM prabho || 28|| na shAstramapi no shrutiM na cha tathA smR^itiM vedmyahaM na saMskR^itamathApi vA lalitavA~NmayaM prAkR^itam | na bhaktirapi me.asti bho bhavati naiva yogastathA guro.atijaDabuddhito.api na cha vedmi kiM tvatpriyam || 29|| R^itaM hi kathayAmi te tanusukhAya lubdho.asmyahaM bhavetkathamupoShaNaM vratamapi cha kR^ichChrAdikam | atIva kila durbalo mama na nigraho.asti kvachi\- dahaM patita IdR^ishaH patitapAvanastvaM guro || 30|| guNena rahito.asmyahaM kimapi te bhavettuShTaye na ko.api khalu matsamaH sakalahInadIno.asmyaham | vilokya bata mAM tathA tyajasi chetkuto.anyAshraya\- stvameva gatiratra me karuNayA padaM darshaya || 31|| samartha iti vishruto.asi bhuvi kiM na shakyaM tava vinaiva hi parIkShaNaM karuNayaiha mAmuddhara | ahaM yadi samuddhR^itaH kimapi no bhavaM durghaTaM susAdhyamakhilaM tataH kuru dayAM sukIrtiM bhaja || 32|| atIva vinato.asmyahaM viShayamohapAshArditaH kShaNaM yugasamaM bhavedvirahato.atiduHkhI guro | jalAdbahiritastato bhavati kiM sukhI matsyaka\- stathaiva bahirAgato bata tava sthiterasmyaham || 33|| upAdhita iti bruve nijamatho.amalaM vedmyahaM tvayaiva nirupAdhikaH suvimalo bhaveyaM guro | asa~Ngamabhividya bhoH satatamatra mAmuddhara yadi tvamahameva tatkimiti hAtumarho bhaveH || 34|| svadainyamapi darshitaM kila tathAvayornAntaraM tvayA.a.avaraNanAshanaM tadapi chAtmasambandhataH | na kiM bhavasi gocharo kimati kAryamevaM punaH na vedmi kR^ipayA.a.adisha tvamasi bho dayAbdhiH sadA || 35|| prabho tyajasi mAM hi chettava na darshanaM dAsyasi ashakta iti nirghR^iNo.asi bata te.apakIrtirbhavet | madIyamapi jIvanaM bhavati garhitaM laukikai\- rjahIhi na cha mAM guro karuNayaiva chA~NgIkuru || 36|| vadeyamiti kiM prabho sakalahR^idgataM vetsi yat stuve kimadhikaM stuteH shrutiraho guro tvAM sadA | anekasuguNairvR^itA madadhikAshcha bhaktAstava tvameva bhuvi kevalo mama tu ko.api nAnyAshrayaH || 37|| vichArya sakalaM prabho kuru tathA yathA tvanmati\- rbalAtkimiha shakyate savinayena bhoH prArthaye | anAthamabhividya mAM kuru sanAthamasmi~njane guro.atidayayAshu te charaNadarshanaM dehi me || 38|| sanAtana iti shruto bhavati vishvasetustu yaH bhavatprabhavapAvano.api bhuvi naShTakalpo.abhavat | samAnaguNashIlayorbhavati naunahAnaM hitaM yathAhamadhunA tathaiva bata so.api dharmo balaH || 39|| yadAhamiti choddhR^ito bhavati so.api santAritaH prabho karuNayA.avayoH kuru vichArya saMrakShaNam | tvadIyapadadarshanaM hi tava shaktidAnaM bR^iha\- ttvadIya karuNAbalaM jagati te.avatAro dhruvam || 40|| na vedavidhirAshramo vimalakarmavarNo.athavA vidharmavashavartinaM tu bahumAnyate.atrAdhunA | satItvamapi lA~nChitaM kila viDambanaM duHsahaM prabho svajanarakShaNe kimiti sha~Nkase.adyApi hi || 41|| svabhaktajanadurdashA kathamiyaM cha sahyA tava mumukShujanajIvanaM bahuvidhaiva vighnAvR^itam | vilokya paramArthinaM bata hasanti nindanti cha surA api chalanti bho bahubalAchcha kAmAdibhiH || 42|| atIva khalu durjayA satatadUShitA dushcharA sadaiva susamAhitA viShayavAsanA.a.ayojane | aho duritarUpiNI tanumatistvavidyA prabho tavaiva kR^ipayA vinA na cha kadApi shAmyedguro || 43|| kalau tu paramArthinAM jagati jIvanaM kaShTadaM ahaM khalu na tatsahe tava tadarthamevAshrayaH | parasvahitakAriNastvamiha me sahAyo bhava gurotidayayA yutastava padAmbujaM darshaya || 44|| svayaM hi na sahAyakR^iddhavasi sAdhakAnAM yadi vR^ithA kimiti rAjase tvamiha dattanAmnA bhuvi | anantasukharUpiNaH patitapAvanasya prabhoH kimIpsitasukhaM cha te jagati jIvamokShAdR^ite || 45|| kShamasva dayayA yuto yadi bhavedduruktirmama kShamasva cha guro kuto.api vinayasya bha~Ngo yadi | na heturiha me prabho bhavati tAdR^isho vetsi mAM tvameva mama jIvanaM gatirapIha chAtmA dhruvam || 46|| dayAbdhiramito.asi bhoH sakalabhUtavAso guruH svatantrasakalArthavitsunipuNo jagatpAvanaH | tavAtra jagatItale prakaTitaM cha yatsve~nchChayA svabhaktajanamuktaye sphuTamidaM hi datta prabho || 47|| vilambaya jagadguro kShaNamapIha mA dhAvane tvadIyapadadarshanAjjagati mAM sanAthaM kuru | apAvR^iNu vimohanaM sakalamAyikaM bandhanaM tvadIyasakalAtmake sthirapade cha mAM sthApaya || 48|| tvadIyapadadarshanAtsakaladuHkhashAntirnR^iNAM tvadIyapadapa~NkajaM dahati duShkR^itaM sa~nchitam | kathaM vasati tattR^iNaM dhagadhagAyamAne.anale kathaM sthirapadaM tamo gaganamadhyasUryAtape || 49|| kimarthamiti visha~Nkase na sa kimarthamAyAsi bho na jIvati suduShkR^itaM kimapi chettavAgre guro | kimasti khalu vighnakR^itpratividhAtumatra prabho tvameva paramaM bR^ihattava samo na ko vA.adhikaH || 50|| na devarajanIcharau manujavanyayakShAdikA H kShamAshcha khalu vAraNe manasi chettavAsti prabho | vidherna cha kuyogato na cha bhavedgrahAdestathA kimasti bata vighnakR^ittava na darshanaM sadguro || 51|| na karmasachivo.asi bhoH na ghaTimIkShase chetprabho na yoga iti vakShi chettadapi te na yuktaM bhavet | svatantranirupAdhikaH sakalama~NgalastvaM yataH vimohaya na mAM guro sapadi darshanaM dehi me || 52|| kimarthamiti nirghR^iNo bhavasi bho dayAbdhe guro dayAbdhirapi nirdayo mama na vAgvadettattvataH | kimarthamatidurlabhaM charaNadarshanaM te vada nirUpayitumapyaho.atra tava hetumAyA hi bho || 53|| aho na cha nivArito bhavati saMshayo.ayaM yadA na so.ahamiti veda yaH pashusamaH sa vedo vadat | R^itaM hi kathayAmi te mama na vismR^itaM tanmanAk ahaM tvamiti nishchayo mama na saMshayo.asmin kvachit || 54|| na mR^ityuvashago guro.ahamiti bhedabhAvena bho na bhIrapi bhavetprabho bhavati sAdvitIyAdyataH | ahaM tvamiti chetkathaM chirayase.a~njasA mAM vada kimarthamiti saMshayo jahihi te padaM darshaya || 55|| aho jagadidaM guro vividhanAmarUpAtmakaM tathApi nijamAtR^imeva hi suvedyahaM tadyathA | tathaiva tava darshanAnmama na bhinnabhAvaM kvachit tathApi jagatItale bhavati tena kAryaM bR^ihat || 56|| adharmapathagAmino bahumatAstvidAnIntanaiH adharmaruchayo janA hi bahusho dhurINAH prabho | aho jagati durlabhA bhavati tattvadR^iShTirguro dhruvaM hi padadarshanaM tava navAvatAro bhuvi || 57|| guro chiraya mA prabho tvaraya darshanaM pAhi mAM bruve kimadhikaM stuve chiramatho vibho.asmAtparam | atipraNatavatsalo.asi kila vishvakalyANakR^it manobhilaShitaM tavAstu nijabhUmni mAM sthApaya || 58|| (shArdUlavikrIDitavR^ittam) aj~nAnAndhanivAraNAmbaramaNiM kAmadvipAriM hariM vighnavyAlakarAlakAlagaruDaM durdaivadAvAnalam | hR^idbhUmisthitavAsanAnagapaviM tApatrayenduM shivaM sadbhaktepsitakalpavR^ikShamachalaM dattAvadhUtaM bhaje || 59|| (vasantatilakavR^ittam) stotraM cha yaH paThati bhaktiyuto manuShyaH nityaM trivAramapi dattamanA vishuddhaH | tasmai dadAti nijadarshanamAtmaniShThAM ahnAya dattagururatra na chintanIyam || 60|| iti shrImat paramahaMsaparivrAjakAchArya sadguru bhagavAn shrIdharasvAmImahArAjavirachitaM dattaprArthanaM sampUrNam | dattajayanti \- rachanAsthAnaM kAphi udyAnaM, chikkamagaLUru saMvatsaraH \- 1943 ## Proofread by Manish Gavkar \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}