% Text title            : Shri Datta Prarthana Taravali
% File name             : dattaprArthanAtArAvalI.itx
% Category              : dattatreya, deities\_misc, vAsudevAnanda-sarasvatI
% Location              : doc\_deities\_misc
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Datta Prarthana Taravali ..}##
\itxtitle{.. shrIdattaprArthanAtArAvalI ..}##\endtitles ##
%112
dattAtreya mahAmAya vedageya hatAmaya |
anasUyAtritanaya mamApAyaM nivAraya || 1||
namo namaste jagadekanAtha | namo namaste supavitragAtha |
namo namaste jagatAmadhIsha | namo namaste.astu parAvaresha || 2||
tvatto.akhilaM jAtamidaM hi vishvam | tvameva sarvaM paripAsi vishvam |
tvaM shaktito dhArayasIha vishvam | tvameva bho saMharasIsha vishvam || 3||
tvaM jIvarUpeNa hi sarva vishvam | praviShTa sa~ncheShTayase na vishvam |
svatantramatrAkhilalokabandho | kAruNyasindho parabodhasindho || 4||
yo brahmarUpeNa sR^ijatyasheSham | yo viShNurUpeNa cha pAtyasheSham |
yo rudrarUpeNa cha hantyasheSham | durgAdirUpaiH shamayatyasheSham || 5||
yo devatArUpadharo.atti bhAgam | yo vedarUpo.api bibharti yAgam |
yo.adhIsharUpeNa dadAti bhogam | yo maunirUpeNa tanoti yogam || 6||
gAyanti yaM nityamasheShavedAH | yajanti nityaM munayo.astabhedAH |
brahmAdidevA api yaM namanti | sarve.api te labdhahitA bhavanti || 7||
yo dharmasetUnsudR^iDhAnbibharti | naikAvatArAnsamaye bibharti |
hatvA khalAnyo.api sato bibharti | yo bhaktakAryaM svayamAtanoti || 8||
sa tvaM nUnaM devadevarShigeyo | dattAtreyo bhAvagamyo.asyameyaH |
dhyeyaH sarvairyogibhiH sarvamAnyaH | ko.anyastrAtA tArakodhIsha dhanyaH || 9||
sajalajaladanIlo yo.anasUyAtribAlo
vinihatanijakAlo yo.amalo divyalIlaH ||
amalavipulakIrtiH sachchidAnandamUrti\-
rhR^itanijabhajakArtiH pAtvasau divyamUrtiH || 10||
bhaktAnAM varadaH satAM cha paradaH pApAtmanAM daNDada\-
strastAnAmabhayapradaH kR^itadhiyAM sannyAsinAM mokShadaH ||
rugNAnAmagadaH parAkR^itamadaH svargArthinAM svargadaH
svachChandashcha vadovadaH paramudo dadyAtsa no bandhadaH || 11||
nijakR^ipAkaTAkShanirIkShaNAddharati yo nijaduHkhamapi kShaNAt |
sa varado varadoShaharo haro jayati yo yatiyogigatiH parA || 12||
aj~naH prAj~no bhavati bhavati nyastadhIshchetkShaNena
prAj~no.apyaj~no bhavati bhavati vyastadhIshchetkShaNena ||
matryo.amatryo bhavati bhavataH satkR^ipAvIkShaNena
dhanyo mAnyastrijagati samaH shambhunA trIkShaNena || 13||
tvatto bhIto deva vAto.atra vAti tvatto bhIto bhAskaro.atrApyudeti |
tvatto bhIto varShatIndrodavAhastvatto bhIto.agnistathA havyavAhaH || 14||
bhItastvatto dhAvatIshAntako.atra
bhItastvatto.anye.api tiShThanti ko.atra ||
matryo.amatryo.anye.api vA shAsanaM te
pAtAle vA.anyatra vA.atikramante || 15||
agnimekaM tR^iNaM dagdhuM na shashAka tvayArpitam |
vAto.api tR^iNamAdAtuM na shashAka tvayArpitam || 16||
vinA tavAj~nA na cha vR^ikShaparNaM chalatyaho ko.api nimeShamekam |
kartuM samartho bhuvane kimarthaM karotyahantAM manujo.avashastAm || 17||
pAShANe kR^iShNavarNe kathamapi paritashChidrahIne na jAne
maNDUkaM jIvayasyapratihatamahimAchintyasachChaktijAne ||
kAShThAshmAdyutthavR^ikShAMstryudarakuharagAnjAravItAMshcha garbhAnnUnaM
vishvambhareshAvasi kR^itapayasA dantahInAMstathArbhAn || 18||
karoti sarvasya bhavAnapekShA kathaM bhavattosya bhavedupekShA |
athApi mUDhaH prakaroti tuchChAM sevAM tavojhjhitya cha jIvitechChAm || 19||
dveShyaH priyo vA na cha te.asti kashchit tvaM vartase sarvasamo.atha dushchit |
tvAmanyathA bhAvayati svadoShAnnirdoShatAyAM tava vedaghoShaH || 20||
gR^ihNAsi no kasyachidIsha puNyaM gR^ihNAsi no kasyachidapyapuNyam |
kriyAphalaM mAsya cha kartR^ibhAvaM sR^ijasyavidvetti na cha svabhAvam || 21||
mAtuH shishordurguNanAshanAya na tADane nirdayatA na doShaH |
tathA niyanturguNadoShayoste na duShTahatyA.adayatA na doShaH || 22||
durgAdirUpairmahiShAsurAdyAn rAmAdirUpairapi rAvaNAdyAn |
anekahiMsAdikapApayuktAn krUrAnsadAchArakathAviyuktAn || 23||
svapApanAshArthamanekakalpAnyAsyanta etAnnirayAnakalpAn |
svakIyamuktau nijashastrakR^ittAnkR^itvA bhavAndyA(dhA)manayatsupUtAn || 24||
yA.apAyayatstanyamiShAdviShaM sA lebhe gatiM mAtruchitAM dayAluH |
tvattoparaH ko nijakAryasaktastvameva nityaM hyabhimAnamuktaH || 25||
no kAryaM karaNaM cha te paragate li~NgaM kalA nApi te
vij~nAtA tvadameya nAnya iti te tattvaM prasiddhaM shruteH ||
neshaste janitAdhikaH sama utAnyaH kashchanAsti prabhurdattAtre
ya guro nijAmarataro tvaM satyameko vibhuH || 26||
bhogArthaM sR^ijasIti ko.api vadati krIDArthamitthaM pare
te kechChAsti samAptakAma mahimAnaM no vidurhItare ||
kepIdaM sadasadvadantvitarathA vAmAstu metatkathA\-
panthA me shrutidarshitastava padaprAptyai sukho.anye vR^ithA || 27||
so.ananyabhakto.asya tu paryupAsako nityAbhiyukto yamupaityabhedataH |
tatprItaye.asau bhavatAtsamarthanAtArAvalI tatpadabhaktibhAvanA || 28||

iti shrIvAsudevAnandasarasvatIvirachitA prArthanAtArAvalI sampUrNA |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}