% Text title            : dattaprabodhaH
% File name             : dattaprabodhaH.itx
% Category              : deities\_misc, dattatreya, vAsudevAnanda-sarasvatI
% Location              : doc\_deities\_misc
% Author                : Shri Vasudevanandasarasvati
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : February 10, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dattaprabodhaH ..}##
\itxtitle{.. dattaprabodhaH ..}##\endtitles ##

shrIgaNeshAya namaH ||
nityo hi yadya mahimA na hi mAnameti
     sa tvaM mahesha bhagavanmaghavanmukheDya |
uttiShTha tiShTadamR^itairamR^itairivoktai\-
     rgItAgamaishcha purudhA purudhAmashAlin || 1||
bhakteShu jAgR^ihi mudA himudArabhAvaM
     talpaM vidhAya savisheShavisheShaheto |
yaH sheSha eSha sakalaH sakalaH svagItai\-
     stvaM jAgR^ihi shritapate tapate namaste || 2||
dR^iShTvA janAn vividhakaShTavashAndayAlu\-
     stryAtmA babhUva sakalArtiharo.atra dattaH |
atrermuneH sutapaso.api phalaM cha dAtuM
     buddhyasva sa tvamiha yanmahimAniyattaH || 3||
AyAtyasheShavinuto.apyavagAhanAya
     datto.adhuneti surasindhurapekShate tvAm |
kShetre tathaiva kurusaMj~naka etya siddhA\-
     stasthustavAchamanadesha inodayAtprAk || 4||
sandhyAmupAsitumajo.apyadhunA gamiShya\-
     tyAkA~NkShate kR^itijanaH prativIkShate tvAm |
kR^iShNAtaTe.api narasiMhasuvATikAyAM
     sArArtikaH kR^itijanaH prativIkShate tvAm || 5||
gAndharvasaMj~nakapure.api subhAvikAste
     dhyAnArthamatra bhagavAnsamupaiShyatIti |
matvAsthurAcharitasanniyatAplavAdyA
     uttiShTha deva bhagavannata eva shIghram || 6||
putrI divaH khagagaNAn suchiraM prasuptA\-
     nutpAtayatyaruNagA adhiruhya tUShAH |
kAShAyavastramapidhAnamapAvR^iNUdya\-
     ntArkShyAgrajo.ayamavalokaya taM purastAt || 7||
shATInibhAbhrapaTalAni tavendrakAShThA\-
     bhAgaM yatIndra rurudhurgaruDAgrajo.ataH |
asmAbhirIsha vidito hyudito.ayamevaM
     chandro.api te mukharuchiM chiragAM jahAti || 8||
dvAre.arjunastava cha tiShThati kArtavIryaH
     prahrAda eSha yadureSha madAlasAjaH |
tvAM draShTvakAma itare munayo.api chAha\-
     muttiShTha darshaya nijaM sumukhaM prasIda || 9||
evaM prabuddha iva saMstavanAdabhUtsa
     mAlAM kamaNDalumadho DamaruM trishUlam |
chakraM cha sha~Nkhamupari svakarairdadhAno
     nityaM sa mAmavatu bhAvitavAsudevaH || 10||

iti vAsudevAnandasarasvatIvirachito dattaprabodhaH sampUrNaH |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}