% Text title            : dattavedapAdastutiH
% File name             : dattavedapAdastutiH.itx
% Category              : deities\_misc, dattAtreya, vAsudevAnanda-sarasvatI
% Location              : doc\_deities\_misc
% Author                : vAsudevAnandasarasvatI
% Proofread by          : PSA Easwaran
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 24, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dattavedapAdastutiH ..}##
\itxtitle{.. dattavedapAdastutiH ..}##\endtitles ##

shrIdattAtreyAya namaH ||
agnimIle paraM devaM yaj~nasya tvAM tryadhIshvaram |
stomo.ayamagriyo.arthyaste hR^idispR^igastu shantamaH || 1||
ayaM devAya dUrAya girAM svAdhyAya sAtvatAm |
stomo.astvanena vindeyaM tadviShNoH paramaM padam || 2||
etA yA laukikAH santu hInA vAcho.api naH priyAH |
bAlasyeva pituShTe tvaM sa no mR^ila mahA.Nasi || 3||
ayaM vAM nAtmanostattvamavagamyAsti durmanAH |
hR^idrogaM mama sUrya tvaM harimANaM cha nAshaya || 4||
pramanmahe.asmAnviddhIti stotAraste vayaM namaH |
bhagavo deva te stomamAre asmai cha shR^iNvate || 5||
indro madAya yAtIha satvaraM somino yathA |
stotRRInehi tathA.asmA.Nste mAdhvIrgAvo bhavantu naH || 6||
dve virUpe.atra mAyAyA.a.aste.atra magno.asmi pIDitaH |
mAbhitaH santapantIha sapatnIriva parshavaH || 7||
idaM shreShThamapi prApya janma gantAdha eva tat |
kuru prasAdaM j~nAtvaitattenArha bhUri chAkana || 8||
pravastuj~nAnAjjahAti niShkAmashchenmR^itiM tvaham |
na tAdR^isho.ataH kAmAdi sarvaM rakSho nibarhaya || 9||
suShumAmUrdhiyaH stomairAgachChaite vayaM vibho |
tvadaMshAstvaM patirno.asi devo deveShu medhiraH || 10||
vasU rUpaM rUpamiha pratirUpo.asi no pR^ithak |
etAni bhUtAni vidurbrAhmaNA ye manIShiNaH || 11||
taM nu tvAM kiM bruve.alpaj~no bhagavantaM kShamasva bhoH |
 oShamAgahi mAM tvaM chetsakhA sannatimanyase || 12||
tA vAsanA ghnanti yathA vR^ishchikasyArasaM viSham |
ato mAM pAhi bhUyiShThAM nama uktiM vidhema te || 13||
ni hotA sIdasi vibho yattvaM yaShTurgR^ihe priya |
taM tvA hvaye jyeShTharAjaM brahmaNAM brahmaNaspate || 14||
semAmaviDDhi prabhR^itimIshiShe yo.ava mAnisham |
tvaM vishveShAM yadIshAno brahmaNA veShi me havam || 15||
mandaH svako.ayaM dIno.aj~na iti vidvAnbhavAnprabhuH |
indra AshAbhyaH pari mAM sarvAbhyo abhayaM karat || 16||
pra ya ArUpitAM bhrAntiM tvatprasAdAjjahAti saH |
vimuchyate tadviprAstvAM jAgR^ivAMsaH samindhate || 17||
ichChanti devA api te prasAdAya nR^ijanma tat |
vidvAnnAmAni te datta vishvAbhirgIrbhirImahe || 18||
indra tvA bhajataH sUrerdurlabhaM kiM tarAmi tat |
bhaktyA kleshAdi te nAvA gambhIrA.N udadhI.Nriva || 19||
na tA roddhuM dhiyaH shaktA yogenA.api tataH sadA |
trAtAraM dhImahIsha tvAM dhiyo yo naH prachodayAt || 20||
vaishvAnarAya dattvA.annaM vidhilabdhaM sadaiva te |
bhavAmo bhajane saktA asmAkaM shR^iNudhI havam || 21||
evA tvAmindra viprAsau jAgR^ivAMso vipanyavaH |
stuvantyebhyo hi te ko.api na jyAyA.N asti vR^itrahan || 22||
praR^ibhubhyo gR^iNadbhyaste martyebhyo.apyamR^itatvamit |
dattaM smR^itvA tava manoratha AyAtu pAjasA || 23||
idamutyadiShaM shreyo yajjagdhvA paritR^ipyati |
sAdhustadbhajanaM te.asme iShaM stotR^ibhya Abhara || 24||
tvAmagne mAyinaM mAyAM jetAramaparAjitam |
hitvA kaM sharaNaM yAmaH sa no bodhi shrudhI havam || 25||
mahI mahesho.aj~nAnena bhavAnavatu mAvR^itam |
yathA vai sUryaM svarbhAnustamasAvidhyadAsuraH || 26||
prayu~njatI yadAtmAnaM manIShA manasA saha |
tadaiva bhavataikAntaM jAnatA sa~Ngamemahi || 27||
R^itasya gopAstvaM dehi mahyaM shaM yu~njate dhiyaH |
bhItAya nAdhamAnAya R^iShaye saptavadhraye || 28||
tvaM hi pAtAsi no datta paribAdhasva duShkR^itam |
kAmAdInyasya bIjAni jahi rakShAMsi sukrato || 29||
pibA somamiti shrutvA yaShTurhUtiM shubhaM dravat |
AyAsi pururUpa tvAmAsu goShUpapR^iChyatAm || 30||
indraM votAnyaM na pR^itha~N manye mAyAbhiridbhavAn |
pururUpa itIkShe tvamamitrA.N suShahAnkR^idhi || 31||
yaj~nA yaj~nAdhIsha sarve tvanmayA api teShu naH |
japayaj~no matastena samu pUShNA gamemahi || 32||
stuShe narApyaM tuShTaH sannatho yasyA ayomukham |
mAyAM jitvA bhavAntAM me vishvAhA sharma yachChatu || 33||
juShasva stomamIshaite priyAsaH santu sUrayaH |
vayaM stomapriyAnena yachChA naH sharma dIrghashrut || 34||
ugro jaj~ne mR^ityurayamadugdhA iva dhenavaH |
dhiyo me.anenedR^igIsha na jAto na janiShyate || 35||
prabrahmaihIdamArNyorvArukamiva bandhanAt |
mR^ityu~njaya pramAdAkhyAnmR^ityormukShIya mA.amR^itAt || 36||
yadadya varShma tenaiva pashyema sharadaH shatam |
stotrAya te hate mR^ityau jIvema sharadaH shatam || 37||
pratyuttamaM maheshaM tvAM manAmaha ihAgahi |
mR^ilA sukShatra mR^ilaya mA no duHshaMsa Ishata || 38||
tisro vAchaste.atra varAM ka IshAnaM na yAchiShat |
bhaktyA gR^iNImastvAM stotraistebhirnastUyamAgahi || 39||
dUrAdvihAya sarvaM tvAmR^ishayo ye cha tuShTvavaH |
martA amartyasya te tadbhUri nAma manAmahe || 40||
ya indra tvaM yo namasA svadhvaro hIti saMstutaH |
indro brahmendra R^iShirityupa brahmANi naH shR^iNu || 41||
vayamu tvA varaM devamasmabhyaM sharma saprathaH |
manAmahe pR^iNantaM tadabhitvAmindra nonumaH || 42||
prakR^itAtnyapi sUktAni shR^iNvantaM jAtavedasam |
tvAM gR^iNanti na ke tvaM hi yeShAmindro yuvA sakhA || 43||
tvAvataH pAhi no martyAnyata indra dhayAmahe |
Adishya padabhaktiM te tato no abhayaM kR^idhi || 44||
A tvA rathaM na turagaiH stotraistvA vartayAmasi |
sa tvaM na indra mR^ilaya yasya te svAdu sakhyamit || 45||
A prabodhaM bhavo.abodhaH svapnavadduHkhado.ashuchiH |
patitAnduHkhitAnnRRInnaH pAhi tvaM shR^iNudhI giraH || 46||
indrAya sAma te gAtuM na kShamo nAma te gR^iNe |
baNmahA.N.aasi sUrya tvaM satrAdeva mahA.N.aasi || 47||
somaH punAnontArAmo mayA tvaM nAdhilakShitaH |
IkShe tuchChAnbahirbhogAnyoShA jAramiva priyam || 48||
praNa indorapi smaraM rUpaM te darshayAmalam |
nRRInstotRRInpAhyaMhaso no jahi rakShAMsi sukrato || 49||
hinvanti dvaitamastyasmAdbhayaM vindati mAmiha |
yadanti dUrake yachcha pavamAna vi tajjahi || 50||
dhartA kArakashaktInAM sarveShAM tvamihaika it |
yasho.atredaM pavitraM te vitataM brahmaNaspate || 51||
asarji bhavatA vishvamanityamavashaM bR^ihat |
tvaM saMsmara j~na sharaNa vatsaM jAtaM na dhenavaH || 52||
purojitIsha bho bhUman tatra mAmamR^itaM kR^idhi |
yatrAnandAshcha modAshcha mudaH pramuda Asate || 53||
ayaM sa iti vidvAntsanyamAya ghR^itavaddhaviH |
kuto juhomyato.adevA yamAya juhutA haviH || 54||
nivartadhvamino devA bhadraM no api vAtaya |
mano hare mAM pAhyArtaM pitA putramiva priyam || 55||
pramA pramAtA prameyaM tripuTIha na vidyate |
rUpaM te.avikR^itaM sattvaM madhumanme parAyaNam || 56||
prahotAro.atraiva manonvAhuvAmaha ityataH |
gamAdi manaso nAsya yo yaj~nasya prasAdhanaH || 57||
ye yaj~nenArchantyanena sarve nandanti te tvayA |
nAnye.atastvatpriyA eva virUpAso divaspari || 58||
devAnAM nu vashe yo.asya suma~NgalIriyaM vadhUH |
sneheShu tvachyuto bhogI patirbandheShu badhyate || 59||
vihitaM sarvamitte tvamato jyAyAMshcha pUruShaH |
pAdo.asya vishvA bhUtAni tripAdasyAmR^itaM divi || 60||
haye jAye iti vadanyA sAlAvR^ikahR^itsamA |
tanmayo na sa vedAmumAtmAnaM tava pUruSha || 61||
ubhA upAdhito.atraikaH pAkena manasAnvitaH |
tvAM yadIkSheta taM mAtA rehrali sa u rehli mAtaram || 62||
tadidAtmanhR^idi vapuH pashyantaste manIShayA |
munayo vAtarashanAH pisha~NgA vasate.amalAH || 63||
tyaM chinmayaM budhA rUpaM sa~njAnAnA upAsate |
yo asya pAre rajasaH sa naH parShadati dviShaH || 64||
iShe tvorje chaudanena nityahome.api gavyataH |
yajantyahaM tvakAmastvAM shreShThatamAya karmaNe || 65||
agna AyAhIti gAtuM tvA.akShamaH staumi kevalam |
niShIda me hR^idi yathA nihotA satsi barhiShi || 66||
shaM no devIH prasAdAtte santu dhIvR^ittayo.anisham |
AtmapravAhAH svArasyAchChaMyorabhisravantu naH || 67||
j~nAte.asminpAshamuktiH sakalaviditi tatsyAdanirdeshyamekaM
    sUkShmaM chAtIndriyaM sattadayamiti girAshAbdanirdeshyameva |
vAkyaistattvaM virodhe.api sati sumatibhiH so.ayamityAdivattad\-
    bhAgatyAgena lakShyaM varagurukR^ipayA labhyamaikyaM hi tajj~naiH || 68||

iti shrIparamaha.nsaparivrAjakAchArya shrI shrI shrI
vAsudevAnandasarasvatIyati vareNya virachitaM
shrIdattavedapAdastutiH samAptA ||

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}