% Text title            : Dehastha Devata Chakra Stotram by Abhinavagupta
% File name             : dehasthadevatAchakrastotram.itx
% Category              : deities\_misc, abhinavagupta
% Location              : doc\_deities\_misc
% Author                : Abhinavagupta
% Transliterated by     : Ruma Dewan
% Proofread by          : Ruma Dewan
% Description-comments  : from Abhinavastotravali
% Latest update         : December 18, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dehastha Devata Chakra Stotram ..}##
\itxtitle{.. dehasthadevatAchakrastotram ..}##\endtitles ##
deho devAlayaH proktaH svAtmA devaH sanAtanaH |
tyajedaj~nAnanirmAlyaM so.ahaM bhAvena pUjayet || 1||
asurasuravR^indavanditamabhimatavaravitaraNe niratam |
darshanashatAgryapUjyaM prANatanuM gaNapatiM vande || 2||
varavIrayoginIgaNasiddhAvalipUjitA~Nghriyugalam |
apahR^itavinayijanArtiM vaTukamapAnAbhidhaM vande || 3||
yaddhIbalena vishvaM bhaktAnAM shivapathaM bhAti |
tamahamavadhAnarUpaM sadgurumamalaM sadA vande || 4||
AtmIyaviShayabhogairindriyadevyaH sadA hR^idambhoje |
abhipUjayanti yaM taM chinmayamAnandabhairavaM vande || 5||
udayAvabhAsacharvaNalIlAM vishvasya yA karotyanisham |
AnandabhairavIM tAM vimarsharUpAmahaM vande || 6||
archayati bhairavaM yA nishchayakusumaiH sureshapatrasthA |
praNamAmi buddhirUpAM brahmANIM tAmahaM satatam || 7||
kurute bhairavapUjAmanaladalasthA.abhimAnakusumairyA |
nityamaha~NkR^itirUpAM vande tAM shAmbhavImambAm || 8||
vidadhAti bhairavArchAM dakShiNadalagA viSheshakusumairyA | (vikalpakusumairyA)
nityaM manaHsvarUpAM kaumArIM tAmahaM vande || 9||
nairR^itadalagA bhairavamarchayate shabdakusumairyA |
praNamAmi shrutirUpAM nityaM tAM vaiShNavIM shaktim || 10|| (shabdarUpAm)

pashchimadigdalasaMsthA hR^idayaharaiH sparshakusumairyA |
toShayati bhairavaM tAM tvagrUpadharAM namAmi vArAhIm || 11||
varatararUpavisheShairmArutadigdalaniShaNNadehA yA |
pUjayati bhairavaM tAmindrANIM dR^iktanuM vande || 12||
dhanapatikisalayanilayA yA nityaM vividhaShaDrasAhAraiH |
pUjayati bhairavaM tAM jihvAbhikhyAM namAmi chAmuNDAm || 13||
IshadalasthA bhairavamarchayate parimalairvichitrairyA
praNamAmi sarvadA tAM ghrANAbhikhyAM mahAlakShmIm || 14||
ShaDdarshaneShu pUjyaM ShaDtriMshattattvasaMvalitam |
AtmAbhikhyaM satataM kShetrapatiM siddhidaM vande || 15||
saMsphuradanubhavasAraM sarvAntaH satatasannihitam |
naumi sadoditamitthaM nijadehagadevatAchakram || 16||

iti shrIabhinavaguptapAdAchAryakR^itaM dehasthadevatAchakrastotraM sampUrNam ||

##
There is a little variation between prints in relation to
verse 1 and reversed order of shlokas 4-5.

Encoded and proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}