% Text title : Stutisangraha Short Hymns of Various Deities % File name : devadevatAstutisangrahaH.itx % Category : deities\_misc, vishhnu, shiva, navagraha, devii, misc, dashamahAvidyA, sangraha, devI % Location : doc\_deities\_misc % Proofread by : Aruna Narayanan narayanan.aruna at gmail.com % Description/comments : Brihat Stotra Ratnakar Shivadutta Shastri (Ed.) % Latest update : February 24, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Stutisangraha Short Hymns of Various Deities ..}## \itxtitle{.. sarvavidhadevAnAM stotrasa~NgrahaH ..}##\endtitles ## \section{prabhAte karadarshanam |} karAgre vasate lakShmI karamadhye sarasvatI | karamUle tu govindaH prabhAte karadarshanam || \section{bhagavadbhaktasmaraNam |} prahlAdanAradaparAsharapuNDarIka\- vyAsA.ambarIShashukashaunakabhIShmadAlbhyAn | rukmA~NgadA.arjunavasiShThavibhIShaNAdIn puNyAnimAn paramabhAgavatAn smarAmi || \section{pippalastutiH |} ashvattha hutabhugvAsa govindasya gadApriya | asheShaM hara me pApaM vR^ikSharAja! namo.astu te || 1|| mUle brahmA tvachi viShNuH shAkhAyAM sha~Nkara eva cha | patre patre sarvadevA vAsudevAya te namaH || 2|| \section{garuDastutiH |} shrIviShNuvAhanaM praNamAmi bhavatyA sarpAshanaM duHkhaharaM khagesham | manohare vAsusamAnavegaM ChandomayaM j~nAnadhanaM prashAntam || 1|| viShNuputrAya shAntAya balabuddhiyutAya cha | pakShIndrAyA.ativegAya garuDAya namo namaH || 2|| \section{dIpastutiH |} dIpo jyotiH paraM brahma dIpo jyotirjanArdanaH | dIpo haratu me pApaM sandhyAdIpa ! namo.astute || 1|| shubhaM karotu kalyANamArogyaM sukhasampadAm | mama buddhiprakAshaM cha dIpajyoti ! namo.astu te || 2|| shubhaM bhavatu kalyANamArogyaM puShTivardhanam | AtmatattvaprabodhAya dIpajyotirnamo.astu te || 3|| \section{tulasIstutiH |} devaistvaM nirmitA pUrvamarchitA.asi munIshvaraiH | namo namaste tulasi! pApaM hara haripriye || 1|| yanmUle sarvatIrthAni yanmadhye sarvadevatAH | yadagre sarvavedAshcha tulasi! tvAM namAmyaham || 2|| \section{hanumatstutiH |} manojavaM mArutatulyavegaM jitendriyaM buddhimatAM variShTham | vAtAtmajaM vAnarayUthamukhyaM shrIrAmadUtaM shirasA namAmi || 1|| ulla~Nghya sindhoH salilaM salIlaM ya shokavahniM janakAtmajAyAH | AdAya tenaiva dadAha la~NkAM namAmi taM prA~njalirA~njaneyam || 2|| \section{kuberastutiH |} dhanAdhyakShAya devAya narayAnopaveshine | namaste rAjarAjAya kuberAya mahAtmane || \section{sha~NkhastutiH |} tvaM purA sAgarotpanno viShNunA vidhR^itaH kare | nirmitaH sarvadevaishcha pA~nchajanya! namo.astute || \section{dattAtreyastutiH |} pItAmbarAla~NkR^itapR^iShThabhAgaM bhasmAvaguNThA.akhilarukmadeham | vidyutsadApi~NgajaTAbhirAmaM shrIdattayAgIshamahaMnato.asmi || 1|| brahmAnandaM paramasukhadaM kektyaM j~nAnamUrtiM dvandvAtItaM gaganasadR^ishaMtattvamasyAdilakShyam | eka nityaM vimalamachalaM sarvadhIsAkShibhUtaM bhAvAtItaM triguNarahitaM sadguruM taM namAmi || 2|| \section{bhagavatstutiH |} tvameva mAtA cha pitA tvameva tvameva bandhushcha sakhA tvameva | tvameva vidyA draviNaM tvameva tvameva sarvaM mama devadeva || 1|| pitA mAtA gururbhrAtA sakhA bandhustvameva me | vidyA satkarma vittaM cha puraspR^iShThe cha pArshvayoH || 2|| \section{navanAgastutiH |} anantaM vAsukiM sheShaMpadmanAbhaM cha kambalam | sha~NkhapAlaM dhR^itarAShTraM takShakaM kAliyaM tathA || 1|| etAni navanAmAni nAgAnAM cha mahAtmanAm | sAya~NkAle paThennityaM prAtaHkAle visheShataH | tasya viShabhayaM nAsti sarvatra vijayI bhavet || 2|| \section{mukundastutiH |} karAravindena padAravindaM mukhAravinde viniveshayantam | vaTasya patrasya puTe shayAnaM bAlaM mukundaM manasA smarAmi || \section{annapUrNAstutiH |} annapUrNe sadApUrNe sha~NkaraprANavallabhe | j~nAnavairAgyasid.hdhyarthaM bhikShAM dehi cha pArvati || \section{shItalAstutiH |} shItale tvaM jaganmAtA shItale tvaM jagatpitA | shItale tvaM jagaddhAtrI shItalAyai namo namaH || 1|| vande.ahaM shItalAM devIM rAsabhasthAM digambarAm | mArjanIMkalashopetAM shUrpAla~NkR^itamastakAm || 2|| vande.ahaM shItalAM devIM sarvarogabhayApahAm | yAmAsAdya nivarteta visphoTakabhayaM mahat || 3|| \section{lekhanIstutiH |} kR^iShNAnane dvijahve cha chitraguptakarasthite | sadakSharANAM patre cha lekhyaM kuru sadA mama || \section{kAlIstutiH |} kAlI kAlI mahAkAlI kAlike parameshvarI | sarvAnandakare devi nArAyaNi! namo.astu te || \section{mahAkAlIstutiH |} yA kAlikA rogAharA suvandyA vaishyaiH samastairvyavahAradakShaiH | janairjanAnAM bhayahAriNI cha sA devamAtA mayi saukhyadAtrI || \section{mahAlakShmIstutiH |} vande lakShmIM parashivamayIM shuddhajAmbUnadAbhAM tejorUpAM kanakavasanAM sarvabhUShojjvavalA~NgIm | bIjApUraM kanakakalashaM hemapadmaM dadhAnA\- mAdyAM shaktiM sakalajananIM viShNuvAmA~NkasaMsthAm || 1|| surAH.asurendrAdikirITamauktikairyuktaM sadA yattava pAdapa~Nkajam | parAvaraM pAtu varaM suma~NgalaM namAmi bhaktyA tava kAmasiddhaye || 2|| bhavAni tvaM mahAlakShmIH sarvakAmapradAyini | supUjitA prasannA syAnmahAlakShmyai namo.astu te || 3|| \section{mahAsarasvatIstutiH |} shuklAM brahmavichArasAraparamAmAdyAM jagadvyApinIM vINApustakadhAriNImabhayadAM jADyAndhakArApahAm | haste sphATikamAlikAM vidadhatIM padmAsane saMsthitAM vande tAM parameshvarIM bhagavatIM buddhipradAM shAradAm || 1|| yA kundendutuShArahAra dhavalA yA shubhravastrAvR^itA yA vINAvaradaNDamaNDitakarA yA shvetapadmAsanA | yA brahmA.achyutasha~NkaraprabhR^itibhirdevaiH sadA vanditA sA mAM pAtu sarasvatI bhagavatI niHsheShajADyApahA || 2|| vINAdhare vipula ma~NgaladAnashIle kIrtiprade.akhilamanorathade mahArhe vidyApradAyini sarasvati naumi nityam || 3|| shAradA shAradAmbhojavadanA vadanAmbuje | sarvayA sarvadA.asmAkaM sannidhiM sannidhiM kriyAt || 4|| \section{janmabhUmidarshanaphalam |} kapilAgosahasraM cha yo dadAti dinedine | tatphalaM samavApnoti janmUbhUmeH pradarshanAt || 1|| janmAntarasahasreNa yatpApaM samupArjitam | tatsarvaM nAshamApnoti janmabhUmeH pradarshanAt || 2|| putrArthI labhate putraM dhanArthI labhate dhanam | mokShArthI mokShamApnoti janmabhUmeH pradarshanAt || 3|| \section{bhairavastutiH |} karakalitakapAlaH kuNDalI daNDapANi\- staruNatimiranIlavyAlayaj~nopavItI | kratusamayasaparyA vighnavichChedahetu\- rjayati vaTukanAthaH siddhidaH sAdhakAnAm || \section{pANDura~NgastutiH |} samacharaNasarojaM sAndranIlAmbudAbhaM jaghananihitapANiM maNDanaM maNDanAnAm | taruNatulasimAlAkandharaM ka~njanetraM sadayadhavalahAsaM viTThalaM chintayAmi || \section{rAmachandrastutiH |} dhyAyedAjAnubAhuM dhR^itasharadhanuShaM baddhapadmAsanasthaM pItaM vAso vasAnaM navakamaladalasparddhinetraM prasannam | vAmA~NkArUDhasItAmukhakamalamilallochanaM nIradAbhaM nAnAla~NkAradIptaM dadhatamurujaTAmaNDalaM rAmachandram || 1|| kalyANAnAM nidhAnaM kalimalamathanaM pAvanaM pAvanAnAM pAtheyaM yanmumukShoH sapadi paramapadaprAptaye prasthitasya | vishrAmasthAmekaM kavivaravachasAM jIvanaM sajjanAnAM bIjaM dharmadrumasya prabhavatu bhavatAM bhUtaye rAmanAma || 2|| rAjyaM yena paTAntalagnatR^iNavattyaktaM gurorAj~nayA pAtheyaM parigR^ihya kArmukavaraM ghora vanaM prasthitaH | svAdhInaH shashimaulichApavijaye prApto na vai vikriyAM pAyAd vaH sa vibhIShaNAgrajanihA rAmAbhidhAno hariH || 3|| \section{kR^iShNastutiH |} shriyAshliShTo viShNuH sthiracharagururvedaviShayo dhiyAM sAkShI shuddho harirasurahantAbjanayanaH | gadI sha~NkhI chakrI vimalavanamAlI sthiraruchiH sharaNyo lokesho mama bhavatu kR^iShNo.akShi viShayaH || \section{viShNustutiH |} yaM shaivAHsamupAsate shiva iti brahmeti vedAntino bauddhA buddha iti pramANapaTavaH karteti naiyAyikAH | arhannityatha jainashAsanaratAH karmeti mImAMsakAH so.ayaM vo vidadhAtu vA~nChitaphalaM trailokyanAtho hariH || 1|| yaM brahmAvaruNendrarudramarutaH stunvanti divyaiH stavai\- rvedaiH sA~NgapadakramopaniShadairgAyanti yaM sAmagAH | dhyAnAvasthitatadgatena manasA pashyanti yaM yogino yasyA.antaM na viduH surA.asuragaNAH devAya tasmai namaH || 2|| shAntAkAraM bhujagashayanaM padmanAbhaM sureshaM vishvAdhAraM gaganasadR^ishaM meghavarNaM shubhA~Ngam | lakShmIkAntaM kamalanayanaM yogibhirdhyAnagamyaM vande viShNuM bhavabhayaharaM sarvalokaikanAtham || 3|| namo.astvanantAya sahasramUrtaye sahasrapAdAkShishirorubAhave | sahasranAmne puruShAya shAshvate sahasrakoTIyugadhAriNe namaH || 4|| AkAshAt patitaM toyaM yathA gachChati sAgaram | sarvadevanamaskAraH keshavaM prati gachChati || 5|| iti viShNustutiH samAptA | \section{shivastutiH |} karpUragauraM karuNAvatAraM saMsArasAraM bhujagendrahAram | sadA vasantaM hR^idayAravinde bhavaM bhavAnIsahitaM namAmi || 1|| asitagirisamaM syAt kajjalaM sindhupAtre surataruvarashAkhAlekhanIpatramUrvI | likhati yadi gR^ihItvA shAradA sarvakAlaM tadapi tava guNAnAmIshapAraM nayAti || 2|| vande devamumApatiM suruguruM vande jagatkAraNaM vande pannagabhUShaNaM mR^igadharaM vande pashUnAM patim | vande sUryashashA~NkavahninayanaM vande mukundapriyaM vande bhaktajanAshrayaM cha varadaM vande shivaM sha~Nkaram || 3|| smashAneShvAkrIDA smarahara pishAchAH sahacharA\- shchitAbhasmAlepaH sragapi nR^ikaroTIparikaraH | ama~NgalyaM shIlaM tava bhavatu nAmaivamakhilaM tathA.api smartR^iNAM varada paramaM ma~Ngalamasi || 4|| nirAvalambasya mamA.avalambaM vipATitAsheShavipatkadambam | madIyapApAchalapAtashambaM pravartatAM vAchi sadaiva baM bam || 5|| pApo.ahaM pApakarmA.ahaM pApAtmA pApasambhavaH | trAhi mAM pArvatInAtha! sarvapApaharo bhava || 6|| iti shivastutiH samAptA | \section{buddhastutiH |} dhyAnavyAjamupetya chintayasi kAmunmIlya chakShuH kShaNaM pashyA.ana~NgasharAturaM janamimaM trAtA.api no rakShasi | mithyAkAruNiko.asi nirghR^iNatarastvattaH kuto.anyaH pumAn | shashvanmAravadhUbhirityabhihito buddho jinaH pAtu vaH || \section{jinastutiH |} AbAhUdgatamaNDalAgraruchayaH sannaddhavakShaHsthalAH soShmANo vraNino vipakShahR^idayapronmAthinaH karkashAH | utsR^iShTAmbaradR^iShTivibhramabharA yasya smarAgresarA yodhA vAravadhUstanAshcha na dadhuH kShobhaM sa vo.avyAjjinaH || \section{jinendrastutiH |} sampUjakAnAM pratipAlakAnAM yatIndrasAmAnyatapodhanAnAm | deshasya rAShTrasya purasya rAj~naH karotu shAntiM bhagavAn jinendraH || \section{mahAvIrastutiH |} yadIye chaitanye mukura iva bhAvAshchidachitaH samaM bhrAntiM dhrauvyavyayajanilasanto.antarahitAH | jagatsAkShI mArgaprakaTanaparo bhAnuriva yo mahAvIraH svAmI nayanapathagAmI bhavatu me || \section{satyarUpastutiH |} satyarUpaM satyasandhaM satyanArAyarNa hariNe yatsatyatvena jagatastaM satyaM tvAM namAmyaham || 1|| trailokyachaitanyamayAdideva! shrInAtha! viShNo! bhavadAj~nayA vai prAtaH samutthAya tava priyArthaM saMsArayAtrAmanuvartayiShye || 2|| \section{duHsvapnanAshanasUryastutiH |} AdityaH prathamaM nAma dvitIyaM tu divAkaraH | tR^itIyaM bhAskaraH proktaM chaturthaM cha prabhAkaraH || 1|| pa~nchamaM cha sahasrAMshuH ShaShThaM chaiva trilochanaH | saptamaM haridashvashcha aShTamaM cha vibhAvasuH || 2|| navamaM dinakR^it proktaM dashamaM dvAdashAtmakaH | ekAdashaM trayImUrtirdvAdashaM sUrya eva cha || 3|| dvAdashaitAni nAmAni prAtaHkAle paThennaraH | duHsvapnanAshanaM sadyaH sarvasiddhiH prajAyate || 4|| \section{duHsvapnanAshanadevasmaraNam |} avimuktacharaNayugalaM dakShiNamUrteshcha kukkuTachatuShkam | smaraNaM vArANasyAM nihanti svapnamashakunaM cha || \section{saptachira~njIvistutiH |} ashvatthAmA balirvyAso hanUmAMshcha vibhIShaNaH | kR^ipaH parashurAmashcha saptaite chirajIvinaH || 1|| saptaitAn saMsmarennityaM mArkaNDeyamathAShTamam | jIved varShashataM so.api sarvavyAdhivivarjitaH || 2|| \section{puNyajanastutiH |} puNyashloko nalo rAjA puNyashloko yudhiShThiraH | puNyashlokA cha vaidehI puNyashloko janArdanaH || \section{hakArAdipa~nchadevastutiH |} haraM hariM harishchandraM hanumantaM halAyudham | pa~nchakaM haM smarennityaM ghorasa~NkaTanAshanam || \section{pa~nchadevIstutiH |} umA uShA cha vaidehI ramA ga~Ngeti pa~nchakam | prAtareva smarennityaM saubhAgyaM varddhate sadA || \section{pa~nchakanyAstutiH |} ahalyA draupadI tArA kuntI mandodarI tathA | pa~nchakanyAH smarennityaM mahApAtakanAshanam || \section{saptarShismaraNam |} kashyapo.atrirbharadvAjo vishvAmitro.atha gotamaH | jamadagnirvasiShThashcha saptaite R^iShayaH smR^itAH || 1|| teShAM vaMshAnuvaMshAnAM vedamantrasya draShTR^iNAm | saMsmarAmi sadA chaiva bhaktyA dharmamArgapradarshakAn | \section{saptapurIstutiH |} ayodhyA mathurA mAyA kAshI kA~nchI hyavantikA | purI dvArAvatI chaiva saptaitA mokShadAyikAH || \section{rAjarShistutiH |} karkoTakasya nAgasya damayantyA nalasya cha | R^ituparNasya rAjarSheH kIrtanaM kalinAshanam || \section{aniruddhAdidevastutiH |} aniruddhaM rAjaM grAhaM vAsudevaM mahAdyutim | sa~NkarShaNaM mahAtmAnaM pradyumnaM cha tathaiva cha || 1|| matsyaM kUrmaM cha vArAhaM vAmanaM tArkShyameva cha | nArasiMhaM cha nAgendraM sR^iShTisaMhArakArakam || 2|| vishvarUpaM hR^iShIkeshaM govindaM madhusUdanam | tridashairvanditaM devaM dR^iDhabhaktimanUpamam || 3|| etAni prAtarutthAya saMsmariShyanti ye narAH | sarvapApaiH pramuchyante svargalokamavApnuyuH || 4|| \section{prAtarvandanIyastutiH |} prAtaHkAle pitA mAtA jyeShThabhrAtA tathaiva cha | AchAryAH sthavirAshchaiva vandanIyA dine dine || \section{prAtardarshanam |} kapilAM darpaNaM dhenuM bhAgyavantaM cha bhUpatim | AchAryaM annadAtAraM prAtaH pashyed budho janaH || 1|| shrotriyaM subhagAM gAM cha agnimagnichitiM tathA | prAtarutthAya yaH pashyedApadbhyaH sa vimuchyate || 2|| \section{pR^ithvIstutiH |} svargaikobhiradonivAsipuruShArabdhAtishuddhAdhvara\- svAhAkAravaShaTkriyotthamamR^itaM svAdIya AdIyate | AmnAyapravaNairala~NkR^itajuShe.amuShmai manuShyaiH shubhai\- rdivyakShetrasaritpavitravapuShe devyai pR^ithivyai namaH || 1|| samudavasane devi! parvatastanamaNDale | viShNupatni namastubhyaM pAdasparshaM kShamasva me || 2|| \section{dantadhAvanastutiH |} Ayurbala yasho varchaH prajAH pashuvasUni cha | brahma praj~nAM cha medhAM cha tvanno dehi vanaspate! || \section{kumbhastutiH |} devadAnavasaMvAde mathyamAne mahodadhau | utpanno.asi yadA kumbha! vidhR^ito viShNunA svayam || 1|| tvattoye sarvatIrthAni devAH sarve tvayi sthitAH | tvayi tiShThanti bhUtAni tvayi prANAH pratiShThitAH || 2|| shivaH svayaM tvamevA.asi viShNustvaM cha prajApatiH | AdityA vasavo rudrA vishvedevAH sapaitR^ikAH || tvayi tiShThanti sarve.api yataH kAmaphalapradAH || 3|| \section{ShoDashamAtR^ikAstutiH |} gaurI padmA shachI medhA sAvitrI vijayA jayA | devasenA svadhA svAhA mAtaro lokamAtaraH || 1|| jayantI ma~NgalA kAlI bhadrakAlI kapAlinI | durgA kShamA shivA dhAtrI svAhA svadhA namo.astu te || 2|| \section{navadurgAnAmastotram |} prathamaM shailaputrI cha dvitIyaM brahmachAriNI | tR^itIyaM chandraghaNTeti kUShmANDeti chaturthakam || 1|| pa~nchamaM skandamAteti ShaShThaM kAtyAyanIti cha | saptamaM kAlarAtrishchamahAgaurIti chAShTamam || 2|| navamaM siddhidAtrI cha nava durgAH prakIrtitAH | ##The shloka for each Durga form is given below. Also see navadurgAstotra in Devi section with different verses.## \section{shailaputrIstutiH |} jagatpUjye jagadvandye sarvashaktisvarUpiNi | sarvAtmikeshi! kaumAri! jaganmAtarnamo.astu te || \section{brahmachAriNIstutiH |} tripurAM triguNAdhArAM mArgaj~nAnasvarUpiNIm | trailokyavanditAM devIM trimUrtiM praNamAmyaham || \section{chandraghaNTAstutiH |} kAlikAM tu kalAtItAM kalyANahR^idayAM shivAm | kalyANajananIM nityaM kalyANIM praNamAmyaham || \section{kUShmANDAstutiH |} aNimAdiguNaudArAM makarAkArachakShuSham | anantashaktibhedAM tAM kAmAkShIM praNamAmyaham || \section{skandamAtAstutiH |} chaNDavIrAM chaNDamAyAM chaNDamuNDaprabha~njanIm | tAM namAmi cha deveshIM chaNDikAM chaNDavikramAm || \section{kAtyAyanIstutiH |} sukhAnandakarIM shAntAM sarvadevairnamaskR^itAm | sarvabhUtAtmikAM devIM shAmbhavIM praNamAmyaham || \section{kAlarAtristutiH |} chaNDavIrAM chaNDamAyAM raktabIjaprabha~njanIm | tAM namAmi cha deveshIM gAyatrIM guNashAlinIm || \section{mahAgaurIstutiH |} sundarIM svarNasarvA~NgIM sukhasaubhAgyadAyinIm | santoShajananIM devIM subhadrAM praNamAmyaham || \section{siddhidAstutiH |} durgame dustare kArye bhayadurgavinAshini | praNamAmi sadA bhaktyA durgAM durgatinAshinIm || \section{siddhilakShmIstutiH |} AkArabrahmarUpeNa o~NkAraM viShNumavyayam | siddhilakShmi! parAlakShmi! lakShyalakShmi! namo.astu te || 1|| yA shrIHpadmavane kadambashikhare rAjagR^ihe ku~njare shvete chA.ashvayute vR^iShe cha yugale yaj~ne cha yUpasthite | sha~Nkhe devakule narendrabhavane ga~NgAtaTe gokule yA shrIstiShThati sarvadA mama gR^ihe bhUyAt sadA nishchalA || 2|| yA sA padmAsanasthA vipulakaTitaTI padmapatrAyatAkShI gambhIrAvartanAbhiH stanabharanamitA shuddhavaktrottarIyA | lakShmIrdivyairgajendrairmaNigaNakhachitaiH snApitA hemakumbhai\- rnityaM sA padmahastA mama vasatu gahe sarvamA~NgalyayuktA || 3|| \section{shanistutiH |} koNasthaH pi~Ngalo babhruH kR^iShNo raundrAntako yamaH | sauriH shanaishcharo mandaH pippalAshrayasaMsthitaH || 1|| etAni shaninAmAni japedashvatthasannidhau | shanaishcharakR^itA pIDA na kadA.api bhaviShyati || 2|| \section{shanipatnInAmastutiH |} dhvajinI dhAmanI chaiva ka~NkAlI kalahapriyA | kaNTakI kalahI chA.atha tura~NgI mahiShI ajA || 1|| shanernAmAni patnInAmetAni sa~njapan pumAn | duHkhAni nAshayennityaM saubhAgyamedhate sukham || 2|| \section{grahastutiH |} brahmA murAristripurAntakArI bhAnuH shashI bhUmisuto budhashcha | gurushcha shukraH shanirAhuketavaH kurvantu sarve mama suprabhAtam || ##The one verse praise for navagrahas is given below under navagrahAH portion for each.## \section{ga~NgAstutiH |} shailendrAdavatAriNI nijajale majjajjanAttAriNI pArAvAravihAriNI bhavabhayashreNIsamutsAriNI | sheShAheranukAriNI harashirovallodalAkAriNI kAshIprAntavihAriNI vijayate ga~NgAmanohAriNI || \section{yamunAstutiH |} ayi madhure madhumodavilAsini shailavihAriNi vegabhare parijatpAlini duShTaniShUdini vA~nChitakAmavilAsadhare | vrajapuravAsijanArditapAtakahAriNi vishvajanoddharike jaya yamune jaya bhItinivAriNisa~NkaTanAshini pAvaya mAm || \section{mAlAstutiH |} mahAmAye mahAmAle sarvashaktisvarUpiNi! | chaturvargastvayi nyastastasmAnme siddhidA bhava || 1|| avighnaM kuru mAle ! tvaM gR^ihNAmi dakShiNe kare | japakAle cha sid.hdhyarthaM prasIda mama siddhaye || 2|| \section{indrastutiH |} airAvatasamArUDho vajrahasto mahAbalaH | shatayaj~nAbhidho devastasmAdindrAya te namaH || \section{shashA~NkastutiH |} jyotsnAnAM pataye tubhyaM jyotiShAM pataye namaH | namaste rohiNIkAnta! sudhAvAsa! namo.astu te || 1|| namo maNDaladIpAya shiroratnAya dhUrjaTeH | kalAbhirvarddhamAnAya nabhashchandrAya chArave || 2|| \section{navagrahAH} \section{ravistutiH |} grahANAmAdirAdityo lokarakShaNakArakaH | viShamasthAnasambhUtAM pIDAM dahatu me raviH || \section{chandrastutiH |} rohiNIshaH sudhAmUrtiH sudhAgAtro sudhAshanaH | viShamasthAnasambhUtAM pIDAM dahatu me vidhuH || \section{kujastutiH |} bhUmiputro mahAtejA jagatobhayakR^itsadA | vR^iShTikR^idvR^iShTihartA cha pIDAM dahatu me kujaH || \section{budhastutiH |} utpAtarUpI jagatAM chandraputro mahAdyutiH sUryapriyakaro vidvAn pIDAM dahatu me budhaH || \section{gurustutiH |} devamantrI vishAlAkSho sadA lokahite rataH | anekashiShyasampUrNaH pIDAM dahatu me guruH || \section{bhR^igustutiH |} daityamantrI gurusteShAM praNavashcha mahAdyutiH | prabhustArAgrahANAM cha pIDAM dahatu me bhR^iguH || \section{shanistutiH |} sUryaputro dIrghadeho vishAlAkShaH shivapriyaH | mandachAraH prasannAtmA pIDAM dahatu me shaniH || \section{rAhustutiH |} mahAshIrShI mahAvaktro mahAdaMShTro mahAyashAH | atanushchordhvakeshashcha pIDAM dahatu me tamaH || \section{ketustutiH |} anekarUpavarNaishcha shatasho.atha sahasrashaH | utpAtarUpI ghorashcha pIDAM dahatu me shikhI || \section{sArdhashlokI durgA |} madhukaiTabhanAshaM cha mahiShAsuraghAtanam | shakrAdistutikaM chaiva dUtasaMvAda eva cha || 1|| shumbharAjavadhashchaiva nArAyaNakR^itastutiH | sArdhapAThamidaM proktaM navapAThaphalapradam || 2|| \section{ardhashlokIbhAgavatam |} shlokArdhe tathA proktaM bhagavatyA.akhilArthadam | sarvaM khalvidamevA.ahaM nA.anyadasti sanAtanam || \section{anantastutiH |} anantasaMsAramahAsamudre magnaM samabhyuddhara vAsudeva! | anantarUpe viniyojayasva anantasUtrAya namo namaste || \section{dashamahAvidyAnAmAni |} kAlI tArA mahAvidyA ShoDashI bhuvaneshvarI | bhairavI ChinnamastAM cha vidyA dhUmAvatI tathA || 1|| bagalA siddhividyA cha mAta~NgI kamalAtmikA | etA dashamahAvidyAH siddhividyAH prakIrtitAH || 2|| ##The shlokas for each dashamahAvidyA form are given below. Also see dashamahavidya section under devii dropdown menu for different extended hymns.## \section{kAlIstutiH |} raktA.abdhipotAruNapadmasaMsthAM pAshA~NkusheShvAsasharA.asibANAn | shUlaM karAlaM dadhatIM karA.abjai raktAM trinetrAM praNamAmi devIm || \section{tArAstutiH |} mAtarnIlasarasvati praNamatAM saubhAgyasampatprade pratyAlIDhapadasthite shavahR^idi smerAnanAmbhoruhe | phullendIvaralochane trinayane kartrI kapAlotpale khaDga~nchAdadhatI tvameva sharaNaM tvAmIshvarImAshraye || 1|| vAchAmIshvari bhaktakalpalatike sarvArthasiddhIshvari ! gadyaprAkR^itapadyajAtarachanAsarvArthasiddhiprade! | nIlendIvaralochanatrayayute kAruNyavArAnnidha! saubhAgyAmR^itavarddhanena kR^ipayA si~nchatvamasmAdR^isham || 2|| \section{ShoDashIstutiH |} bAlavyaktavibhAkarAmitanibhAM bhavyapradAM bhAratIM IShatphullamukhAmbujasmitakarairAshAbhavAndhApahAm | pAshaM sAbhayama~NkushaM cha varadaM saMvibhratIM bhUtidA bhrAjantIM chaturambujAkR^itikarairbhaktyA bhaje ShoDashIm || 1|| bAlArkamaNDalAbhAsAM chaturvAhuM trilochanAm | pAshA.a~NkushasharAMshchApaM dhArayantIM shivAM bhaje || 2|| \section{bhuvaneshvarIstutiH |} udyaddinadyutimindukirITAM tu~NgakuchAM nayanatrayayuktAm | smeramukhIM varadA~NkushapAshAbhItikarAM prabhaje bhuvaneshIm || 1|| jagajjanAnandakarIM jayAkhyAM yashasvinIM yantrasuyaj~nayonim | jitAmitAmitrakR^itaprapa~nchAM bhajAmahe shrIbhuvaneshvarI tAm || 2|| harau prasupte bhuvanatrayAnte avAtarannAbhijapadmajanmA | vidhistato.andhe vidadhArayatpadaM bhajAmahe shrIbhuvaneshvarIM tAm || 3|| \section{ChinnamastAstutiH |} nAbhau shuddhasarojavaktravilasadbandhUkapuShpAruNaM bhAsvadbhAskaramaNDalaM tadudare tadyonichakraM mahat | tanmadhye viparItamaithunaratapradyumnasatkAminI\- pR^iShThasthAM taruNArkakoTivilasattejaHsvarUpAM bhaje || \section{tripurabhairavIstutiH |} udyadbhAnusahasrakAntimaruNakShaumAM shiromAlikAM raktAliptapayodharAM japavaTIM vidyAmabhItiM varam | hastAbjairdadhatIM trinetravilasadvaktrAravindashriyaM devIM baddhahimAMshuratnamukuTAM vande samandasmitAm || (## var ## vande.aravindasthitAm) \section{dhUmAvatIstutiH |} prAtaryA syAt kumAro kusumakalikayA jApamAlA japantI madhyAhne prauDharUpAvikasitavadanA chArunetrA nishAyAm | sandhyAyAM vR^iddharUpA galitakuchayugA muNDamAlAM vahantI sA devI devadevI tribhuvanajananI kAlikA pAtu yuShmAn || \section{bagalAstutiH |} madhye sudhAbdhimaNimaNDaparatnavedyAM siMhAsanoparigatAM paripItavarNAm | pItAmbarAbharaNamAlyavibhUShitA~NgIM devIM smarAmi dhR^itamudgaravairijihvAm || 1|| chalatkanakakuNDalollasitachArugaNDasthalAM lasatkanakachampakadyutimadindubimbAnanAm | gadAhatavipakShakAM kalitalolajihvA chalAM smarAmi bagalAmukhIM vimukhavA~NmanaHstambhinIm || 2|| jihvAgramAdAya kareNa devIM vAmena shatrUn paripIDayantIm | gadAbhighAtena cha dakShiNena pItAmvarADhyAM dvibhujAM namAmi || 3|| prabhAtakAle prayato manuShyaH paThet subhaktyA parichintya pItAm | drutaM bhavet tasya samastavR^iddhirvinAshamAyAti cha tasya shatruH || 4|| \section{mAta~NgIstutiH |} shyAmAM shubhrAMshubhAlAM trikamalanayanAM ratnasiMhAsanasthAM bhaktAbhIShTapradAtrIM suranikarakarAsevyaka~njA~NrighrayugmAm | nIlAmbhojAMshukAntiM nishicharanikarAraNyadAvAgnirUpAM pAshaM khaDgaM chaturbhirvarakamalakaraiH kheTakaM chA~NkushaM cha || 1|| namaste mAta~Ngyai mR^idumuditatanvai tanumatAM parashreyodAyai kamalacharaNadhyAnamanasAm | sadA saMsevyAyai sadasi vibudhairdivyadhiShaNai\- rdrayAdrAyai devyai duritadalanoddaNDamanase || 2|| \section{kamalAtmikAstutiH |} dhyAnam \- kAntyA kA~nchanasannibhAM himagiriprakhyashchaturbhirgajai\- rhastotkShiptahiraNmayA.amR^itaghaTairAsichyamAnAM shriyam | bibhrANAM varamabjayugmamabhayaM hastaiH kirITojjvalAM kShaumAbaddhanitambabimbalalitAM vande.aravindasthitAm || stutiH \- trailokyapUjite devi! kamale viShNuvallabhe! | yathA tvamachalA kR^iShNe tathA bhava mayi sthirA || 1|| IshvarI kamalA lakShmIshchalA bhUtirharipriyA | padmA padmAlayA samyaguchchaiH shrIpadmadhAriNI || 2|| dvAdashaitAni nAmAni lakShmIM sampUjya yaH paThet | sthirA lakShmIrbhavet tasyaputradArAdibhiH saha || 3|| iti shrIkamalAtmikAstutiH samAptA | ## Proofread by Aruna Narayanan narayanan.aruna at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}