% Text title            : Gayatri Upadesha
% File name             : gAyatryupadeshaH.itx
% Category              : deities\_misc, upadesha, advice
% Location              : doc\_deities\_misc
% Proofread by          : Manish Gavkar
% Latest update         : September 24, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatri Upadesha ..}##
\itxtitle{.. gAyatryupadeshaH ..}##\endtitles ##
R^iShaya UchuH |
kathaM gopIpaterbhavyA gAyatrI gR^ihyate janaiH |
kiM kAryaM taistadAkhyAhi tathA nAmasahasrakam || 1||
shrIshANDilya uvAcha |
varNAshramAchAravatA puruSheNa paraH pumAn |
ArAdhyate tadA sadyaH prasIdati na chAnyathA || 2||
brahmachArI gR^ihI vAnaprastho yativarastathA |
chatvAra AshramAshchaite brAhmaNasyaiva sammatAH || 3||
rAjanyasya trayashchAdyA visho dvau cha yugAntare |
gR^ihAshramo.api shUdrasya brAhmaNAnugatasya vai || 4||
vrAtyApadhvaMsajAH sarve te bhavanti nirAshramAH |
teShAM sAmAnya evAsti dharmo mAnyastu vaidikaiH || 5||
brahmakShatravishAM vakShye mau~njI lupyati chedyadi |
tadaiShAM vrAtyatA proktA yonibhedAchcha sa~NkaraH || 6||
shrUyate saMskR^itiryeShAM pUrveShAmapi kutrachit |
teShAntu vaidikI kAryA prAyashchittaiH svasaMskR^itiH || 7||
na mAtR^ipitR^ibhAryAdikule yeShAM tu saMskR^itiH |
viprasyAnugrahAt pUrvA sa~Nkare tu na seShyate || 8||
dvAdashAbdavrataM viprairdeyaM kR^ichChrapuraHsaram |
ashaktaishcha phalAhAraistIrthasnAnaishcha tanmatam || 9||
viprasya brahmagAyatrI kShatriyasya vivasvataH |
vaiShNavI va vishaH proktA raudrI sa~NkarajanmanAm || 10||
athavA sarvavarNAnAM vichyutAnAM svadharmataH |
shrIpatereva sanmantraM paritrANAya dR^ishyate || 11||
svAshramAchArayugvApi athavApi nirAshramaH |
shrImukundaM prapanno yo muchyate vishvato bhayAt || 12||
AshramA vaiShNavabrAhmaharAshramA iti trayaH |
tattalli~NgAni seveta tattadArAdhane janaH || 13||
tatrAshramaM sadA ramyaM sAttvikaM vaiShNavAbhidham |
yatra vaidikadharmeNa vaiShNavo dharma iShyate || 14||
dR^iShTvA bhAgavataM vipraM sarvadoShavivarjitam |
parichAyya guruM kuryAdupadeshaM tato bhajet || 15||
prAyashchittairvrataiH snAtaH svastivAchanapUrvakam |
garbhAdhAnAdisaMskArAnAchAryeNaiva kArayet || 16||
nArAyaNairvAsudevairnArasiMhaiH parairapi |
juhuyAllakShasa~NkhyAkaistato grAhyaM manUttamam || 17||
atha bhUmipatervakShye vidhAnaM jagatAM mude |
gopAlArAdhane yogyaM yogyaM lokasya pAlane || 18||
shubhe kAle shubhe deshe kR^itvA bhUmiparigraham |
maNDapaM tatra kurvIta kuNDAni cha yathAvidhi || 19||
chatuHshAlaM tataH kAryaM prAkAropavanAshritam |
prAgvaMshaM pItapaTTena shrIdAmnApi prashobhayet || 20||
govardhanaM kShetrapatiM yogamAyAM cha dvArapAm |
madhye vedyAntu gopAlaM digvyUhe vyUhapAn yajet || 21||
bAhyashAleShu gaNapaM grahAnmAtR^ipuraHsarAn |
AghArAntaM svagR^ihyoktamAchAryaH svayamAcharet || 22||
tato.asau gurave gatvA sAShTA~NgaM praNipatya cha |
samAnayenmahAyAnairAchAryaM pUjayedatha || 23||
brahmaNA preShitaM shiShyamAchAryo mantrasambhR^itaiH |
dIkShoktavartmanA shuddhaM snApayet ShoDashadvijaiH || 24||
tataH shrImUlagAyatryA hutvA dashashataM punaH |
bhUShitaH pItavAsaHsrag maNDito vAdyaghoShataH || 25||
Adishedatha gAyatrIM guruH samproktavartmanA |
vittArddhamarpayechChaktyA toShayechcha hariM gurum || 26||
devarShichChandasaMyuktAM ShaDa~NgadhyAnasammatAm |
dhyAyan bhagavato rUpaM gurushchopadishettrishaH || 27||
shrIpaterasya gAyatryA devatA puruShottamaH |
hutAshano munistasyAshChando gAyatryamiShyate || 28||
haribhaktiprasid.hdhyarthaM viniyogaH prakIrttitaH |
shrIgovindAyeti hR^idi lalATe vidmahe iti || 29||
shikhAyAM vAsudevAya kavachaM dhImahIti cha |
tannaH kR^iShNa iti svakShNorastre vApi prachodayAt || 30||
AvirbhUya prabhAmaye svavapuShe bhaktAnukampArasai\-
      rjIvAMshchetayate dhiyA nijakR^iteH sampAdayan yaH phalam |
tasyAnandanidheH svarUpamamalaM syAdgocharaM naH sadA
      yenAsmAkamapIdR^ishe bhagavato rUpe bhavechChemuShI || 31||
iti labdhvA gurormantraM vaiShNavIM dhArayetsrajam |
samApya homasheSha~ncha pUjAsheShaM yathoditam || 32||
guruM sammAnayedbhaktyA dAsyamAjanmamAcharet |
grAmadhAmadharAvR^ittiH prAsAdArAmamarpayet || 33||
mochayennigaDagrastAn rAjabhyo dAsyato R^iNAt |
atha sampreShayedyAnairmahotsavapuraHsaram || 34||
dArAgArasutAdIni sarvaM tasmai nivedayet |
tato bhagavataH kuryAdutsavaM vaiShNavairjanaiH || 35||
saptAhaM tatra nivasetsatraM bhojyaM pravarttayet |
mahopachAravidhinA vR^indApatraiH sitAsitaiH || 36||
sahasranAmamantraishcha pUjayetpratyahaM vratI |
tataH samApya tatsarvamAchAryyaM paritoShayet || 37||
grAmaM gajahayaM gehaM gAvo vR^itti~ncha santatAm |
dAsIdAsadhanaM pUrNaM rAjachihnAni yAnyapi || 38||
etaiH pUjopakaraNaiH prapUjyAchAryamIshvaram |
brAhmaNAn toShayedbhaktyA dhanadhAnyairathAparAn || 39||
bhUShaNairapi vAsobhiH sapatnIkAnsamarchayet |
mAnayedviduSho viprAn tApasAn kulajAnapi || 40||
kanyA vivAhayetteShAmR^iNAni parimochayet |
sabhyebhyashcha gR^ihibhyashcha nayaM dadyAnmatiM tathA || 41||
dInAndhabadhirAdibhyashchAnnaM vAso yathAyatham |
prajAbhyaH karamokShaM cha kuryAtki~nchidyathArUchi || 42||
gavAM nirodhaM bhAra~ncha vAhAnAM sukhayejjagat |
sarvAn sukhena sampannAn vIkShya viprAMshcha bhojayet || 43||
gavAM cha yavasaM dadyAd bAlAnsambhojayetstriyaH |
tataH sAmrAjyasallakShmyA bhUShito.amAtyabhR^ityakAn || 44||
svasenAmapi santoShya AyAnnijagR^ihaM nR^ipaH |
tatra pUrvasthitAn devAn guruM toShya mudAnvitam || 45||
svaiH sarvaiH saha bhu~njIta brahmacharyaM tatastyajet |
tatashcha pratyahaM yantre mUrtau devaM prapUjayet || 46||
yathAlabdhopachAraishcha yathAsamayasampadA |
evaM kR^itvA mahIpAlaH prajAdharmaparAyaNaH || 47||
gopayeddharmashAstreNa hariM tadrAShTramarpayet |
hiMsAM nivarttayed rAShTrAnmadyadyUtachChalAdikam || 48||
madyamAMsabhujo lokAn pAShaNDapatitAMstyajet |
evaM kurvanmahIpAlaH jAyate vAsavopamaH || 49||
putravittAdisampanno hyanulla~NghitashAsanaH |
nirAta~NkI dIrghajIvI mahilAvallabho yuvA || 50||
paratra vAsudevasya sArUpyamapi gachChati |
svachChandachArI loke.asmin sadaiva harivallabhaH || 51||
ityevaM nR^ipateH prokto.apyanyeShAM svAnurUpataH |
tadAchAraH purA prokto vrAtyadharmavinirNayaH || 52||
bhavedachyutagotro vA brahmacharyaM samAshrayet |
paurANamAchamaM kuryAnmUlabIjaishcha saMhR^itiH || 53||
mArjanaM snAnamantraishcha gAyatryArghyaM japaM tathA |
upasthAya hariM sUryaM gurumagniM samarchayet || 54||
hariM sampUjayennityaM tachchihnaiH samala~NkR^itaH |
bhikShAshano virakto vA evaM vartteta vA vanI || 55||
vanamevAshrayeddhImAntapI hariparAyaNaH |
bhajedyatI vA shrInAthaM bhajaMstIrthAni sa~ncharan || 56||
vadan bhAgavataM shAstraM vijitAtmA tridaNDabhR^it |
kuryAdbhaktiM hare ramyAM tena sid.hdhyati satvaram || 57||
atha dInatarasyApi upAyaM vo vadAmi bhoH |
snAtaH shuddhaH shuddhimantaM sopAyanakaro gurum || 58||
vij~nApayet shrIbhagavan dInoddhAraparAyaNa |
niHsAdhanaM kukR^itinaM magnaM saMsAravAridhau || 59||
prapannaM shrImataH pAdapadmayoH kR^ipayA gurau |
samuddhara mahAkleshAnmuktimArgaM pradarshaya || 60
tavAsmi karuNApUrNa ityukto.asau vadedamum |
harireva jagatsarvaM hariNA nirmitaM jagat || 61||
na hareH paramaM chAnyadvastubhUtaM sanAtanam |
hareH sisR^ikShayA rantuM jagajjAtaM tato bhavAn || 62||
yasyAMshaH tasya sharaNaM gR^ihANa jagadIshituH |
bhajasva bhaktisaMyuktastataH sidhyasi satvaram || 63||
ityuktvAtha mahAmantraM dadyAdaShTAkSharaM hareH |
shrImannArAyaNasyaiva prapannasharaNaM janaH || 64||
shR^iNvan gR^iNan guNAn viShNoH parimuchyati saMvR^iteH |
nAnAjanmakR^itaiH puNyaiH sAttvikAnAM harau bhavet || 65||
bhaktistadvAsanAbIjamahAmantre mahodaye |
imaM prApya mahAmantraM prAptavyaM na paraM bhavet || 66||
pItvA.amR^itaM yathA loke peyaM shiShyati nAparam |
etachChravaNamAtreNa sAkShAnnArAyaNo bhavet |
bahunoktena kimiha idaM guptaM sureShvapi || 67||

iti shrIshANDilyasaMhitAyAM pa~nchame bhaktikhaNDe
          ekonaviMsho.adhyAye gAyatryupadeshaH sampUrNaH |

##
Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}