% Text title : gItamAlA by vasiShThagaNapatimuni % File name : gItamAlAvasiShThagaNapatimuni.itx % Category : deities\_misc, sanskritgeet % Location : doc\_deities\_misc % Proofread by : Paresh Panditrao % Description/comments : Songs agni, gaNapati, indra, vAyu, sUrya, dashAvatAra, ambikA, reNukA, guru, yogasAra % Latest update : March 31, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gitamala by Vasishtha Ganapati Muni ..}## \itxtitle{.. vasiShThagaNapatimunivirachitA gItamAlA ..}##\endtitles ## \section{1\. prathamam | agnigItam ||} vAchamadhitiShThajjyotirapi bhaumam | ki~nchidapi daivaM geyamavirAmam || 1|| sa kratuShu hotA vipramukhavAsI | atti cha sa havyaM veditalabhAsI || 2|| pAvaka vasustvaM jvAlashatamAlI | kashchidasi rudraH shAstrashatashAlI || 3|| pAvaka yadAsye bhAsi manujAnAm | te tadiha rAjyaM bibhrati pashUnAm || 4|| asmi tava dAsye sa~nchara madAsye | satsadasi mohaM yAmi na yathAham || 5|| nAsti sharaNaM me ko.apyavanipR^iShThe | agnimavanArthI devamupatiShThe || 6|| asti karamAlI ko.api divi rAjA | eSha nanu kIlI bhAti bhuvi rAjA || 7|| Ahvayati bhAnuM prAtarashanAya | tvAmanala yajvA sAyamashanAya || 8|| ekamamR^itatvAM prAtarapi sAyam | shrotumayi vANIrAhvayati so.ayam || 9|| dIptatarakIla tvaM bhajasi havyam | netarayi vAchAM stotramapi bhavyam || 10|| asmi na samartho yaj~namayi kartum | stotramavalambe sharma tava bhartum || 11|| pArthivavibhUtistvaM pachanakArI | vaidyutavibhUtirvAkpaTaladhArI || 12|| tvaM pachanakArI bhAsyudarabhANDe | vAkpaTaladhArI deva kulakuNDe | 13|| bhAsyudara bhANDe bhAsi kulakuNDe | kiM cha hR^idi jIvo bhAsyanala piNDe | 14|| svasya hR^idi rUpaM tvAmanala loke | bhAmi vimalo.ayaM dhAmni gatabhIke || 15|| tvAM tamahamarthaM yaH smarati nityam | pAvaka vishokaH pashyati sa satyam || 16|| yatsphuraNamantaH svasya dhutapApam | dhyeyamidamagne deva tava rUpam || 17|| deva bhavasi tvaM vahniriha loke | sarvada samantAdvidyudasi nAke | 18|| atra jananI te bhUmiratipUtA | dyauranala devI tatra tava mAtA || 19|| atra vasavaste vAyusakha haste | vAchamanubhadrAstatra tava rudrAH || 20|| atra hR^idi rAjanrAjasi narANAm | tatra varadAntaH khelasi surANAm || 21|| atra jagadIsha tvaM jvalananAmA | tatra maghavA tvaM niHsadR^ishadhAmA || 22|| dvAvanalashakrau pAmarajanAnAm | sa dvitanurekaH paNDitajanAnAm || 23|| bhAnurapi devo loka suhR^ideShaH | vyApakakR^ishAno ko.api tava veShaH || 24|| dehi bhagavanme sampadamudArAm | buddhimapi vahne trAtaratidhIrAm || 25|| deva varadAgne tvaM bhava mamAstram | bodhaya cha mahyaM sarvamapi shAstram || 26|| suprabha ghiyA tvAM vyAptamakhilAni | naumi sakalAni kShemada jayAni || 27|| gANapatamagne sarvajanahR^idyam | bhAtu bhayahAri chChanda idamAdyam || 28|| \section{2\. dvitIyam | gaNapatigItam ||} bhadrataramUrtiM bhadratamakIrtim | rudratanayaM taM gAyata mahAntam || 1|| jyotiriha sUkShmajvAlamatidIptam | bhAti kulakuNDe yogimanujAptam || 2|| tannamata vAcho daivatamudAram | sa~NkaTashatAnAM yAtumiha pAram || 3|| taM gaNapatiM yo vismarati loke | santatamabhAgyo majjati sa shoke || 4|| dampativihAraH shItashashikhaNDe | nandananivAso dIptakulakuNDe || 5|| mitra kuru bhaktiM vishvayuvarAje | dehi hR^idamuShmai yoginutibhAje || 6|| atra sasharIre mUlashikhirUpI | yogavimukho nA vindati na pApI || 7|| dhyAyati sadAntaryo.agrabhujametas | taM bhajati devo siddhiratipUtam || 8|| tasya varabhAsA sandravati shIrSham | yasya paritaptaM vindati saharSham || 9|| yogavida AhuH shIrSharasadhArAm | siddhishatahetuM tAmamR^itasArAm || 10|| pIThamadhirUDhaM mUlasarasIjam | sarvabhuvanAnAM naumi yuvarAjam || 11|| kAchana ruchiste bhargasuta pUtA | ma~NgalasuShumnAmArgacharamAtA || 12|| bhAgyamakhilAnAM deva tava haste | bhUri mahimAnaM varNayatu kaste || 13|| hastivadano nA satvamadhidaivam | sa~NkaTaharAryaiH sa~Ngaditamevam || 14|| tvatpadasaroje yasya hR^idi bhaktiH | kA.api shivasUno tadvachasi shaktiH || 15|| tvaM khalu maghono dhUtasujanArtiH | atra bhuvi kAchitkAryakaramUrtiH || 16|| tvAM bhajati gADhaprItiratishastA | siddhiriti lakShmIstAmarasahastA || 17|| sashriyamudArAM shrIhR^idayahArI | saMvitaratAnme sarvabaladhArI || 18|| shItanagajAyAH sUnuratihR^idyAm | bhUrikaruNo me pUrayatu vidyAm || 19|| vAraNamukho me vArayatu kaShTam | sarvamapi deyAchCharvasuta iShTam || 20|| mAM charaNabhAjaM pApaharanAmA | pAlayatu shambhoH sUnuratidhAmA || 21|| nirjitajarAdhiM nirdalitarogam | dantivadano me vardhayatu yogam || 22|| sukShamatamaM me kaShTahimabhAno | prANabalamagryaM dehi harasUno || 23|| vAchi mama divyAM dhehi nijadhATIm | siddhimajitAsyai dehi varacheTIm || 24|| hastimukha yAche gADharasabhaktyA | Avisha vibho mAM divyanijashaktyA || 25|| dehi nijatejaH ki~NkarajanAya | Ishvara gaNAnAM bhAratahitAya || 26|| sarvada jano.ayaM vA~nChati na muktim | deshakushalAya prArthayati shaktim || 27|| gANapatametadgItamatishuddham | bhAtu bhayahAri chChandasi nibaddham || 28|| \section{3\. tR^itIyam | indragItam ||} dhartA sukR^itAnAM hartA duritAnAm | bhartA nabhaso me kartAstu shubhAnAm || 1|| khyAtA.amitavIryo dhUtAkhilavairI | netA vibudhAnAM trAtA bhavatAnme || 2|| vikramya vidhunvanvakrAntsamareShu | chakrAyudhamitraH shakraH sharaNaM naH || 3|| shakraH shubhavittAM lakShmImaniyattAs | AnanditachittAM mahyaM bhuvi dhattAm || 4|| nAkaM tvamarakShaH pAkaM yudhi jitvA | vR^itraM cha vidhUyAmitraM pavipANe || 5|| etAni vikurvanbhUtAni sa pAkaH | shubhre viphalo.abhUdabhre tava jiShNo || 6|| pAkaH prabhureva prANAMshcha vikartum | yadyambaranAtha tvaM na pratikartum || 7|| na tvaM yadi roddhA vR^itraH paribhUya | praj~nA\-mayi vishvaM dadyAttimirAya || 8|| praj~nAmuShasaM tAM j~naM chAjita sUryam | yadrakShAsi vR^itrAttatte surakAyam || 9|| sammohanashaktirvR^itrasya tu nidrA | sambodhanashaktirvidyuttava bhadrA || 10|| nAdAntavibhAsyaM vedAntarahasyam | modAntarayodhaM bhedAntakamIDe || 11|| khe vAyumanantaM rudraM ninadantam | bhAntaM maghavantaM vande bhagavantam || 12|| tAraM madanAriM prANaM pavamAnam | devaM maghavAnaM dhyAyAmyatimAnam || 13|| vIrye sakalaM tvaddeveshvara nUnam | devAsuramartyairyuktaM jagadUnam || 14|| nirjitya samastAnbhAvAnapi jiShNo | saMrAD bhuvanAnAmAsIH prabhaviShNo || 15|| nAbhetsya imaM chedvR^itraM divi vIrama | nAmokShyadaghAre megho bhuvi nIram || 16|| gopAyAsi vishvaM shashvadbahurItIH | svarnAtha vidhunvanvR^itrasya vibhUtIH || 17|| chatvAri vapUMShi prAhurmunayaste | yeShAM jagadetaddevAdhipa haste || 18|| rUpANi vibho te bhUyAMsi tatAni | di~NbhAtratayAdyaishchatvAryuditAni || 19|| sarvasya cha kartA sarvasya cha dhartA | prANaH puruhUtaH ko nAma sa gItaH || 20|| sUtraM vidureke sushlokamanantam | kechidvidhimAhuH kaM taM bhagavantam || 21|| vishvasya nidAnaM vishvAtigamAnam | etaM viduranye vAyuM pavamAnam || 22|| sarvasya cha netrI sarvairapi mAnyA | gIrvANapate te kAlastanuranyA || 23|| rudraM vidureke netarbahulIlam | prAhuryamamanye kAyaM tava kAlam || 24|| kAlo.ayamanAdiH sUryAdapi pUrvaH | bhAkto janivAdastasyAjara sarvaH || 25|| sadvyApakashaktiM prANaM kathayanti | vyaktetarashabdaM kAlaM gaNayanti || 26|| vyaktetarashabdAnnaiva praNavo.anyaH | tasyendra tavA~Nke vishrAmyati dhanyaH || 27|| sachChaktirabhANi prANaH paramasya | chichChaktiragAdi prAj~naiH praNavosya || 28|| sarvatra visAri jyotistaTidAkhyam | devendra sharIraM gItaM tava mukhyam || 29|| prANaM praNavaM cha jyotishcha visAri | daivaM nayadekaM vande bhavadhAri || 30|| ekaH sa tisR^INAmasthUlatanUnAm | rAjatyabhimAnI rAjA bhuvanAnAm || 31|| dR^ishyasya parastAdbrahmAguNamasti | indrAbhidhayA tat dR^ishyetra chakAsti || 32|| bandhurbhuvanAnAM sUryastatakIrtiH | rAjannamarANAM turyA tava mUrtiH || 33|| deva pratibimbIbhUya prasi sUryam | vishvasya mahendra tvaM pashyati kAryam || 34|| no kevalamarke piNDeShu cha tAtaH | antaH pratibimbIbhUtaH puruhUtaH || 35|| piNDe pratibimbIbhUtaM puruhUtam | vaishvAnaramAhurlokatrayatAtam || 36|| nAnyAni kila tvadrUpANyakhilAni | mAyinvibhavaM te kiM vA kathayAmi || 37|| pAhi tridashAnAmIshAna kR^ishAnnaH | bhUyAttava deva stotA bahulAnnaH || 38|| sarvaM bhavatA.ahaM pakSheNa jayAni | Isho bhuvi loke nAkesha bhavAni || 39|| Avishya vibho mAM kartuM bhuvi kAryam | sampreShaya ki~nchiddivyaM tava vIryam || 40|| dhAtA bhuvanAnAM netA tridashAnAm | Avishya vibhurmAmAbhAtu sukarmA || 41|| indraM prabhajantAmetAstanumadhyAH | nAthaM guNavatyo yadvattanumadhyAH || 42|| \section{4\. chaturtham | vAyugItam ||} diShTAtpatito.ahaM mande naravR^inde | trANAya samIraM taM samprati vande | 1|| tArAsumachitraM khelatkhagajAlam | udyAnamidaM te khaM vAta vishAlam || 2|| devo.asi balasya prANo.asyakhilasya | brUyAdatimAnaM kaste mahimAnam || 3|| bhaktyA tava puNyaM tulyaM kva nu gaNyam | tadvakti charitraM raikvasya pavitram || 4|| meyaH sa cha nAkaH svalpo naralokaH | nityAnila shubhraM niHsIma tavAbhram || 5|| ghuShyannasi rudro dIpyannasi shakraH | prANannasi vAtastreghAsi nuto.ataH || 6|| sarvAshcha dishaste vyomeshvara haste | bhAktA punareShA koNeDiti bhAShA || 7|| nityAdhvaga kartuM shrAnte parihAram | vAsiShThavacho.ambho hR^idyaM piba dhIram || 8|| annAni kR^ishAnau juhvatvadaridrAH | vAyo juhumo.amI vAchastvayi bhadrAH || 9|| yadyapyayi divyo guptastava veShaH | vyomesha tathA.api vyaktastava ghoShaH || 10|| AkAshagR^ihANAmAtmAsi surANAm | vIryadraviNAnAM kosho.asi narANAm || 11|| tvAmAha saraikvaH saMvargamanantam | svasmintsudR^iDhAnAM duHkhAni harantam || 12|| mUlaM tapasAM tvaM devAsi R^iShINAm | loke sakalAnAM hetushcha kR^iShINAma | 13|| dAnArthamasUnAM prAptakShitira~NgAH | ete tava vAtAH kheshAna tara~NgAH || 14|| AtmA marutAM tvaM kairapyasi gItaH | kairapyadhirAjaH kairapyayi tAtaH || 15|| AtmA marutAM tvaM gItaH pR^iShadashvaH | rAjA puruhUtastAto nigamAshvaH || 16|| vAtastava vIchirvidyuttava kAyam | tArastava shabdo devAdhiya so.ayam || 17|| vedAdimanAdiM tAraM praNavAkhyam | dhyAyanti vido ye taiH syAttava sakhyam || 18|| vAto.asyadhibhUtaM shakro.asyadhivedam | rudro.asyadhipiNDaM pakShAntaramevam || 19|| gItAH kavirAjA sarvastavabhAje | etAstanumadhyAstAtAya kharAje || 20|| \section{5\. pa~nchamam | sUryagItam ||} bhuvanatrayapatimUrdhajamadhye dIpyanmaNirayamahimamayUkhaH | bhuvanatrayato.apyadhiko mUlye bhavatAM sampadamatulAM bhaNatu || 1|| etanmaNDalamatuhinabhAno\- rbhAsAM sthAnaM nigamanidhAnam | viprairvandyaM kAle kAle vishvaprANAyatanaM jayati || 2|| shambhoH keshe vapuShA kena shrotre mAturvapuShA kena | rAjasi nalinIpriya dampatyo\- rbhUShaNamasi vA paryAyeNa || 3|| kashchana dakShiNanayanaM bhartu\- rmUrtiM kAmapi bhaNati vidanyaH | aparo bhavanaM bhuvanaM tvitaraH prANaM dashashatakiraNa parastvAm || 4|| prANiti bhavatA pashyati bhavatA khAdati pAti cha bhuvanaM bhavatA | bhAti cha bhavatA bhAskara bhavato mAhAbhAgyaM na bhaNiti mArge || 5|| hR^idayaM yadvajjIvAnAM no maNDalametannAthasyaivam | tasmAdetatparidR^iShTAntai\- rhR^idayasamaShTiH kathitA shiShTaiH || 6|| maNDalamadhye yattajjyoti\- rhR^idayasyAntaryattajjyotiH | bhavati tadasminnakShiNi gamyaM ramyaM pUrNaM mama khalu kAmyam || 7|| kShetre kShetre bahusho.anviShTaM lochanamaNDalAmadhye dR^iShTam | kaShTaM galitaM phalitaM cheShTaM punarasmAkaM kiM parishiShTam || 8|| sAkShiNamakShiNi nishchaladR^iShTyA nirmalanabhasi sthitayA dvArA | lakShyaM rAtrAvapi dinanAthaM pashyata nashyaM mu~nchata nikhilam || 9|| narakAmAnAmayamiha rAjA jAgartyakShiNi sAyaM pAtA | surakAmAnAmIshAno.asau sUrye bhAti prAtaH pAtA || 10|| j~nAnAkAraM tejaH pashya\- tpratibimbaM vA puMso haimam | dhIro dhyAyannayanasthAne pAshairmuktaH kR^itakR^ityaH syAt || 11|| niHsheShAbhiH sahitaM shrIbhi\- rnirhatapApe daharasaroje | kR^itinaH kiraNaira~NguShThAbhaM taM lokeranpuruShamaNiShTham || 12|| paramavidustvAM pAvakamavanau divi ravimambarabhuvane shakram | AtmAnaM vA jyotirvaikaM jagatAM bhedAtkavayastredhA || 13|| vaibhavashAlI dIdhitimAlI prashamitapApastribhuvanadIpaH | divi bhAti raviryatrAcharata\- shcharatashcheshitR^iparamaM jyotiH || 14|| jayati vivasvAndashashatadhAmA jayati cha tasminparamaM dhAma | pAdAkulakairnutiradasIyA gaNapatimuninA rachitA jayati || 15|| \section{6\. ShaShTham | dashAvatAragItam ||} vedachoramAsharaM vimathya somakaM purA\- yuH smR^itiM dhruvAM punaH sutAya bhAsvato dadau | sindhuvAri bandhurAsa naudharastapasvinAM yashcha taM sakhe bhajasva jhAShaveShamachyutam || 1|| mandarAdridhAriNe mahendrakAryakAriNe maunichittachAriNe mahograpApahAriNe | a~njaliM kuruShva bhorharillatAntama~njula svachChakIrtaye vilAsakachChapAya viShNave || 2|| kA~nchanAkShamuShNarashmijAlayA dR^ishaikayA chyAvayantamojasaH pradIptaghoratArayA | sAntvayantamanyayA dayArdrayA vasundharAM shItalatviShA hariM kirichChalaM smarAntare || 3|| prANamujjahAra daityavakShaso vidAritA dyonakhairakharvashaktipauruShojvalanruShA | AsurAtkulAchChriyaM suparvachetaso bhiyaM nArasiMhamUrtirArtimachyutaH sa hantu te || 4|| trINi yaH padAnyajaH samantato vichakrame nA~NgulaM yathAtyarichyatAtra divyamutra vA | nAkachAriNo.adhikartumAshu hartumAsurIM sampadaM cha taM paraM pumAMsamAshrayasva re || 5|| yo.arjunaM bhujAvalena nirjigAya durjayaM chetasA vashaMvadena paryabhUdananyajam | lobhamAsamudrabhUmidAnakarmaNAjaya\- draiNukeyabhUmikaH sa te syatAdbhiyaM hariH || 6|| vAkyakR^itsutaH pituH prabhushcha rakShitA vishA\- magrajo.ativatsalo niyAmako.anujanmanAm | shrIkaraH satAM sakhA dviShAM cha bhIkaro ripuH sItayA kalatravAnnaro harirdhinotu vaH || 7|| bhUmibhAravAraNAya yo yaduShvabhUdvibhu\- rvismayaM shishoshcha yasya cheShTitAni tenire | sharma vaH sa pUruSho rathA~NgamAyudhaM dadha\- tkarmayogadeshikaH karotu pArthasArathiH || 8|| bhArataM na kevalaM chatuHsamudramudritaM bhUmikhaNDameva yovyabhUShayannijairguNaiH | tasya pUruShottamasya buddhanAmadhAriNaH pAvanI kathA mude vidAM nadIva nAbhasI || 9|| gAyata stutAdriyadhvamAshrayadhvamuttamaM pUruShaM purANamarkamaNDalAntarAlayam | kalkabhAravAraNAya kalkibhUmikAgharo yo.ayamasya bhUtalasya rakShaNAya cheShTate || 10|| \section{7\. saptamam | ambikAgItam ||} sevakapAtakashamanaM daivaM mAnasavA~nchChitaphaladaM daivam | sajjanarakShaNachaturaM daivaM durjanamardanaparuShaM devam || 1|| bhAskarabimbe dIptaM daivaM lochanamadhye suptaM daivam | sitakaramaNDalaguptaM daivaM triguNitabhuvanavyAptaM daivam || 2|| bahushatacheTIsahitaM daivaM reNusamaShTyA vihitaM daivam | ambarasaudhe nihitaM daivaM bhairavavadanAbhihitaM daivam || 3|| asuruchipadyAbhUtaM daivaM vasurudrArkairgItaM daivam | kShitijalashuchiShu protaM daivaM shitamatibhiH samadhItaM daivam || 4|| mR^iduhR^idayAnAM saumyaM daivaM priyarUpANAM ramyaM daivam | tattvaj~nAnAM vishvaM daivaM guNaviruchInAM shUnyaM daivam || 5|| chAlakamavaneH shaktyA daivaM shampAdvArA dR^ishyaM daivam | dogdhrImanuvaravAchyaM daivaM vidadhadvinatamashochyaM daivam || 6|| shaile shaile viharaddaivaM vipine vipine vicharaddaivam | grAme grAme khyAtaM daivaM nagare nagare prathitaM daivam || 7|| parito yonni nirAkR^iti daivaM svarge paulomyAkR^iti daivam | himavati gaurIrUpaM daivaM tanuShu prANAkAraM daivam || 8|| ardhaM suragiridhanuSho daivaM bhuvanatritaye pUrNaM daivam | hR^idi bhUtAnAM ki~nchiddaivaM tR^iNavanmanasi prachuraM daivam || 9|| lajjAbhAvo lalitaM daivaM rasanAbhAvo bhImaM daivam | dR^iShTau dR^iShTau sUkShmaM daivaM viShaye viShaye sthUlaM daivam || 10|| stotre stotre madhuraM daivaM dhyAne ghyAne madakR^iddaivam | namane namane varadaM daivaM charite charite pUtaM daivam || 11|| AkAshAmalagAtraM daivaM tArAravishashinetraM daivam | vyApakapavanashvasitaM daivaM pArAvArasvedaM daivam || 12|| lIlAnArIveShaM daivaM divyahiraNmayabhUShaM daivam | keShA~nchitkR^itapoShaM daivaM keShA~nchitkR^itashoShaM daivam || 13|| poShavidhAne shItaM daivaM shoShavidhAne tapanaM daivam | sargavidhAne vikasaddaivaM pralayavidhAne mIladdaivam || 14|| somaM pItvA puShTaM daivaM dviShato hatvA hR^iShTaM daivam | bhuvanapralaye shiShTaM daivaM sarvapadArthotkR^iShTaM daivam || 15|| kaulAchAriShu mAdyaddaivaM samayAchAriShu shAntaM daivam | yogAchAriShu pInaM daivaM j~nAnAchAriShu lInaM daivam || 16|| kAmavirodhi kalatraM daivaM gaNapaShaDAnanaputraM daivam | pApavidAri pavitraM daivaM jayati munistutipAtraM daivam || 17|| \section{8\. aShTamam | reNukAgItam ||} surashirashcharachcharaNareNukA | jagadadhIshvarI jayati reNukA || 1|| devatAshirodeshalAlitam | reNukApadaM dishatu me mudam || 2|| kuNDalIpurImaNDanaM mahaH | kimapi bhAsatAM mama sadA hR^idi || 3|| mastakaitavaM vastu shAshvatam | asti me sadA shastadaM hR^idi || 4|| AdinAri te pAdapa~Nkajam | sphuratu me manaH sarasije sadA || 5|| kevalaM padoH sevako.asmi te | vedmi netaradvedasannute || 6|| hR^idaya teNunaH samuchito.aNunA | parichayo.ambikApAdareNunA || 7|| pAhi mu~ncha vA pAdapa~Nkajam | tridashasannute na tyajAmi te || 8|| charaNamamba te yo niShevate | punarayaM kuchau dhayati kiM kR^itI || 9|| aharaho.amba te rahasi chintayA | dhanyatAM gato nAnyadarthaye || 10|| smarajito yathA shirasi jAhnavI | janani reNuke manasi te kR^ipA || 11|| amba pAhi mAM dambhatApasi | pAdaka~njayorAdiki~Nkaram || 12|| putramAtmanaH puNyakIrtane | bahukR^ipe kuto mAmupekShase || 13|| amba saMstute jambhavairiNA | pAhi mAmimaM magnamApadi || 14|| tattvavAdinaH satvashAlini | tvAmaje viduH satsvarUpiNIm || 15|| tvAM prachakShate sadayavIkShite | vedavedino modarUpiNIm || 16|| saMvidaM vidustvAmidaM prasu | paramayoginaH paramadevate || 17|| janani kuNDalIpuranivAsini | parashurAmavatpashya mAmimam || 18|| tanayarodanaM shravaNashAlini | shR^iNu surArchite yadi dayA hR^idi | 19|| yAchakaH suto bhajanamIpsitam | tadapi durlabhaM kimidamambike || 20|| mAstu vetanaM Chinnamastake | bhajanameva te yAchyate mayA || 21|| taralatArayA jalajadIrghayA | sAnukampayA shItapAtayA || 22|| kevalaM dR^ishA pashya reNuke | tena me shubhaM na cha tavAshubham || 23|| ki~NkarIbhavatsuravilAsinI | jayati kuNDalInagaravAsinI || 24|| madhuramamba te charaNapa~Nkajam | tatra yadratai styajyate.akhilam || 25|| charaNamamba te charatu me hR^idi | iyamanAmaye prArthanA mama || 26|| bhujagaka~NkaNaprabhR^iti saMstute | bhujabhuvAmarerjanani pAhi mAm || 27|| kuNDalIpurImaNDanAyitA | gaNapatistutA jayati reNukA || 28|| \section{9\. navamam | gurugItam ||} avyaktAdyata etadvyaktaM jAtamasheSham | yaddhatte tadajasraM yatrAnte layameti || 1|| AdhAre khalu yasmingolAnAM saha lakShaiH | brahmANDaM pratitiShThatyetannistulasatve || 2|| sUryAdigrahabhAsAM yanmUlaM ghanatejaH | yadbrahmAdisurANAM shaktyai shaktirutAho || 3|| j~nAtvA tattvamasa~NgA bhAsA yasya ramante | yajjAlena samaste dvaitekShAlpamatInAm || 4|| yad.hdhyAnena bhavanti svAtmAnandanimagnAH | yanniShThA khalu muktiryachChando.api tadarthaH || 5|| tadbrahma praNavAkhyaM chitte dhyAnakR^ite me | ashrAntaM ramaNAkhyAM bibhradbhAtumadiShTAm || 6|| AdhAre dhR^itamUlaM hArdAbje kR^itavAsam | shIrShAbjAya vahadyatpashchAdindriyashaktyai || 7|| dR^iShTayAM tatra parAchyAM yaddehabhramakAri | AvR^ittaM tu punaryatsvAtmaikyAnubhavAya || 8|| pashyadvA viShayaughaM vishrAntaM yadutAho | muktyai saMsthitamantarvR^ittyaikyAnubhavena || 9|| AtmajyotiridaM me bibhrANaM ramaNAkhyAm | ashrAntaM sphuratAttachChuddhaM hArdasaroje || 10|| yaddIpAdramaNAkhyAdvyAptaM gANapatIShu | vANIbhittiShu dhatte gItAchitravilAsam || 11|| yaddhanti chChavijAlairaj~nAnAM timirANi | tattattvaM sphuratAdvastAradhyAnasamAdhau || 12|| yAtAyAtavihArairAdhAreShu cha shIrShe | sa~nchAraM vidadhAnaM ki~nchAsheShavisAri || 13|| Alambena vihInaM vyomAbhaM paripUrNam | niHshabdaM gururUpaM tadbrahma sphuratAnme || 14|| j~nAnaM bhAti parokShaM yattattvashravaNena | yatsA~NgatyavisheSho hetuH syAdaparokShe | 15|| yachchintA sthiramuktyai brahmaitadramaNAkhyam | mAmAvR^itya samantAdAnande nidadhAtu || 16|| tArAnandaniyuktaH prItyA tasya matena | AdhAddIptagabhIraM vAsiShTho gurugItam || 17|| \section{10\. dashamam | yogasAragItam ||} nishitayA dhiyA hR^idi nibhAlanam | bhuvanabhUpaterbhavanashodhanam || 1|| daharamajjanaM vidadhataM janam | bahulasammadaM nayati dhIH padam || 2|| ahamiti smR^itervraja janisthalam | bhavakathAnakaM galati te.akhilam || 3|| nijavilokitaM yadi nibhAlyate | viShayasa~NgitA kvanu vibhAvyate || 4|| nayanadR^ishyayorgaganamantaram | samavalokayanbhaja vibhuM param || 5|| viShayavarjanAdviShayiNi sthire | sakalasiddhayo yatadhiyaH kare || 6|| rasananIrage manasi santatam | karagataM sukhaM bhavati nishchitam || 7|| gamaya mastakAtkulagR^ihAnalam | avataranniva smR^itimidaM tvalam || 8|| smaraNasarpiShA kulagR^ihe shikhI | jvalati yasya sa kShititale makhI || 9|| yadi shashI dravetkulashikhitviShA | amR^itataH shamaM vrajati na stR^iShA | 10|| chalatamaM manaH prashamameti naH | smaraNayuktayA shvasitayAtrayA || 11|| nijachitismR^itiryadi na vichyutA | bhavati yogitA sulabhasAdhitA || 12|| dashashatachChadasthitamanAH sadA | anubhavenmahomahadado mudA || 13|| bhavati niShThito yadi chatuShpathe | mahasi lIyate dhR^itajagatkathe | 14|| ayi vichintaya svavapuruttaram | vashamitaM bhavettava mahattaram || 15|| paramashaktaye svavapurarpyatAm | ayi kimadbhutaM bhavati dR^ishyatAm || 16|| karaNashaktivitkR^itiShu rAjate | gamanashaktividgatiShu shobhate || 17|| shravaNashaktivichChrutiShu na skhalet | mananashaktivinmatiShu no patet || 18|| atulasiddhidAniha pR^ithagvidhAn | munivaro.abhyadhAditi tapaH pathAn || 19|| bahulayogivA~Nmathanato.amR^itam | anubhavakShamaM tadidamAhR^itam || 20|| iti shrIbhagavanmaharShiramaNAntevAsino vAsiShThasya narasiMhasUnorgaNapateH kR^itirgItamAlA samAptA | ## Songs on agni, gaNapati, indra, vAyu, sUrya, dashAvatAra, ambikA, reNukA, guru, yogasAra composed by Vasishtha Ganapati Muni Proofread by Paresh Panditrao \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}