% Text title : garuDapanchAshatstotram % File name : garuDapanchAshatstotram.itx % Category : deities\_misc, panchAshata, vedAnta-deshika, vishhnu % Location : doc\_deities\_misc % Author : vedAntadeshika % Proofread by : PSA Easwaran psawaswaran at gmail.com % Description/comments : Edited by S. V. Radhakrishna Shastriji % Acknowledge-Permission: Mahaperiaval Trust % Latest update : May 13, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Garudapanchashatstotram ..}## \itxtitle{.. garuDapa~nchAshatstotram ..}##\endtitles ## vedAntadeshikakR^itam | 1| paravyUhavarNakaH a~NgeShvAnandamukhyashrutishikharamiladdaNDakaM gaNDapUrvaM prAgevAbhyasya ShaTsu pratidishamanaghaM nyasya shuddhAstrabandhAH | pakShi vyatyastapakShidvitayamukhapuTaprasphuTodAratAraM mantraM gArutmataM taM hutavahadayitAshekharaM shIlayAmaH || 1|| vedaH svArthAdhirUDho bahirabahirabhivyaktimabhyeti yasyAM siddhiH sA~NkarShaNI sA pariNamati yayA sApavargatrivargA | prANasya prANamanye praNihitamanaso yatra nirdhArayanti prAchI sA brahmavidyA parichitagahanA pAtu gArutmatI naH || 2|| netraM gAyatramUche trivR^iditi cha shiro nAmadheyaM yajUMShi ChandAMsya~NgAni dhiShNyAtmabhirajani shaphairvigraho vAmadevyam | yasya stomAtmano.asau bR^ihaditaragaruttAdR^ishAmnAyapuchChaH svAchChandyaM naH prasUtAM shrutishatashikharAbhiShTutAtmA garutmAn || 3|| yo yaM dhatte svaniShThaM vahanamapi varaH sparshito yena yasmai yasmAdyasyAhavashrIrvidadhati bhajanaM yatra yatreti santaH | prAyo devaH sa itthaM harigaruDabhidAkalpitAroha vAha\- svAbhAvyaH svAtmabhavyaH pradishatu shakunirbrahmasabrahmatAM naH || 4|| eko viShNordvitIyastrichaturaviditaM pa~nchavarNIrahasyaM ShADguNyaM smerasaptasvaragatiraNimAdyaShTasampannavAtmA | devo darvIkarArirdashashatanayanArAti sAhasralakShaiH vikrIDatpakShakoTirvighaTayatu bhayaM vItasa~Nkhyodayo naH || 5|| satyAdyaiH sAtvatAdi prathitamahimabhiH pa~nchabhirvyUhabhedaiH pa~nchAbhikhyo nirundhan bhavagaralabhavaM prANinAM pa~nchabhAvam | prANApAnAdi bhedAtpratitanu maruto daivataM pa~nchavR^itteH pa~nchAtmA pa~nchadhA.asau puruSha upaniShadghoShitastoShayennaH || 6|| shliShyadbhogIndrabhoge shrutinikaranidhau mUrtibhede svakIye varNavyaktIrvichitrAH parikalayati yo vaktrabAhUrupAdaiH | prANaH sarvasya jantoH prakaTitaparamabrahmabhAvaH sa itthaM kleshaM Chindan khageshaH sapadi vipadi naH sannidhiH sannidhattAm || 7|| agre tiShThannudagro maNimukura ivAnanyadR^iShTermurAreH pAyAnmAyAbhuja~NgIviShamaviShabhayAdgADhamasmAn garutmAn | kShubhyatkShIrAbdhipAthaH sahabhavagaralasparshasha~NkI sa sha~Nke ChAyAM dhatte yadIyAM hR^idi harihR^idayArohadhanyo maNIndraH || 8|| 2| amR^itaharaNavarNakaH | AhartAraM sudhAyA duradhigamamahAchakradurgasthitAyAH jetAraM vajrapANeH saha vibudhagaNairAhave bAhuvegAt | viShNau samprIyamANe varavinimayato vishvavikhyAtakIrtiM devaM yA.asUta sA.asau dishatu bhagavatI sharma dAkShAyaNI naH || 9|| vitrAsAdvItihotraM prathamamadhigatairantake mandadhAmnA bhUyastenaiva sArdhaM bhayabharataralairvandito devavR^indaiH | kalpAntakShobhadakShaM kathamapi kR^ipayA sa~NkShipan dhAma chaNDaM bhittvA.aNDaM nirjihAno bhavabhayamiha naH khaNDayatvaNDajendraH || 10|| kShuNNakShoNIdharANi kShubhitachaturakUpAratimyadgarunti truTyattArAsarANi sthapuTitavibudhasthAnakAni kShipeyuH | pAtAlabrahmasaudhAvadhivihitamudhAvartanAnyasmadArtiM brahmANDasyAntarAle bR^ihati khagapaterarbhakakrIDitAni || 11|| saMvichChastraM dishantyA saha vijayachamUrAshiShaH preShayantyA sambadhnantyA tanutraM sucharitamashanaM pakkaNaM nirdishantyA | eno.asmadvainateyo nudatu vinatayA klR^iptarakShAvisheShaH kadrUsa~NketadAsyakShapaNapaNasudhAlakShabhaikShaM jighR^ikShuH || 12|| vikShepaiH pakShatInAmanibhR^itagatibhirvAditavyomatUryo vAchAlAmbhodhivIchIvalayavirachitAlokashabdAnubandhaH | dikkanyA kIryamANakSharaduDunikaravyAjalAjAbhiSheko nAkonmAthAya gachChan narakamapi samaye nAgahantA nihantu || 13|| R^ikShAkShakShepadakSho mihirahimakarottAlatAlAbhighAtI velA vAH keli lolo vividhaghanaghaTAkandukAghAtashIlAH | pAyAnnaH pAtakebhyaH patagakulapateH pakShavikShepajAto vAtaH pAtAlahelApaTahapaTaravArambhasaMrambhadhIraH || 14|| kiM nirghAtaH kimarkaH paripatati divaH kiM samiddho.ayamaurvaH kiMsvatkArtasvarAdrirnanu viditamidaM vyomavartmA garutmAn | AsIdatyAjihIrShatyabhipatati haratyatti hA tAta hAmbe\- tyAlApodyuktabhillAkulajaTharapuTaH pAtu naH patrinAthaH || 15|| AsR^ikvAktairasR^igbhirduruparamatR^iShA shAtanI shAtadaMShTrA\- koTI loTatkaroTI vikaTakaTakaTArAvaghorAvatArA | bhindyAtsArdhaM pulindyA sapadi parihR^itabrahmagA jihmagAreH udvelladbhillapallInigaraNakaraNApAraNAkAraNAM naH || 16|| svachChandasvargivR^indaprathamatamamahotpAtanirghAtaghoraH svAntadhvAntaM nirundhyAddhutadharaNipayorAshirAshIviShAreH | pratyudyadbhillapallIbhaTarudhirasarillolakallolamAlA\- hAlA nirveshahelA halahalabahulo harShakolAhalo naH || 17|| sAndrakrodhAnubandhAtsarasi nakhamukhe pAdape gaNDashaile tuNDAgre kaNTharandhre tadanu cha jaThare nirvisheShaM yuyutsU | avyAdasmAnabhavyAdaviditanakharashreNidaMShTrAniveshau jIvagrAhaM gR^ihItvA kamaThakaraTinau bhakShayan pakShimallaH || 18|| alpaH kalpAntalIlAnaTamakuTasudhAsUtikhaNDo bahUnAM niHsArastvadbhujAdreranubhavatu mudA manthanaM tveSha sindhuH | rAkAchandrastu rAhoH svamiti kathayataH prekShya kadrUkumArAn sAntarhAsaM khagendraH sapadi hR^itasudhastrAyatAmAyatAnnaH || 19|| ArAdabhyutthitairAvatamamitajavoda~nchaduchchaiHshravaskaM jAtakShobhaM nimathnan dishi dishi diviShadvAhinIshaM kShaNena | bhrAmyansavyApasavyaM sumahati miShati svargisArthe sudhArthaM pre~NkhannetraH shriyaM naH prakaTayatu chiraM pakShavAnmanthashailaH || 20|| asthAneShu grahANAmaniyatavihitAnantavakrAtichArA vishvopAdhivyavasthA vigamavilulitaprAgavAgAdibhedAH | dvitrAH sutrAmabhaktagrahakalahavidhAvaNDajendrasya chaNDAH pakShotkShepA vipakShakShapaNasarabhasAH sharma me nirmimIran || 21|| tattatpratyarthi sArAvadhi vihitamR^iShA roShagandho ruShAndhaiH ekaH krIDannanekaiH surapatisubhaTairakShato rakShatAnnaH | anyonyAbaddhalakShApaharaNavihitAmandamAtsaryatu~NgaiH a~Ngaireva svakIyairahamahamikayA mAnito vainateyaH || 22|| astavyomAntamantarhitanikhilaharinmaNDalaM chaNDabhAnoH luNTAkairyairakANDe jagadakhilamidaM sharvarI varvarIti | pre~NkholatsvargagolaskhaladuDunikaraskandhabandhAn nirundhan raMhobhistairmadamho haratu taralitabrahmasadmA garutmAn || 23|| yaH svA~Nge sa~NgarAntargarudanilavastambhite jambhashatrau kuNThAstre sannakaNThaM praNayati pavaye pakShaleshaM didesha | so.asmAkaM saMvidhattAM surapatipR^itanAdvandvayuddhaikamallo mA~NgalyaM vAlakhilyadvijavaratapasAM ko.api mUrto vivartaH || 24|| rudrAn vidrAvya sendrAn hutavahasahitaM gandhavAhaM gR^ihItvA kAlaM niShkAlya dhUtvA nirR^itidhanapatIpAshinaM kleshayitvA | sarpANAM ChAdmikAnAmamR^itamayapaNaprApaNaprAptadarpo nirbAdhaM kvApi sarpannapaharatu hareraupavAhyo madaMhaH || 25|| 3| nAgadamanavarNakaH bhugnabhrUrbhrukuTIbhR^idbhramadamitagarutkShobhitakShmAntarikShaH chakrAkSho vakratuNDaH kharataranakharaH krUradaMShTrAkarAlaH | pAyAdasmAnapAyAdbhayabharavigaladdandashUkendrashUkaH shaureH sa~NkrandanAdi pratibhaTapR^itanAkrandanaH syandanendraH || 26|| aryamNA dhuryayoktragrahaNabhayabhR^itA sAntvito.anUrubandhAt kodaNDajyAM jighR^ikShediti chakitadhiyA sha~NkitaH sha~NkareNa | talpe kalpeta mA te matiriti hariNA.apyAdareNAnunItaH pakShIndrastrAyatAM naH phaNadharamahiShIpatrabha~NgApahArI || 27|| ChAyAtArkShyAnahInAM phaNamaNimukurashreNivispaShTabimbAn trANApekShAdhR^itasvapratikR^itimanasA vIkShya jAtAnukampaH | teShAM dR^iShTvA.atha cheShTAH pratigaruDagaNAsha~NkayA tu~NgaroShaH sarpan darpoddhato naH shamayatu duritaM sarpasantAnahantA || 28|| uchChvAsAkR^iShTatArAgaNaghaTitamR^iShA mauktikAkalpashilpaH pakShavyAdhUtapAthonidhikuharaguhAgarbhadattAvakAshaH | dR^iShTiM daMShTrA~NgradUtIM pR^ithuShu phaNabhR^itAM preShayannuttamA~Nge\- Shva~Ngaira~NgAni rundhannavatu pipatiShuH patriNAmagraNIrnaH || 29|| A vedhaH saudhashR^i~NgAdanuparatagaterA bhuja~NgendralokAt shreNIbandhaM vitanvan kShaNapariNamitAlAtapAtaprakAraH | pAyAnnaH puNyapApaprachayamayapunargarbhakumbhInipAtAt pAtAlasyAntarAle bR^ihati khagapaternirvighAto nipAtaH || 30|| pratyagrAkIrNatattatphaNamaNinikaraM sha~NkulA koTivakraM tuNDAgraM sa~NkShNuvAnaH kulagirikaThine karpare kUrmabhartuH | pAtAlakShetrapakvadvirasanapR^itanAshAli vichChedashAlI shailIM naH saptashailI laghimadarabhasaH sautu sAdhvIM suparNaH || 31|| paryasyatpannagInAM yugapadasamayAnarbhakAn garbhakoshAd\- brahmastambaprakampavyatiShajadakhilodanvadunnidraghoSham | chakShushchakShuH shrutInAM sapadi badhirayat pAtu patrIshvarasya kShiprakShiptakShamAbhR^itkShaNaghaTitanabhaH sphoTamAsphoTitaM naH || 32|| toyaskandho na sindhoH samaghaTata mithaH pakShavikShepabhinnaH pAtAlaM na praviShTaM pR^ithuni cha vivare rashmibhistigmarashmeH | tAvadgrastAhivaktrakSharitaviShamaShIpa~NkakastUrikA~NkaH pratyAyAtaH svayUthyaiH sthita iti viditaH pAtu patrIshvaro naH || 33|| baddhaspardhairiva svairbahubhirabhimukhairekakaNThaM stuvAne tattadvishvopakArapraNayisuragaNaprArthitaprANarakShe | pAyAnnaH pratyahaM te kamapi viShadharaM preShayAmIti bhIte sandhitsau sarparAje sakaruNamaruNAnantaraM dhAma divyam || 34|| kvApyasthnA sharkarADhyaM kvachana ghanatarAsR^ikChaTA shIdhu digdhaM nirmokaiH kvApi kIrNaM viShayamaparato maNDitaM ratnakhaNDaiH | adhyArUDhaiH svavAreShvahamahamikayA vadhyaveShaM dadhAnaiH kAle khelan bhuja~NgaiH kalayatu kushalaM kAdraveyAntako naH || 35|| 4| pariShkAravarNakaH | vAme vaikuNThashayyA phaNipatikaTako vAsukibrahmasUtro rakShennastakShakena grathitakaTitaTashchArukArkoTahAraH | padmaM karNe.apasavye prathimavati mahApadmamanyatra bibhrat chUDAyAM sha~NkhapAlaM gulikamapi bhuje dakShiNe pakShimallaH || 36|| vartyAbha svastikAgrasphuradaruNashikhAdIpraratnapradIpaiH badhnadbhistApamantarbahulaviShamaShIgandhatailAbhipUrNaiH | nityaM nIrAjanArthairnijaphaNaphalakairghUrNamAnAni tUrNaM bhogairApUrayeyurbhujagakulariporbhUShaNAnIShaNAM naH || 37|| a~Ngapratya~NgalInAmR^itarasavisarasparshalobhAdivAntaH\- trAsAdghrAsAnubandhAdiva sahajamitho vairasha~Nkottara~NgAt | rudrAgADhopagUDhochChvasananibiDitasthAnayogAdivAsmad\- bhadrAya syurbhajanto bhagavati garuDe gADhatAM gUDhapAdaH || 38|| koTIre ratnakoTipratiphalitatayA naikadhA bhinnamUrtiH valmIkasthAn svayUthyAnabhita iva nijairveShTanaiH klR^iptarakShaH | kShemaM naH sautu hemAchalavidhR^itasharanmeghalekhAnukArI rochishchUDAlachUDAmaNiruragariporeSha chUDAbhuja~NgaH || 39|| drAghIyaH karNapAshadyuti paribhavanavrIlayeva svabhogaM sa~NkShipyAshnan samIraM daravinatamukho niHshvasan mandamandam | AsIdadgaNDabhittipratiphalanamiShAt kvApi gUDhaM vivikShuH kShipraM doShAn kShipennaH khagapati kuhanAkuNDalaH kuNDalIndraH || 40|| vAlAgragranthibandhagrathitapR^ithushiroratnasandarshanIyo muktA shubhrodarAbho harimaNishakalashreNidR^ishyetarAMshaH | viShvagdambholidhArAvraNakiNaviShamottambhanastabdhavR^ittiH vyAlAhArasya hR^idyo haratu sa madaghaM hAradarvIkarendraH || 41|| vaikakShyasragvisheShachChuraNapariNamachChastrabandhAnubandho vakShaH pIThAdhirUDho bhujagadamayiturbrahmasUtrAyamANaH | ashrAntasvairanidrAvirachitavividhochChvAsanishvAsavega\- kShAmochChUnAkR^itirnaH kShapayatu duritaM ko.api kadrUkumAraH || 42|| shliShyadrudrAsukIrtistanataTaghusR^iNAlepasa~NkrAntasAra\- sphArAmodAbhilAShonnamitapR^ithuphaNAchakravAlAbhirAmaH | prAyaH preyaH paTIradrumaviTapadhiyA shliShTapakShIndrabAhuH vyAhanyAdasmadIyaM vR^ijinabharamasau vR^indasho dandashUkaH || 43|| grastAnantarniviShTAn phaNina iva shuchA gADhamAshliShya duHkhyan kShuNNAnekaH svabandhUn kShudhamiva kupitaH pIDayan veShTanena | vyAlastArkShryodarastho vipulagaLaguhAvAhi phUtkAravAtyA\- paunaHpunyena hanyAtpunarudaraguhAgehavAstavyatAM naH || 44|| gADhAsakto garutmatkaTitaTanikaTe raktachaNDAtakA~Nke phakkatkA~nchImahimnA phaNimaNimahasA lohitA~Ngo bhuja~NgaH | sattAsAMsiddhikaM naH sapadi bahuvidhaM karmabandhaM nirundhyAd\- vindhyAdryAlInasandhyA ghanaghaTitataTitkAntachAturyadhuryaH || 45|| 5| adbhutavarNakaH | vegottAnaM vitAnaM vyajanamanuguNaM vaijayantI jayantI mitraM nityAbhyamitraM yudhi vijayaratho yugyayogAnapekShaH | dAso niShparyudAso danutanayabhido niHsahAyaH sahAyo dodhUyetAsmadIyaM duritamadharitArAtipakShaH svapakShaiH || 46|| ukShA dakShAntakasya skhalati valajitaH ku~njaraH kha~njarItiH klAnto dhAtuH shakunto.anuga iti dayayA sAmiruddhasyado.api | grAhagrastadvipendrakShatibhayachakitAkuNThavaikuNThachintA\- nAsIrodAramUrtirnarakavihataye syAdviha~Ngeshvaro naH || 47|| vegodvelaH suvelaH kimidamiti mitho mantrato vAnarendraiH mAyAmAnuShyalIlAmabhinayati harau labdhasevAvisheShaH | vaidehIkarNapUrastabakasurabhiNA yaH samAshleShi doShNA tR^iShNA pAriplavAnAM sa bhavatu garuDo duHkhavAriplavo naH || 48|| dugdhodanvatprabhUtaH svakamahimapR^ithurviShNunA kR^iShNanAmnA pi~nChAkalpAnukalpaH samaghaTi sudR^iDho yatpradiShTaH kirITaH | vIro vairochanAstravraNakiNaguNitodagranirghAtavAtaH sa~NghAtaM sarvaghAtI sa haratu mahatAmasmadatyAhitAnAm || 49|| rundhyAtsaMvartasanndhyAghanapaTalakanatpakShavikShepahelA\- vAtUlAsphAlatUlA~nchalanichayatulAdheyadaiteyalokaH | AsmAkaiH karmapAkairabhigatamahitAnIkamapratyanIkaiH dIvyan divyApadAnairdanujavijayino vaijayantI shakuntaH || 50|| yatpakShasthA trivedI triguNajalanidhirla~Nghyate yadguNaj~naiH vargastraivargikANAM gatimiha labhate nAthavadyatsanAthaH | traikAlyopasthitAt sa triyuganidhiraghAdAyatAt trAyatAM naH trAtAnekastridhAmnastridasharipuchamUmohano vAhanendraH || 51|| saikAM pa~nchAshataM yAmatanuta vinatAnandanaM nandayiShyan kR^itvA maulau tadAj~nAM kavikathakaghaTAkesarI ve~NkaTeshaH | tAmetAM shIlayantaH shamitaviShadharavyAdhi daivAdhipIDAH kA~NkShA paurastyalAbhAH kR^itamitaraphalaistArkShyakalpA bhavanti || 52|| iti vedAntadeshikakR^itaM garuDapa~nchAshatstotraM sampUrNam | ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}