% Text title            : Goraksha Stotrarajah
% File name             : gorakShastotrarAjaH.itx
% Category              : deities\_misc, stavarAja
% Location              : doc\_deities\_misc
% Transliterated by     : Chandrasekhar Karumuri
% Proofread by          : Chandrasekhar Karumuri
% Description/comments  : Goraksha Nikilavani Year 11-10, page 31/32 . From kalpadrumatantra
% Latest update         : December 14, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Goraksha StotrarajaH ..}##
\itxtitle{.. gorakShastotrarAjaH ..}##\endtitles ##
OM asya shrIgorakShanAthastotramantrasya viShNu R^iShiH |
anuShTup ChandaH | shrIgorakSha nira~njano devatA |
vimalA shaktiH | dharmArthakAmamokShArthe jape viniyogaH |
AkAshamandiraM chaiva tArAratnaishcha maNDitam |
tasya madhye sthito nityaM varAbhayakarAmbujaH || 1||
nira~njano nirAkAro nirvikalpo nirAmayaH |
agamyo.agocharo.alakShyo gorakShaH siddhavanditaH || 2||
kaupInI cha paradhyAnI taptakA~nchanasannibhaH |
dhyeyaH shivaH paro devo jaTAmukuTamaNDitaH || 3||
chintAmaNiH pumarthAnAM chandrArkAgnitrilochanaH |
siddhagandharvayakSheDyo devarShigaNasevitaH || 4||
vimalA vAmabhAge cha nijA shaktiH parAtmikA |
evaM dhyAtvA shivaM yogI baddhasiddhAsanaH sadA || 5||
idaM stotraM paThennityaM sarvasiddhiphalapradam |
shrIgorakShastotrarAjaM durlabhaM bhuvanatraye || 6||
devAsuramanuShyAshcha na jAnanti mahItale |
samyagj~nAtvA stuto devaH sarvakAmapradAyakaH || 7||
shrIgorakSha ! namastubhyaM namastubhyaM sadAshiva ! |
sampUrNAya namastubhyaM namo lakShmIpriyAya te || 8||
sarveShAmeva jantUnAM pApapuNyavipAkadaH |
paraM brahma paraM dhAma ! shrIgorakSha ! namo.astute || 9||
gakAro guNasaMyukto rakAro rUpalakShaNaH |
kShakAreNAkShayaM brahma shrIgorakSha ! namo.astute || 10||
brahmaNAM cha paraM brahma rudrAdInAM shiromaNiH |
trailokyaM nirmitaM yena shrIgorakSha ! namo.astute || 11||
kShamAdhArI jitakrodhaH santoShI vijitendriyaH |
dharmAdharmaparityAgI shrIgorakSha ! namo.astute || 12||
brahmachArI sadAshuddhaH kAyakarmI mahAtapAH |
AshApAsho hR^ito yena shrIgorakSha ! namo.astute || 13||
j~nAnI dharmeShu yo lInaH satyavAdI dR^iDhavrataH |
AtmadhyAnarato nityaM shrIgorakSha ! namo.astute || 14||
shubhAshubhavinirmukto bhAvAbhAvavivarjitaH |
nijabhakte svayaM dAtA shrIgorakSha ! namo.astute || 15||
naraloke narAdhIsho nAgaloke cha nAgarAT |
devaloke cha devendraH shrIgorakSha ! namo.astute || 16||
rAjanyAnA~ncha yo rAjA mahArAjo maheshvaraH |
mahIpatirmahIndrashcha shrIgorakSha ! namo.astute || 17||
samastarasabhoktA yo yaH sadA bhogavarjitaH |
sadA samaraso yashcha shrIgorakSha ! namo.astute || 18||
haThayogavidhAtA cha matsyakIrtivivardhanaH |
yogibhirmanasA gamyaH shrIgorakSha ! namo.astute || 19||
rechakaH pUrakashchaiva kumbhaka stroTaka stathA |
prANAyAmashchaturdhA te shrIgorakSha ! namo.astute || 20||
brahmAdishchaiva biShNavAdI rudrAdishcha sadAshivaH |
jyotirmayo.anavachChinnaH shrIgorakSha ! namo.astute || 21||
siddhAnA~ncha mahAsiddha R^iShINAM cha R^iShIshvaraH |
yoginA~nchaiva yogIndra: shrIgorakSha ! namo.astute || 22||
pIThAdInAM mahApIThaM shivAdInAM mahAshiva: |
mantrAdInAM mahAmantraH shrIgorakSha ! namo.astute || 23||
vishvatejo vishvarupaM vishvavandyaH sadAshivaH |
vishvanAmA vishvanAtha: shrIgorakSha ! namo.astute || 24||
sarvaguNo guNAbhAvo nirguNashcha guNasthitaH |
sAkAro vA nirAkAraH shrIgorakSha ! namo.astute || 25||
anantalokanAthashcha nAthanAthashiromaNiH |
sarvanAthasamArAdhyaH shrIgorakSha ! namo.astute || 26||
vishvotpattikarashchaiva vishveShAM pratipAlakaH |
vishvasaMhArakartA cha shrIgorakSha ! namo.astute || 27||
utpattisthitisaMhAra kAriNe kleshahAriNe |
sarvAdhArasvarupAya shrIgorakSha ! namo.astute || 28||
piNDabrahmANDamadhye cha bhuvanAni chaturdasha |
sarvatra vyApako nAthaH shrIgorakSha ! namo.astute ||  29||
na jAnAmi kulaM gotraM varNAvarNavivarjita ! |
lakShyAlakShyasvarupo.asi shrIgorakSha ! namo.astute ||  30||
notpattirna layo nAste vikAro na cha bandhanam |
sadA samarasA bR^ittiH shrIgorakSha ! namo.astute || 31||
na mAtA na pitA chaiva na te bandhuH sahodaraH |
ajaH svayambhUH sarvAtmA shrIgorakSha ! namo.astute || 32||
adR^ishyaM dR^ishyate nAtha ! ashrAvyaM shrUyate sadA |
tvatkR^ipAleshamAtreNa shrIgorakSha ! namo.astute || 33||
sarvatra vyApakaH sUkShmo jIvarupI maheshvaraH |
sarvendriyamayo nAtha ! shrIgorakSha ! namo.astute ||  34 ||
chandrAdInAM tathA shaityaM sUryAdInAM tvamuShNatA |
sarvasArasvarupo.asi shrIgorakSha ! namo.astute ||  35||
uttamaM madhyamaM nIchaM tvayA sarva vinirmitam |
yarthavAgniH sarvarupaH shrIgorakSha ! namo.astute || 36||
aNDajasvedajodbhijja jerajAnAM tvamudbhavaH |
anantakoTijIvAnAM shrIgorakSha ! namo.astute || 37||
vAyustva pa~ncharupeNa prANinAM dehadhArakaH |
svayaM sarvamayo nAthaH shrIgorakSha ! namostute || 38||
shUnyAnAM cha paraM shUnyaM pareShAM parameshvaraH |
dhyAyatA~ncha para.ndhAma shrIgorakSha ! namo.astute || 39||
ekAkI vartate nityaM bhavapAshavivarjitaH |
paraM brahmAkSharaM jyotiH shrIgorakSha ! namo.astute || 40||
svargeShu pUjyate daivairmartyalokeShu mAnavaiH |
pAtAle nAthalokaishcha shrIgorakSha ! namo.astute || 41||
trinetra stripurArAti striveda strijagatpatiH |
trayIvedya stridevAtmA shrIgorakSha ! namo.astute || 42||
siddhAmnAyasamAmnAtA siddhAmnAyaikasiddhidaH |
siddhasa~NghaiH sadA sevyaH shrIgorakSha ! namo.astute || 43||
tejaHpu~njaH svayaM devo dIpo dIptimatAmapi |
sarvasvAntaHsthitaM jyotiH shrIgorakSha ! namo.astute || 44||
sarvAsAM jIvajAtInAM pApapuNyaikasAkShiNe |
shubhAshubhaphalAdhyakSha ! shrIgorakSha ! namo.astute || 45||
shrIgorakSha stotrarAjaH svayaM kR^iNena nirmitaH |
japatAM bhaktibhAvena sarvasiddhividhAyakaH || 46||
shivastotraM viShNukR^itaM brahmaNA paThitaM punaH |
ye paThanti sadA bhaktyA te labhante samIhitam || 47||
idaM stotraM japennityaM sarvapApaiH pramuchyate |
dhanaM putrAMstathA dArA.Nllabhate nAtra saMshayaH || 48||
manasA karmaNA vAchA stotraM yaH paThate naraH |
uddharetsaptagotrANi kulAnyekottaraM shatam || 49||
dhanavA~njAyate vaMshe stotraM yasya hR^idi sthitam |
janmajanmakR^itaM pApaM nAshamAyAti satvaram || 50||
darshanaM labhate sAkShAchChrInAthasya jaspatavam |
bhUrjapatre likhetstotramaShTagandhena bhaktitaH ||  51||
dhArayetakaNThamadhye cha yamaloke na pIDyate |
stotrarAjaM japet prAtaH yatsvayaM hariNoditam || 52||
gorakShamakShayaM devaM manovAchAmagocharam |
siddhanAthaM siddhasevyaM labhate nAtra saMshayaH || 53||

iti shrIkalpadrumatantre shrIkR^iShNavirachitaH
             shrIgorakShanAthastotrarAjaH sampUrNaH |

##

Encoded and proofread by Chandrasekhar Karumuri 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}