% Text title            : Gurubhajana Stotram
% File name             : gurubhajanastotram.itx
% Category              : deities\_misc, gurudev
% Location              : doc\_deities\_misc
% Proofread by          : Sunder Hattangadi
% Source                : Shri Chitrapura Stuti Manjari,3rd ed. 2008
% Acknowledge-Permission: Shri Chitrapur Math - Publications Committee https://chitrapurmath.net/
% Latest update         : February 9, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gurubhajana Stotram ..}##
\itxtitle{.. shrIgurubhajanastotram ..}##\endtitles ##
dhyAnam \-
karNasvarNavilolakuNDaladharAm ApInavakShoruhAM
      muktAhAravibhUShaNAM parilasatdhammilasammallikAm |
lIlAlolita lochanAM shashimukhIm Abaddha kAMchIsrajaM
      dIvyantIM bhuvaneshvarImanudinaM vandAmahe mAtaram ||
OM shrIgurubhyo namaH |
shrIbhavAnIsha~NkarAya namaH |

kalAbhiH kalpitAsheSha\-bhuvanAnandabhojanam |
krIDantaM tripure nityaM parasaMvidguruM bhaje || 1||
haryAkAraM harAkAraM hrI~NkAraM vAmbikAtanum |
hR^idaye.advaitamAtmAnaM dyotayantaM guruM bhaje || 2||
shivapriya~ncha rudrAkShaM gale bhAle tripuNDra\-kam |
kare saMvinmayIM mudrAM dhArayantaM guruM bhaje || 3||
kAShAyavasanopetaM karuNArdravilochanam |
kAmArisevanAsaktaM kalmaShaghnaM guruM bhaje || 4||
shritArtibhedanodyuktaM sharmadaM shamashobhitam |
shrutyantavAkyamanishaM shrAvayantaM guruM bhaje || 5||
saMshayochChedane dakShaM rakShitAchAryasantatim |
svanAtha\-karapAthoja\-sa~njAtaM sadguruM bhaje || 6||
dIkShitaM shiShyamokShArthe sAkShAtkR^itamahatpadam |
dakShiNAmukhadevAMshaM brahmaniShThaM guruM bhaje || 7||
granthiM bhittvA viniryAntaM varShantaM gagane.amR^itam |
koTividyutpratIkAshaM shaktipu~njaM guruM bhaje || 8||
janayitvA nijAnande rakShitvA mAM kShaNe kShaNe |
pAyayantaM bhaktirasaM mAtR^ibhUtaM guruM bhaje || 9||
ananyabhAvanagamyaM abhayaM jyotirAntaram |
ichChAj~nAnakriyAmUlaM AtmarUpaM guruM bhaje || 10||
deshikeshvarapashvAdi\-bhedashUnyaM chidambaram |
deshakAlAnavachChinnaM nirvikalpaM guruM bhaje || 11||
majjanmajanmasAphalyamaho jAtamayatnataH |
yada~NghrireNusaMsparshAt tamAnandaM guruM bhaje || 12||
shrIgurudvAdashAtmAnaM dhyAtvA stotramimaM paThet |
sAdhakottamaH saMvid\-dR^iShTisauShThavahetave |

iti shrIgurubhajanastotraM sampUrNam |
##
Proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}