% Text title : gurubhujaNgastotram % File name : gurubhujaNgastotram.itx % Category : deities\_misc, gurudev, shankarAchArya, bhujanga % Location : doc\_deities\_misc % Transliterated by : P.R. Kannan prkannanvashi at yahoo.com % Proofread by : P.R. Kannan, PSA Easwaran % Description-comments : Scanned book has Tamil translation % Latest update : October 17, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. A stotra on Adi Shankaracharya in bhujangaprayAta meter ..}## \itxtitle{.. shrIgurubhuja~Ngastotram ..}##\endtitles ## shrIgurubhyo namaH | sadekaM paraM kevalaM nirvikAraM nirAkAramAnandamAtraM pavitram | svaya.njyotiravyaktamAkAshakalpaM shrutirbrahma yatprAha tasmai namaste || 1|| ya eko.api mAyAvashAtsarvahetuH svasR^iShTeShu vishveShu viShvakpraveshAt | shrutau jIva ityuchyate kevalAtmA turIyAya shuddhAya tasmai namaste || 2|| na yasmAdiha draShTR^i vij~nAtR^i chAnyatkvachitsyAtparaM draShTR^i vij~nAtR^i vA yat | samastAsu buddhiShvanusyUtamekaM namo brahmaNe jIvarUpAya tasmai || 3|| mukhAddarpaNe dR^ishyamAno na bhinno mukhAbhAsa evaM chidAbhAsa IshaH | chito naiva bhinno.asti mAyAsthito yaH pareshAya tasmai namaH kevalAya || 4|| yathA sUrya ekaH sthitastoyapAtreShvanekeShu yo nirvikArastathA.a.atmA | sthitaH svIyabuddhiShvanekAsu nityashchidekasvarUpAya tasmai namaste || 5|| sthito.anekabuddhiShvayaM jIva eko vibhuH kAraNekatvato nAtra nAnA | iti tyaktasarvaiShaNApIha yasya prasAdAdvijAnanti tasmai namaste || 6|| mukhaiH pa~nchabhirbhogyavastUni bhu~Nkte hyabhoktApi buddhisthito buddhitulyaH | karotIva karmANyakarmApi yo vai vichitrAya tasmai namaste.astu nityam || 7|| chidAbhAsa evAtra karteva bhAti svarUpAparij~nAnato yasya nUnam | svabuddheriyaM kartR^ibhoktR^itvarUpA mR^iShA saMsR^itirvai namaste.astu tasmai || 8|| chidAbhAsachaitanyabuddhIrvivichyAtra vij~nAya saMsArabandhAdvimuktaH | ya etadvivekAvadhiM svasya mene samastaM cha saMsAramasmai namaste || 9|| na kasyApi saMsAralesho.asti kashchitsa kartR^itvabhoktR^itvarUpo hi mithyA | samasto.apyayaM yatsvarUpAvivekAnnamaste sadA nityamuktAya tasmai || 10|| jaDA buddhirAtmA paro nirvikArashchidAbhAsa eko.api mithyaiva jIvaH | ya etadvivekI svato nityamuktaH sadA nirvikArAya tasmai namaste || 11|| chidAbhAsa eko.avyayaH kAraNastho ya IshaH sa eveha kAryasthitaH san | abhUjjIvasa.nj~naH sa eko hi jIvaH sa bhinno na yasmAnnamaste.astu tasmai || 12|| yadaj~nAnato jIvanAnAtvamAhurmahAmAyayA mohitA vAdadakShAH | vivekI vadatyekamevAtra jIvaM parityaktavAdo namaste.astu tasmai || 13|| chidAbhAsa eko.athavA neti sarve vimuhyanti bedAntino.apyanyabhaktAH | tathApyeka eveti dhIdArDhyadAtA ya AtmA svabhaktasya tasmai namaste || 14|| mukhAdarshayoreka ekaikatAyAM mukhAbhAsa evaM chidAbhAsa ekaH | svachidbrahmabimbaikyamAyaikyato.ayaM yadaMsho.akhilesho namaste.astu tasmai || 15|| shrutirhyekatAM brahmaNo vakti nUnaM sajAtIyabhedAdishUnyaM tato.atra | svamAyaikatApyasya yuktyApi siddhA namaste sadaikasvarUpAya tasmai|| 16|| na mAyAbahutvaM tadA tatpratiShThA anekeshvarAH sambhaveyurhi naitat | kachidyujyate yasya mAyApyanekA namaste jagaddhetubhUtAya tasmai || 17|| na mAyAM vinA yasya kartR^itvamasti pravesho.api tasmAtsamastaM mR^iShaiva | mahAmAyine nirvikArAya tasmai namo brahmarUpAya shuddhAya tubhyam || 18|| ya AtmA dR^igevA.a.asa dR^ishyaM tvanAtmA vivekAddvayorAtmadR^iShTiH sadR^ishye | vinaShTo bhavetsA dR^ishi svasvarUpe namaste dR^igAtmasvarUpAya tasmai || 19|| sa dR^ignirvikAraH svamAyA jaDeyaM dR^igAbhAsa eko mR^iShaiveti yasya | jagatkartR^itA tAttvikI nAsti tasmai namaH kevalAkartR^irUpAya tubhyam || 20|| amAyyeva mAyI vibhuH shuddha AtmA sR^ijatyattyavatyetadAnandapUraH | na mAyAM vinA sraShTR^itA sAkShitA vA vishuddhAtmano yasya tasmai namaste || 21|| chitAbhAsa evAkhilopAdhiniShThaH samastaikasAkShI sa jIveshasa.nj~naH | chidaMsho.akhilAtmA na bhinno.asti yasmAnnamaste vishuddhAtmarUpAya tasmai || 22|| ahaM sachchidAnanda Atmaiva shuddho vimukto.asmi vedAntavAkyArthabodhAt | iti svasvarUpaM vijAnAti vidvAnparaM yatparebhyo.api tasmai namaste || 23|| svamAyAparibhrAntachittA ajasraM parAgvastu pashyanti na pratyagartham | mumukShustu yaM pashyati pratyagarthe parabrahmarUpAya tasmai namaste || 24|| upAsyo.anya Isho.astyahaM tvanya IshAtpashurveda nainaM bhajatyatra yo.asmAt | vivekI sa evAhamasmItyupAste yamAtmAnamIshaM namaste.astu tasmai || 25|| bhayaM bhedadR^iShTerbhavatyulbaNaM vai mahAnto na bhedaM prapashyanti tasmAt | yadaj~nAnato dR^ishyate bheda evaM bhidAmohahantre namaste.astu tasmai || 26|| viri~nchendrasUryAgnirudrenduviShNUnprakalpyaika evAdvayaH sarvasAkShI | jagachchakravibhrAntikartA ya AtmA na dR^ishyeta kenApi tasmai namaste || 27|| jagajjAgrati sthUlametatsamAnaM manovAsitaM svapna AnandanidrAm | suShuptau svamevAbhipashyanmudA.a.aste turIyo ya AtmA namaste.astu tasmai || 28|| samastAdapi sthUlasUkShmAchCharIrAtparaH kAraNAchchAnya AtmA samIpe | ya eko vidUre.api tiShThan janAnAM mahimni svakIye cha tasmai namaste || 29|| yamAshritya nAstIti chAstIti vede pravR^itto viruddho.api vAdo.akhilAtmA | namaste.a~NghripANyAdihInAya nityaM samastA~NghripANyAdiyuktAya tasmai || 30|| yo.aNoraNIyAMsamAtmAnamekaM mahantaM mahadvastunashchetanebhyaH | paraM chetanaM nityato veda nityaM yameveha vidvAnnamaste.astu tasmai || 31|| yadAnandaleshopabhogena sarve sadAnandinaH sambhavantyatra tasmai | sadAnandasandohapUrNArNavAya prasannAya tubhyaM namaH kevalAya || 32|| yamutsR^ijya martyA bhajatyanyadevAnna teShAM vimuktiH phalaM kintu tuchCham | shvapuchChaM gR^ihItvA tariShyanti ke vA samudraM hyapAraM namaste.astu tasmai || 33|| yathA vidhyupAstau phalaM dAsyatIshastathA viShNurudrendravahnyAdyupAstau | phalaM dAsyati brahma yaddhIshasa.nj~naH svakarmAnusAraM namaste.astu tasmai || 34|| na yadbrahma mokShapradaM syAtkadAchidvinehaiva muktipradaM j~nAnamekam | na mokShaM kR^itaH karmaNAtaH kR^itena prapannArtihantre namaste.astu tasmai || 35|| idaM netinetItyamUrtaM cha mUrtaM nirasyaiva sarvaM jagaddR^ishyametat | niShedhAvadhi brahma yachChiShyate vai manovAgatItAya tasmai namaste || 36|| parityajya yattattvasamyagvichAraM pravarteta yastIrthayAtrAjapAdau | karasthAnnamutsR^ijya leDhIti hastaM na yasyodayastasya tasmai namaste || 37|| na chetprANavargeShvayaM syAjjaDatvAtkathaM prANanADI kriyAkAritaiShAm | ato yasya siddhA sthitA yuktito.api prapa~nchaprakAshAchcha tasmai namaste || 38|| bhayaM yadvidAM nAsti mR^ityushcha nUnaM bibhetyeva vAyvAdi sarve cha yasmAt | sharIre.ahamityatra buddherbhayaM syAnnamaste.abhayAyAsharIrAya tasmai || 39|| gurau bhaktiyuktairihaiveshvaro yaH suvij~neya AtmA.anyathA tvabdakoTyA | avij~neya ekaH svabuddhisthito.api priyAyAkhilebhyo.api tasmai namaste || 40|| samastAtpriyo deha evAkShamasmAtpriyaM prANa evAkShato.api priyo.ataH | priyaH pratyagAtmaiva bhoktA paro yaH svato.atipriyAyeha tasmai namaste || 41|| priyAdAtmano.anyanna vidyeta ki~nchitkvachitkAraNAnnaiva bhidyeta kAryam | ya AtmA samastasya heturnamaste nidAnAya sarvasya dR^ishyasya tasmai || 42|| samastaM jagatkAraNAnnaiva bhinnaM samastAtmanaH kevalAdadvitIyAt | parabrahmaNo.avyAkR^iteshAchcha yasmAnnamaste kSharAyAkSharAyApi tasmai || 43|| yataH kAraNAnneha kAryaM vibhinnaM tato brahmaNo naiva bhinnaM jagatsyAt | samastaM jagadbrahma tachchAsmi vidvAnupAste yamekaM namaste.astu tasmai || 44|| yathA mR^idvikAro mR^ito naiva bhinnastathA chidvikArashchito naiva bhinnaH | ataH sarvametachchideveti vidvAnvijAnAti yadbrahma tasmai namaste || 45|| jagadyasya sarvaM sharIraM jaganna pramAtR^ipramANaprameyAtmako yaH | samastAntarAyAkhileshAya tasmai namaH sachchidAnandarUpAya tubhyam || 46|| viduryaM na sarve.api yo vetti sarvaM samasteShu bhUteShu tiShThantvayaM yaH | samastAntaraH prerayatyeva sarvAnnamaste samastAntareshAya tasmai || 47|| na dehendriyaprANadhIbhUtavR^indaM na saMsAryahaM kintu chinmAtramekam | paraM chAparaM brahmavidvAnvishuddhastadastIti yadveda tasmai namaste || 48|| yathA svapnadR^iShTA cha hastyAdi mithyA tathA sarvametajjagadbhAti mithyA | adhiShThAnamAtraM jagaddraShTR^i satyaM vishuddhaM cha yadbrahma tasmai namaste || 49|| parA chAparA yasya mAyA dvidheyaM jagatkartR^itAmakriyasyAtanoti | svato draShTR^idR^ishyAtiriktAya tasmai namaH kevalAyAvyayAyAtmane.astu || 50|| vishuddhAtmatattvAparij~nAnamUlaM visheShAvabhAsaM sukhitvAdirUpam | vishuddhAtmatattve parij~nAta etatkvachinnAsti yasminnamaste.antu tasmai || 51|| na hi tvakparij~nAnataH sarpabhAnaM kvachidvidyate sarpatA kalpitA syAt | tathA kalpitaM sarvametachcha yasminnamaste samastAvabhAsAya tasmai || 52|| suShuptau na saMsAralesho.asti kashchitprabodhe.akhilAha~NkR^itau dR^ishyate.ayam | ato.aha~NkR^itereva saMsAra itthaM na vai saMsR^itiryasya tasmai namaste || 53|| na shAstA na shiShyo na shAstraM na vishvaM naM shAktaM cha shaivaM mataM vaiShNavaM vA | suShuptau tadAnIM yadastyAtmamAtraM svato niShprapa~nchAya tasmai namaste || 54|| jaDAnAM pravR^ittiH svato nAsti yasmAdvibhoshchetanAtsA pravR^ittiH pravR^ittA | manaHprANadehendriyavyAkR^itAnAM namaste chidAtmasvarUpAya tasmai || 55|| manaHprANadehendriyavyAkR^itAni svataH kAShThatulyAni yatsannidhAnAt | svayaM chetanAnIva bhAntyeva mohAjjaDebhyaH parasmai namaste.astu tasmai || 56|| bahirbudhyate prANibuddhiH padArthAnna yaM budhyate prANanAthaM svasaMstham | samastAntarAtmAnamekaM cha tasmai namaste viri~nchAdidhIbodhayitre || 57|| paraM yatsvarUpaM vidurnApi devAH kuto.anye manuShyAdayo bAhyachittAH | tadehavAmasmIti bhaktAstvajasraM bhajantyadvitIyaM namaste.astu tasmai || 58|| samasteShu deheShu sUrye.api tiShThanya eko.akhilAtmA samastaikasAkShI | sa evAhamasmIti vedAntavidbhiH sadopAsyatattvAya tasmai namaste || 59|| ahaM vishvakastaijasaH prAj~narUpo virATsUtramAyesharUpAnna bhinnaH | upAdhau vibhinne.api kintvasmi so.ahaM yamevaM bhajanveda tasmai namaste || 60|| samastAni karmANi santyajya vidvAMstadevAhamasmItyupAste hyajasram | yadevAha sarvAgamAntaikavedyaM namaste.anishaM chintanIyAya tasmai || 61|| na kR^ityAkR^iteH pratyavAyaH kvachitsyAdabhAvAtkathaM bhAva utpatsyate.ataH | ahaM pratyavAyIti kR^ityAkR^ite syAmayaM yasya mohAnnamaste.astu tasmai || 62|| adharmo.ayamevAyamevAtra dharmo bhavedityayaM moha evAkhilAnAm | yadaj~nAninAM pratyavAyapradaM syAtkvachinna hyabhAvo namaste.astu tasmai || 63|| adharmaM cha hR^itsthaM vihAya prashAntA bhajantyatra nUnaM svarUpaM yadIyam | svarUpaM vichAryA mR^iterA suShupternamaste.astu tasmai vimuktipradAya || 64|| na vai baddhatA muktatA vA kadAchitkvachinnityamuktasya kiM chAtmano.ataH | bahishchetaso.antashcha gatyAgatI te namashchittavikShepahartre.astu tasmai || 65|| yathA kShINachittastathaivAtmaniShThaH pumAnnityamukto bhavedadvitIyaH | yathA chetaso.akShINatA yatprasAdAttathA tvatprasAdAya tasmai namaste || 66|| prasanne tvayi prANinAM kinna labhyaM parastvatprasAdAnna lAbho.asti kashchit | budho.ato.anishaM yatprasAdAbhikA~NkShI namaste prapannaprasannAya tasmai || 67|| pR^ithivyAdiyuktA.aparabrahmaniShThA na mukhyA bhavantyatra janmAsti teShAm | nirastAkhilopAdhiniShTho hi mukhyo na yasyeha janmAsti tasmai namaste || 68|| na mukhyaM suShupteradhiShThAnato.anyatsuShupteradhiShThAnamAtraM hi mukhyam | yadaj~nAnato dR^iptabAlAkiretannR^ipAdveda chaivaM namaste.astu tasmai || 69|| viri~nchAdilokAdihAvR^ittirasti kvachichchAtmalokAdanAvR^ittirasmAt | dhruvo hyAtmaloko.adhruvAnAtmalokAtparo yo.asti chaiko namaste.astu tasmai || 70|| paraM veda sanmAttramuddAlakena svapitropadiShTo yadA shvetaketuH | yamAtmAnamAtmasthamavyaktamekaM namaste.anishaM satsvarUpAya tasmai || 71|| bhR^igurveda pitropadiShTo.antareva prakR^iShTaH parabrahmarUpAtmalokam | anantA.advayAnandavij~nAnasatyaM yamekaM vishuddhAya tasmai namaste || 72|| vihAyaiva koshAtparaM pa~ncha veda svarUpaM yadAnandakoshasya puchCham | mumukShuH suShupteradhiShThAnamekaM sadAtmasvarUpAya tasmai namaste || 73|| anantAni shAstrANyadhItyApi vidvAnna duHkhetaro nArado.anAtmavittvAt | R^iShirmAnasAdveda yaM shokahatyai namaste sukhaughAya tasmai vibhUmne || 74|| R^iSheryAj~navalkyAdvideho mahAtmA yadevAbhayaM brahma samyagviditvA | svamevAbhayaM taddhyabhUdvedavedyaM samastAbhayApyAya tasmai namaste || 75|| viditvAtra bhUmAnamenashChide.asti pravAchyaM kimu prANavitpApanAshe | ataH prANavidyAmanAdR^itya vidvAnupAste yamIshaM namaste.astu tasmai || 76|| ajasrAnnadAnaM parityajya jAnashrutirhyaikyamabhyAgamaddhaMsavAkyAt | sa vai prANavitprANa utkarShavAMstatparo.asmAdya AtmA namaste.astu tasmai || 77|| ravIndvagnitejo jagadbhAsakashchenna tasyApi chitsannidhAnena tatsyAt | na yatsannidhAnaM vinA ki~nchidasti kvachidvastu tasmai namo jyAtiShe cha || 78|| paraM jyotiShAM jyotirAtmA.a.akhyametadravIndvAdibuddhyAdividyotakaM yat | viditvaiva nUnaM naro brAhmaNaH syAdamartyashcha tasmai namaH svAtmane te || 79|| yathAshvatthavR^ikShe svadehe cha tulyaM svamevAbravIdvAsudevo.arjunAya || tathA yasya sAmyaM vijAnAti vidvAnnamaste samastAtmarUpAya tasmai || 80|| dvije pulkase hastini sve sharIre samaH sAttvike rAjase tAmase cha | ya AtmA guNaistairasaMspR^iShTa Isho namaste sadA niShkaLa~NkAya tasmai || 81|| yamAshcharyavadvakti kashchichChR^iNoti prashAntastu jAnAti na hyaprashAntaH | viditvA.api sAkShAtkarotyatra nAnyashchidasmIti dIkShyAya tasme namaste || 82|| patI devadaityaughayoH padmajAdyaM chaturvAramAkarNayantau tathA.api | na jAnAti kashchittayorveda chAnyo hyato durvitarkyAya tasme namaste || 83|| sharIrendriyaprANavij~nAnashUnyeShvihaikaikamAtmeti dR^iptA vadanti | tathA buddhisamyagvichArAsamarthA yadaj~nAnamohA hi tasmai namaste || 84|| anekatvakartR^itvabhoktR^itvadharmaH sa AtmA vibhushchidguNashcheti kechit | na kartaiva bhoktA kvachichcheti chAnye yadaj~nA vadantIha tasmai namaste || 85|| anekAtmanA prerako.anyo na hIsho.astviti prAhureke na chAstIti chAnye | vivAdAspadaM naiva mAyA vinA yannamaste.astu tasmai vivAdAtparAya || 86|| vivAdo nivarteta yasya prasAdAtsvarUpaprakAshe jagadbhAvanasya | nivR^itte vivAde punarnaiva loke bhramantyadvitIyAya tasmai namaste || 87|| vibhuM chittaniShThaM yada~NguShTamAtraM purANaM pumAMsaM vadantyatra vedAH | janAnAM hR^ida~NguShThamAtraM yato.asmAdana~NguShThamAtrAya tasme namaste || 88|| bhruvormadhyamevAvimuktaM munInAM mahAkShetramityatra buddheH shruta~ncha | na vA vAraNAsIpuraM gantumichChetsvarUpe sthito yasya tasmai namaste || 89|| sharIre yathA.aha.nmatiH sarvajantostathA muktibuddhishcha kAshImR^itervA | svarUpaprakAshaM vinA yasya muktirna vai sambhavetkApi tasmai namaste || 90|| svarUpaprakAshaikaheturhi yasya prakR^iShTAgamAntArthasamyagvichAraH || ato yatprakAshAya vedAntaniShTho.anishaM syAdvivekI namaste.astu tasmai || 91|| vadantashcha rudrAdayo.apyAtmatattvaM na jAnantyataH ke.api vedAntaniShThAH | tatastAnihotsR^ijya vedAntaniShTho bhavedyatprabodhAya tasmai namaste || 92|| surendro viditvaiva yasya svarUpaM samastAdaghAdvR^itrahatyAdirUpAt | vimukto hi vedAntaniShTho mudA.a.aste nirasyAbhimAnaM namaste.astu tasmai || 93|| yadIyaM svarUpaM vichAryaiva tiShThansadA vandanIyo.amarairindramukhyaiH | vishuddho hyayaM devavandyatvato vai namaste.astu tasmai vishuddhipradAya || 94|| svayaM shuddha evAnyashuddhiM dadAti kvachinna hyashuddho.anyashuddhipradaH syAt | smR^itaH shuddhidaH sarvajantorya AtmA vishuddhaH pavitrAya tasmai namaste || 95|| sakR^itsaMsmR^itashchetsamastaM cha pApaM dahatyagnivadyastvihAtyantadIptaH | chidevAhamityeva buddhau praveshasvadIptirnamaste.astu tasmai mahimne || 96|| na hi snAnadAnAdinA pApanAshe tu tatsaMskR^itiH kvApi nashyetkadApi | vinA yatsmR^itiM smR^ityupAyaM cha muktvA smaratpApahantre namaste.astu tasmai || 97|| anAtmanyahantAbhimAnaM nirasya svarUpaprakAshastataH sarvapApam | na saMskR^ityanAtmAshrayaM syAdvinaShTaM smR^iteryatprakAshe tu tasmai namaste || 98|| anAkarNya vedAntabhAShyaM samagraM na kasyapi yatsmR^ityupAyo.asti kashchit | atastachchikIrShA svato yasya jAtA namaste dayALusvarUpAya tasmai || 99|| samastAgamAntAniha vyAchikIrShuH svayaM sha~NkarAchAryarUpAvatIrNaH | kR^itavyAsasUtrAdibhAShyo ya AtmasvarUpaikyadhIdAya tasmai namaste || 100|| chaturbhiH prashAntaiH svashiShyairyutaH san bhuvaM paryaTannAtmaniShThA.akhilAtmA | svabhAShyaprachAraM sadA kAramanyo vibhAtyadvitIyAya tasmai namaste || 101|| virATsUtramAyeshaturyasvarUpaiH kramAttoTakAchAryanAmAdisa.nj~naiH | chaturvyUhaveShaiH svashiShyairyutAyAdvayAyAtmane te namo nirguNAya || 102|| ajaM karmaThaM vishvarUpaM viditvA turIyAshramaM chAtha tasmai pradAya | vyadhAdR^ishyashR^i~NgAshrame shAradArchAparaM tattvarakShAya tasmai namaste || 103|| ya AchAryabhAShyANyadhItyaiva bhaktyA labhante nijAnandamAtmasvarUpam || gurustairayaM vandya AtmA.a.atmavidbhistataH sarvavandyAya tasmai namaste || 104|| namaH sha~NkarAchArya tubhyaM purastAnnamaH pR^iShThataH pArshvatashchAdha Urdhvam | namaH sarvataH sarvarUpAya tasmai vishuddhAtmane brahmaNe te namaste || 105|| ahaM dehabuddhyA tavaivAsmi dAso hyahaM jIvabuddhyA.asmi teM.ashaikadeshaH | tvamevAsmyahaM tvAtmabuddhyA tathApi prasIdAnvahaM dehabuddhyA namaste || 106|| sa bhAShyArtha Ashu sphuratvantakAle chidAbhAsachaitanyadR^iktvatprasAdAt | gatirnAnyathA me samastAparAdhaM kShamasvAkhilAtmannamaste.astu nityam || 107|| namo bhAShyavR^indAya bhAShyopadeShTre namo bhAShyakR^idbhyo namo bhAShyavidbhyaH | namo bhAShyavR^indArthabhUtAya bhUmne vishuddhAtmane brahmaNe.asmai parasmai || 108|| shatordhvAShTakashlokametadbhuja~NgaprayAtaM paThedyo.atra bhaktyA tvadIyam | chidAbhAsachidrUpamekaM padAbjaM smaransvasvarUpeNa nUnaM rameta || 109|| bhuja~NgaprayAtArthamatyantabhaktyA sakR^idvA smaretpratyahaM shrIguroryaH | nirastAndhakAraH sa AnandarUpaM vrajatyachyutaM tvAM tvadIyaprasAdAt || 110|| ahaM brahma bhUtvApi neti bhramo.abhUttadIyasvarUpAvabodhApturA me | guro tvatprasAdAdvimukto.ahamasmi chitAbhAsachidrUpa AtmA vishuddhaH || 111|| ato buddhimAMstvatprasAdAya nityaM bhuja~NgaprayAtaM paThedvA tadartham | smaredvA guro te praNamyaiva bhUyashchidAbhAsachidrUpamekaM paraM tat || 112|| munIndraiH purANairanudhyeyamIshaM viri~nchAdibhiH sarvadevaishcha vandyam | kathaM tvAmahaM stotumichChanbhavantaM kva vA sAdhaye neha kiM kiM maheshe || 113|| kR^ipA te kR^ipALo vimugdhaM vishuddhaM karotIha mUkaM cha vAchAlamIsham | atastvatkR^ipAvaibhavenaivametatkR^itaM me chikIrShAkhilAtmannamaste || 114|| iti shrIgurubhuja~NgastotraM sampUrNam | ## Pujya Sri Kumbakonam Swamigal has discovered and circulated this beautiful Stotra on Adi Sankaracharya, Guru Bhujanga Stotram. It is an excellent summary of Advaita Vedanta. The book contains a translation in Tamil by Sri Brahmananda Swamigal of Thanjavur. Encoded by P.R. Kannan prkannanvashi at yahoo.com Proofread by P.R. Kannan, PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}