% Text title            : Shri Gurucharitra Adhyaya Saramsha Shlokas
% File name             : gurucharitrAdhyAyasArAMshashlokAH.itx
% Category              : dattatreya, deities\_misc, vAsudevAnanda-sarasvatI
% Location              : doc\_deities\_misc
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gurucharitra Adhyaya Saramsha Shlokas ..}##
\itxtitle{.. shrIgurucharitrAdhyAyasArAMshashlokAH ..}##\endtitles ##
%139
adhyAye prathama iheShTavandanAkhyaM
proktaM ma~Ngalamatha nAmadhArakAkhyam |
prApyeShTaM stuta iha dhAma harShaNIyaM
datto.adarshayadu tanuH praharShiNIyam || 1||
siddhaH sR^iShTiyugasthitIriha jagau sarge dvitIye vidheH |
saMvAdaM kalinA cha dIpakagurUpAkhyAnakaM sadvidheH ||
yachchAkAri hi dIpakena gurusatsevAkhyavikrIDitam |
kuryAtko.atra tathA karotyapi shashaH shArdUlavikrIDitam || 2||
tR^itIye.adhyAye.ambhonashanamiti maunaiH prathamato.a\-
mbarIShopAdviShNuvratahatibhiyA vaiShNavamataH |
vrajAnekA yonIriti shapati durvAsasi hari\-
stamAdAchChApaM yannijasahanatAbhUchChikhariNI || 3||
turye trIshAH satvahR^ityai yathAnnaM
smehante.adAchchAnasUyA tathAnnam ||
bAlA bhUtvA dugdhamasyAH papuste
yatkIrtidikshAlinI sarvadA.a.aste || 4||
dattAya dadau dvijA~NganAnnaM shrAddhAtpurataH sa pa~nchame.abhUt |
shrIpAdAbhidhaH suto.andhapa~NgUddhR^idbhadravirADabhUtparivrAT || 5||
shivo dashAsyAya dadau svali~NgaM
pragR^ihya tasmAdgaNapatastatastat ||
upendravajrAstramukheritaH kau
mahAbaleshaM nidadhau sa ShaShThe || 6||
bhUpendravaMshonnataye.atra saptame
gokarNamAhAtmyamuvAcha gautamaH ||
tadbrahmahattyAlayakR^idgatiM vadan
chaNDAlikAyAH prashashaMsa bhUbhate || 7||
sakusutavidhavA sA martukAmA pradoSha\-
vratakathanata IshastAnnivatryAShTame.antAt ||
sa vibudhamakarottajjaM cha janmAntare.asyAH
suta iha bhavitA di~NmAlinI yasya kIrtiH || 8||
AkhyAnakIrtishrutito.asya muktirbhavAntare.asau rajakAya rAjyam |
dAsyantirobhUnnavame.atra kR^iShNAtaTe.api sampUrayati svatR^iShNAm || 9||
pathi taskaraghAtitabhaktaM sArthamajIvayadetya chirasya |
vinihatya cha tAndashame shrIpAdAtivegavatI gatirasya || 10||
ekAdashe nR^iharisaMj~naka Asa so.ambA\-
putraH pradoShaphaladaH praNavaM paThiShyan ||
bhUtvApyavAkshrutigaNAnupanIta Ucha
uddharShaNIM svajananIM bahudhA pariShyan || 11||
mANavakrAkrIDitakR^id.hvAdasha AshvAsya vibhuH |
mAtarametya cha kAshIM nyAsyabhavatsa nirAshIH || 12||
prasUmukhairjanibhuvi sa~NgataH svakai\-
strayodashe.anugayugupetya gautamIm ||
mR^itotsukaM jaThararugArtamuddharan
vyadarshayad bhuvi ruchirAM prabhurgatim || 13||
sAyandevaM shakramitAdhyAya uvAcha
trIsho mlechChaM yAhi na bhIste sa tatheti ||
gatvA bhItamlechChanR^ipeNArchita etya nR^ityan
reje mattamayUro hi yathA saH || 14||
chitrapadoktita IshastIrthagamAya sa shiShyAn |
pa~nchadashe kathayitvA tadvidhimIrayadeva || 15||
ShoDashe gururathoddhR^itAtmane dhaumyashiShyacharitopadeshataH |
brAhmaNAya vidamarpayad gurudrohiNe.alamanutaptachetase || 16||
AryAvamAnito.adAdAryAyai mUDhavipra iha jihvAm |
saptadashe tatprerita IshamavApyAlabhattato jihvAm || 17||
bhikShArthaM gatvA kusumitalatAvellitadvAradeshaM
gehaM viprasya prabhuratidaridrasya bhuktvApi shAkam ||
ChitvA vallIM svavasatimagAttallatAmUladeshe
lebhe.arthaughaM dvijavara ihAShTAdashe chAshiSho.api || 18||
amarApUra UnaviMshake.anugaga~NgAnujapA udumbare |
varade sa nidhAya pAduke gururAshvAsya cha yoginIragAt || 19||
pretArtihR^itA.arbhau dattau mR^ita ekaH |
varNyApatadambAM viMshe tanumadhyAm || 20||
vidyunmAlAvatsambandhaM putrAdeH san choktvA bodham |
satyai chakre jIvopetaM saike viMshe.asau tatpotam || 21||
gandharvaM prApya bhImAmaraduhitR^iyutiM bhikShArthamatha guru\-
rgatvA dInadvijauko gataradamahiShIM vandhyAM bharavahAm ||
dR^iShTvA dugdhaM yayAche tadanu suvadanA strIH kShIramaduhad.hvA
iMvashe.adAtpayo.asmai tadu varadaguruH pItvAgamadasau || 22||
rAT trayoviMsha AkarNya sattadyashaH
sragviNIM svAM purImAnayattadvashaH ||
shrIgurU rakShase.adAdgatiM rAjavadrAjadatte
maThe vishvavAso.avasat || 23||
nindAkartR^iyatitrivikramaM prApya shrIgururAshvadarshayat |
sainyaM nyAsivapuH kShaNaM chaturviMshe yAnagarAjavadvirAT || 24||
mattAvAptau shrutinayavij~nau mlechChAj~naptau dvijavijigIShU |
bhikShurninye shritashibikau tau gurvagryaM pa~nchasahitaviMshe || 25||
chitrapadoktibhirIshaH ShaDyutaviMsha uvAcha |
vedatada~NgavishAkhA yaM praNamanti hi lekhAH || 26||
api ka iha yadIkShaNAdaparAjitAH
sa buruDavadanAchChruiIH samavAchayat ||
anayadubhamite dvijau cha pishAchatAM
sugatimatha gatau cha tau dviShaDadbataH || 27||
akathayadasAviShTAviMshe svakarmavipAkato
vividhakugatiM hInatvApti sachihnapunarbhavam ||
tadaghahR^itaye prAyashchittaM cha kR^ichChrajapAdikaM
patitamakarod bhUyo.aj~naM sA manohariNI kathA || 28||
navadvayayute natena muninA sa pR^iShTo.avadat
vibhUtimahimAnamAnatapadAsrapAyAvadat ||
kumAraharavAdamapyatha sa vAmadevo dadau
gatiM bhasitadhAraNena vidhivachcha pR^ithvIdharaH || 29||
gopInAthasuto.atrisutabhajanAtputramApodvahordhvaM
tatstrI rugNaM tamanayadatho pattanaM gANagAkhyam |||
mandAkrAntAdhvani sa tu purasyopakaNThaM mamAra
tiMrashe tatstrInikaTamatha gato bhUtirudrAkShadhR^iksan || 30||
strIdharmamuvAcha kupUrmite.adhyAye dhiShaNoktamupasthitAm |
vindhyAdricharitrasamanvitA.agastyarShisatIcharitaM cha san || 31||
rukmavatImUche praNatAM tAmaShTasutA saubhAgyavatI syAH |
pretamapi dvAtiMrasha ihAsyA vallabhamAshUtthApayadIshaH || 32||
bhujagashishubhR^itA nItA kulayugiha purAgnyADhye |
svapuramapi satI veshyA tata iha vikapI bhUpau || 33||
kR^itakarapuTarAjaprArthitarShiH sutamR^itihataye rudrAbhiShekam |
shrutipuramitasargekArayadrATtanayamuta mR^itito.ajIvayaddrAk || 34||
surahitadakachakathA vR^ittA sharapuramita iha somAkhyam |
vratamapi yata iha sImantinyalabhadapi cha dayitaM naShTam || 35||
tarkapUryuji halamukhI strI sushikShaNamiShata IT |
AhnikAcharaNamavadachChAktyasammatamu sudhiye || 36||
pramitAkSharoktigururAha suchirasurapUjanAdisakalAhnikavit |
ashanAdidharmashayanAdividhiH svarapUrmite.atra hatabhaktavidhiH || 37||
trilokaparyAptakR^itodanena sambhojitA vipramukhA anena |
aShTatriyukte hyupajAtayo.api bhaktAya datto guruNA varo.api || 38||
navatrimitasarge vyadhAtsthaviravandhyAm |
kumAralalitAM pippalArchanata IshaH || 39||
khayugamite.atra kuShThavinivR^ittyai naraharaye.avadatsamidarchAm |
tadu viTapI dvijashcha shuchirAsIdiyamajakIrtirinnavamAlinI || 40||
avadadiha parIkShya sAyandevaM kuyugamite bhagavAngurUktalabdhyai |
vidhijamupagataH supuShpitAgragamavana Arya uvAcha kAshIyAtrAm || 41||
vAtormItirdviyugADhye sa sarge shiShTAM yAtrAM kathayandarshayitvA |
kAshIM dArAdinutashchAnayitvA sAyandevaM gururAha vrataM sat || 42||
sAyandevAya triyugaparimite.adhyAye
prAhesho.anantavratamiha cha paratreShTam ||
yasyAchIrNena vyapagatadurito yAyAtkauNDiN
yaH pArthashcha sugatimitosambAdhAm || 43||
kShaNataH shrutivedasammite.asminnanayadyatirAja ekarUpaH |
shryagamAtmarataM sa tantukaM chAnayadAshu nivedya rATcharitram || 44||
yaddhIrAsIdbhramaravilasitA nandyamboktyA kurugupashamadhIH |
prApyeshaM drAksa shuchikavirabhUd gurvIkShAto.akShayugamita iha || 45||
svapna upetya sa Adada Isho rasakR^itayukta ihArchanamagryam |
kesaridattamabhUddrutamadhyAtmakapadadasya kaviH sa cha shiShyaH || 46||
dIpAvalyAM samprArthitaH saptashiShyaiH
saptagrAmAntatkShetrasaMstho.apyagAtsaH ||
aShTAtmA bhUtvA saptavedADhysarge
loke yanmUrtirvishrutA vaishvadevI || 47||
kShetraM gurUktavadasheShamapakvadhAnyaM
chichCheda shUdra upagAM vinivArayantIm ||
siMhonnatAkSha iva chAtmavadhUM nivArya
lebhe.amitardhimibhavedayujIshabhaktyA || 48||
sarge.a~NkavAksammita indravajrAlepopamAghakShatikR^idbhaginyAH |
tatkShetramAhAtmyamuvAcha so.aShTatIrthAni chAdarshayadatra sadbhyaH || 49||
khasharayute puroktarajako.abhavadyavanarAja Asa vR^iShakR^it
pR^ithupiTakastada~Nka uditastadIyashamakR^id.hvijo nR^ipakathAm ||
avadadatho yayau sa guruM smR^itiM prathamajanmano.alabhadatho
gatarugasau suyAnagamajaM gajAshvalalitaM puraM svamanayat || 50||
rAjapurAdetya sa cha nIjapIThaM kIrtirabhUnmama sushuchiratanvI
stheyamihAtaH paramiha na sAkShAdityavanIShuyuji sa cha vichArya ||
svAnapi chAshvAsya bahuvaradAnaiH puShpakR^itAsanagata idamAha
madbhajanAdvaH sugatiriha tiShThe satyamitIDaramabhavadadR^ishyaH || 51||
shravaNechChAshrutAnAM cha tadanyeShAM smR^itiryataH |
saikapa~nchAshadadhyAyasArabhUtArthamAlikA || 52||
tIrNA Ashu tarantyasmAttariShyantyaghato narAH |
tIrthaM gurucharitrAkhyamavagAhyamidaM budhaiH || 53||

iti shrIvAsudevAnandasarasvatIvirachitA
   shrIgurusaMhitA(samashlokIgurucharitA)dhyAyasArAvataraNikA sampUrNA |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}