% Text title : Gurumahima Gurukritya % File name : gurumahimAgurukRRitya.itx % Category : deities\_misc, gurudev % Location : doc\_deities\_misc % Transliterated by : staff of Muktabodha.org Mark S.G. Dyczkowski % Proofread by : Aruna Narayanan narayanan.aruna at gmail.com % Description/comments : rudrayAmale uttaratantre 1 bhairava bhairavI sa.nvAde % Source : Rudrayamalam part 1 edited by Ram Prasad Tripathi and Sudhakar Malaviya % Acknowledge-Permission: Marjorie Woollacott, Ph.D., Digital Library Coordinator muktabodha.org % Latest update : February 16, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Gurumahimagurukritya ..}## \itxtitle{.. gurumahimAgurukR^itya ..}##\endtitles ## akhaNDamaNDalAkAraM vyAptaM yena charAcharam | tatpadaM darshitaM yena tasmai shrIgurave namaH || 2\-22|| aj~nAnatimirAndhasya j~nAnA~njanashalAkayA | chakShurunmIlitaM yena tasmai shrIgurave namaH || 2\-23|| devatAyAH darshanasya kAraNaM karuNAnidhim | sarvasiddhipradAtAraM shrIguruM praNamAmyaham || 2\-24|| varAbhayakaraM nityaM shvetapadmanivAsinam | mahAbhayanihantAraM gurudevaM namAmyaham || 2\-25|| mahAj~nAnAchChApitA~NgaM narAkAraM varapradam | chaturvargapradAtAraM sthUlasUkShmadvayAnvitam || 2\-26|| sadAnandamayaM devaM nityAnandaM nira~njanam | shuddhasattvamayaM sarvaM nityakAlaM kuleshvaram || 2\-27|| brahmarandhre mahApadme tejobimbe nirAkule | yogibhirdhyAnagamye cha chakre shukle virAjite || 2\-28|| sahasradalasa~NkAshe karNikAmadhyamadhyake | mahAshuklabhAsurArkakoTikoTimahaujasam || 2\-29|| sarvapIThasthamamalaM paraM haMsaM parAtparam | vedoddhArakaraM nityaM kAmyakarmaphalapradam || 2\-30|| sadA manaHshaktimAyAlayasthAnaM padadvayam | sharajjyotsnAjAlamAlAbhirindukoTivanmukham || 2\-31|| vA~nChAtiriktadAtAraM sarvasiddhIshvaraM gurum | bhajAmi tanmayo bhUttvA taM haMsamaNDalopari || 2\-32|| AtmAnaM cha nirAkAraM sAkAraM brahmarUpiNam | mahAvidyAmahAmantradAtAraM parameshvaram || 2\-33|| sarvasiddhipradAtAraM gurudevaM namAmyaham | kAyena manasA vAchA ye namanti nirantaram || 2\-34|| avashyaM shrIguroH pAdAmbhoruhe te vasanti hi | prabhAte koTipuNya~ncha prApnoti sAdhakottamaH || 2\-35|| madhyAhne dashalakSha~ncha sAyAhne koTipuNyadam | prAtaHkAle paThet stotraM dhyAnaM vA susamAhitaH || 2\-36|| tadA siddhimavApnoti nAtra kAryA vichAraNA || 2\-37|| gurustotram | shirasi sitapa~Nkaje taruNakoTichandraprabhaM varAbhayakarAmbujaM sakaladevatArUpiNam | bhajAmi varadaM guruM kiraNachArushobhAkulaM prakAshitapadadvayAmbujamalatkakoTiprabham || 2\-38|| jagadbhayanivAraNaM bhuvanabhogamokShapradaM guroH pAdayugAmbujaM jayati yatra yoge jayam | bhajAmi paramaM guruM nayanapadmamadhyasthitaM bhavAbdhibhayanAshanaM shamanarogakAyakShayam || 2\-39|| prakAshitasupa~Nkaje mR^idulaShoDashAkhye prabhuM parAparaguruM bhaje sakalabAhyabhogapradam | vishAlanayanAmbujadvayataDitprabhAmaNDalaM kaDAramaNipATalendubindubindukam || 2\-40|| chalAchalakalevaraM prachapaladale dvAdashe | mahaujasamumApatervigatadakShabhAge hR^idi | prabhAkarashatojjvalaM suvimalendukoTyAnanam | bhajAmi parameShThinaM gurumatIva vArojjvalam || 2\-41|| gurvAdya~ncha shubhaM madananidahanaM hemama~njarIsAraM nAnAshabdAdbhutAhlAditaparijanAchchAruchakratribha~Ngam | nityaM dhyAyet prabhAte aruNashataghaTAshobhanaM yogagamyaM nAbhau padme.atikAnte dashadalamaNibhe bhAvyate yogibhiryat || 2\-42|| yA mAtA mayadAnavAdisvabhujA nirvANasImApure svAdhiShThAnaniketane rasadale vaikuNThamUle mayA | janmoddhAravikArasuprahariNI vedaprabhA bhAvyate kandarpArpitashAntiyonijananI viShNupriyA shA~NkarI || 2\-43|| yA bhAShAnanakuNDalI kulapathAchChAmAbhashobhAkarI | mUle padmachaturdale kulavatI niHshvAsadeshAshritA | sAkShAtkA~NkShitakalpavR^ikShalatikA sUdbhAShayantI priyA | nityA yogibhayApahA viShaharA gurvambikA bhAvyate || 2\-44|| Urd.hdhvAmbhoruhaniHsR^itAmR^itaghaTI mododvalAplAvitA gurvAsyA paripAtu sUkShmapathagA tejomayI bhAsvatI | sUkShmA sAdhanagocharAmR^itamayI mUlAdishIrShAmbuje pUrNA chetasi bhAvyate bhuvi kadA mAtA sadord.hdhvAmagA || 2\-45|| gurustotraphalashrutiH | sthitipAlanayogena dhyAnena pUjanena vA | yaH paThet pratyahaM vyApya sa devo na tu mAnuShaH || 2\-46|| kalyANaM dhanadhAnyaM cha kIrtimAyuryashaHshriyam | sAyAhne cha prabhAte cha paThedyadi subuddhimAn || 2\-47|| sa bhavet sAdhakashreShThaH kalpadrumakalevaraH | stavasyAsya prasAdena vAgIshatvamavApnuyAt || 2\-48|| pashubhAvasthitA ye tu te.api siddhAH na saMshayaH | gurulakShaNam | Adau sAdhakadevashcha sadAchAramatiH sadA || 2\-49|| pashubhAvastato vIraH sAyAhne divyabhAvavAn | eteShAM bhAvavargANAM gururvedAntapAragaH || 2\-50|| shAnto dAntaH kulInashcha vinItaH shuddhaveShavAn | shuddhAchAraH supratiShThaH shuchirdakShaH subuddhimAn || 2\-51|| AshramI dhyAnaniShThashcha mantratantravishAradaH | nigrahAnugrahe shakto vashI mantrArthajApakaH || 2\-52|| nirogI niraha~NkAro vikArarahito mahAn | paNDito vAkpatiH shrImAn sadA yaj~navidhAnakR^it || 2\-53|| purashcharaNakR^it siddho hitAhitavivarjitaH | sarvalakShaNasaMyukto mahAjanagaNAdR^itaH || 2\-54|| prANAyAmAdisiddhAnto j~nAnI maunI virAgavAn | tapasvI satyavAdI cha sadA dhyAnaparAyaNaH || 2\-55|| AgamArthavishiShTaj~no nijadharmaparAyaNaH | avyaktali~Ngachihnastho bhAvako bhadradAnavAn || 2\-56|| lakShmIvAn dhR^itimAnnAtho gururityabhidhIyate | shiShyalakShaNam | shiShyastu tAdR^isho bhUttvA sadguruM paryupAshrayet || 2\-57|| varjayechcha parAnandarahitaM rUpavarjitam | kuShThinaM krUrakarmANaM ninditaM rogiNaM gurum || 2\-58|| aShTaprakArakuShThena galatkuShThinameva cha | shvitriNaM janahiMsArthaM sadArthagrAhiNaM tathA || 2\-59|| svarNavikrayiNaM chauraM buddhihInaM sukharvakam | shyAvadantaM kulAchArarahitaM shAntivarjitam || 2\-60|| sakala~NkaM netrarogaiH pIDitaM paradAragam | asaMskAraM pravaktAraM strIjitaM chAdhikA~Ngakam || 2\-61|| kapaTAtmAnakaM hiMsAvishiShTaM bahujalpakam | bahvAshinaM hi kR^ipaNaM mithyAvAdinameva cha || 2\-62|| ashAntaM bhAvahInaM cha pa~nchAchAravivarjitam | doShajAlaiH pUritA~NgaM pUjayenna guruM binA || 2\-63|| gurau mAnuShabuddhiM tu mantreShu lipibhAvanam | pratimAsu shilArUpaM vibhAvya narakaM vrajet || 2\-64|| janmahetU hi pitarau pUjanIyau prayatnataH | gururvisheShataH pUjyo dharmAdharmapradarshakaH || 2\-65|| guruH pitA gururmAtA gururdevo gururgatiH | shive ruShTe gurustrAtA gurau ruShTe na kashchana || 2\-66|| gurorhitaM prakartavyaM vA~NmanaHkAyakarmabhiH | ahitAcharaNAd deva viShThAyAM jAyate kR^imiH || 2\-67|| mantratyAgAd bhavenmR^ityurgurutyAgAd daridratA | gurumantraparityAgAd rauravaM narakaM vrajet || 2\-68|| gurau sannihite yastu pUjayedanyadevatAm | prayAti narakaM ghoraM sA pUjA viphalA bhavet || 2\-69|| guruvad guruputreShu guruvat tatsutAdiShu | avidyo vA savidyo vA gurureva tu daivatam || 2\-70|| amArgastho.api mArgastho gurureva tu daivatam | utpAdakabrahmadAtrorgarIyAn brahmado guruH || 2\-71|| tasmAnmanyeta satataM piturapyadhikaM gurum | gurudevAdhInashchAsmi shAstre mantre kulAkule || 2\-72|| nAdhikArI bhavennAtha shrIguroH padabhAvakaH | gururmAtA pitA svAmI bAndhavaH suhR^it shivaH || 2\-73|| ityAdhAya mano nityaM bhajet sarvAtmanA gurum | ekameva paraM brahma sthUlashuklamaNiprabham || 2\-74|| sarvakarmaniyantAraM gurumAtmAnamAshrayet | gurushcha sarvabhAvAnAM bhAvamekaM na saMshayaH || 2\-75|| niHsandigdhaM gurorvAkyaM saMshayAtmA vinashyati niHsaMshayI gurupade sarvatyAgI padaM vrajet || 2\-76|| khecharatvamavApnoti mAsAdeva na saMshayaH | sadgurumAshritaM shiShyaM varShamekaM pratIkShayet || 2\-77|| saguNaM nirguNaM vApi j~nAtvA mantraM pradApayet | shiShyasya lakShaNaM sarvaM shubhAshubhavivechanam || 2\-78|| anyathA vipradoSheNa siddhipUjAphalaM dahet | kAmukaM kuTilaM lokaninditaM satyavarjitam || 2\-79|| avinItamasamarthaM praj~nAhInaM ripupriyam | sadApApakriyAyuktaM vidyAshUnyaM jaDAtmakam || 2\-80|| kalidoShasamUhA~NgaM vedakriyAvivarjitam | AshramAchArahInaM chAshuddhAntaHkaraNodyatam || 2\-81|| sadA shraddhAvirahitamadhairyaM krodhinaM bhramam | asachcharitraM viguNaM paradArAturaM sadA || 2\-82|| asadbuddhisamUhotthamabhaktaM dvaitachetasam | nAnAnindAvR^itA~NgaM cha taM shiShyaM varjayed guruH || 2\-83|| yadi na tyajyate vIra dhanAdidAnahetunA | nArakI shiShyavat pApI tadvishiShTamavApnuyAt || 2\-84|| kShaNAdasiddhaH sa bhavet shiShyAsAditapAtakaiH | akasmAnnarakaM prApya kAryanAshAya kevalam || 2\-85|| vichArya yatnAt vidhivat shiShyasa~NgrahamAcharet | anyathA shiShyadoSheNa narakastho bhaved guruH || 2\-86|| na patnIM dIkShayed bhartA na pitA dIkShayet sutAm | na putraM cha tathA bhrAtA bhrAtaraM naiva dIkShayet || 2\-87|| siddhamantro yadi patistadA patnIM sa dIkShayet | shaktittvena bhairavastu na cha sA putrikA bhavet | mantrANAM devatA j~neyA devatA gururUpiNI || 2\-88|| teShAM bhedo na kartavyo yadIchChechChubhamAtmanaH | ekagrAme sthitaH shiShyastrisandhyaM praNamed gurum || 2\-89|| kroshamAtrasthito bhaktyA guruM pratidinaM namet | ardhayojanataH shiShyaH praNamet pa~nchaparvasu || 2\-90|| ekayojanamArabhya yojanadvAdashAvadhiH | dUradeshasthitaH shiShyo bhaktyA tatsannidhiM gataH || 2\-91|| tantrayojanasa~NkhyoktamAsena praNamed gurum | varShaikeNa bhaved yogyo vipro hi gurubhAvataH || 2\-92|| varShadvayena rAjanyo vaishyastu vatsaraistribhiH | chaturbhirvatsaraiH shUdraH kathitA shiShyayogyatA || 2\-93|| iti shrIrudrayAmale uttaratantre mahAtantroddIpane sarvavidyAnuShThAne siddhimantraprakaraNe bhairavIbhairavasaMvAde gurumahimAgurukR^ityaH dvitIyaH paTalaH || 1|| ## The numbers correspond to paTala and verse numbers from Rudrayamala uttaratantra. Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}