% Text title            : Gurumahima Svamahima
% File name             : gurumahimAsvamahimA.itx
% Category              : deities\_misc, gurudev
% Location              : doc\_deities\_misc
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 1 bhairava bhairavI sa.nvAde
% Source                : Rudrayamalam part 1 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gurumahimasvamahima ..}##
\itxtitle{.. gurumahimAsvamahimA ..}##\endtitles ## 
gururmUlaM hi mantrANAM gururmUlaM parantapaH || 1\-188||
guroH prasAdamAtreNa siddhireva na saMshayaH |
ahaM gururahaM devo mantrArtho.asmi na saMshayaH || 1\-189||
bhedakA narakaM yAnti nAnAshAstrArthavarjitAH |
sarvAsAmeva vidyAnAM dIkShA mUlaM yathA prabho || 1\-190||
gurumUlasvatantrasya gururAtmA na saMshayaH |
Atmaiva hyAtmano bandhurAtmaiva ripurAtmanaH || 1\-191||
AtmanA kriyate karma bhAvasiddhistadA bhavet |
hInA~NgI kapaTI rogI bahvAshI shIlavarjitaH || 1\-192||
mayyupAsanamAsthAya upavidyAM sadAbhyaset |
dhanaM dhAnyaM sutaM vittaM rAjyaM brAhmaNabhojanam || 1\-193||
shubhArthaM sa.nprayoktavyaM nAnyachintA vR^ithAphalam |
nityashrAddharato martyo dharmashIlo narottamaH || 1\-194||
mahIpAlaH priyAchAraH pIThabhramaNatatparaH |
pIThe pIThe mahAvidyAdarshanaM yadi labhyate || 1\-195||
tadA tasya kare sarvAH siddhayo.avyaktamaNDalAH |
akasmAjjAyate siddhirmahAmAyAprasAdataH || 1\-196||
mahAvIro mahAdhIro divyabhAvasthito.api vA |
athavA pashubhAvastho mantrapIThaM vivAsayet || 1\-197||
kriyAyAH phaladaM proktaM bhAvatrayamanoramam |
tathA cha yugabhAvena divyavIreNa bhairava || 1\-198||
prapashyanti mahAvIrAH pashavo hInajAtayaH |
na pashyanti kaliyuge shAstrAbhibhUtachetasaH || 1\-199||
api varShasahasreNa shAstrAntaM naiva gachChati |
tarkAdyanekashAstrANi alpAyurvighnakoTayaH || 1\-200||
tasmAt sAraM vijAnIyAt kShIraM haMsa ivAmbhasi |
kalau cha divyavIrAbhyAM nityaM tadgatachetasaH || 1\-201||
mahAbhaktAH prapashyanti mahAvidyAparaM padam |
sAdhavo maunashIlAshcha sadA sAdhanatatparAH || 1\-202||
divyavIrasvabhAvena pashyanti matpadAmbujam |
bhAvadvayaM brAhmaNAnAM mahAsatphalakA~NkShiNAm || 1\-203||
athavA chAvadhUtAnAM bhAvadvayamudAhR^itam |
bhAvadvayaprabhAveNa mahAyogI bhavennaraH || 1\-204||
mUrkho.api vAkpatiH shreShTho bhAvadvayaprasAdataH |
ye jAnanti mahAdeva mama tantrArthasAdhanam || 1\-205||
bhAvadvayaM hi varNAnAM te rudrA nAtra saMshayaH |
bhAvuko bhaktiyogendraH sarvabhAvaj~nasAdhanaH || 1\-206||
unmattajaDavannityaM nijatantrArthapAragaH |
vR^ikSho vahati puShpANi gandhaM jAnAti nAsikA || 1\-207||
paThanti sarvashAstrANi durlabhA bhAvabodhakAH |
praj~nAhInasya paThanamandhasyAdarshadarshanam || 1\-208||
praj~nAvato dharmashAstraM bandhanAyopakalpate |
tattvamIdR^igiti bhavediti shAstrArthanishchayaH || 1\-209||
ahaM kartA.ahamAtmA cha sarvavyApI nirAkulaH |
manaseti svabhAva~ncha chintayatyapi vAkpatiH || 1\-210||
saudAminItejaso vA sahasravarShakaM yadA |
prapashyati mahAj~nAnI ekachandraM sahasrakam || 1\-211||
koTivarShashatenApi yatphalaM labhate naraH |
ekakShaNama~Nghrirajo dhyAtvA tatphalamashnute || 1\-212||
vicharedyadi sarvatra kevalAnandavardhanam |
kAmarUpaM mahApIThaM trikoNAdhArataijasam || 1\-213||
jalabudbudshabdAntamanantama~NgalAtmakam |
sa bhavenmama dAsendro gaNeshaguhavatpriyaH || 1\-214||
ka~NkAlAkhyA\-\-sATTahAsA\-\-vikaTAkShopapIThakam |
vicharet sAdhakashreShTho matpAdAbjaM yadIchChati || 1\-215||
jvAlAmukhImahApIThaM mama priyamatarkavit |
yo bhramenmama tuShTyarthaM sa yogI bhavati dhruvam || 1\-216||
bhAvadvayAdinikaraM jvAlAmukhyAdipIThakam |
bhramanti ye sAdhakendrAste siddhA nAtra saMshayaH || 1\-217||
bhAvAt parataraM nAsti trailokyasiddhimichChatAm |
bhAvo hi paramaM j~nAnaM brahmaj~nAnamanuttamam || 1\-218||
koTikanyApradAnena vArANasyAM shatATanaiH |
kiM kurukShetragamane yadi bhAvo na labhyate || 1\-219||
gayAyAM shrAddhadAnena nAnApIThATanena kim |
nAnAhomaiH kriyAbhiH kiM yadi bhAvo na labhyate || 1\-220||
bhAvena j~nAnamutpannaM j~nAnAnmokShamavApnuyAt |
Atmano manasA devyA gurorIshvaramuchyate || 1\-221||
dhyAnaM saMyojanaM proktaM mokShamAtmamanolayam |
guroH prasAdamAtreNa shaktitoSho mahAn bhavet || 1\-222||
shaktisantoShamAtreNa mokShamApnoti sAdhakaH |
gurumUlaM jagatsarvaM gurumUlaM parantapaH || 1\-223||
guroH prasAdamAtreNa mokShamApnoti sadvashI |
na la~Nghayed gurorAj~nAmuttaraM na vadet tathA || 1\-224||
divArAtrau gurorAj~nAM dAsavat paripAlayet |
uktAnukteShu kAryeShu nopekShAM kArayed budhaH || 1\-225||
gachChataH prayato gachChed gurorAj~nAM na la~Nghayet |
na shR^iNoti gurorvAkyaM shR^iNuyAd vA parA~NmukhaH || 1\-226||
ahitaM vA hitaM vApi rauravaM narakaM vrajet |
Aj~nAbha~NgaM gurordaivAd yaH karoti vibuddhimAn || 1\-227||
prayAti narakaM ghoraM shUkaratvamavApnuyAt |
Aj~nAbha~NgaM tathA nindAM gurorapriyavartanam || 1\-228||
gurudroha~ncha yaH kuryAt tatsaMsargaM na kArayet |
gurudravyAbhilAShI cha gurustrIgamanAni cha || 1\-229||
pAtaka~ncha bhavet tasya prAyashchittaM na kArayet |
guruM duShkR^itya ripuvannirharet parivAdataH || 1\-230||
araNye nirjane deshe sa bhaved brahmarAkShasaH |
pAdukAM AsanaM vastraM shayanaM bhUShaNAni cha || 1\-231||
dR^iShTvA guruM namaskR^itya AtmabhogaM na kArayet |
sadA cha pAdukAmantraM jihvAgre yasya vartate || 1\-232||
anAyAsena dharmArthakAmamokShaM labhennaraH |
shrIguroshcharaNAmbhojaM dhyAyechchaiva sadaiva tam || 1\-233||
bhaktaye muktaye vIraM nAnyabhaktaM tato.adhikam |
ekagrAme sthitaH shiShyo gatvA tatsannidhiM sadA || 1\-234||
ekadeshe sthitaH shiShyo gatvA tatsannidhiM sadA |
saptayojanavistIrNaM mAsaikaM praNamed gurum || 1\-235||
shrIguroshcharaNAmbhojaM yasyAM dishi virAjate |
tasyAM dishi namaskuryAt kAyena manasA dhiyA || 1\-236||
vidyA~NgamAsanaM mantraM mudrAM tantrAdikaM prabho |
sarvaM gurumukhAllabdhvA saphalaM nAnyathA bhavet || 1\-237||
kambale komale vApi prasAde saMsthite tathA |
dIrghakAShThe.athavA pR^iShThe guru~nchaikAsanaM tyajet || 1\-238||
shrIguroH pAdukAmantraM mUlamantraM svapAdukAm |
shiShyAya naiva devesha pravaded yasya kasyachit || 1\-239||
yad yadAtmahitaM vastu taddravyaM naiva va~nchayet |
gurorlabdhvA ekavarNaM tasya tasyApi suvrata || 1\-240||
bhakShyaM vittAnusAreNa gurumuddishya yatkR^itam |
svalpairapi mahattulyaM bhuvanAdyaM daridratAm || 1\-241||
sarvasvamapi yo dadyAd gurubhaktivivarjitaH |
narakAntamavApnoti bhaktireva hi kAraNam || 1\-242||
gurubhaktyA cha shakratvamabhaktyA shUkaro bhavet |
gurubhaktaH paraM nAsti bhaktishAstreShu sarvataH || 1\-243||
gurupUjAM vinA nAtha koTipuNyaM vR^ithA bhavet || 1\-244||

iti shrIrudrayAmale uttaratantre mahAtantroddIpane sarvavidyAnuShThAne
siddhimantraprakaraNe bhairavIbhairavasaMvAde prathamaH paTalaH || 1||

##
The numbers correspond to paTala and verse numbers from
Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}