% Text title            : Guru Parampara Parichayah
% File name             : guruparamparAparichayaH.itx
% Category              : deities\_misc, gurudev
% Location              : doc\_deities\_misc
% Proofread by          : Mohan Chettoor
% Latest update         : January 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Guru Parampara Parichayah ..}##
\itxtitle{.. guruparamparAparichayaH ..}##\endtitles ##
(vArANasIstha shrIdhruveshvaramaThIya guruparamparAparichayaH)
nArAyaNaM padmabhavaM vasiShThaM shakti cha tatputraparAshara~ncha |
vyAsaM shukaM gauDapadaM mahAntaM govindayogIndramathAsya shiShyam || 1||
shrIsha~NkarAchAryamathAsya padmapAdaM cha hastAmalaka~ncha shiShyam |
taM toTakaM vArtikakAramanyAnasmadgurUnsantatamAnato.asmi || 2||
viprAgraNIM jodhapurIyavipravaMshodbhavaM mAnagiriM yatIndram |
dhruveshvarasthApakasadgurorguruM shriyo.adhivAsaM prathamaM praNaumyathA || 3||
pA~nchAlabhUdevakulodbhavaM taM praNaumyathAmeghagiriM dvitIyam |
dhruveshvarAdhIshaguruM yatIndraM shrIbhAratIyugmasamAshraya~ncha || 4||
athAtra kAshyAM vibudhAshrayArthaM dhruveshvarAkhyaM bhavanaM bhavasya |
saMsthApitaM yaishcha sasAdhuvAdaM vidyAvinodAya suvistR^itaM tam || 5||
pa~nchAmbudeshIyasuvipravaMshasamudbhavaM rAmagiriM tR^itIyam |
saMsthApakaM naumi tapo.adhivAsaM revADinAmA~nchalajAtaratnam || 6||
shrIsachchidAnandagiriM turIyaM turIyavarNAshramamaNDana~ncha |
yadrAjaputre.asti puraM prasiddhaM jayAbhidhaM tatra dhR^itAvatAram || 7||
yenAnnasatrANi vinirmitAni saptAni satsevanatatparANi |
samprerayanbhaktavarAnsvakIyAnanantajanmoditapuNyapu~njAn || 8||
shiShyaM hi teShAmamareshvarAkhyaM dhruvAdhipaM pa~nchamamAnato.asmi |
shrImanmanIshAkhyayatiM cha ShaShThaM pa~nchAmbuviprAnvayalabdhakAyam || 9||
advaitavedAntavilAsabhAShyakArairathAdyaiH samadhiShThitaM yat |
nira~njanaM pIThamanAdividyAprakAshabimbaM samadhiShThitaM yat || 10||
yogIndraM tamanantapAdanilaye lInaM praNamyAdarAt
pIThAdhIshamathAShTamaM yativaraM shrImannR^isiMhaM bhaje || 11||
advaitaM duritArdane dvayamapi pratyakShato yatpadaM
      satyashchApi vimohachauryachaturA vAcho yadIyAstathA |
dattAsheShajanAbhayo.api nirataH saMsAraniHsheShaNe
      yaH so.ayaM yatibhUpatirvijayate shrImannR^isiMhAdhipaH || 12||
bAlyAdeva tiraskR^itaM bhavasukhaM yenAshritA brahmadR^ik
      yasminnityasukhAmbudhau budhajanAH nityaM nimagnAH sadA |
kIrtiryasya suvistR^itA dhavalitA chAnirjagantAdiha
      so.ayannaH paramo gururvijayate shrImannR^isiMhAdhipaH || 13||
kAlindyAH puline vishAlabhavane prottu~NgashR^i~NgA~Nkite
      yasminnAdanibaddhayantraghaTikA vaitAliko rAjate |
vidyAdAnaparAyaNairyativaraiH shrImannR^isiMhAbhidhaiH
      vidyApIThamadhiShThitaM sulalitaM shrIvishvanAthAhvayam || 14||
yAsminsaurabhapUritA suphaladA ramyA shubhA vATikA
      vishrAmArthavinirmitA kusumitA bhR^ityaiH sadA sevitA |
vidyApAThaparAyaNA vaTuvarAstasminvasanto.avyayAM
      vidyAmAkalayanti he bahuvidhAM dharmArthamokShapradAm || 15||
madhye vartulaveShTito hyupavane vishrAmakAryAlaya\-
      stasyAgre cha vishAlayaj~nabhavanaM yanirmitaM nUtanam |
ChAtrAshchAtra sadA charitraviShaye.achintya~nchaya~nchetasi
      lokAchAravichArachAruchapalAshchinvanti chinma~NgalAH || 16||
tatrArAchcha vinirmitaH sulalitaH shrIvishvanAthAlayaH
      sa.nnyAsAshramanAmaka~ncha bhavanaM dharmAthibhirnirmitam |
sAyamprAtarakhaNDashAstraviShaye yasmin ratAH sajjanAH
      shrutvA shrautavachashchaturthaphaladaM sAdhyaM phalaM yAnti te || 17||
dehalyAmitisarvasaMskR^itamahAvidyAlayo nA.aparaH
      evannAparamasti sAdhanayutaM sthAnaM kvachichChobhanam |
shrIvidyAyugalaM hi yatra ramate shashvatsusha~NkArakaM
      yasyA.ayaM sunirIkShako vijayate shrImannR^isiMheshvaraH || 18||
kAshyAmapyativistR^itaM budhavaraiH saMsevitaM sAdaraM
      vidyApIThamadhiShThita~ncha sukhadaM granthAlayo nUtanaH |
divyaM yatra virAjate hyupavanaM devAlaya~nchAdimaM
      yasminvishvagururbhavo vijayate shrIdakShiNAmUrtibhR^it || 19||
AsItpUrvamidaM sujIrNamabhito dhvaMsAvasheShAyitaM
      yatredaM bhavanaM navaM virachitaM yatnaishcha yenAtmanaH |
rakShArtha hi samarpitaM bahudhanaM sadbhaktavR^indArpitaM
      so.ayannaH paramo gururvijayate pIThAdhipashchAShTamaH || 20||
yaM bhaktAH samupAsate sumanasA svAbhIShTasaMsiddhaye
      svAtmAnandavivR^iddhaye.api yamino vairAgyarAgAnvitAH |
sachChAstrAmbudhipAragA api sadA stunvanti yaM sAdaraM
      vande.ahaM tamakhaNDabodhavibhavaM shrImannR^isiMha gurum || 21||
rAmAnandagiriM girantamanishaM brAhmIM giraM sAdaraM
vidyAdhIshvaramuttarApathadharAviprAtmajaM saptamam |
rAjasthAnadharAmarAnvayabhavaH shrImanmaheshAdhipaH
      pIThAdhIshvarachakravartyanupamaH saMrakShako rAjate |
j~nAnaM yasya navAnavaM suvimalaM vaideshikaM daishikaM
      martyAnAM prahinasti darpabharitaM hyaj~nAnamekAntataH || 22||
yeShA~nchAmR^itapUritAM mR^idugirAM shrutvaiva muktipradAM
      mu~nchanto bhavabandhanaM munipathaM prAyAntiM bhaktAbhR^isham |
teShAM sajjanachetasAM shrutividAM samprApya saMrakShaNaM
      vishvAsaH khalu naH samunnatipadaM prApsyanti pIThAdayaH || 23||
bhAle yasya sushobhitaM subhasitaM tApApahaM chandanaM
      vasvAdhikyashataM gale vilulitaM rudrAkShamAlyaM sadA |
kausheyashcha ya suprabhAsitamato bAlArkakAntaM vapu\-
      staM vande navamaM nira~njanapatiM shrImanmaheshAdhipam || 24||
tyaktvA duHkhAvaloDhaM bhavavibhavamukhaM shaishavAdevapUrNaM
      yairAchAraiH svakIyairatha sujanamanastoShapoShau juShANam |
divyaM vij~nAnamAdhyAtmikamakhilasukhAbhAsamUlaM hyadhItaM
      taM kR^iShNAnandapAdaM vayamabhinavamAchAryavayaM bhajAmaH || 25||
nAnAvidyAnivAsaM navayugayuvakotsAhavAdasvabhAvaM
      shrautasmArtAdikarmasvaviratanirataM brahmavidyAvilAsam |
nityaM gIrvANavANIvipinahR^itasudhAsaurabhApUritAsyaM
      kR^iShNAnandaM giriM taM vayamabhinavamAchAryavayaM namAmaH || 26||
yadIyavAnirjhariNI samujjhayatyupetachetaH kaluShANyasheShataH |
tamaH samud.hdhya dadAtu saddhiyaM nR^isiMhasa.nj~no yativAsavaH sa vaH || 27||

iti guruparamparAparichayaH sapUrNaH |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}