% Text title            : Guru Prarthana
% File name             : guruprArthanA.itx
% Category              : deities\_misc, gurudev
% Location              : doc\_deities\_misc
% Transliterated by     : Saritha Sangameswaran
% Proofread by          : Saritha Sangameswaran, NA
% Description/comments  : Maharaja Sanskrit College Mysore Patrika April 1930 Vol 6 Part 2 pp 23
% Latest update         : October 15, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIguruprArthanA ..}##
\itxtitle{.. shrIguruprArthanA ..}##\endtitles ##
AbAlyAt kila sa.npradAyavidhure vaideshike.adhvanyahaM
     sambhramyAdya vimUDhadhIH punarapi svAchAramArge rataH |
kR^ityAkR^ityavivekashUnyahR^idayastvatpAdamUlaM shraye
     shrIman lokaguro madIyamanasaH saukhyopadeshaM kuru || 1||
AtmAnaM yadi chenna vetsi sukR^itaprApte naratve sati
     nUnaM te mahatI vinaShTiriti hi brUte shrutiH satyagIH |
AtmAvedanamArgabodhavidhuraH kaM vA sharaNyaM bhaje
     shrIman lokaguro madIyamanasaH saukhyopadeshaM kuru || 2||
kAmakrodhamadAdimUDhahR^idayAH praj~nAvihInA api
     tvatpAdAmbujasevanena manujAH saMsArapAthonidhim |
tIrtvA  yAnti sukhena saukhyapadavIM j~nAnaikasAdhyAM yataH
     shrIman lokaguro madIyamanasaH saukhyopadeshaM kuru || 3||
rathyApa~NkagakITavadbhramavashAdduHkhaM sukhaM jAnataH
     kAntApatyamukhekShaNena kR^itinaM chAtmAnamAdhyAyataH
vairAgyaM kimudeti shAntamanaso.apyAptuM sudUraM tataH |
     shrIman lokaguro madIyamanasaH saukhyopadeshaM kuru ||
bhAryAyAH patirAtmajasya janako bhrAtuH samAnodaraH
     pitrorasmi tanUdbhavaH priyasuhR^idbandhuH prabhurvAnyathA |
ityevaM pravibhAvya mohajaladhau majjAmi dehAtmadhIH
     shrIman lokaguro madIyamanasaH saukhyopadeshaM kuru || 5||
satkarmANi kimAchareyamathavA kiM  devatArAdhanA\-
     mAtmAnAtmavivechanaM kimu karomyAtmaikasaMsthAM kimu |
ityAlochanasakta eva jaDadhIH kAlaM nayAmi prabho
     shrIman lokaguro madIyamanasaH saukhyopadeshaM kuru || 6||
kiM vA svAshritapoShaNAya vividhakleshAn saheyAnishaM
     kiM vA tairabhikA~NkShitaM pratidinaM sampAdayeyaM dhanam |
kiM granthAn parishIlayeyamiti me kAlo vR^ithA yApyate
     shrIman lokaguro madIyamanasaH saukhyopadeshaM kuru || 7||
saMsArAmbudhivIchibhirbahuvidhaM sa~nchAruyamAnasya me
     mAyAkalpitameva sarvamiti dhIH shrutyopadiShTA muhuH |
sadyuktyA cha dR^iDhIkR^itApi bahusho nodeti yasmAtprabho
     shrIman lokaguro madIyamanasaH saukhyopadeshaM kuru || 8||
yajj~nAnAt sunivartate bhavasukhabhrAntiH surUDhA kShaNAt
     yad.hdhyAnAt kila duHkhajAlamakhilaM dUrIbhaveda~njasA |
yallAbhAdaparaM sukhaM kimapi no labdhavyamAste tataH
     shrIman lokaguro madIyamanasaH saukhyopadeshaM kuru || 9||
satyabhrAntimanityadR^ishyajagati prAtItike.anAtmani
     tyaktvA satyachidAtmake nijasukhe nandAmi nityaM yathA |
bhUyaH saMsR^ititApatatpahR^idayo na syAM yathA cha prabho
     shrIman lokaguro madIyamanasaH saukhyopadeshaM kuru || 10||

iti kR^iShNasvAmIvirachitA shrIguruprArthanA samAptA |

##
Encoded and proofread by Saritha Sangameswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}