% Text title            : Gururaja Saptatih
% File name             : gururAjasaptatiH.itx
% Category              : deities\_misc, gurudev
% Location              : doc\_deities\_misc
% Author                : shrI(paiNganADu)gaNapatishAstriNA 
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gururaja Saptatih ..}##
\itxtitle{.. gururAjasaptatiH ..}##\endtitles ##
vij~nAnaikavadAnyaM vibudhairmAnyaM kaleshamUrdhanyam |
shrImattyAgAdhIshaM guruM makhIshaM bhajetarAmanisham || 1||
yAgAnanditadevo rAgAdInAmagocharasvAntaH |
vAgAlayAnanAbjastyAgAdhIshAbhidho gururjayati || 2||
gaditapadavAkyamAnaM galadabhimAnaM gabhIramahimAnam |
shiShyANAM dayamAnaM guNabhUmAnaM guruM bhaje.amAnam || 3||
taruNAvivekashaile svaruNA tulyA kavitvavidhikalyA |
guruNA vihitA suhitA karuNA kAchit karoti mayi khelAm || 4||
nyaste viShTaravarye dhvastetaradurmatasthabudhacharye |
shaste guruvaracharaNe haste kR^itvA kR^itArtha eSho.aham || 5||
AshAjA~NghikakIrtiH pAshApohAvalokanijamUrtiH |
IshAvatAra eko dhIshAlI deshikeshvaro jayati || 6||
dvaitamatadhvaMsakaraM kaitavarahitasvabhAvajanasulabham |
raitatinirAshahR^idayaM naitamudAraM jahAmi gurunAtham || 7||
dhIkIlAlajabandhau mUkIbhUtapratIpabudhaghUke |
ekIbhUtadayaughe kokIbhUyAnmano guruvarArke || 8||
aviratahavirAsvAdanaghumughumitashvAsalampaTA bhR^i~NgAH |
iti mativitArigalagatarudrAkShaM deshikendramadrAkSham || 9||
dhyAnArUDhamaheshAjj~nAnAnandAmR^itaughaghanabhAvAt |
dUnA paramatavibudhAt kA nAma kathA paratra guruvaryAt || 10||
tretAgAraniviShTaM pItAtmIyAvabodhasukhapUram |
ghR^itAkhiladuritaughaM pAtAsmyakShNA kadA nu paramagurum || 11||
drAkShekShumAdhurINAmAkShepakasUktikarmasu dhurINam |
bhrUkShepadAsabhUpaM vIkShe vij~nAnashevadhiM kamapi || 12||
bhAsitasitatarabhasitabhrAjitavapuShe kavitvavibhavapuShe |
viditarkUsAmakayajuShe vinatirgurave daya samudayajuShe || 13||
dambhAdidUrahR^idayaM pumbhAvApannashAradAsadR^isham |
sambhAvayAmi chetasi taM bhAsA tulitachandrashishumaulim || 14||
varatarabahunijashiShyaM suragurulajjAkarasvavaiduShyam |
vidalitadhIkAlupyaM hR^idaye kalayan paraM gurumatupyam || 15||
vidyA khalu deyAnAM hR^idyA tadamUM vitIrya sArthAkhyaH |
adyAsau gurumukhyashChidyAdasmAsu dR^iShTivaimukhyam || 16||
kuNThitakumatagavidvatkulagarvaM kUlamudvahakR^ipaugham |
kundAvabhAsayashasaM kurve hR^idaye guruM kuTiladUram || 17||
mohaM vibhidya samyak so.ahambud.hdhyA shivaM hR^idi bhajantam |
dehaM cha vismarantaM ko.ahaM kukShibharirguruM stotum || 18||
shAntaM shivamiva bhAntaM parihatajAntaM palAyitadhvAntam |
kAntaM vimalasvAntaM bhaje nitAntaM budhIkR^itabhrAntam || 19||
dAsAyitAvanIpaM jitanalinIpaM yashobhR^itadvIpam |
dhvAntanivahapradIpaM dhutanatatApaM bhaje kamapi dIpam || 20||
aj~nAnApratiharaNaM yaj~nAnAM suhitahimakarAbharaNam |
vij~nAnArthiShu sharaNaM praj~nAnaghanaM praNaumi gurucharaNam || 21||
doShAnuSha~NgadUrA bhUShA sarvaj~namUrdhni shuchiveShA |
eShA kAchana nitarAM toShAyAsmAkamastu shashilekhA || 22||
paritaH parihR^itapa~Nko bharito bhasitAvadAtaruchibhAraiH |
varjitagarjitalesho varShati bodhaM balAhakaH ko.api || 23||
maNDitachampakagahanaM khaNDitatamabhedavAdijanakathanam |
daNDitamadAdiShaDariM paNDitamaNimAnato.asmi paramagurum || 24||
sparshitabhuja~NgabhItirdarshitaShaDdarshanasvavAgrItiH |
vividhaM medhaM vighnan vidyAkekI virAjate ko.api || 25||
pratimatabudhakulajaitraM prathitachChAtraM prasAdabhR^itanetram |
prayatatamadivyagAtraM praj~nApAtraM bhaje kaluShadAtram || 26||
vidyApArAvAraM vimatavidAraM vidheyasukhabhAram |
bhUmau kR^itAvatAraM gaurIdAraM bhaje gurumudAram || 27||
vilasati na budhaH purataH kavirapi kashchit tathAgrato yasya |
chitracharitraH so.ayaM kutrachidAste gururmahati deshe || 28||
yashasA jitavidhubimbaM vedAntAmbhojasAralolambam |
vrajinavrajagirishambaM vidyAlambaM bhaje tamavilambam || 29||
vij~nAnaudhanikAyaM vinaShTamAyaM vishuddhajanageyam |
kalitamakhasampradAyaM guNasamudAyaM guruM rasAdAyam || 30||
vihitAmnAyatrANAn virachitavidyAkhyaratnavishrANAn |
kAnapi vANIprANAn kalaye bhasitaM sittaM subibhrANAn || 31||
nijamahimabharitalokaM nitarAmudyattamopahAlokam |
vimatabhidAdhR^itayatnaM vidyAratnaM virAjate kimapi || 32||
sphArIbhavatsvavAchA dUrikR^itadurmatasthaduShTagajaH |
puNye champAraNye khelati vij~nAnakesarI kashchit || 33||
gururapi kavitAshAlI shuchirapi bhAsvAn vibhUtibharito.api |
sampadi nirIhachetAH saMvitpUraH prakAshate ko.api || 34||
kalinA marmahatAnAM karmavarANAM sa kashchidAlambaH |
vilasati champakavipine vitaran j~nAnAmR^itaM vinamrANAm || 35||
shiShTAnAM sahakR^itvA shitayA bud.hdhyA tu jIvasahayudhvA |
shrutinivahapAradR^ishyA rAjati yajvA sa me matAvR^ijvAm || 36||
vibudhajanairapi mR^igyaM vishiShya bhUpAlakArhaNAyogyam |
vinatajanamAtrabhogyaM vidhimahilAyA virAjate bhAgyam || 37||
bhindAnamakhilavishayaM vindAnaM vividhashAstravAkyArtham |
mandAnanugR^ihNantaM spandAnantaritachakShurIkShe tam || 38||
kalinA malinasvAntairbhrAntaiH sa~nchAlitena shIlena |
gADhaM dR^iDha iti kalitaH paNDita ekaH parorajA bhAti || 39||
bhasmitadurmatatUlaM bhavyayashaH kR^itaharidvaradukUlam |
jaDatAsaritaH kUlaM jayati jagatyAM mahastu chinmUlam || 40||
shritanandanasvabhAvaH shAkhAshatabhUShito budhashlAghyaH |
kalpakabhUruha eko jalpati jagatAM kalAH samastAshcha || 41||
aj~nAtaparuShaghoSho vij~nAnAbdhiH pareNa puruSheNa |
vilasitanijAntaro.asau vitarati kashchit sarasvatIM bhajatAm || 42||
sampUrNashAradAgamasamprAptollAsabhAsuro jagati |
eko hi rAjahaMso lokottara ejate vishuddhAtmA || 43||
rakShan kShamAmajasraM takShan durvAdakelimAkShipya |
apathavidUraprakR^itirnR^ipa iva kashchid vipashchidAbhAti || 44||
vij~nAnarAshikoshaM vittanirAshaM viruddhamatanAsham |
vimalayashobharitAshaM jitavAgIshaM shrayAmi gurvIsham || 45||
bhasitatripuNDrayuktaM bhagavatpUjAvidhAnasaMsaktam |
paThitAtipuNyasUktaM paNDitamekaM bhaje divAnaktam || 46||
advaitarAjadhAnIdR^iDhataravapraM dineshamiva dIpram |
kalaye hR^idaye tamahaM karuNAbharitaM kala~Nkaharacharitam || 47||
dagdhetaramatavAdasnigdhe dayayA dR^ishA bhR^ishaM kurvan |
mugdhe mayi ko.api gururdugdhe vidyAvisheShasarvasvam || 48||
jitvaramakhilabudhAnAM sR^itvarayashasaM dishAsu nikhilAsu |
satvaramupaimi sharaNaM gatvaramR^ijunA pathA gurushreShTham || 49||
jaDatAlatAkR^ipANI japArthamAlAvilAsayutapANI |
pIyUShatulyavANI pinaShTu kAchichChuchaM kR^ipAshreNI || 50||
vittavinigrahayAluM vinatadayAluM matAvanidrAlum |
shAstreShvasaMshayAluM praNipatayAlurbhavAmi taM prAj~nam || 51||
kShepiShThaM kavitAyAM kShodiShThadvaitakhaNDanavariShTham |
kalaye mativarShiShThaM kaluShadaviShThaM kalAvatAM shreShTham || 52||
natajanakR^ipAnukampaM nAmnaivodyatpratIpabudhakampam |
yashasA dishAsu limpaM hR^idaye kR^itvA guruM shuchamalumpam || 53||
karmavarakaraNagR^idhnuH kaluShatrasnuH kadadhvagakShipnuH |
kashchana vAde dhR^iShNuH kalayati vihR^itiM sa champakAraNye || 54||
nikhilajaneDyaM karmAnuShThAsnurnigamasImni niShThAsnuH |
dhiShaNAyAmagrasnurdhinotu kashchiddhiyA dhiShaNajiShNuH || 55||
janAndha~NkaraNaM subhaga~NkaraNaM sudhopamaiH sUktaiH |
namatAmADhya~NkaraNaM j~nAnAdvaitaM chakAsti vimapi bhuvi || 56||
parashivasaghrIchInaM viShvadrIchInavimalakIrtibharam |
kaluShaparAchInamatiM kalaye ka~nchid budhaM samIchInam || 57||
advaitadraDhimAnaM dhIkR^ishimAnaM kShaNena dhunvAnam |
vidvatparibR^iDhimAnaM vIkShe ka~nchidvishuddhamahimAnam || 58||
sucharitavidhijIvAtuH sudhayA sahayudhvasUktirasapUraH |
vidhusaghrIchInayashAH vibhAti kashchidvipashchidagraNyaH || 59||
karuNArasAmbudhInAM kaluSharipUNAM kanadyashobhUmnAm |
satataM varivasitAhaM sArasvatasArajIvanADInAm || 60||
nigamapathasa~nchariShNurnirAkariShNurnikR^iShTamataghoSham |
kApathavinivartiShNuH kalayatu medhAM guruH prarochiShNuH || 61||
ChavibhUtisphurada~Ngo.apyachChavibhUtisphurachCharIro.ayam |
kIrtibhR^ito.api vishuddho guhyashchitrIyate gurUttaMsaH || 62||
vibudhairakhilairvandyaH vihitaprItirvishiShya gaNapataye |
vij~nAnadAnashauNDaH ko.api girIshaH kutUhalaM kurute || 63||
sa~NkShuNNatamaskANDaH sabhuvanajAtapratIkShyanijapAdaH |
nikhilajagadbodhakaraH nistulatejAshchakAsti mihira iva || 64||
vAsara ivAsadR^ikShaH vArida iva varShitAmR^itasrotAH |
vAde nipuNashchampakavanyAmAste vadAvadaH kashchit || 65||
kShIramapi kShArataraM mochA nIchA sudhAvidhApi mudhA |
mAkShikamanIkShikArhaM kalite lalite giro guroH sAre || 66||
bhAsvAn kalAdhinAthaH ma~NgalarUpo budho gurushcha kaviH |
sUryAnandanarUpastanute kashchinmudaM tamaH\-ketuH || 67||
vichanIkasIti medhA visanIsraMsIti yena jaDatA cha |
taM praNipanIpatImi prashrayabharitaH pravekamAryANAm || 68||
j~nAnalavalAbhamAtrA dhanyammanyairalaM budhairanyaiH |
vA~NmanasadUradUraM vande vij~nAnarAshimeva gurum || 69||
jagadabhivandyAya namo jaDajanachaitanyavarShakAya namaH |
natajanasulabhAya namo nistulavij~nAnarAshaye.astu namaH || 70||
iti gaNapatinA kR^itinA guhyA gururAjasaptatiH kalitA |
lalitArasabharamilitA paThatAM bhaktyA dadAti pANDityam || 71||
vijaye chirachitavijaye vihitA gururAjasaptatiH seyam |
ahimakare premakare makare cha kare pare bare vAre || 72||

iti shrI(pai~NganADu)gaNapatishAstriNA virachitA gururAjasaptatiH sampUrNA |
stotrasamuchchayaH 2 (92)
##
Painnanadu Ganapatisastrin is a recent author
(A.D. 1871-1913) and a reputed scholar, being
a disciple of Mm. Mannargudi Rajusastrin ( alias
Tyagarajamakhin) belonging to Appayadiksita’s
family.  The Gururajasaptali (92) in Arya metre
is on his Guru (Tyagarajamakhin).

Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}