% Text title            : Gurusevamahatmyam
% File name             : gurusevAmAhAtmyam.itx
% Category              : deities\_misc, brahmavaivartapurANa, gurudev, mAhAtmya
% Location              : doc\_deities\_misc
% Proofread by          : PSA Easwaran
% Description/comments  : brahmavaivartapurANa | gaNapatikhaNDa | adhyAya 44/58-76||
% Latest update         : March 22, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gurusevamahatmyam ..}##
\itxtitle{.. gurusevAmAhAtmyam ..}##\endtitles ##
viShNuruvAcha |
shvetadvIpAdAgato.ahaM j~nAtvA kolAhalaM cha vaH |
asya rAmasya rakShArthaM kR^iShNabhaktasya sAmpratam || 56||
naiteShAM kR^iShNabhaktAnAmashubhaM vidyate kvachit |
rakShAmi tAMshchakrahasto gurumanyaM vinA shiva || 57||
nAhaM pAtA gurau ruShTe balavadguruhelanam |
tatparaH pAtakI nAsti sevAhIno guroshcha yaH || 58||
mAnyaH pUjyashcha sarvebhyaH sarveShAM janako bhavet |
aho yasya prasAdena sarvAnpashyati mAnavaH || 59||
janako janmadAnAchcha pAlanAchcha pitA nR^iNAm |
tato vistArakaraNAtkalayA sa prajApatiH || 60||
pituH shataguNaM mAtA poShaNAdgarbhadhAraNAt |
vandyA pUjyA cha mAnyA cha prasUssyAdvai vasundharA || 61||
mAtuH shataguNaM vandyaH pUjyo mAnyo.annadAyakaH |
yadvinA nashvaro deho viShNushcha kalayA.annadaH || 62||
annadAtuH shataguNo.abhIShTadevaH paraH smR^itaH |
gurustasmAchChataguNo vidyAmantrapradAyakaH || 63||
aj~nAnatimirAchChannaM j~nAnadIpena chakShuShA |
yaH sarvArthaM darshayati tatparo naiva bAndhavaH || 64||
gurudattena mantreNa tapaseShTasukhaM labhet |
sarvaj~natvaM sarvasiddhiM tatparo naiva bAndhavaH || 65||
sarvaM jayati sarvatra vidyayA gurudattayA |
tasmAtpUjyo hi jagati ko vA bandhustato.adhikaH || 66||
vidyAndho vA dhanAndho vA yo mUDho na bhajedgurum |
brahmahatyAdibhiH pApaiH sa lipto nAtra saMshayaH || 67||
daridraM patitaM kShudraM narabud.hdhyA.a.acharedgurum |
tIrthasnAto.api na shuchirnAdhikArI cha karmasu || 68||
pitaraM mAtaraM bhAryAM gurupatnIM guruM param |
yo na puShNAti kApaTyAtsa mahApAtakI shiva || 69||
gururbrahmA gururviShNurgururdevo maheshvaraH |
gurureva paraM brahma gururbhAskararUpakaH || 70||
gurushchandrastathendrashcha vAyushcha varuNo.analaH |
sarvarUpo hi bhagavAnparamAtmA svayaM guruH || 71||
nAsti vedAtparaM shAstraM na hi kR^iShNAtparaH suraH |
nAsti ga~NgAsamaM tIrthaM na puShpaM tulasIdalAt || 72||
nAsti kShamAvatI bhUmeH putrAnnAstyaparaH priyaH |
na cha daivAtparA shaktirnaikAdashyAH paraM vratam || 73||
shAlagrAmAtparo yantro na kShetraM bhAratAtparam |
paraM puNyasthalAnAM cha puNyaM vR^indAvanaM yathA || 74||
mokShadAnAM yathA kAshI vaiShNavAnAM yathA shivaH |
na pArvatyAH parA sAdhvI na gaNeshAtparo vashI || 75||
na cha vidyAsamo bandhurnAsti kashchidguroH paraH |
vidyAdAtuH putradArau tatsamau nAtra saMshayaH || 76||
gurustriyAM cha putre chApyabhavadrAmahelanam |
paraM sammArjanaM kartumAgato.ahaM tavAlayam || 77||

iti brahmavaivartapaharANe gaNapatikhaNDe chatushchatvAriMshAdhyAyAntargataM
         gurusevAmAhAtmyaM samAptam |

brahmavaivartapurANa | gaNapatikhaNDa | adhyAya 44/58\-76||
##
brahmavaivartapurANa . gaNapatikhaNDa . adhyAya 44/58-76..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}