% Text title            : gurustutiH
% File name             : gurustutiH.itx
% Category              : deities\_misc, sachchidAnanda-shivAbhinava-nRisiMhabhAratI, gurudeva
% Location              : doc\_deities\_misc
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Gurustutih ..}##
\itxtitle{.. shrIgurustutiH ..}##\endtitles ##
guruvarakaruNAM hitvA ko vA sveShTaM labheta loke.asmin |
tasmAdguruvaracharaNaM bhaja chetaH sarvasaukhyamUlaM tvam || 1||

guruvara karuNAsAgara taruNAruNavastrasaMvR^itA~Nga vibho |
kuru karuNAM mayi dIne suravaratarugarvaharaNanipuNakara || 2||

hitvA tava charaNaM mama sharaNaM jAnAsi nAnyadastIti |
guruvara nR^isiMha tasmAtpAlaya buddhiM sunishchalAM dattvA || 3||

bahushaH kR^itapApamapi kriyamANAghaM guro pAhi |
doShAkaramapi shambhurdhatte shIrShe na kiM brUhi || 4||

nAvochaH kiM pUrvaM tvamapi bhaveH shrIsadAshivendrAbhaH |
iti kasmAnmama mamatA dehe jAgarti guruvara brUhi || 5||

svapne mamottamA~Nge svayamAhUyAtikaruNayA charaNau |
dadhatastava nikaTe mama guruvara narasiMha yAchanA kAsti || 6||

svapne.api rAmanikaTe machChreyaH prArthanAkartuH |
guruvara tava nikaTe mama kartavyA prArthanA kAsti || 7||

narasiMhApararUpe matpAlanabaddhaka~NkaNe bhavati |
jAgrati sati mama nikaTe guruvara bhItirbhavetkasmAt || 8||

kutra gato.atraivAhaM tiShThAmItyabhayavitaraNavyagre |
bhavati bhavatApahAriNi guruvara bhItiH kutastyA me || 9||

tvachcharaNabhaktipUritamAnasamenaM guro vidhAyAshu |
sakalabhayashUnyahR^idayaM kuru karuNAvAridhe nR^isiMhaguro || 10||

praNatAdvaitavibodhanamachirAtkartuM gireva nAmnA cha |
svIkR^itanarasiMhAbhidhamanishaM kalayAmi guruvaraM ka~nchit || 11||

pratyakShaM bahukaruNaM pravihAya tvAM guro.anyabhajanaM me |
karasaMsthAnnavisarjanapUrvakabhikShATanaM na kimu || 12||

naisargikakaruNAjanibhUmau manmUrtimadbhAgye |
tvayyaparAdhA matkA guruvara kurvanti kalmaShaM kiM bho || 13||

chittaM mAmakamanishaM sachchitsukharUpagaM dR^iDhaM prabhavet |
yadvattathAshu kR^itvA pAlaya satataM nR^isiMhaguro || 14||

vikR^itirnaiva mama syAtkAye.asmiMshChidyamAne.api |
chitte yathA tathA tvaM kuru karuNAvAridhe nR^isiMhaguro || 15||

sachchitsukharUpo.ahaM naivedaM dR^ishyamityachalAm |
buddhiM prayachCha mahyaM karuNAmR^itavAridhe nR^isiMhaguro || 16||

apunaHsmaraNaM lokaM dehaM shAstraM cha vismR^itya |
AnandaM niravadhikaM prApnomi kadA nR^isiMhaguro || 17||

sthUle sUkShme hetau dehe.ahantAM samutsR^ijya |
chiShe.ahananantA me samudeti kadA nR^isiMhaguro || 18||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIgurustutiH sampUrNA |

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}