% Text title            : gurutattvamAlikA by Neelakantha Dikshita
% File name             : gurutattvamAlikA.itx
% Category              : deities\_misc, gurudev, nIlakaNThadIkShita
% Location              : doc\_deities\_misc
% Author                : Nilakantha Dikshitar
% Latest update         : November 12, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Guru Tattvamalika ..}##
\itxtitle{.. gurutattvamAlikA ..}##\endtitles ##
duHsAdhe nikhilaiH suraiH smR^itibhuvApyanyonyasa~NghaTTane
       vishleShavyathayA dvayorapi vapuShyardhArdhasheShe shanaiH |
dhImadbhistvarayA purANamunibhiH pANigrahe sAdhite
       diShTayA yachChivayoriyatyavasitadvandvaM tadekaM numaH || 1||
nIlagrIvamumAsakhaM triNayanaM rUpaM yadAdyaM vibho\-
       rduHsaMrodhabhavapravAhalaharIkandena kiM tena naH |
kAruNyArdrakaTAkShavIkShaNakalAnirdhUtamAyAmalAM
       gIrvANendraguroH prasannalalitAM mUrti smarAmaH parAm || 2||
sAmno nAsti gatirgirAmaviShaye dAnaM virakte mudhA
       bhedaH kiM kramate nirastanikhiladvaitaprapa~nche shive |
ityAlochya vashe vidhAtumiva taM jagrAha daNDaM dR^iDhaM
       gIrvANendrayatiH sunirmalamatiH santyajya sarvAH kriyAH || 3||
dhyAtvA yaM hR^idi daNDinaM vijahati svapne.api daNDaspR^ihAM
       yatkAShAyapaTasmR^itiH shamayate sadyaH kaShAyaM nR^iNAm |
yaM sAkShAdbhavarUpameva bhajatAM na kvApi bhUyo bhavo
       gIrvANendraguruM tameva nibhR^itaM dhyAyema gAyema cha || 4||
tattvasthAnakalApadAkSharamanUn shaivAn ShaDapyadhvanaH
       saMshodhyaiva chirantanaishcha gurubhiH kechitkvachittAritAH |
ekenaiva tu sArasa~NgrahakR^itivyaktena mantrAdhvanA
       gIrvANendragururvishR^i~NkhalamavatyAprauDhamUDhaM jagat || 5||
brahmiShThAnaparAnmunIniva parij~nAya svamAyasyataH
       kandarpasya samantato nipatitA moghAH sharaughA iva |
dR^ishyante karuNAkaTAkShakamalagrAmA virAmAH shuchAM
       yasyeme praNamema taM bhavagirAM vaideshikaM deshikam || 6||
udbhUtasmitamutprabandhakaruNAkallolalolekShaNaM
       trayyantAmR^itavarShi dharShitaparAha~NkArasha~NkAravam |
ekaM tadvadanAmbujaM kulagurorbhaktyA nididhyAsataH
       pa~nchAho paritaH sphuranti yugapadvaktrANi chitrANi me || 7||
svIkartuM charaNodakaM charaNayormArShTuM rajaH pAvanaM
       mUrdhnA dhArayituM chirAya charaNau hemAbjasAmAjikau |
svAmin me januShAM shatairapi tR^iShA nApaiti janmaiva tu
       dvaitIyIkamalabhyameva bhavatA bhakteShvachitte kR^itam || 8||
kR^ichChrANi pradishan sakR^ichChravaNataH kR^ichChrANi hanti svataH
       karmANi grasate samUlamapi naH karmANi siddhiM nayan |
gIrvANendra iti shrutaH shrutiShu yaH sarvAsu nirvANado
       mantro.ayaM chaturakSharo mama bhavatvAshvAsamAshvAsanam || 9||
rUpaM yasya kilodvahannupadishatyAtmaikyamasmAdR^ishAM
       sve rUpe vimanA manAgiva shivo.apyashrAntamAyAshraye |
tasya shrIgururAjarAjapadavIbhadrAsanAdhyAsino
       gIrvANendrayateryatemahi padadvandve niyantuM manaH || 10||
devebhyaH shatasho dadAvamR^itamityadyApi yA stUyate
       mUrtiM tAmapi mohinIti hi vidurnArAyaNIyAM janAH |
mohagrAhaharA dR^ishaiva shubhayA mUrtistu naH shrIguro\-
       gIrvANendra iti shrutA tanubhR^itAM vR^itte.amR^itaM gR^ihyatAm || 11||
AprANoparamaM pratIkShyamatha cha j~nAnopadeshaH shivAt
       kAshyAM\-\-\-\-\- bhairavabhaTA karShanti chennAntarA |
gIrvANendragurostu pAdakamalaM bhaktyA sakR^itpashyatAM
       siddhaM brahma karAravindavaditi vyaktaM pravij~nAyatAm || 12||
rAjyasthAjani pAdukA raghupaterityeva chitrIyate
       tadrAjyaM kiyadanvabhUyata kiyatkAlaM na tadgaNyate |
pashyAsmadgurupAdukA bhavamalAvachChedavichChedinI
       brahmAnandamahAdhirAjyapadavI datche sakR^ichchintitA || 13||
niShkR^iShTAkhiladarshanAH kiyadito vij~neyamityAkulAH
       prApustattvamasIti vAkyahR^idayaj~nAnAya yatsannidhim |
prAgAlochya samutthitArthakaNikAmAtre punaH sthApite
       nirvR^iNvanti vipashchitaH sa bhagavAn gIrvANayogIshvaraH || 14||
na sthAtuM nibhR^itaM kShaNo.api sulabhaH patyuH pade shrIgiro
       rAvAM kutra niyokShyate sa guru rityAj~nAkSharApekShayoH |
tasmAdApatite tanU api padi] tasya vratasthe balA\-'
       dArUDhe charamAshramaM pashupatAvasmadgurorAtmanA || 15||
j~nAnenduyadi mauligo yadi mR^igo bhUtvA karasthA shrutiH
       sarvaj~no na bhavetka ityapahasan \-\-\- yochChittaye |
pANAveNakishorakaM pariharanmaulau kalAM chaindavIM
       gIrvANendragururbhavanvivR^iNute sArvaiyamIsho.adhunA || 16||
sarvAnushravasArasAgaramahAmAheshvarAgresaraH
       shrImachCha~NkarapAdasUktihR^idayAviShkAraniShNAtayA |
yaH kR^ityA nijayA jahAra hR^idayaM vishvasya vishvasya taM
       gIrvANendraguruM kR^itAkR^itabhayochChedAtpramodAmahe || 17||
astadvaitakala~Nkapa~Nkamapi yajyotiH paraM jyotiShAM
       tachchAvR^itya nivR^ittasha~NkamadhunApyugADharUDhaM tamaH |
yadvAchA vilayaM niraMshamayate gIrvANayogIshitu
       stasya shrIcharaNAravindarajasA mArjAmi gIrjAmitAm || 18||
Ali~Ngantyapi sarvabhUtavashinaM yaM vAdisa~NketitAH
       strIli~NgabyatiSha~Ngato.api chakitA chichChaktigali~Ngati |
sampatti sa kimIhate mama guruH shrIkaNThavaikuNThayoH
       kaivalyaM skhamimau kutaH kathayatastantreShu kiM tena tu || 19||
antAnantasharIrabandhaparivAhopAttatattachChubha
       prArabdhArthasamAjabhAgyaphalito yaH shaktipAtastaraH |
nirNIto yadi so.api deshikayApA~Ngaprasa~NgAbaha
       stattvaM tarhi guroH paraM kimapi netyAkhyAta bItabhramAH || 20||
ke loke guravaH  \-\-nti bhuvi ye tiShThantu te ke punaH
       varNAnAM guravo dvimAtrikamukhA mUkho.asi kiM brUmahe |
aj~nAnapratirodhako gururiti khyAtAstu tantreShu ke
       gIrvANendraguruH sa eva bhagavAnanyaM kamAchakShmahe || 21||
dR^iShTyA shiShyatanau guroH patitayA mauliprabhR^ityAnakhA\-
       ddIkShAsu vyavaropyate garalavadbhAro.akhilaH pApmanAm |
sadyonirmitatantukambala varanyAyena kiM te janA
       nyaste mUrdhni samutpatanti parathA haste dR^i.Dha daNDinA || 22||
\-\-  \-\-         pAlanaparikleshAH pituH prAshnato
       bAlasya svayamAsthalagnakabalagrAso yathA kevalaH |
itthaM shrIguru\-  \-\-\-
       tadR^ittAmR^itapAnanirjitabhavodanyAstu dhanyA vayam || 23||
yasminna prabhavantyakhaNDitamahAsvAchChandyavandyA gira\-
       statra bra     \-\-\-\-\-          brahmaNi |
tAH karNe patitA mamApi katichiddhanye kimanyena me
       nishchinto.asmi gatajvaro.asmi nikhilaM tIrNo.asmi pUrNo.asmi cha || 24||
\-\-\-\-\-\-\-  manUn
       nyasyAmo juhumaH stumo vichinumo dhyAyema bhadrAsane |
vistrambhemahi kiM tu tatpadayugaM  \.\. \-\- \.\. \-\-
       gIrvANendraguroryathA hR^idi tathA natyApi pakkA matiH || 25||
karma j~nAnamupAsanA bahuvidhA bhaktiH prapattishcha vA
       kAmaM jAgratu sAra(bhUtamavanau yattatparaM) drakShyatAm |
saryArambhaparA~Nmukhasya jarayA bhagnasya rugNasya me
       gIrvANendrasarasvatIcharaNayoH chintA para tArikA || 26||
\.\. \-\- \.\. \-\- \.\. \-\-\- brahmA~Nkaparya~NkinIM
       mandaspandadR^igantarAntamahitabrahmAchyutAkhaNDalAm |
niShpratyUhavahaddayArasamayaM divyaM vapuH shrIguro\-
       gIrvANendrasarasvaterbhagavatIM vande parAM devatAm || 27||
asti me mR^igAmR^igA~Nkala~nChitaM
       vastu ki~nchana kulakramAgatam |
tattu dR^iShTamiti   \.\. \- \.\. \-
       \.\. \-  \.\.  \-\-  \.\.  tAmaham || 28||

iti shrInIlakaNThadIkShitavirachitA gurutattvamAlikA samAptA |

##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}