% Text title            : Shri Bhagavan Kala Sahasra Nama Stotram
% File name             : kAlanAmAShTottarasahasranAmastotram.itx
% Category              : sahasranAma, deities\_misc
% Location              : doc\_deities\_misc
% Transliterated by     : NA
% Proofread by          : Manish Gavkar, PSA Easwaran
% Description/comments  : See corresopnding nAmAvalI
% Latest update         : January 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhagavan Kala Sahasra Nama Stotram ..}##
\itxtitle{.. shrI bhagavAn kAlasahasranAmastotram ..}##\endtitles ##
virachayitA paM\. jalAlI kaula jiyAlAlaH

atha shrI kAlasahasranAmAmukham |
idaM shrI kAlasahasranAma sarva kAlavAdinAM kalyANArthe virachitaM asya
nityapAThena pAThakasya bhaktasya IpsitAbhilAShaH sid.hdhyate | kAlavAdinaH
kAlabhaktAshcha kAlapUjAviShaye suparichitAH | A~NgalabhAShAyAM
prakAshanIyAyA madrachanAyA adhyayanena kAlavAdinAM mataM spaShTaM j~nAyate ||

shrI kAlo bhIShaNarUpadharo bhaya~Nkaro mahAkAlo nitAntaM jIvasyAntakara iti
etAdR^ishyena bhAvena kadApi na dR^iShTavyo na cha mantavyaH | shrIkAlasya
dve rUpe | bhautikamabhautika~ncha | dravyAtmakamadravyAtmaka~ncha ||
bhautikaM spaShTam | abhautikaM mArgitavyam | antAnantyamasya bhautikaM
rUpaM guNa~ncha | kAlo hi jagatkartA jagadbhartA jagaddhartA iti | hartR^i
shabdena sarvanAsho vA mUlanAsho na vidyate | kevalavikAro vikArasya
vikAro nirantaraM vikAraH prastUyate | etadbhautikasthUlarUpam ||
asthUlaM satyam | anantAnantyamabhautikaM rUpam | tadeva j~nAtavyaM
parimArgitavya~ncha | sa eva Ishvaro yantA niyantA svashaktiM khaM
dhR^itvA pa~nchabhUtAni pa~nchatattvAni prayunakti | viparyayavikAraH
punarvipariNAme vilIyati | tadudbhavanam | udbhavanaM sR^iShTiruchyate |
vastuto vikAra udgIyate | abhautikaM nityaM satyaM vikArahInaM shAntimayaM
sukhAnandarUpaM kAlayoginAM shAshvatAlayaM yaM prApya kAlabhakto na
nivartate kintu tatraiva ramate svechChayA vartate cha ||
taM bhagavantaM kAlamAdyamadhyAntarahitaM devaM divyAtmashaktiM
manasA dhyAtvA sarvakAlabhaktAnAM kAlavAdinAM cha hitArthaM etannAma
sahasrapAThena prArthaye iti |

jalAlI nivAsa,                                           nivedakaH |
karaNanagara\-shrInagarataH |                     jalAlI kaula jiyAlAlaH |


atha shrIkAlasahasranAma prArabhyate ||
           kAlo.ahaM
asya shrIkAlanAmAShTottarasahasrasya ananta R^iShiH, anuShTup ChandaH,
akSharAtmA devatA | dravyaM bIjaM. khaM shaktiH, sarvamUlaM kIlakam |
AtmanoM vA~NmanaHkAyopArjitamananivAraNArtha bhagavAn kAlaprItyarthe
amukakAmanAsiddhayarthaM pAThe home vA viniyogaH ||
atha nyAsaH \-
kAlo.ahaM a~NguShThAbhyAM namaH ityAdi ||
atha prANAyAmaH | kAlo.ahamiti mantreNa ||
atha dhyAnam \-
kirITinaM chakradharaM chaturbhujantrilochanamakShadharaM sapAtrakam |
dravyAtmakaM shUnyamayaM parAtparaM namAmikAlaM varadaM prasannamam ||
atha gAyatrI \-
dravyAtmakAya vidmahe | khamAtmakAya dhImahi |
tannaH sarvavyApakaH prachodayAt ||
atha pAThaH \-
OM kAlo.ahaM kAlakAlo.ahaM kAlarUpaH kalAtmakaH |
kalanAtmakakAlaj~naH kevalaH kAlanAyakaH || 1||
chidAnandakriyAj~nAnamichChAshaktisvarUpakaH |
ekAneko.advayo nityo bud.hdhyA.aparimito.amitaH || 2||
anAdyAnantakUTasthaH purANaH puruShottamaH |
shAshvataH shAshvatAnandaH kaivalyo.akevalo.akulaH || 3||
jagadIshvara sUtrAtmA vedAtmA shrutipAragaH |
kartA.abhoktA sadAsAkShI vidhAtA parameshvaraH || 4||
trikAlasthUlarUpaj~nastrikAlabhramakArakaH |
prathamaH prathamashabdaH svaprakAshaH prakAshamAn || 5||
charAcharamayo.amAyI satataM munichintitaH |
ekarUpo bR^ihadrUpaH sarUpo rUpavarjitaH || 6||
sarvashaktimayadevaH sarvAtmA sarvatomukhaH |
paramaH paramAnandaH sarveshaH sarvabhAvanaH || 7||
gopastho gocharo gupto gopanIyo guhAshayaH |
sarvatra sarvagaH sarvaH sugamo durgamo.agamaH || 8||
shrIstutaH shrIdharaH shrIdaH sharaNAgatavatsalaH |
sarvasiddhipradaH shakto vishiShTanavasiddhidaH || 9||
AdhivyAdhiharaIshastApatrayanivArakaH |
bhaktAnAM paramopAyaH sukhAnandaH sukhArNavaH || 10||
hemavarNashchaturbAhustrinetrA vishadaprabhaH |
pItAmbaraH shvetavAsA kastUrIku~NkumapriyaH || 11||
j~nAneshvaro j~nAnagamyo j~nAnavij~nAnachetanaH |
j~nAnAkAro j~nAnamUrti j~nAnAj~nAnaparo.aparaH || 12||
yogendro yogirAT yogI yoginAM shAshvatAlayaH |
komalaH kuntalaH kAntaH kAmadaH kAmakArakaH || 13||
nirmamo niShkriyo.ananto nirvikAro vikArakR^it |
niShkalo nispR^iho medhyo niShprapa~ncho nirAspadaH || 14||
sarvArthaH sarvatobhadraH sarvakAraNakAraNam |
akhilo nikhilAnando buddhido buddhisattamaH || 15||
sarvashreShThaguNopetaH kAmAchAraH samantataH |
pravINaH kovidaH prAj~naH sarvama~Ngalama~NgalaH || 16||
nirAlambo nirAvAso nirAbhAso nirAshrayaH |
nirAta~Nko nirAkAmo nirAdhAro nirAkulaH || 17||
jagatkartA jagadbhartA jagaddhartA jagatpatiH |
jagat trAtA jagachChAstA jagadbandhurjagatpitA || 18||
jitendriyo jitaprANaH sarvAgryaH sarvanAyakaH |
sarvakAmapradaH kAmaH pUrNakAmaH parantapaH || 19||
shvAsochChvAsagatiryantA prANAyAmI purAtanaH |
pa~nchaprANapatiprANaH prANadaH prANavallabhaH || 20||
amUrtomUrtimAnmUrtisturIyastamasaHparaH |
ajeyaH sarvajijjetA akSharAtmA kShayo.akShayaH || 21||
svaravya~njanavarNAtmA shabdo vAkyaM rasAmR^itam |
vAkpaTurmUkavAchAlo nipuNaH kushalo.akShamaH || 22||
ajaro nirjaro.amartyaH sadAsthAyI sanAtanaH |
amaro vijaro bhaumo nityayukto nira~njanaH || 23||
bhIShmarUpadharo ghoraH sarvavighnavinAshanaH |
samukho durmukho dhIraH shokasa~NkaTahArakaH || 24||
mantraj~no yantratantraj~naH sarvashAstravidAMvaraH |
shrutivedA~NganirmAtA nigamAgamadarshanam || 25||
aloko lokapAlesho laukiko lokanandanaH |
niyantA.asa~NkhyalokAnAM saloko lokavarjitaH || 26||
vishveshvaro vishvajIvo vishvanetro vishAmpatiH |
pUtAtmA pUtakR^itpuNyaH puNyashIlaH parAvaraH || 27||
 bhUdharo bhUpati bhUmA bharato bhArateshvaraH |
alpo himAlayo vindhyo jalasthalavibhAjakaH || 28||
antAnanto vishiShTeShTo jIvajantunamaskR^itaH |
sadAtuShTaH sadAshAntaH sadAtR^iptaH sadArchitaH  || 29||
mahAvIro maheShvAso mahApUruShapUrvajaH |
mahAdeho mahAbAhurmahajjyotirmahadyashaH || 30||
mahAsIno mahAchitto mahAsattvo mahAtapaH |
mahAnando mahAkAyo mahadyonirmahadbalam || 31||
satyasa~NkalpamArUpaH satyakAmo vibhUShakaH |
satyadevaH satyashIlaH satyarUpaH sudarshanaH || 32||
bhUtasthaH sarvabhUtAtmA pratyakSho.avyaktitaH pR^ithak |
dhImayo.asAdhyasambhAvyaH satyasandho mahAjanaH || 33||
parantatattvaM para.nj~nAnaM paraMshreyaH paramprabhaH |
paraMsatyaM parandhAma paraMshAntiH parampadam || 34||
aNurAtmA virATAtmA sarvyavyApI prabodhakaH |
antasthaH paramAkAshashchidAkAshanivasthitaH || 35||
svaya~njIvaH svayambIjaM svayamAtmA svayaMrataH |
svayaMstraShTA svayambhartA svayaMvipariNAmakaH || 36||
truTiH kAShThA lavo yAmaH palaM praharo dinaM nishA |
pakSho mAso R^iturvarShaM kalpo velAntaraM yugam || 37||
svatantro.anAyattaH svairI Atmatantro.aparAyataH |
sakalaM sakalAnandaH parAnandaH parodayaH || 38||
kAmeshaH karmaTho.akartA pUrNagarbhaH kR^iShIvalaH |
svaya~NkarmA svayambhoktA svayandraShTA svayammayaH || 39||
bhUteshvaro bhUtayonirguhAchAro guhAsthitaH |
sarvAshcharyamayAshcharyaM sarvalokapriya~NkaraH || 40||
sulabho durlabho.alabhyaH sabalo durbalo balI |
abalA bAlikA bAlA prabalaH puruShaH pumAn || 41||
yAchako dhanavAn dIno nirdhano vasumAnR^iNI |
prArthakaH prArthanA bhikShA bhikShustyAgI bahupradaH || 42||
kaThoraH karkasho rUkSho durAvAso durAsadaH |
samastamlechChaduShTaghnaH kR^itaghnAhitadhvaMsakaH || 43||
nissa~Ngo niShpado.apAdaH prApyo.aprApyashchalo.achalaH |
shaktidaH kIrtido.adhIsho.alakShyo lakShyaH sulakShaNaH || 44||
karaNaM kAraNaM karma karmAkarmapravartakaH |
bibudhAgracharo j~nAtA kArmo mAnasagocharaH || 45||
shabdAshabdamayonAdaH shabdAtIto ravAtmakaH |
prakAsho dIptirbhAtejaH prabhAtItaH pradIptimAn || 46||
amoghavachano vyoma lokamaNDalayojakaH |
trapiShTo lalito.asaktaH svachChando vishvamohanaH || 47||
bhaktAnAMsulabhAvAptiH shraddhAstikyavivardhakaH |
mohako lobhanaM lubhyaH snigdhamugdho.atisundaraH || 48||
sadAnavaH sadAlolaH shuchiH shreShTho viduttamaH |
divyabhogaprado bhogI bhogendro bhagavAn bhagaH || 49||
ArtaduHkhaharastrANo madamohamalApahaH |
akhaNDaishvaryasampannaH sarvashreyaspatipatiH || 50||
sunAtho.anAthadInAnAM sukAmaHkAmabhoginAm |
sumantraM sarvamantrANAM sutantraM sarvatantriNAm || 51||
shaktibIjamayaHshUnyaH pa~nchatattvaparAtparaH |
navarUpamayojyotirajyotirdyotako dyutiH || 52||
bIjarUpo mahadgarbhaH sthAvaro ja~Ngamo.aNDajaH |
shrImayo hrImayaH saukhyamadomaya idammayaH || 53||
kShemAnandaH kShamAbhartA kShamAshIlaH kShamA.akShamA |
adhyAtmavidyA vidyAgryaH purANaChandasAM varaH || 54||
bhedAbhedaH paraMsUtraM patipAshapashutrikam |
prakAshAtmA vimarshAtmA shaivAnAmpUrNamIlanam || 55||
vedAntinAnnetineti sA~NkhyayogavidA~NguruH |
Adidevo.anyadharmANAM jaDamanAtmavAdinAm || 56||
AnantyavyApI sarvaj~no dhiyA duShprApakIrtitaH |
shItalaH shammayaH shAntaH shAntabhadraH prasannabhaH || 57||
durjayo dhUrjayAnando nItij~no nItikR^it nayaH |
jayashrI jitvaro jiShNurjayado jayavardhanaH || 58||
kShiprakShemakaraH shubhraH shivadaH shAntidaH shamaH |
aishvaryashAlI nirlepaH kalyANaM ma~NgalaM shubham || 59||
sthUlAtsthUlatarasthUlo vistaro.avyApakaH prasUH |
sUkShmAtsUkShmatarassUkShmo nityAnityavivasthitaH || 60||
taDAgastaTinI sindhuH kUpo nadanadIpatiH |
udadhyarNavakaMrUpaH shUnyasAgaramanthakaH || 61||
svayaMsiddhiH svayaMsAdhyaH svayaMsiddhaH svaya~NkaraH |
svaya~Nkarma svaya~NkartA svayamiShTaM svayamphalam || 62||
dravyAtmako dravyashIlo dravyAtItaH khamAtparaH |
AChAdanaM sutattvAnAM pa~nchabhUtAvaguNThanam || 63||
kallolarahito.akShubdho niHsroto nishchalaH sthiraH |
buddhij~nAnaparavAdI suvivAdo vivechanam || 64||
sArdhatrivalayaM chakraM mUlAdhArashchaturdalaH |
svAdhiShThAno vishuddhAj~nA.anAhato maNipUrakaH || 65||
AyurbalaM yasho varchaH susthaH svAsthyavardhanaH |
nIrUDhaH sharmadaH sharmo.avyAkulo hR^idaya~NgamaH || 66||
ramApriyo ramAnAtha IpsitArthaM phalapradaH |
pAlakaH pAlanaM gopo rakShitAkR^imikITakaH || 67||
kauleshaH kaulasampUjyaH kauleShTaH kaulavanditaH |
kaulAnugAminAntAtaH kaulAchAranirUpakaH || 68||
purohitaH purobhAgI padmAkShaH padmabhUH paTuH |
akShamAlAdharo ramyaH pakShApakShavivarjitaH || 69||
yashodharo yashomUrtiH kAmanIyaH kalAdharaH |
yashasvI prashasyo dakShaH sAnurAgaH priyo.apriyaH || 70||
variShTho vIrako vIro vIresho vIranandanaH |
niHshastraH shastrasampanno nirastraH sannadaH sadaH || 71||
vasantaH shishiro dharmaH sharaddhemantavarShaNam |
R^ituhartA R^itukartA R^ituparyayakArakaH || 72||
AdyamadhyAntarahita AdhArAdheyavarjitaH |
sudhAkaraH sudhAhArastridivAtalapUjitaH || 73||
AnvIkShakItrayIvArtAdaNDanItinivAhakaH |
shAsanaM shAsako.alipto dharmAdhyakSho.adhinAyakaH || 74||
ratij~no ratinItij~no ratishAstravichakShaNaH |
ratishIlo ratiparaH surato virato ratiH || 75||
nareshvaro narArAdhyo narapUjyo narArthadaH |
narottamo narasevyo naravandyo naro.anaraH || 76||
nityavishvamayodevo vishvottIrNaH suvishvabhR^it |
nityachinmayasAmantashchintyo.achintyaH suchintitaH || 77||
uttamottama IshAnaH sumado nirmado madaH |
sarvAdhyakShaH sarvakalpaH sarveshaH sarvatArakaH || 78||
ekamantramayo mantrI kAlamantraprakAshakaH |
mantramUlaM  mantravAkyaM mantraj~no mantrasAdhakaH || 79||
adaHseturidaM setuH seturdharmasudurgamaH |
AdyantarahitaHsetuH seturkhandravyakAlinAm || 80||
agragaNyaH pratyutpannaH subhago bhAgyavardhanaH |
anukAmaH priyakAmo bhAmo modo bR^iddhipradaH || 81||
haM bIjaM pR^ithivyAlambaH a~njalaM prauDhirUpakaH |
laM agnirvAyubIjaM AM kaM AkAshastataH param || 82||
sa~Nkalpo vA~nChitamiShTaM dharmAdharmo nR^itAnR^itam |
mahAshayo mahajjyotiH svagAkAraH parivR^iDhaH || 83||
yaj~neshvaro yaj~namUrtirnityaM yaj~napratiShThitaH |
adhvaryo hotR^i udgAtA yAjako yajanaM haviH || 84||
koSheshaH koShadaH koSho nidhAnaM nidhinAmpatiH |
ardharAtrijapaM jApyo yatheShTaphaladovibhuH || 85||
ali~Ngo.avachano dhAtA svayambhUrjanako bhavaH |
nAnArUpadharo.arUpo.anantabAhuranantadR^ik || 86||
shUnyAdhAro.ashUnyashIlaH shUnyagarbhaH shamAtmakaH |
shUnyArUDhaH shUnyarUpaH shUnyAshUnyapratiShThitaH || 87||
digambaro divyadeho dharmAtmA dhArmikavrataH |
antaHsAkShI bahiHsAkShI sarvasAkShI anuttaraH || 88||
subodhaH satyapratij~naH shrIpradaH putrapautradaH |
AshApUrayitA dAtA kulasantativardhanaH || 89||
agamyo.agocharo.abhedyaH siddhArthaH sukalaH svabhUH |
apakShIya udAsIno dUro.adUraH samo.asamaH || 90||
atirUpakaraH sUgraH shatrughno ripusUdanaH |
shItatApaharo.apApo dArUNaH kaTuH kIkasaH || 91||
AchAryaH shikShakaH shiShyaH pitR^idevo gurorguruH |
mAtR^idevaH suvishvAsyo bhakto bhaktajano.archakaH || 92||
navamo navamInAtho navAMsho navadho navaH |
ana~Ngo hemavarNA~NgaH suvarNo.avarNavarNakaH || 93||
agAdhaH sudR^iDhaH shrImAn vAyurUpo dravo jalam |
analastattvasaMyukto vimukto.asImito.alaghuH || 94||
medhAdastuShTidastuShTaH santuShTo vishrutaH shuchiH |
achChedyo.alolupo nyAyyaH suspR^iho vimR^ityurvashI || 95||
vishuddhalochano darshI vA~NmanogocharAtigaH |
sarvasvaM sarvachaitanyaH svakR^itaH svadhR^itaH svadaH || 96||
pitA putraH svasA putrI mAtA bhrAtA pitAmahaH |
bandhurmitraM patiH patnI susevyaH karmakArakaH || 97||
samAjo nivaho vR^indaM prajAtantraM prajApatiH |
bhUpatirviShayo rAShTraM deshabhaktaH svadeshabhR^it || 98||
aNimAdiguNopeto guNAtIto guNAtmakaH |
sahajaH sahanaH satyaM sukhaduHkhaviparyayaH || 99||
manIShI matimAn vij~no vareNyo.akalmaSho.anaghaH |
garbhado garbhadoShaghno bIjastho bIjavardhanaH || 100||
shubhAshubhaparityAgI ashubhashubhakArakaH |
tejorAshistamohantA sarvabhUtamanoharaH || 101||
muktahasto.arthashAstraj~naH sAvadhAnoH nirIkShakaH |
navadvAramayodeho dehI dehabhR^itAMvaraH || 102||
koTisUryapratIkAshaH koTichandrAMshunirmalaH |
koTitArakanirmAtA koTilokaprayojakaH || 103||
akhaNDo.alavashaH kalyaH shravaNaM shrAvakaH shrutiH |
pramANaM pratyayaH pAtramagrAhyo grahaNaM grahaH || 104||
dayAkaro dayArUpo dayAmUrtirdayAparaH |
sarvapApaprashAntAtmA sarvadurgatihArakaH || 105||
manojavo marudvego bhaktAnAM pathanAyakaH |
raNaj~no raNakShetraj~no yuddhaM yoddhA bhaTo.abhaTaH || 106||
saumyAnanaH saumyabhAvo bhaktido bhaktavatsalaH |
sarvavashyakaro.avashyaH susampannaH samAyakaH || 107||
nityatR^ipto lasadbhAvo vishvapUrNaH sadAkShamI |
AshAshrayonirAshAnAM kR^ipAluH karuNAkaraH || 108||
asa.npraj~nAtasa.npraj~no niShNAto.anashvaro.avyayaH |
sAraj~naH sarvadharmANAM lokadharmapravartakaH || 109||
sudhAmayaH sadArAmaH shrIghano dR^iShTimohanaH |
sUtradhAro jagatsUtraM tryakSharo vAgadhIshvaraH || 110||
kShayApasmArakuShTaghno rogAriShTanivArakaH |
svAsthyArogyapradaH svasthaH sarvAmayaprahArakaH || 111||
kartA.akartA.anyathAkartAIshvaraH sarvashaktimAn |
yugakartA yugahartA ahorAtrashchaturyugam || 112||
hantApadAM vipaddhartA sadbhoganilayo.achyutaH |
svabhAvaH sadgatirbhAvo nirdvandvo dvandvarUpakaH || 113||
anekarUpavarNA~NgaH pUrvaH pUrvatarottamaH |
pAvanaH pavanaH pUtaH pUtanAmA shuchivrataH || 114||
Ashugo.anAshugo.adR^ishyaH pavitraM vimalo.amalaH |
supathaH pathikaH panthA bhaktimArgopadeshakaH || 115||
AraNyako vanasthAyI brahmachArI upAsakaH |
gR^ihasthaH pUjakaH pUjA ThAkuraH kuladevatA || 116||
matsyastimi~Ngilo grAhaH shukaH shArI viha~NgamaH |
gAyakashchitrako gAthA shilpaM shilpI naTo.anaTaH || 117||
vibhramo bhramamohaghnaH kalpavR^ikSho.ashvatthastaruH |
viTapI vallarI puShpaM pa~Nktirvargo bahubhujaH || 118||
atalo vitalavyApI sutalastalavarjitaH |
ashvaH kura~Ngamo dhenuH sharabhaH sastanaH shikhI || 119||
vij~nAnaM grahajij~nAsA anantAnantyamArgaNam |
jIvAjIvo dR^isho.avyaktaH parokSho.avyaktasa~NkulaH || 120||
advitIyatapomUrtiH svamAyAnityagopitaH |
sarvatIrthamayastIrthamAtmatIrthanivasthitaH || 121||
Atmaj~na AtmanirdiShTA AtmachidAtmadhIH sudhIH |
AtmajidAtmasantuShTa AtmAsvAtmapravartakaH || 122||
vishvashlAghyo vishvapUjyo vishvavandyo munIshvaraH |
vishvArAdhyo vishvashreShTho vishvesho vishvarAD R^iShiH || 123||
akAyaH kAyasampannaH parAparamayo mahAn |
vishoko.ashokakaumAraH sureshaH suprabhaH prabhuH || 124||

iti shrI jalAlI kaula jiyAlAleNa virachitaM shrIbhagavAn
             kAlasahasranAmastotraM sampUrNam ||

pUrvavatprANAyAmo nyAsashcha | atha tarpaNam ||
tatsatkAla adyatAvat tithAvadya amukamAsasya amuka pakShe amuka vAre
shrIkAlaH kAlakAlaH anantaH ajaraH amaraH abhayavarapradaH sarvaduHkhaghnaH
sarvAmayahartA sarvasiddhikartA sarvakAmanAbhilAShapUrakaH prItaH prIto.astu ||
kAlo.aham ||
kAlakendraprakAshanam \- jalAlI nivAsa, karNanagara, shrInagara (kashmIra)

##
Proofread by Manish Gavkar, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}