% Text title : Shri Kartavirya Arjuna Kavacha Stotra Mahamantrah % File name : kArtavIryArjunakavachastotramahAmantraH.itx % Category : deities\_misc, kavacha, mantra, stotra % Location : doc\_deities\_misc % Proofread by : Manish Gavkar % Description/comments : Thanjavur Sarasvati Mahal Series No. 568 kArtavIryArjuna-upAsanA paddhatiH % Latest update : October 28, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Kartavirya Arjuna Kavacha Stotra Mahamantrah ..}## \itxtitle{.. shrIkArtavIryArjunakavachastotramahAmantraH ..}##\endtitles ## shrIH || || shrIgaNeshAya namaH || uDDAmireshvaratantroktam | asya shrI kArtavIryArjunakavachastotramahAmantrasya dattAtreyo bhagavAnnR^iShiH || anuShTup ChandaH || shrI kArtavIryArjuno viShNushchakravartI devatA || kR^itavIryo bIjam | sahasrabAhushshaktiH | avyAhR^itaH kIlakam | kArtavIryArjunaprasAdasiddhaye japeviniyogaH || OM rAjanyachakravartine a~NguShTAbhyAM namaH | vIrAya chakravartine tarjanIbhyAM namaH | shUrAya chakravartine madhyamAbhyAM namaH | mAhiShmatIpataye chakravartine anAmikAbhyAM namaH | revAmbulIlAsantR^ipta \-paritR^ipta \-dashAsya \- chakravartine kaniShTikAbhyAM namaH | kArAgR^ihapratibandhitadashAshya chakravartine karatalakarapR^iShTAbhyAM namaH | rAjanyachakravartine hR^idayAya namaH | vIrAya chakravartine shirase svAhA | shUrAya chakravartine shikhAyai vaShaT | mAhiShmatIpataye chakravartine kavachAya hum | revAbulIlAsantR^iptaparitR^iptadashAsyachakravartine netratrayAya vauShaT | kArAgR^ihapratibandhitadashAsyachakravartine astrAya phaT | bhUrbhuvassuvaromiti digbandhaH || dhyAnaM sahasrabAhuM sasharaM sachApaM raktAmbaraM ratnakirITakuNDalam | chorAriduShTabhayanAshanamiShTadaM taM dhyAyenmahAbalavijR^imbhitakArtavIryam || 1|| avyAtsarvabhayAtprabhAkaranibhaH pradyotano nUtanaH svarNasrak parivItakandharadharo raktAMshukoShNIShavAn | nAnAkalpavibhUShaNaH karasahasrArdhAttabANAsano bANardhAttasahasrabAhuranishaM bhUvallabho naH prabhuH || 2|| shrIdevyuvAcha | devAdideva sarvaj~na sarvabhUtahite rata | kena rakShA bhavennR^INAM bhItAnAM vividhApadi || rAjachorAdi pIDAsu shastrAgniviShapAtane | mAridussvapnapIDAsu graharogabhayeShu cha || jvarApasmArapIDAsu siMhavyAghranipAtane | rAkShasa \- asuravetAlapishAchapreta\-pAtane || 3|| mahAbhaye mahAnAshe mahAnAvagate.arNave | mahAmR^ityubhaye ghore mahAkalahasambhave || 4|| kenopAyena shAntiH syAt sAdhakAnAM maheshvara | anaShTadravyarakShA cha naShTasya punarAgamaH || 5|| sarvAkarShaNasa~NkShobhasarvasaMhananaM tathA | bhavatyabhIShTadaM nR^iNAM kena tadvada me shiva || 6|| Ishvara uvAcha | shR^iNu guhyatamaM devi gopanIyaM prayatnataH | avAchyamapi vakShyAmi tava lokahitAya vai || 7|| kavachaM kArtavIryasya sA~NgAvaraNakaM kramAt | svamUrtishaktimantraughasahitaM dhyAnapUrvakam || 8|| sahasrAdityasa~NkAshe nAnAratnasamujjvale | bhAsvaddhvajapatAkADhye tura~NgAyutashobhite || 9|| mahAsaMvartakrAntemahArAjavirAjite | samuddhR^itamahAchChatravitAnitaviyatpathe || 10|| nikvaNatki~NkiNIjAle chalachchAmaramaNDite | mahArathyAvalayite sarvAla~NkArashobhite || 11|| mahAvararathe dIpte nAnAshastravirAjite | susthitaM vipulodArasahasrabhujamaNDalam || 12|| vAmairudAraiH kodaNDAn dadhAnamaparaishsharAn | kirITahAramukuTakeyUravalayA~NgadaiH || 13|| mudrikodarabandhAdyaiH kA~nchInUpurakAdibhiH | bhUShitaM vividhAkalpairbhAsvaraissuvirAjitam || 14|| AbaddhakavachaM vIraM suprasannAnanAmbujam | dhanurjyAsiMhanAdena kampayantaM jagattrayam || 15|| sarvashatrukShayakaraM sarvavyAdhivinAshanam | sarvasampatpradAtAraM vijayashrIniShevitam || 16|| sarvasaubhAgyadaM bhadraM bhaktAnAM bhayanAshanam | divyamAlyAnulepA~NgaM sarvalakShaNasaMyutam || 17|| rathanAgAshvapAdAtivR^indamadhyagamIshvaram | varadaM chakravartInAM AdyaM lokaikapAlakam || 18|| sabhAnoditasAhasra\-sUryendujvalanaprabham | uditAdityasa~NkAshaM kuNDaladvayashobhitam || 19|| mahAyogabalaishvaryakIrtyAkrAntajagattrayam | shrImachchakraM hareraMshAdavatIrNaM mahAbalam || 20|| samyagAtmAvibhedena dhyAtvA rakShAmudIrayet | dattAtreya R^irShiH prokto.anuShTupChandaH prakIrtitam || 21|| kArtavIryArjuno viShNushchakravartI cha devatA | viniyogashcha rakShAyai sarvatra parikIrtitaH || 22|| sarvashatruvinAshAya sarvArthasya cha siddhaye | tasyaiva mUrtayaH pa~ncha bhAnumatkiraNojjvalAH || 23|| agnIshAsuravAyavyakoNeShu hR^idayantikAH | sarvatastu jvaladrUpA varacharmAsipANayaH || 24|| avyAhatabalaishvaryashaktisAmArthyavigrahAH | kShema~NkarIM shaktiyuktaHchorANAM cha vibha~njanaH || 25|| prAchIM dishaM rakShatu me bANabANAsanairyutaH | shrIkarIshaktisahito mArImadavibha~njanaH || 26|| sharachApadharaH shrImAn dishaM me pAtu dakShiNAm | mahAvashyakarI yukto shatrUNAM madabha~njanaH || 27|| maheShuchApadhR^ik pAtu mama prAchetasIM disham | yashaH karI yashaskaro daityAnAM madabha~njanaH || 28|| kodaNDeShudharassaumyAM dishaM me parirakShatu | praj~nAkarIyutashchApaHbANadhR^ik duShTashAsanaH || 29|| parirakShatu mAM samyak samyak vidishaM chAgnidevatAm | vidyAkarI samAyuktaH sumahAn duShTashAsanaH || 30|| pAtu me nairR^itIM chApabANo vidishamIshvaraH | dhanAkarShaNasamAyukto mahAduritanAshanaH || 31|| iShvAsaneShu dR^ik pAtu vidisho mama vAyavIm | AyuShkAryAyutaHshrImAn mahAbhayavinAshanaH || 32|| chApeShudhArIrauvIM me vidishaM parirakShatu | vijayashrIyutassAkShAtsAhastrAradharo vibhuH || 33|| dishamUrdhvAmavatu me mahAbhayavibha~njanaH | sha~NkhabhR^itsumahAshaktissambhUto me dharAM disham || 34|| parirakShatu me duHkhadhvAntasambhedabhAskaraH | mahAshobhAshrayAyuktaH sarvadikchakramaNDalaH || 35|| mahAyogIshvaraH pAtu sarvato mama padmadhR^ik | etashcha kArtavIryasya shuklamAlyAMshukAvR^itAH || 36|| pradhAnadevatArUpAH pR^ithagvararathasthitAH | shaktayaH padmahastAshcha nIlendIvarasannibhAH || 37|| shuklamAlyasuvasanA lalitAstilakojvalAH | tatpArshvadevatAH svasvavAhanAyudhabhUShaNAH || 38|| svasvadikShu sthitAH pAntu mAmindrAdyA mahAbalAH | etAstasya samAkhyAtAH sarvAvaraNadevatAH || 39|| sarvato mAM sadA pAtu sarvashaktisamanvitAH | hR^idaye chodare nAbhau jaThare guhyamaNDale || 40|| UruyugjAnupAdeShu mUrdhni bhrUyugale.api cha | karNAkShinAsikAjihvAkaNThabAhuyugeShu cha || 41|| dashabIjAtmikAmantrAH yasya saMvR^iddidAyakAH | tejorUpadharAH pAntu vA~nchApUrasuradrumAH || 42|| dasha chAnye mahAvarNAH mantrarUpA mahojjvalAH | vyApakatvena pAntvasmAnApAdatalamastakam || 43|| kArtavIryaH shiraH pAtu lalATaM haihayeshvaraH | sumukho me mukhaM pAtu karNau vyAptajagattrayaH || 44|| sukumAro hanUM pAtu tAlau bhruyugalepi cha | nayane puNDarIkAkSho nAsikAM me guNAkaraH || 45|| dantoShTau tu sadA pAtu brahmageyaH sanAtanaH | sarvashAstrakalAdhAro jihvAM chubukamavyayaH || 46|| dattAtreyapriyaH karNau skandhau rAjakuleshvaraH | bhujau dashAsyadarpaghno hR^idayaM me mahAbalaH || 47|| kukShau rakShatu me vidvAn vakShaH parapura~njayaH | karau sarvArthadaH pAtu kArAgre trijagatpatiH || 48|| revAmbulIlAsantR^ipto jvaraM me.abhirakShatu | mahAvIrastu me nAbhiM pArshvau me sarvaduShTahA || 49|| sahasrabhujadhR^ik pR^iShTaM saptadvIpAdhipaH kaTim | guhyaM jitendriyaH pAtu sandhiM no yogavallabhaH || 50|| UrU mAhiShmatInAtha jAnunI vallabho bhuvaH | ja~Nghe vIrAdhipaH pAtu pAdau pAtu manojavaH || 51|| pAtu sarvAyudhadharaH sarvA~NgaM sarvasandhiShu | sarvaduShTAntakaH pAtu dhAtvaShTakakalevaram || 52|| praNAdi dashajIveshAn sarvashiShTheShTado.avatu | vashIkR^itendriyagrAmo pAtu sarvendriyANi me || 53|| romakUrchAni rAjendrastvachaM me.asAdhyavigrahaH | asthimAMsAdikaM pAtu sarvakShudranivArakaH || 54|| anuktamapi cha yatsthAnaM sharIrAntarbahishcha yat | tatsarvaM pAtu me sarvalokanAtheshvareshvaraH || 55|| vajrAsArataraM chedaM sharIraM kavachAvR^itam | bAdhAshatavinirmuktamastu me bhayavarjitam || 56|| yadvidaM kavachaM divyamabhedyaM haihayeshituH | vicharAmi divArAtrau nirbhayenAntarAtmanA || 57|| rAjamArge bhaye durge mArge chorAdisa~Nkule | viShame vipine ghore dAvAgnau girikandhare || 58|| sa~NgrAme shatrusambAdhe siMhavyAghranipAtane | gahvare sarpasa~NkIrNe deshe choragaNAvR^ite || 59|| sarvasvaharaNe prApte prApte prANasya sa~NkaTe | nAnA rogajvarAveshe pishAchapretapAtane || 60|| mArIduHsvapnapIDAsu kliShTavishvAsaghAtake | sharIre cha mahAduHkhe mAnase cha mahAjvare || 61|| AdhivyAdhibhaye vighne mAntropadravake.api cha | na bhavettu bhayaM ki~nchitkavachenAvR^itasya me || 62|| AgantukAmAnakhilAnasmadvastu vilumpakAn | nivArayatu dordaNDasahasreNa mahArathaH || 63|| svakarodadR^itasAhasrapAshabandhAn sudurjayAn | saMruddhagatisAmarthyAn karotu kR^itavIryajaH || 64|| sR^iNIsahasranirbhinnAnsahasrasharakhaNDitAn | rAjachUDAmaNiH kShipraM karotvasmadvirodhakAn || 65|| khaDgasAhasradalitAn sahasramusalArditAn | chorAdiduShTasarvaughAn karotu kamalekShaNaH || 66|| svasha~NkhanAdasantrastAn sahasrAravidAritAn | karotu duShTasatvaughAn sAhasrArassahasradhR^ik || 67|| kR^itavIrya suto rAjA sahasrabhujamaNDalaH | avatAro haressAkShAtpAlayetsakalaM mama || 68|| kArtavIryArjuno nAma rAjAbAhusahasravan | tasya saMsmaraNAdeva hR^itaM naShTaM cha labhyate || 69|| dhanuH pa~nchashataM vAme dAkShiNe tAvataH sharAn | bibhrANaH kArtavIryo.asau pAlayetsakalaM mama || 70|| yad bhavellokarakShArthaM aMshAchchakraM harervibhoH | tannamAmi mahAvIryamarjunaM kR^itavIryajam || 71|| kArtavIrya mahAvIrya sarvashatruvinAshana | sarvatra sarvadA tiShThan chorAnnAshaya pAhimAm || 72|| uttiShTa duShTadamana saptadvIpaikapAlaka | tvAmeva sharaNaM prAptaM sarvArtAdrakSha pAhimAm || 73|| duShTaghna kiM tvaM svapiShi kiM tiShTasi chirApadi | pAhi naH sarvadA sarvaM bhayebhyaH svasutAni cha || 74|| ye chorA vasuhartAro duShTA ye cha hiMsrakAH | antarAyakarA duShTAH ChadmakAH ye durAtmakAH || 75|| durhR^ido duShTabhUpAlA duShTAmAtyAshcha ghAtakAH | ye cha kAryaviluptAro ye khalAH paripanthinaH || 76|| sarvasvaharaNA ye cha mahAmAyAvino.api ye | mahAkleshakarA mlechChA dasyavo vR^iShalAshcha ye || 77|| ye mahAgaradAtaro va~nchakAH shashtrapANayaH | ye pApA duShTakarmANo duHkhadA duShTabuddhayaH || 78|| vyAjakAH kupathAsaktA ye cha nAnAbhayapradAH | ChidrAnveShakarA nityaM ye.asmAnbAdhitumudyatAH || 79|| te savai kArtavIryasya mahAsha~NkharavAddhatAH | sahasA vilayaM yantu dUrAdeva vimohitAH || 80|| ye dAnavA mahAdaityA ye yakShA ye cha rAkShasAH | pishAchA ye mahAsatvA ye bhUtA brahmarAkShasAH || 81|| apasmAragrahA ye cha ye grahA pishitAshinaH | mahAlohitabhoktAro vetAlA ye cha guhyakAH || 82|| gandharvApsarasassiddhAH ye cha devAdiyonayaH | DAkinyo dhoNasAH pretA kShetrapAlA vinAyakAH || 83|| mahAvyAghramukhAH krUrAH mahAturagamUrtayaH | mahAvyaghrA mahAmeShAH mahAmahiShasannibhAH || 84|| mahArAjo mahAsiMhaH mahAbhallUkasannibhAH | R^ikShavArAhashunakavAnarAlUkamUrtayaH || 85|| mahoShTrakharamArjArasarpago viShapuchChakAH | nAnArUpamahAsatvAH nAnAkleshasahasradhAH || 86|| nAnArogakarAH kShudrA nAnAvIryAH mahAbalAH | vAtakA paittikA ghorAshshleShmikAssAkShipAtikAH || 87|| mAheshvarA vaiShNavAshcha vairi~nchashcha mahAjvarAH | skAndA vainAyakAH krUrAH ye cha manmathasa.nj~nikAH || 88|| mahAshatrugrahA raudrA mahAmArImasUrikAH | ekAhnikA dvyAhnikAshcha tryAhnikAshcha mahAjvarAH || 89|| sAptAhikAH pAkShikAshcha mAsaShANmAsikAshcha ye | saMvatsarA durnivAryAH jvarAH paramadAruNAH || 90|| svApnikAshcha mahotpAtAH ye cha duHsvapnajA grahAH | kUShmANDA bhairavA bhImAH dhoNasA nidhiva~nchakAH || 91|| bhrAmakAH prANahantAro ye cha bAlagrahAdayaH | manobuddhIndriyaharAH sphoTakAshcha mahAgrahAH || 92|| mahAshanA balibhujo mahAkuNapabhojanAH | divAcharA rAtricharAH ye cha sandhyAsu dAruNAH || 93|| pramattamapramattaM cha ye mAM bAdhitumudyAtAH | te sarve haihayendrasya dhanurmuktashsharArditAH || 94|| sahasradhA praNashyantu bhagnasatvabalodyamAH | ye sarpA ye mahAnAgAH mahAgirivileshayAH || 95|| kAlAvyAlA mahAdaMShTrA mahAjagarasa.nj~nikAH | anantagulikAdyAshcha dR^igviShAshva mahAbhayAH || 96|| anekashatavarShAshcha khaDgapuchChAshcha dAruNAH | mahAviShajalUkAshcha vR^ishchikA raktapuchChakAH || 97|| AshIviShAH kAlakUTAH mahAhAlAhalAhvayAH | jalasarpA jalavyAlA jalagrAhAshcha kachChapAH || 98|| matsyakA viShapuchChA ye chAnye jalanivAsinaH | jalajA sthalajAshchaiva nAnAbhedakulodbhavAH || 99|| ye cha ShaDbindavo lUtAH bhramarAH shUlapuchChakAH | sthAvarA ja~NgamAshchaiva kR^itrimAshcha mahAviShAH || 100|| guptA viguptArUpAshcha bhUShikAH gR^ihagodhikAH | kR^ikalAsA kulIrAshcha ye chAnye yAdasAM gaNAH || 101|| smaraNA viShamA ghorA mahograviShasa.nj~nikAH | ye.asmAnbAdhitumichChati sharIraprANanAshakAH || 102|| te sarve kArtavIryasya khaDga\-sAhasrasAditAH | dUrAdeva vinashyantu praNaShTendriyamAnasAH || 103|| manuShyAH pashavo R^ikShAH vAnarAH vanagocharAH | siMhavyAghravarAhAshcha mAhiShA ye mahAmR^igAH || 104|| gajAstura~NgATavyA rAsabhAshsharabhA bR^ikAH | shunakA vipinaH shumbhamArjArAH viShalomashAH || 105|| shR^igAlAH shashakAH shyenAH garutmanto viha~NgamAH | bheruNDA vAyasAH gR^idhrA haMsAdyAH pakShijAtayaH || 106|| udbhijAshvADajAshvaiva svedajAshcha jarAyujAH | nAnAbhedakule jAtAH nAnAbhUtAH pR^ithagvidhAH || 107|| ye.asmAnbAdhitumudyanti sandhyAsu cha divAnishi | te kShipraM kArtavIryasya chakrasAhasrakhaNDitAH || 108|| dUrAdeva vinashyantu vinaShTagatipauruShAH | ye chAkShepapradAtAro dveShTAro ye vidUShakAH || 109|| kR^ityaM yatra pradAtAraH kUTamAyAvinashcha ye | mAraNochchATanochchATudveShamohanakArakAH || 110|| vishvastaghAtakA duShTA ye cha svAmidruho narAH | ye chAtatAyino duShTA ye pApA guptahAriNaH || 111|| dAhopaghAtagaralashastrapAtanaduHkhadAH | kShetravittApaharaNAH bandhanAdi bahupradAH || 112|| Itayo vividhAkArA ye chAnye duShTajAtayaH | pIDAkarA ye satataM kShudrakA ghnanti santatam || 113|| te sarve kArtavIryasya gadAsAhasrachUrNitAH | dUrAdeva vinashyantu layaM yAntu sahasradhA || 114|| ye medhA ye mahAvarShAH ye vAtA yAshcha vidyutaH | ye mahAshano ye dIptAH yo nirghAtAH sudAruNAH || 115|| ulkApAtAshcha ye ghorAH ye mahondrAyudhAdayaH | arkendukujasaumyAshcha gurukAvyashanaishcharAH || 116|| rAhushcha ketavo ghorA nakShatrarAshayastathA | tithayassa~NkramA mAsatvayayanAyuganAyakAH || 117|| manvantarassiddharShayo yogasiddhAH sadojvalAH | vidhayo R^igyajuHsAmAtyatharvAdyAshcha vahnayaH || 118|| R^itavo lokapAlAshcha pitaro devasantatiH | vidyAshchaiva chatuHShaShTibhedoktA bhuvanatraye || 119|| sevante kIrtitAssarve ye chAnyenAnukIrtitAH | te santu naH sadA saumyAH sarvalokasukhAvahAH || 120|| aj~nayA kArtavIryasya yogIndrasyAmitadyuteH | kArtavIryArjuno dhanvI yogIndro hehayeshvaraH || 121|| dattAtreyapriyatamaH sahasrabhujamanDalaH | chApI khaDgI rathI bANI charmavarmI mahAbalaH || 112|| subhagaH sumukhaH shAntaH chakravartI guNAkaraH | dashAsyadarpahA revAlIlAtR^iptaH sudurjayaH || 123|| duHkhahA choradamano rAjarAjeshvaraH prabhuH | sarvaj~naH sarvagaH shrImAn sarvashiShTapradaH kR^itI || 124|| rAjachUDAmaNiryogI saptadvIpAdhinAyakaH | vijayI vishruto vAgmI mahAgatiralolupaH || 25|| yajvA viprapriyo vidvAn brahmaj~no yassanAtanaH | mAhiShmatIpatiryoddhA mahAkIrtirmahAbhujaH || 126|| sukumAro mahAvIro mArighno madirekShaNaH | shatrughnaH shAshvataH shUraH sha~NkhabhR^idyogavallabhaH || 127|| mahAbhAgavato dhImAn mahAbhayavinAshanaH | asAdhyavigraho divyo bhayavyAptajagattrayaH || 128|| sarvashAstrakalAdhAro virajo lokavanditaH | vIro malinachittADhyo mahAbalaparAkramaH || 129|| vijayashrImayo mAnyo jitArirmantranAyakaH | khaDgabhR^itkAmadaH kAntaH kAlaghnaH kamalekShaNaH || 130|| bhadravAdApriyo vaidyo varado vibudho vashI | jitendriyo jitArAtiH svachChando.anantavigrahaH || 131|| chakrabhR^itparachakraghnaH sa~NgrAmavidhipUjitaH | mahAdhano nidhipatirmahAyogI gurupriyaH || 132|| yodhAdyo sarvarogaghno rAjitAkhilabhUShaNaH | divyAstravidameyAtmA sarvagoptA mahojvalaH || 133|| sarvAyudhadharo.abhIShTapradaH parapura~njayaH | yogasiddho mahAkAyo mahAbR^indashatAdhipaH || 134|| sarvaj~nAnanidhissarvabhogadAnakR^itodyamaH | ityaShTashatanAmoktA mUrtayo dashadikpateH || 135|| samyakdashadisho vyApya pAlayantu cha mAM sadA | sarvendriyANi susthAni sushAntishcha sadAstu me || 136|| shiShThAyAmUrtayoShTau cha vikrameNaiva bhAsvarAH | agninirR^itivAyvIshakoNagAH pAntu mAM sadA || 137|| manassaukhyamasambAdhAmarogamaparAjitam | duHkhahA niravighnashcha prajAvR^idvissukhodayaH || 138|| vA~nChAvAptishcha kalyANaM avaiShamyamanAmayam | anaShTadravyarakShA cha naShTasya punarAgamaH || 139|| dharmAyuShyaM yasholAbhassaukumAryamabhIpsitam | anAlasyamabhIShTaM cha mR^ityuhAnirbalonnatiH || 140|| bhayahAniH yashaH kAntirvidyAvR^iddhirmahAshrayaH | apradhR^iShyaM mahatvaM cha mahAsAmarthyakovidaH || 141|| santu me kArtavIryasya haihayendrasya kIrtanAt | ya idaM kArtavIryasya kavachaM puNyavardhanam || 142|| sarvapApaprashamanaM sarvopadravanAshanam | sarvasampatkaraM guhyaM samastabhayanAshanam || 143|| vijayArthapradaM nR^iNAM sarvasampatkaraM shubham | shruNuyAdvA paThedvA.api sarvAnkAmAnamApnuyAt || 144|| AyurArogyamaishvaryaputrapautrAdisampadaH | bhavanti sarvadA.abhIShTAH pustakasyApi pUjanAt || 145|| muchyate sarvaduHkhaistu sarvatra vijayI bhavet | mArIchorAdipIDAdyairna kadAchitprabAdhyate || 146|| paThataH prAtarutthAya duHsvapnAdi vinashyati | labhate vA~nchitAnarthAn pUjyate tridashairapi || 147|| shayyAtalagato rAtrau cha idaM kavachaM paThet | na tasya taskarArAtiH duHsvapnAdibhavaM bhayam || 148|| chorairyadAhR^itaM pashyetpashvAdi dhanamAtmanaH | ekavAraM japedyastu sarvAbhIShTaphalapradam || 149|| saptavAraM tathA japtvA nishi pashchimadi~NmukhaH | saptarAtreNa labhate naShTadravyaM na saMshayaH || 150|| saptaviMshati vAraM tu prAchIdigvadano yadi | tadA devAsurayutaM parachakraM nivArayet || 151|| vivAde vipule ghore pa~nchavAraM paThedim | vijayo jAyate tasya na kadAchitparAjayaH || 152|| samyak dvAdashadhA rAtrau prajapedbAdhamuktaye | tridinAnnigalagrasto muchyate na vichAraNA || 153|| anenaiva vidhAnena sarvasAdhanakarmaNi | asAdhyamapi saptAhAtsAdhayenmantravittamaH || 154|| yAtrAkAle paThitvedaM mArgaM gachChati yaH pumAn | na duShTachoravyAghgradyaiH bhayaM syAtparipanthinaH || 155|| nityaM grahagato jitvA kalyANaiH paripUryate | na bhayaM jAyate tasya duShTasatvAdibhiH kvachit || 156|| sarvarogaprapIDAsu tridhA vA pa~nchadhA paThet | sarogamR^ityuvetAlabhUtapretaiH pramuchyate || 157|| paThanAtsmaraNAtkuryAjjalenA~njalinA ravau | sa chAgniviShakR^ityAsu rogasphoTairna bAdhyate || 158|| trisandhyAsu paThedetat ShaNmAsaM vijitendriyaH | kAlamR^ityumapi prAptaM jayatyatra na saMshayaH || 159|| paThataH kavachaM chedaM viShaM nAkramate tanau | jaDAndhatvaM cha mUkatvaM nopasargabhayaM kvachit || 160|| viMshadvarNoktavidhinA dhAryedevaM tadAtmakam | mantrI guruprasAdAttaM mantrarAjaM japetpunaH || 161|| kavachenAvR^ito bhUyo mantradhyAnaM samAcharet | yathoktaM labhate sadyaH phalaM vajratanurbhavet || 162|| yathA tathedaM kavachaM na kasyApi prakAshayet | Adau saMshodhanaM kR^itvA tannAma dhyAnapUrvakam || 163|| siddhayai tachchakramantrANAM uchcharet dvijapUrvakam | gopanIyaM prayatnena shivasya vachanaM tathA || 164|| subhaktAya sushiShyAya dadyAtsarvasvadAyine | sAdhakAnAM hitArthAya yaduktaM chandramaulinA || 165|| kArtavIryasya kavachaM yaduktaM vai mayA tava | yenaidaM rakShato dehaH kAlenApi na jIryati || 166|| tasmAtsarvaprayatnena kavachaM dhArayetsudhIH | || iti shrIkArtavIryArjunakavachastotramahAmantraH sampUrNaH || ## Note: This is similar to kArtavIryakavachakathanam from from bRRihannAradIyapurANa . pUrvabhAga . adhyAya 77 Proofread by Manish Gavkar \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}