% Text title            : Kartavirya Arjuna MantraH 1
% File name             : kArtavIryArjunamantraH1.itx
% Category              : deities\_misc, mantra
% Location              : doc\_deities\_misc
% Proofread by          : Manish Gavkar
% Description/comments  : Thanjavur Sarasvati Mahal Series No. 568 kArtavIryArjuna-upAsanA paddhatiH 
% Latest update         : October 28, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kartavirya Arjuna MantraH 1 ..}##
\itxtitle{.. kArtavIryArjunamantraH 1 ..}##\endtitles ##
shrI gurugaNapataye namaH || shrIdattAtreyAya namaH ||
atha dhyAnaM pravakShyAmi shR^iNudhvaM munipu~NgavAH |
yaM nijadhyAnamAtreNa shatravo yAnti sa~NkShayam || 1||
raNAjire jayodagraM raNatki~NkiNijAlakam |
jagaddhitAya saMrandhaM nadajjaladanisvanam || 2||
madabhramarajha~NkArapatadbhramaramastakam |
kvaNAkanakaghasR^iNArujhaNatkR^itichamatkR^itim || 3||
parishramaNavaichittryajitatridashasindhuram |
udagramaNimAlAkShiruda~nchimukhamaNDalam || 4||
atiprabalashuNDAgravilagnamusalAyudham |
karipravaramAruhya giripratinibhAkR^itim || 5||
adhiShTitamahAsatvapratiShTitajagattrayam |
adhidhyadR^iDhasandhAnaM dhanushshatamakhAnugam || 6||
musalAdi kuThArAdi pAshacharmadharAvR^itam |
pratyasraM dadhataM devaM sahasravarabAhubhiH || 7||
nibaddhakavachaM devaM pinaddhIvarabandhanam |
prabuddhasachivAnItaM prasiddhabalapauruSham || 8||
prabodhitajagachchakraM pravardhitadhanAgamam |
nIlanIrada sa~NkAshaM nityarAmbu\-nibhAnanam || 10||
virAjAsaktanayanaM nIlaku~nchitamUrdhajam |
mahanIyamahAnIlamaNikuNDalamaNDitam || 11||
ramaNIyataraM vIraM vividhairapi bhUShaNaiH |
bhujagAdhipabhogAbhabhujamaNDalamaNDitam || 12||
dR^iDhapIvarapa~nchAsyapR^ithukanduramandaram |
kamanIyamaNiprotatapanIyanavasrajam || 13||
tarasA mahitaM devaM mahasAmadhipaM janam |
nadantamiva kalpAnte bhavantamatibhIShaNam || 14||
vamantamiva kAlAgniM dahantamiva pAvakam |
kirantamiShuveSheNa sphurantamiva bhAskaram || 15||
kR^itAntamiva niryAtaM yugAntaraviparyaye |
mR^igendramiva garjantaM tarjantamarimaNDalam || 16||
grasantamiva lokA~NghriM nudantamatibhIShaNam |
dviShantamativegena nihantaM kR^itanishchayam || 17||
prachaNDatarakodaNDaprabhinnaparasainikam |
pratapantamivAdityaM pracharantamitastataH || 18||
pradahantamarInantaH pravishantamarindamam |
kvachitprachaNDakodaNDachaNDabhairavanisvanam || 19||
kvachinmanojavottu~Ngatura~NgamamadhiShThitam |
kvachidraktAmbhurochiShNurathopariviniShTitam || 20||
kvachichchakrasahasreNa kR^intayantaM krudhA ripUn |
kachichCha~NkhasahasrANAM mohayantaM mahAravaiH || 21||
kvachichcharmAsisAhasravidAritavirodhinam |
kvachitkaThorasAhasrakuThArAdivimardanam || 22||
kvachitpAshA~NkushadharaM kvachinmusaladhAriNam |
kvachidAdattaparighaM mardayantaM ripUnkramAt || 23||
rathanAgatura~Ngadi patibhiH sahasAsitaiH |
choramArivipakShAdyairdashabhiH paritovR^itam || 24||
a~Ngairapi samAyAntaM niSha~NgeShu sharAsanaiH |
AsevitamanAdhR^iShyaM amalairAttaka~nchukaiH || 25||
purandarapareteshapAshAyudhadhanAdhipaiH |
samIraNasahAyAgranirR^ityanilashUlibhiH || 26||
svakAShTAdigataiH svasvavAhanAyudhabhUShaNaiH |
bhIShaNaiH parito vItaM parasainyavidAraNaiH || 27||
atipramANAkAreNa sa~NkrAntAshAntamarjunam |
padatritayasa~NkrAntalokatrayamivAchyutam || 28||
Achintya vibhavaM devaM vichintyaivaM vibhoH padam |
Amantrya nijahR^idvAchyAM svamantrajapamArabhet || 29||
anuShTubhANAM mantrANAM R^iShirasya svarasya cha |
dattAtreyo.api bhagavAn Chando.anuShTup udAhR^itam || 30||
kArtavIryArjuno viShNuH devatA parikIrtitaH |
rakShAyai vA~nChitAptyai cha viniyogo.arinigrahe || 31||
raM kShaM yam | kR^itAnta iva kalpAnAM garjanjR^imbhito.arjunaH |
asmadvirodhinAmAyurharatvatibhaya~NkaraH || raM kShaM yam || 32||
                    (mUlamantraH )
ThaM krom || AbadhnAmi dR^iDhapAshairalamasmadvirodhinam |
svAdire dhme mahatyagnau kShipatvakSharapavikramaH || ThaM krom || 33||
reM rim || yugAntaghananirghAtanirjharairatibhIShaNaiH ||
asmadriporharatvAyurarjunaH sha~NkhanisvanaiH || reM rim || 34||
dhaM num || dhanuH pa~nchashatadhvAnanirgataprANamArutam |
kalpAntarudrakalpo.asau kuryAnme rAtibha~njanam || dhaM num || 35||
svAM lam || mallairullasitaphalairujvaladbhiH vichetasam |
kuryAdanAryamAryasmadarAtiM kR^itavIryajaH || svAM lam || 36||
proM hum | svabAhunirgataiH pa~nchashatasa~NkhyaissitAshugaiH |
shiraH kR^intatu machChatrorjitashatrugaNorjunaH || pro hum || 37||
klIM hrIm || atitIkShNakarairugrairarinigrahavigrahe |
karavAlaiH karALAgraishChindyAt madarimarjunaH || klIM hrIm || 38||
gaM Am || gadAbhiratibhImAbhirAyasAbhirarindama |
saMhArakAlasambandhabhImanirghAtabhIShaNaiH || gaM Am || 39||
sara sara || musalaiHkhalasa~Nge.ariM nidaryaM mardayArjuna |
AyatAbhiranAyAsaM hana hehaya bhUpate || sara sara || 40||
yuM am || yugAnto gambhIramahAnirghoShaniShThuram |
aTTahAsairarAtiM me hana hehaya bhUpate || yuM am || 41||
naM sam || sahasrakarasAhasra dussahodagratejase |
namastubhyaM sahasrAre hana hehaya madripUn || naM sam || 42||
karukAli || kAlakaNThagalAkArakarAlAkR^itimarjuna |
kAlibhyo.alibaliM dadyAdasmadripukalebaram || 43||
ghaNa ghaNa || atinIlagajAruDho nirUDhAmitavikramaH |
AghaTTatu mamArAtimarjuno nishitAMshukaiH || ghaNa ghaNa || 44||
yuM dam || yugAntakarburodagrarochiShA chakShuShA tvachi |
daha deva mamArAtiM daha bhUyo harArjuna | yuM dam || 45||
ThaM sum | gADhaM gR^ihItvA kesheShu bhrAmayitvA.ativegataH |
prakShipyochchaivyasuM bhUmau pAtayAriM mamArjuna || ThaM sum || 46||
saM hAm || tvayi garjitasa~NgrAme saMrambho jR^imbate.arjuna |
brahmANDamapi bhinnANDaM bhavetkimarimaNDalam || saM hAm || 47||
naM roM mam || madhyandinadinAdhIshAmannirIkShyAti bhIShaNaH |
kShaNenaiva mamArAtiM kuryAnnirjIvamarjunaH || naM roM mam || 48||
khaM Dam || atibhIShaNAnirghoSho yudhi nirjitashAtravaH |
alamasmadariM kuryAdachirAyuShamarjunaH || khaM Dam || 49||
nara nara || avichAramanAchAramachirAdachirAyuSham |
rachayedachirApAtairiShubhirme.arimarjunaH || nara nara || 50||
haM sAm | parachakravinirbhinnarathachakravimardanam |
mama shatrumimaM hanyAjjitashatrugaNorjunaH || haM sAm || 51||
nAM Sham || kAlameghanibhaM kAlaM kAlakaNThAtibhIShaNaH |
kAlAyasadhanuH kAlavashaM nayatu me ripum || nAM Sham || 52||
dhaM pham || adhivAraNamAruDho madavAraNAvikramaH |
vidadhAruNo.akShosmadarimAraNamarjunaH || dhaM pham || 53||
maM dam || parAyuharaNo ghoradhurINamadavAraNam |
niyodhaya mamArAtiM haraNe hehayeshvara | maM dam || 54||
jaM ~nam || kharakoTikhurApAtakShitireNusamutthitaiH |
hayasAdibhiradyaiva hana me ripumarjuna || jaM ~nam || 55||
viM sham || pralayesha samAdiShTaH pramathairiva sadbhaTaiH |
parikR^intaya machChatrUn sharaNaM bhava me.arjuna | viM sham || 56||
khroM lim || prAchImAshritya haritaM yAtamasmadvirodhanam |
nihanyAnnishitaishshastraishchoramArIvibha~njanaH || khroM lim || 57||
jaM rim || dishA dakShiNayA yAdaM nigR^ihyAsmadripun balAt |
nihanyAddhR^itachApeShumahAmArIvibhajjanaH || jaM rim || 58||
krAM krIm | pashchimayA dishA yAtaparetapragrahAtithim |
tanotvasmadripuM bhallairnigR^ihyedaribha~njanaH || krAM krIm || 59||
saM phim || saumyAshayA samAkrAntaM samAkrAntaM sureshvara |
samApayatu sarvAyuH madareH saumyadiksthitaH || saM phim || 60||
rAM lAm || gR^ihItachApabANosau balI duShTanibarhaNaH |
nibarhayatu machChatruM makhachChakaharisthitaH || rAM lAm || 61||
DaM phum | dviShantaM mama devesha vishantaM mArutAshayAt |
vishantaM vishikhairenaM nihanyAduritApahaH || DaM phum || 62||
shivAshayA vivR^iddhasya shitA~NkurashilImukhaiH |
shirashChedaya machChatrormahAmAyAvibha~njana |
OM aH || UrdhvAshayotpatiShyantaM madviShantaM mahAbala |
mahAchakreNa vichChidyAnmahAmR^ityuvibha~njana || OM aH || 63||
auM Dam | rasArandhrAmapyasmatsapatnamadharAshayA |
sha~NkhadhvAnena vidhvaste sa hanyAd duHkhabha~njanaH || auM Dam || 64||
shrI dattAtreyo jayatu ||

iti kArtavIryArjunamantraH 1 sampUrNaH |
##

Proofread by Manish Gavkar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}