% Text title            : kAthabodhaH
% File name             : kAthabodhaH.itx
% Category              : deities\_misc, dattatreya
% Location              : doc\_deities\_misc
% Author                : santoShAnanda
% Transliterated by     : Sunder Hattangadi sunderh at hotmail.com
% Proofread by          : Sunder Hattangadi sunderh at hotmail.com
% Latest update         : August 25, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. kAthabodhaH ..}##
\itxtitle{.. kAthabodhaH ..}##\endtitles ##
(dattAtreyasampradAyA.anugataH)
shrIgaNeshAya namaH |

vAgaryA.a.atmA sarvabhUtAntarAtmA
     vaktA shrotA vishvarUpashchidAtmA |
sarvAvAsashchaiko nityopalabdhi\-
     ryaH santoShAnandadastaM bhaje.aham || 1||
natvA haMsaM sadguruM taM pareshaM
     shuddhaM vyaktaM bhArgavAraNyavAsam |
IshAdInAmaShTakaM pUrvajAnAM
     vakShyAmenaM sattvadaM kAthabodham || 2||
kashchichChiShyaH sa~NgadoShairvimUDhaH
     krodhenA.asau taptarUpo babhUva |
aishAtmA anIshavatso.api jAtaH
     svAtmatyAgAchchaityas~NgonmukhatvAt || 3||
baddhvA pANI taptakAyo babhAShe
     kAthAvasthAM vishvavishvAntakAle |
krodhaghnA.asyAH kAthavidyA parAnyA
     shAntiH kAthetyAdisarvaM vadasva || 4||
kA vai vishvo yaH kyabhAve sevedyaH
kastvanyA sA kAthashabdena vAchyA
kAkyau lupte yatra te yogilakShye
     tattvantveka kAthavettA.avashiShTaH || 5||
kAshabdo.ayaM vAchyakAyI hR^idistha\-
     stasyAvAsaM kAyamAhurmunIndrAH |
tadubhayaM kAyikAyau va kAthau
     tattvantvekaH kAthavettA.avashiShTaH || 6||
nAhaM kAkyau tau kSharau chAkSharo bho!
     j~nAtvA j~nAtA chaikyali~NgaM tyaja tvam |
vAchye tyaktvA lakShyayauraikyashuddhaM\-
     tattvantvekaH kAthavettA.avashiShTaH || 7||
lokAloko yasya sid.h{}dhyA praluptau
     shItoShNe te saprabhe dve pralIne |
A Adyantau sAbhimAnau praNaShTau
     tattvantekaH kAthavettA.avashiShTaH || 8||
bhUrApognirvAyukhe mAnasanta\-
     dbud.h{}dhyAtmA vai ShoDashAnye vikArAH |
shuddhastvaM yaH prAkR^itaH pa~nchaviMsha\-
     stattvantvekaH kAthavettA.avashiShTaH || 9||
draShTA dR^ishyaM darshanaM luptaM
     satsaMvittyA yogibhishchAnubhUtam |
vede gItaM neti netIti shabdai\-
     svattvantvekaH kAthavettA.avashiShTaH || 10||
asmadyuShmadvAchyabAhyAntare dve
     sthUlaM sUkShmaM kAraNaM sachchAsachcha |
yasminneva mAyayA kalpitaM vai
     tattvantvekaH kAthavettA.avashiShTaH || 11||
vyakte dR^ishyAdR^ishyadharme.atha bhAve
     sanmAtrantvaM svAnubhUtyA bhaveyam |
shUnya~NkR^itvA shUnyametachcha chittvA\-
     chchidrUpaM tvaM kAthavettA.avashiShTaH || 12||
antarbAhye chittvasattve tyaja dve
     svAnandaikyaM kevalaM tvambhava svam |
tadrUpatvAdadvayaM tattvantattva\-
     vettA ko.asminkasya vettR^itvamasti || 13||
evambhUte shuddhabuddhe svarUpe
     kAthAvasthAM brUhi me tvamprabuddhaH |
kAthAvettA ko.ahamityAtmabAdhaH
     niHsa~Nge.asminnutthitA tvayyavidyA || 14||
shUnyAlambA.alambanaM sA bhavette
     sUryAbhAyAM vAribhAsastatheyam |
bhinnAbhinnA naiva tasmAdavAchyA
     jahyenAM svAmadvayAnandabodhAt || 15||
vedyAbhAve kasya vettA.atra ko.asau
     vakShyAmyasminbhAShaNaM me shR^iNu tvam |
kAthetyasyAH sA na bhAti tvamekaH
     sadbodhArthaM vAkyametatpravR^ittam || 16||
sanmAtro.ahaM sattayA sarvamekaH
     krodhaghnA.asyAH kAthavidyAparA.anyA |
chinmAtro.ahaM chitsvarUpashchidAtmA
     sR^iShTyantAnAM sAkShirUpo.avyayo.aham || 17||
evaM bhUte kA.atha  shuddhAstyavasthA
     vyaktAvyaktAtItamantarbahiHstham |
vyaktAvyaktaM tanna bAhyAntare dve
     maunenA.ayaM vAchakastryakSharo.asya || 18||
AtmA shabdo bindunAdAnvito.ayaM
     shaktyA sAkaM mAyikenaiva shAntaH |
nirvANaM tatkevalA.anandabodha\-
     mevambhUtA kAthashAntiH parAtmA || 19||
dharmaM kR^itvA mA.astu te tatphalepsA
     tyaktvA tritvaM tUryadharme ramasva |
bhUtebhyaH kamAnandaM tvambhavasva
     mAnaM tyaktvA svasvasiddho.anapekShaH || 20||
kasyA.apekShAM mA kuru tvaM samAtmA
     kShantavyAste tarjjanA dArustAH |
sA~Nkhye yoge laukike saprapa~nche
     kR^iShNaviShNuM(?)jiShNusharvaM vada tvam || 21||
sarvaiH khaistairdehagehena chA.arthai\-
     rvandasva tvaM rukmiNIshaM paresham |
drohaM lobhaM mu~ncha dambhamasUyAM
     durbuddhe tvaM svarUpa~ncha bhajedam || 22||
niHsa~NgastvaM sa~NgamAtsajjanAnAM
     niShkAmastvaM sevayA niHspR^ihANAm |
gA~NgaM pItvA somapastvaM bhavasva
     shuddho bhUtvA shuddhakhaM tadbhajasva || 23||
natvA sAdhUnyogino devasiddhAn
     sarvarShIstAnaryamAdIn gurUn bho |
vishvAdhAraM rukmiNIshaM shiveshaM
     natvA j~nAtaH kAthabodhaH samAptaH || 24||
shrutvA tvenaM shAntarUpo babhUva
     sadgranthanaM kAshakaM muktimArge |
yogIndrANAM sadrahasya~ncha guhyaM
santoShAntarvyApakenaiva gItam || 25||
anAdinidhano devaH sarvavyApI nira~njanaH |
hR^idayasthaH svayaM vaktA karttA kArayitA hariH || 26||

iti shrImatsantoShAnandavirachitaH kAthabodhaH sampUrNaH |

##
Encoded and proofread by Sunder Hattangadi sunderh at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}