% Text title            : kiraaTaaShTakam
% File name             : kiraataashtakam.itx
% Category              : aShTaka, deities\_misc, ayyappa
% Location              : doc\_deities\_misc
% Transliterated by     : Antaratma antaratma at Safe-mail.net
% Proofread by          : Antaratma, PSA Easwaran
% Latest update         : July 10, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kirata Ashtakam ..}##
\itxtitle{.. kirAtAShTakam ..}##\endtitles ##
               || shrIH ||
     shrIgaNeshAya namaH | kirAtashAstre namaH ||
atha kirAtAShTakam |
pratyarthi\-vrAta\-vakShaHsthala\-rudhirasurApAnamattA pR^iShatkaM
     chApe sandhAya tiShThan hR^idayasarasije mAmake tApahaM tam |
pimbhottaMsaH sharaNyaH pashupatitanayo nIradAbhaH prasanno
     devaH pAyAdapAyAt shabaravapurasau sAvadhAnaH sadA naH || 1||
AkheTAya vanecharasya girijAsaktasya shambhoH sutaH
     trAtuM yo bhuvanaM purA samajani khyAtaH kirAtAkR^itiH |
kodaNDakShurikAdharo ghanaravaH pi~nChAvataMsojjvalaH
     sa tvaM mAmava sarvadA ripugaNatrastaM dayAvAridhe || 2||
yo mAM pIDayati prasahya satataM dehItyananyAshrayaM
     bhitvA tasya riporuraH kShurikayA shAtAgrayA durmateH |
deva tvatkarapa~NkajollasitayA shrImatkirAtAkR^iteH
     tatprANAn vitarAntakAya bhagavan kAlAriputrA~njasA || 3||
viddho marmasu durvachobhirasatAM santaptashalyopamaiH
     dR^iptAnAM dviShatAmashAntamanasAM khinno.asmi yAvadbhR^isham |
tAvattvaM kShurikAsharAsanadharashchitte mamAvirbhavan
     svAmin deva kirAtarUpa shamaya pratyarthigarvaM kShaNAt || 4||
hartuM vittamadharmato mama ratAshchorAshcha ye durjanAH
     teShAM marmasu tADayAshu vishikhaistvatkArmukAnniHsR^itaiH |
shAstAraM dviShatAM kirAtavapuShaM sarvArthadaM tvAmR^ite
     pashyAmyatra purAriputra sharaNaM nAnyaM prapanno.asmyaham || 5||
yakShapretapishAchabhUtanivahA duHkhapradA bhIShaNAH
     bAdhante narashoNitotsukadhiyo ye mAM ripupreritAH |
chApa\-jyA\-ninadaistvamIsha sakalAn saMhR^itya duShTagrahAn
     gaurIshAtmaja daivateshvara kirAtAkAra saMrakSha mAm || 6||
drogdhuM ye niratAH tvamadya padapadmaikAntabhaktAya me
     mAyAChannakaLebarAshruviShadAnAdyaiH sadA karmabhiH |
vashyastambhanamAraNAdikushalaprArambhadakShAnarIn
     duShTAn saMhara devadeva shabarAkAra trilokeshvara || 7||
tanvA vA manasA girApi satataM doShaM chikIrShatyalaM
     tvatpAdapraNatasya niraparAdhasyApi ye mAnavAH |
sarvAn saMhara tAn girIshasuta me tApatrayaughAnapi
     tvAmekaM shabarAkR^ite bhayaharaM nAthaM prapanno.asmyaham || 8||
kliShTo rAjabhaTaistadApi paribhUto.ahaM khalairvyaribhiH
     chAnyairghoratarairvipajjalanidhau magno.asmi duHkhAturam |
hA hA ki~Nkaravai vibho shabaraveShaM tvAmabhIShTArthadaM
     vande.ahaM paradaivataM kuru kR^ipAnAthArtabandho mayi || 9||
stotraM yaH prajapet prashAntakaraNairnityaM kirAtAShTakaM
     sa kShipraM vashagAn karoti nR^ipatInAbaddhavairAnapi |
saMhR^ityAtmavirodhinaH khalajanAn duShTagrahAnapyasau
     yAtyante yamadUtabhItirahito divyAM gatiM shAshvatIm || 10||

iti kirAtAShTakaM sampUrNam ||
##
Encoded by Antaratma antaratma at Safe-mail.net
Proofread by Antaratma, PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}