% Text title            : Shri Mayeshvara Stotram
% File name             : mAyeshvarastotram.itx
% Category              : deities\_misc, shrIdharasvAmI, stotra
% Location              : doc\_deities\_misc
% Author                : Shridharasvami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mayeshvara Stotram ..}##
\itxtitle{.. shrImAyeshvarastotram ..}##\endtitles ##
           (shArdUlavikrIDitavR^ittam)
IshA vAsyamidaM jagadbhagavatA yeneti vakti shrutiH
      sarvaM dR^ishyamidaM cha tadvilasitaM tasyAMshamAtre sthitam |
shakyaM svAMshavibhAvanaM niravadhau dR^ishyaM tathA nirguNe
      mAyAjAlamidaM cha tannirasane mAyeshvaraH prArthyate || 1||
nitye satyaghane samAtraparame jAyeta dR^ishyaM kathaM
      j~nAnenaiva vibhAti satyamiti chetsAj~nAnamAtre katham |
Anande vitate kathaM jagadidaM duHkhAspadaM sambhavet
      mAyAyA ghaTanaM cha tannirasane mAyeshvaraH prArthyate || 2||
sarvaprANiguhAsvahaM sphurati ya.nj~nAtvA svamAtraM paraM
      tasmin sarvavibhAsake.advayashive bAhulyamitthaM katham |
kleshAH pa~ncha cha bandhamokSha iti vA tiShThetkathaM svaprabhe
      mAyAyAshcha viDambanaM nirasane mAyeshvaraH prArthyate || 3||
dR^iShTA dR^ishyamidaM cha tatsphuTamapi spardheta muhyetkathaM
      dR^ishyaM draShTari naiva chetkathamidaM tadbAdhakaM manyate |
Adyante vitate svamAtraparame madhye svabhinnaM kathaM
      mAyAyAshcha vimohanaM nirasane mAyeshvaraH prArthyate || 4||
no mAyA na cha mAyikaM yadi kuto jIveshavishvabhramo
      brahmaivAsti sadaikameva na bhidA brUte shrutirnityashaH |
no bhAvo.apyasataH sato.api cha yadA.abhAvo na vA vidyate
      mAyAyAH kR^itakaM cha tannirasane mAyeshvaraH prArthyate || 5||
aprANo hyamanAshcha yastu manasaH shrutyA manaH kathyate
      tatsR^iShTirmanasashcha tannirasanAdviShNoH padaM manyate |
bhUmyasmin sakalaM manaH kR^itamaho jAtaM kathaM kutra vA
      mAyAyAH pravilobhanaM nirasane mAyeshvaraH prArthyate || 6||
bhIrno brahmaNi taddvitIyamiti vA shrutyA cha nirdishyate
      tasmin bhinnamaho bhayaM kathamidaM prAptaM sthitaM vA bhavet |
aj~nAnaM kathamadvaye sukhaghane j~nAnAtmake sambhavet
      mAyAyA bhramaNaM cha tannirasane mAyeshvaraH prArthyate || 7||
shrutyA yadgaditaM cha neti khalu tallupyetkathaM mAyayA
      jAtaM yanna tathA vikAra iti vA yasminna ki~nchit kvachit |
tasminnadvayarUpake kathamayaM jIvashcha sa~NgIbhavet
      mAyAyAH kapaTaM cha tannirasane mAyeshvaraH prArthyate || 8||
jAnansarvamidaM balAtkathamahaM mugdhaH samAveShTitaH
      nityAtmasthitimadvayAmiha vidi syAdvighnakR^itkiM mayi |
sachchitsaukhyamidaM svarUpamamalaM matvaiva cheddoShabhAk
      mAyauddhatyamaho.atra tannirasane mAyeshvaraH prArthyate || 9||
brahmaivAhamidaM cha sarvamapi yadbrahmaiva vakti shrutiH
      na strI naiva pumAnna tiryagathavA devo na vA dAnavaH |
nAnA neha tathApi yatkhalu vR^ithA mithyendrajAlAdivat
      mAyAyA naTanaM cha tannirasane mAyeshvaraH prArthyate || 10||
yashchaikaH shrutibhirmuhurmuhuraho saMstUyamAno mahAn
      mAyA yasya duratyayA janamano vyAmohakartrI bhavet |
mAmeveha yadA prapanna iti chenmAyAM taredyo.avadat
      taM mAyAvinivartakaM sukhaghanaM natvAtha samprArthaye || 11||
yashchAtmA gururIshvaraH sukhaghano vibhrAjate.aharnishaM
      netuM bhImabhavArNavAnnijapadaM yo vai kR^ipAlurmahAn |
jIvAnAM bhavanAshanAtparataraM syAtkarma no yasya vA
      sarvaj~no.atra cha sarvashaktirapi yaH sosmAnbhavAttArayet || 12||

iti shrImat paramahaMsaparivrAjakAchArya sadguru bhagavAn
shrIdharasvAmImahArAjavirachitaM shrImAyeshvarastotraM sampUrNam |

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}