% Text title            : Nakshatramalika Stotram
% File name             : nakShatramAlikAstotram.itx
% Category              : dattatreya, deities\_misc, vAsudevAnanda-sarasvatI
% Location              : doc\_deities\_misc
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nakshatramalika Stotram ..}##
\itxtitle{.. nakShatramAlikAstotram ..}##\endtitles ##
%113
godAvaryA mahAnadyA uttare siMhaparvate |
supuNye mAhurapure sarvatIrthasamanvite || 1||
jaj~ne.atreranasUyAyAM pradoShe budhavAsare |
mArgashIShryAM mahAyogI dattAtreyo digambaraH || 2||
mAlAM kuNDIM cha DamaruM shUlaM sha~NkhaM sudarshanam |
dadhAnaH ShaDbhujaistryAtmA yogamArgapravartakaH || 3||
bhasmoddhUlitasarvA~Ngo jaTAjUTavirAjitaH |
rudrAkShabhUShitatanuH shAmbhavImudrayA yutaH || 4||
bhaktAnugrahakR^innityaM pApatApArtibha~njanaH |
bAlonmattapishAchAbhaH smartR^igAmI dayAnidhiH || 5||
yasyAsti mAhure nidrA nivAsaH siMhaparvate |
prAtaHsnAnaM cha ga~NgAyAM dhyAnaM gandharvapattane || 6||
kurukShetre chAchamanaM dhUtapApeshvare tathA |
vibhUtidhAraNaM prAtaHsandhyA cha karahATake || 7||
kolApure.asya bhikShA cha pA~nchAle.api cha bhojanam |
tilako viThThalapure tu~NgApAnaM dine dine || 8||
purANashravaNaM yasya naranArAyaNAshrame |
vishrAmo raivate sAyaMsandhyA pashchimasAgare || 9||
kArtavIryArjunAyAdAdyogardhimubhayIM prabhuH |
svAtmatattvaM cha yadave bahugurvAptamuttamam || 10||
AnvIkShikImalarkAya prahlAdAya cha dhImate |
AyUrAjAya cha varAnsAdhyebhyo mokShasAdhanam || 11||
mantrAMshcha viShNudattAya somakAntAya karma cha |
sa evAvirabhUdbhUyaH pUrvArNavasamIpataH || 12||
bhAdre mAsi site pakShe chaturthyAM rAjaviprataH |
sumatyAM prAksindhutIre ramye pIThApure vare || 13||
ya AchAravyavahR^itiprAyashchittopadeshakR^it |
nijAgrajAvandhapa~NgU vilokya pravrajansudhIH || 14||
mAtApitrormude dR^iShTi gatiM tAbhyAmupAnayat |
mahIM pradakShiNIkR^itya gokarNe tryabdamAvasat || 15||
tataH kR^iShNAtaTaM prApya martukAmAM saputrakAm |
nivatrya brAhmaNIM mandapradoShavratamAdishat || 16||
tatputraM vibudhaM kR^itvA tasyA janmAntare prabhuH |
putro.abhUdyo naraharinAmako desha uttare || 17||
kara~njanagare.apyambAmAdhavadvijato vibhuH |
mAsi pauShe site pakShe dvitIyAyAM shanerdine || 18||
jAtamAtro.api chau~NkAraM prapAThAyApi mUkavat |
saptAbdAnlIlayA sthitvA nAnAkautukakR^itprabhuH || 19||
upanIto.apaThadvedAnsaptame vatsare svayam |
AshvAsya jananIM putradvayadAnena bodhadaH || 20||
kAshIM gatvAShTA~NgayogAbhyAsI kR^iShNasarasvatIm |
vR^itvA guruM yatirbhUtvA vedArthAnsamprakAshya cha || 21||
luptasannyAsidharmaM cha tene turyAshramoktakR^it |
meruM pradakShiNIkR^itya shiShyAnkR^itvApi bhUrishaH || 22||
pitR^ibhyAM darshanaM datvA dvijaM shUlarujArditam |
kR^itvAnAmayamAshvAsya sAyandevaM mahAmatim || 23||
abdaM sthitvA vaidyanAthakShetre kR^iShNAtaTe tataH |
bhillavATyAM chaturmAsAnvibhurgatvA tato.agrataH || 24||
nR^isiMhavATikAkShetre dvAdashAbdAnvasansudhIH |
tatra sthitvApi gandharvapurametyAvasanmaThe || 25||
jIvayitvA mR^itAndugdhvA vandhyAM cha mahiShIM hariH |
vishvarUpaM darshayitvA yataye vishvanATakaH || 26||
bahvIramAnuShIlIlAH kR^itvA gupto.api tatra cha |
ya Aste bhagavAndattaH so.asmAnrakShatu sarvadA || 27||
yA saptaviMshatishlokaiH kR^itA nakShatramAlikA |
tadbhaktebhyo.arpitA bhaktAbhinnashrIdattatuShTaye || 28||
dvAdashyAmAshvine kR^iShNe shrIpAdasyotsavo mahAn |
mAghe kR^iShNe pratipadi narasiMhaprabhostathA || 29||

iti shrIvAsudevAnandasarasvatIvirachitA nakShatramAlikA sampUrNA |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}