% Text title            : Narakottarana Stotram
% File name             : narakottAraNastotram.itx
% Category              : deities\_misc
% Location              : doc\_deities\_misc
% Proofread by          : Aruna Narayanan narayanan.aruna at gmail.com
% Latest update         : September 29, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narakottarana Stotram ..}##
\itxtitle{.. narakottAraNastotram ..}##\endtitles ## 
OM nArAyaNaM namaskR^itya naraM chaiva narottamam |
devIM sarasvatIM vyAsaM tato jayamudIrayet || 1||
nArAyaNaM jagadbIjaM purANaM puruShottamam |
paripR^ichChati dharmAtmA pANDuputro yudhiShThiraH || 2||
shrIyudhiShThira uvAcha \-
kiM japanpuruSho muchyedyamalokaikashAsanAt |
tanme kathaya tattvena bhaktasya tava keshava || 3||
shrIbhagavAnuvAcha \-
shR^iNu rAjanmahAbAho dharmAtmanpANDunandana |
ahaM te kathayiShyAmi narakottAraNaM mahat || 4||
o~NkArAtmannamaste.astu R^igyajuHsAmarUpiNe |
yaj~nAtmane namaste.astu sarvashAstrAtmane namaH || 5||
bhUtabhavyajagannAtha sarvabhUta jagatpate |
namaste sarvalokesha mahApuruSha pUrvaja || 6||
namomatsyAya kUrmAya mUlaprakR^itaye namaH |
namo yaj~navarAhAya narasiMhAya vai namaH || 7||
trivikramAya rAmAya vaikuNThAya narAya cha |
namaste.ashvamukhAyApi kUTasthAyAkSharAya cha || 8||
anantAyAchyutAyApi jAmadagnyAya vai namaH |
madhukaiTabhanAshAya sha~NkarAya namonamaH || 9||
rAmAya vishvarUpAya vAsudevAya vai namaH |
pItAmbarAya devAya yugavarNAya vai namaH || 10||
sthityutpattivinAshAnAM heturUpAya vai namaH |
brahmaNe vAyurUpAya rudrarUpAya vai namaH || 11||
dhanadeshasvarUpAya mokSharUpAya vai namaH |
somAya sUryarUpAya havirgandhAya vai namaH || 12||
parameshvararUpAya namaH shrIvatsadhAriNe |
bibhratsarasvatIM vakre sarvaj~no.asi namo.astu te || 13||
lakShmIpriyAya devAya hyatasIshyAmarUpiNe |
prasIda mama dInasya bhaktiyuktasya mAdhava || 14||
rauravAnnarakAdghorAtpAhi mAM garuDadhvaja |
asipatravanAtpAhisha~NkhachakragadAdhara || 15||
kumbhIpAkAnmahAdeva pAhi mAM sharaNAgatam |
avIcheH kAlasUtrAchcha pAhi mAM duHkhanAshana || 16||
sUchyAgArAdambarIShAtpAhi mAM madhusUdana |
asR^ikkeshAsthivAhinyA vaitaraNyAshchaturbhuja || 17||
pAhi mAM karmasAkShI tvaM sharaNAgatavatsala |
ikShupIDanakairyantraiH pIDyante yatra mAnavAH || 18||
deshAttasmAjjagannAtha pAhi mAM bhaktavatsala |
taptavAlukadeshashcha shalmalyAyAmavallitaH || 19||
taddeshAtpuNDarIkAkSha pAhi mAM karuNAnidhe |
krakachairyatra pATyante mAnuShA devadAruvat || 20||
tebhyo.api rakSha mAM haMsa sharaNAgatavatsala |
sArameyaishcha khAdyante yAme vartmani mAnavAH || 21||
mahAbhayAtprabho tasmAtkeshava kleshanAshana |
anye cha narakA ghorA yamaloke pratiShThitAH || 22||
tebhyo.api rakSha mAM haMsa namaste.astu sahasrashaH |
tiryagyonigatasyApi bhaktirme tava keshava || 23||
achalA syAdyathA kR^iShNa tathA kuru varaprada |
bahubAhUrupAdastvaM bahukarNAkShishIrShavAn || 24||
sarvato rakSha mAM haMsa sarvAtman sarvatomukha |
namaste devadevesha yathA pAsya.akhilaM jagat || 25||
sthitau tathA samastebhyo doShebhyo mAM samuddhara |
kR^iShNAchyuta hR^iShIkesha sarvabhUtesha keshava || 26||
mahAtman pAhi mAM bhaktaM vAsudeva namo.astu te |
 iti stavannaro rAjansadA nArAyaNaM prabhum || 27||
yamalokaM na pashyechcha narakaM cha kutaH punaH |
smarannapi sadA martyaH shR^iNvannapi yudhiShThira || 28||
mahApAtakajairghaurairmuchyate sarvakilbiShaiH |
AyurArogyamaishvaryaM shriyaM medhAM tathA balam || 29||
prApnoti cha paThennityaM tadviShNoH paramaM padam |
bhayakAntAradurgeShu tathA saMsArasAgarAt || 30||
satyaM santarate martyaH stavasyApyanukIrtanAt |
ante sAyujyamApnoti tadviShNoH paramaM padam || 31||

iti shrInarakottAraNastotraM sampUrNam |

##
Proofread by Aruna Narayanan narayanan.aruna at  gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}