% Text title            : natopadeshastotram
% File name             : natopadeshastotram.itx
% Category              : deities\_misc
% Location              : doc\_deities\_misc
% Transliterated by     : PSA Easwaran
% Proofread by          : PSA Easwaran
% Description-comments  : Devi book stall, Kodumgallur, Kerala
% Source                : Sthothra Rathnaakaram, edited by N. Bappuravu, 2010
% Latest update         : August 6, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. natopadeshastotram ..}##
\itxtitle{.. natopadeshastotram ..}##\endtitles ##

manaH samAdhau paramArthara~NgaM vidhAya niShpandamanuttara~Ngam |
budhA vidhAtuM bhavabhItibha~NgaM vibhuM bhajadhvaM girijAbhuja~Ngam || 1||

pAshyAvasheneva mahAviha~NgaM valgAbaleneva mahAtura~Ngam |
nirudhya yogena manaHplava~NgaM vibhuM bhajadhvaM girijAbhuja~Ngam || 2||

mantrauShadhAdikriyayA bhuja~NgaM yathA tathA vAgurayA kura~Ngam |
manastadAyamya dhiyAstasa~NgaM vibhuM bhajadhvaM girijAbhuja~Ngam || 3||

bhitvAlikaM subhrukuTIvibha~NgaM yasyAgnirudyadrabhasAdana~Ngam |
dadAha taM mohatamaHpata~NgaM vibhuM bhajadhvaM girijAbhuja~Ngam || 4||

vahantamuddAmabhuja~Ngama~NgaM jaTAbharaM nirbharanAkaga~Ngam |
vilochanaM chAgnishikhAviSha~NgaM vibhuM bhajadhvaM girijAbhuja~Ngam || 5||

bhavabandhabaddhavidhuroddharaNaM phaNimaNDalajvaladala~NkaraNam |
vrajata kShmAdharadarIsharaNaM sharaNaM tuShArakiraNAbharaNam || 6||

kR^itAghasmaranirAkaraNaM kaTukAlakUTakabalIkaraNam |
bhajata prapannajanatAsharaNaM sharaNaM tuShArakiraNAbharaNam || 7||

marumedinIrachitasa~ncharaNaM tridashendrashekharanatacharaNam |
vrajata triduHkhaharasmaraNaM sharaNaM tuShArakiraNAbharaNam || 8||

praNatajanajitajarAmaraNaM rachayantamAptabhavanissaraNam |
vrajatAhitatripurasaMharaNaM sharaNaM tuShArakiraNAbharaNam || 9||

avadhUtamohatimirAvaraNaM karikR^ittakalpitaparAvaraNam |
vrajata prakalpitapuresharaNaM sharaNaM tuShArakiraNAbharaNam || 10||

taruNatamAlamalImasatAlaM jvalanashikhApaTalojjvalabhAlam |
 shirasi lasatparameShThikapAlaM shrayata vibhuM hatakalmaShajAlam || 11||

naramukhakalpitashekharamAlaM natajanajR^imbhitamohatamAlam |
nayanashikhAshatashAtitakAlaM shrayata vibhuM hatakalmaShajAlam || 12||

viShamaviShAgnishikhAvikarAlaM phaNipatihAramatIva vishAlam |
galabhuvibibhradgaralakarAlaM shrayata vibhuM hatakalmaShajAlam || 13||

vidalayituM yamR^ite bhavanAlaM tribhuvanasImani kashchana nAlam |
tamamalamAnasavAsamarAlaM shrayata vibhuM hatakalmaShajAlam || 14||

kamalaparAgapisha~NgajaTAlaM jaladhisamarpaNatarpitabAlam |
bhavabhaTabha~NgamahAkaravAlaM shrayata vibhuM hatakalmaShajAlam || 15||

adhikasmarabhasmarajodhavalaM natalokasamarpitabodhabalam |
dhvajadhAmavirAjimahAdhavalaM bhajata prabhumadrisutAdhavalam || 16||

prabhayA paribhUtadaladdhavalaM galama~NgadaratnashikhAshabalam |
dadhataM viShaklR^iptamahAkabalaM  bhajata prabhumadrisutAdhavalam || 17||

shikharaM dyunadIlaharItaralaM galamUlamupoDhamahAgaralam |
dadhataM hR^idayaM cha sudhAsaralaM bhajata prabhumadrisutAdhavalam || 18||

apanItakukarmakala~NkamalaM natalokavitIrNamahAghamalam |
dadataM shubhasiddhivipAkamalaM bhajata prabhumadrisutAdhavalam || 19||

dadhataM vachanaM ghanahAsakalaM namatAM dalayantamaghaM sakalam |
bhajatAM cha dishantamabhIShTaphalaM bhajata prabhumadrisutAdhavalam || 20||

iti natopadeshastotraM samAptam ||

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}