% Text title            : Nimbarka Kavacham
% File name             : nimbArkakavacham.itx
% Category              : deities\_misc, gurudev, nimbArkAchArya, kavacha
% Location              : doc\_deities\_misc
% Author                : gauramkhAchArya
% Proofread by          : Chandrasekhar Karumuri
% Acknowledge-Permission: Jagadguru Nimbarkacharyapitham, Shrinimbarkatirtha, Kishangadh, Ajmer, Rajasthan
% Latest update         : January 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Nimbarka Kavacham ..}##
\itxtitle{.. shrInimbArkakavacham ..}##\endtitles ##
nimbArka\-kavachaM vakShye maharShigaNamadhyataH |
havirddhAnaM namaskR^itya gauramukha uvAcha ha || 1||
nimbArka\-kavachaM vakShye sampadyete yashojayau |
saMkaTe durgame prApte prANarakShAkaraM nR^iNAm || 2||
nimbArka kavachasyAsya sarvAchAryAdvayasya cha |
R^iShigauramukhashch Chando.anuShTup nimbArka eva tu || 3||
devaH sudarshano bIjaM shaktiH purANameva cha |
vitataM kIlakaM chaiva pavitraM kavachaM tathA || 4||
chakra mastraM manustvevaM ShaDakShara udAhR^itaH |
dvayanantaranarAkAramiti dhyAnaM prakIrtitam || 5||
nimbArka prItyarthe jape viniyogaH samIritaH |
iti sa~Nkalpya charShyAdyAn shIrShAdiShu kramAnnyaset || 6||
shIrShamAsyaM cha hR^id guhyaM pAdau sarvA~Nga\-dikShu cha |
hArdde bAhyAbhyantarayoshchaturthyA cha namo.antakAH || 7||
\ldq{}namo nimbArkAya\rdq{} iti mantraM ShaDakSharaM viduH |
a~NgulI\-tala\-pR^iShTheShu ~Ne\-dvivacha\-namo.antiShu || 8||
kramAnnyasedekaikasho dvitIyAntAn ShaDakSharAn |
nama AdyanteShvaMgeShu dvitIyAntAn ShaDakSharAn || 9||
hR^idaye shirasi shikhA\-\-kavache.akShitraye.astrataH |
namaH svAhA vaShaT huM vauShaT phaDetAn padAnnyaset || 10||
viniyogaH\-
OM asya shrInimbArka sarvAchAryakavachasya
shrIgauramukha R^iShiH, anuShTup ChandaH, shrI nimbArko devatA,
sudarshano bIjam, purANaM shaktiH, vitataM kIlakam, pavitraM kavacham,
chakramastram, ShaDakSharaH paramo mantraH, dvyanantara narAkAramiti dhyAnam,
sarvAchAryaprItyarthe jape viniyogaH |
R^iShyAdi nyAsAH\-
shrI gauramukhAya R^iShaye namaH shirasiH |
anuShTup Chandase namo mukhe |
shrInimbArkAya devAya namo hR^idi |
sudarshanAya bIjAya namo guhye |
purANashaktaye namaH pAdayoH |
vitatAya kIlakAya namaH sarvA~Nge |
pavitrAya kavachAya namaH sandhiShu |
chakrAya astrAya namo dikShu |
ShaDakSharAya paramAya mantrAya namo hR^idi |
dvyanantaranarAya dhyAnAya namo bAhyAbhyantarayoH |
shrInimbArkasarvAchAryaprItyarthe jape viniyogAya namaH karA~njalau |
karanyAsAH\-
naM a~NguShThAbhyAM namaH |
moM tarjanIbhyAM namaH |
niM madhyamAbhyAM namaH |
bAM anAmikAbhyAM namaH |
rkAM kaniShThikAbhyAM namaH |
yaM karatalakarapR^iShThAbhyAM namaH |
hR^idayAdi nyAsAH\-
naM hR^idayAya namaH |
moM shirase svAhA |
niM shikhAyai vaShaT |
bAM kavachAya hum |
rkAM netratrayAya vauShaT |
yaM astrAya phaT |
('namo nimbArkAya' iti ShaDakShara mantraH )
dhyAnam\-
dhyAtvA kAlA~Nga\-sampannaM dvAdashArashiro.anvitam |
chAturmAsya\-valayaM tu ShaTkoNa\-shobhitaM tathA || 11||
ayanadvaya\-nirmANa dvayamanyannarAkR^itim |
svastikAsanamadhyasthamaruNAbhaM sitAMshukam || 12||
savyahastatale jAnuM tattvamudropashobhitaM
AyatAkShaM mahAbhAlamUrdhvapuNDrasurochiSham || 13||
tulasImAlayAyuktamAchArya mukhyamIshvaram |
keshavallIsamAviShTaM samyakchUDitamUrdhajam || 14||
japennityaM bhayAsanne deshe kAle rugAgame |
nimbArkanAmanirmANamidaM varmA.a.ashu siddhidam || 15||
kavacham\-\-
sudarshanastamodhvaMsI vAtapatraM shiroddhatam |
susthiraM dhyAyate shambhuH bhruvau me kAlavigrahaH || 16||
nimbAdityo.avatAnnetre rAdhAkR^iShNa urojasam |
rAdhA\-kR^iShNa\-rasAbhAsI kapolau me kavIshvaraH || 17||
dantAn chakrAkR^itiH pAtu havirddhAnashcha jihvikAm |
oShThaM pAtu nimAnandashchibukaM chakramadhyagaH || 18||
mukhaM nimbaraviH pAtu naktanyAsanabhojakaH |
kaNThe vaikuNThahastashcha pAtu duShTavikhaNDanaH || 19||
vakShasthalaM sadA pAtu nimbo me bhaktavatsalaH |
nimbAnando bhujau pAtu taradadrisvarUpadhR^ik || 20||
karAvarI sadA pAtu chA~NgulIrdvAdashArakaH |
tejomayaH sadA pAtu daraM me durjaraughapAk || 21||
dvayanAntarnarAkAro nAbhiM mama sadA.avatu |
satparIkSha eva vartiM yaShTiM me.a~NgaM sadA.avatu || 22||
Ashuvego bhramannemiH pAtu me kaTimaNDale |
nemi\-nijo jaghanaM me pAtu R^iShi\-munIshvaraH || 23||
jAnunI viShNudUto me ja~Nghe vishvasvarUpadhR^ik |
charaNau pAtu chakraM me vrajamaNDala\-bhArabhR^it || 24||
gulphau me niyamAnandaH pArShNiM chaiva shvalApayet | (shvalApayet shvala Ashugamane |)
AchArya prapade pAtu vitataM pAtu bhUtale || 25||
pUrvasya dishi mAM rakShet priyA shrIlalitAsakhI |
pashuhiMsAnivR^ittirmAmAgneyyAM dishi rakShatu || 26||
dakShiNe champakalatA chitrA nairR^ityake.avatu |
tApasaMskAranirNetA vAruNyAM dishi rakShatu || 27||
pAdAgrasaridoghastu vAyavyAM dishi rakShatu |
gauramukhamukhAvartirmA muda~Nga dishi rakShatu || 28||
brahmaputrajanoddharttA aishAnyAM dishi rakShatu |
ravIndushatrusaMvAsI hyUrdhvAyAM dishi pAtu mAm || 29||
adhastAd dishi mAM pAtu sheShaparyantarandhrajit |
kAlAtmako divA pAtu naktaM sUryasvarUpadhR^ik || 30||
prabhAte tvaruNaH pAtu madhyAhne pAtu chAruNiH |
sandhyAyAmAruNiH pAtu nishIthe svaprakAshavAn || 31||
bhaktido hR^idayaM pAtu chatuShkaM chaturakriyaH |
buddhiM brahmArthitaH pAtu chittaM viShNu\-prayojitaH || 32||
aniruddhAnuvartI me pAtu svastyayakaM manaH |
moha\-grAha\-kriyaH pAtu sarvachittendriyANi me || 33||
durbuddherme sadA pAtu durjana\-damano dhruvaH |
tApAtmakaH sadA pAtu mahApAtakasaMchayAt || 34||
kAmadeva\-mahAvegAnnaiShThiko brahmacharyavAn |
pAtu mAM sarvadA dhIraH sadAchAra\-parAyaNaH || 35||
sahiShNurmAM sadA pAtu dR^iDhAt krodhaugharaMhasaH |
puruShArthado mAM pAtu mahAlobhaugharaMhasaH || 36||
vij~nAnAsAravarShI mAM mahAmohaughavegataH |
rakShatu mAM bhayAn nityaM nirbhayashchakrabAladhR^ik || 37||
pAShaNDa\-ShaNDa\-dahanaH pAtu pAShaNDakarmaNaH |
charaNaM me sthale pAtu kR^iShNacharaNa\-sa.nj~nakaH || 38||
salile mAM sadA pAtu majjajjanaika\-pAradaH |
agnestejastena pAtu vAyau khecharapAlakaH || 39||
AkAshe vegavAn pAtu grahebhyaH kAlavigrahaH |
araNye mAM sadA pAtu vR^indAraNya\-nivAsakR^it || 40||
parvate mAM sadA pAtu govarddhanataTe sthitaH |
durgame saMkaTe pAtu durga\-saMkaTa\-bhedakaH || 41||
sAbhilAShaH sadA pAtu sharvarIshvarashItalaH | (sAma shishAmayurjitaH |)
jayantInandanaH shrImAn viprAshA\-paripUrakaH || 42||
prasahye mAM sadA pAtu prapanna bhayabha~njanaH |
kR^iShNatantracharaH shashvat mAM sadA pAtu sarvataH || 43||
nijanAmAstrakaH pAtu sarvatra mAM hi sarvagaH |
rAdhAkR^iShNa\-priyA pAtu ra~NgadevI sakhIshvarI || 44||
rAdhAkR^iShNapada\-prAptau vighnAnmAM vighnanAshinI |
nimbAditya ! mahAbAho ! sarvapAla ! sudarshana ! || 45||
AdyAchArya ra~NgadevI tvameva sharaNaM mama |
premadaM bhaktidaM ramyaM bhukti\-mukti\-pradaM sadA || 46||
mAlAmantramidaM proktaM nimbAdityasya vedhasaH |
OM nimbArka ~NentamuchchArya vidmahe padamAcharet || 47||
AdyAchArya turIyAntaM dhImahItipadaM tataH |
tannashchakra miti kR^itvA brUyAtprachodayAditi || 48||
shrInimbArkaM gAyatrI\-\-
OM nimbArkAya vidmahe AdyAchAryAya dhImahi tannashchakraM prachodayAt |
phalastutiH\-
idaM chakrAhvasampannaM nimbArka kavachaM shubham |
premabhaktikaraM ramyaM yugmamantraughavigraham ||49||
sarva\-vighna\-haraM shuddhaM bodhadaM buddhirakShakam|
bhukti\-muktikaraM divyaM dhana\-dhanya\-pradaM param ||50||
j~nAnadaM mAnadaM shreShThaM mahAsUtra\-yashaskaram |
tuShTidaM puShTidaM ramyaM duShTasya nAshanaM dhruvam || 51||
abhilAShabharaM tIvra\-krodha\-moha\-smarApaham |
durgame saMkaTe ghore rAjasthAne bhayAvahe || 52||
saMgrAme.astrasamUhAgre siMha\-vyAghrabhaye tathA |
shmashAne cha bhayesthAne parvate.agnau jale sthale || 53||
chaura\-sarpa\-bhaye.atyugre bhUta\-preta\-pishAchage |
brahmarAkShasa\-vetAla\-kUShmANDe bhairave grahe || 54||
Asanne saMpaThennityaM muchyate sarvato bhayAt |
nimbArka\-kavachaM padmaM vikaTe shatru\-saMkaTe || 55||
gurumabhyarchya manasA vidhivadvarma saMpaThet |
shrInimbAdityabhaktAya svaitihya\-tatparAya cha || 56||
gurubhakti\-prasiddhayarthaM shrIyugmopAsakAya cha |
pa~nchasaMskAra\-yuktAya vinItAya yashasvine || 57||
idaM ramyaM mahAshuddhaM dAtavyaM kavachaM budhaiH |
durvinItAyA.abhaktAya guruvimukha\-mArgiNe || 58||
sampradAya\-vihInAya dattvA mR^ityumavApnuyAt |
mantraughA naiva siddhayanti nimbArka\-kavachaM binA || 59||
idaM satyamidaM satyaM satyaM satyaM vadAmyaham |
nimbArka\-kavachaM pAThyaM sarvamantrArtha\-siddhaye || 60||
sarvasiddhimavApnoti shrInimbArka prasAdataH |
jIvanmukto bhavet so.api viShNureva na saMshayaH || 61||

iti shrIgauramukhAchAryavinirmitaM siddhidaM shrInimbArkakavachaM sampUrNam |
##
Proofread by  Chandrasekhar Karumuri

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}