% Text title            : Palashamahima Stotram
% File name             : palAshamahimAstotram.itx
% Category              : deities\_misc, skandapurANa, stotra
% Location              : doc\_deities\_misc
% Proofread by          : PSA Easwaran
% Description/comments  : skandapurANa | nAgarakhaNDa | adhyAya 248/1-15||
% Latest update         : August 24, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Palashamahima Stotram ..}##
\itxtitle{.. palAshamahimAstotram ..}##\endtitles ##
vANyuvAcha |
palAsho harirUpeNa sevyate hi purAvidaiH |
bahubhirhyupachAraistu brahmavR^ikShasya sevanam || 1||
sarvakAmapradaM proktaM mahApAtakanAshanam |
trINi patrANi pAlAshe madhyamaM viShNushApitam || 2||
vAme brahmA dakShiNe cha hara ekaH prakIrtitaH |
palAshapAtre yo bhu~Nkte nityameva narottamaH || 3||
ashvamedhasahasrasya phalaM prApnotyasaMshayam |
chAturmAsye visheSheNa bhokturmokShapradaM bhavet || 4||
payasA vAtha dugdhena ravivAre.anishaM yadi |
chAturmAsye.archito yaistu te yAnti paramaM padam || 5||
dR^ishyate yadi pAlAshaH prAtarutthAya mAnavaiH |
narakAnAshu nirdhUya gamyate paramaM padam || 6||
pAlAshaH sarvadevAnAmAdhAro dharmasAdhanam |
yatra lobhastu tasya syAttatra pUjyo mahAtaruH || 7||
yathA sarveShu varNeShu vipro mukhyatamo bhavet |
madhye sarvatarUNAM cha brahmavR^ikSho mahottamaH || 8||
yasya mUle haro nityaM skandhe shUladharaHsvayam |
shAkhAsu bhagavAn rudraH puShpeShu tripurAntakaH || 9||
shivaH patreShu vasati phale gaNapatistathA |
ga~NgApatistvachAyAM tu majjAyAM bhagavAnbhavaH || 10||
Ishvarastu prashAkhAsu sarvo.ayaM haravallabhaH |
haraH karpUradhavalo yathAvadvarNitaH sadA || 11||
tathA hyayaM brahmarUpaH sitavarNo mahAbhagaH |
chintito ripunAshAya pApasaMshoShaNAya cha || 12||
manorathapradAnAya jAyate nAtra saMshayaH |
guruvAre samAyAte chAturmAsye tathaiva cha || 13||
pUjitashcha stuto dhyAtaH sarvaduHkhavinAshakaH || 14||
devastutyo devabIjaM paraM yanmUrtaM brahma brahmavR^ikShatvamAptam |
nityaM sevyaH shraddhayA sthANurUpashchAturmAsye sevitaH pApahA syAt || 15||

iti shrIskandapurANe nAgarakhaNDe aShTachatvAriMshAdhikadvishatatamAdhyAyAntargataM
         palAshamahimAstotraM samAptam |

skandapurANa | nAgarakhaNDa | adhyAya 248/1\-15||
##
skandapurANa . nAgarakhaNDa . adhyAya 248/1-15..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}