% Text title            : Panchatattvarchananirupanam
% File name             : panchatattvArchananirUpaNam.itx
% Category              : deities\_misc, garuDapurANa
% Location              : doc\_deities\_misc
% Proofread by          : PSA Easwaran
% Description/comments  : garuDapurANa | pUrvakhaNDa |adhyAya 32/29-37||
% Latest update         : October 3, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panchatattvarchananirupanam ..}##
\itxtitle{.. pa~nchatattvArchananirUpaNam ..}##\endtitles ##
maheshvara uvAcha |
pa~nchatattvArchanaM brUhi sha~NkhachakragadAdhara ! |
yena vij~nAnamAtreNa naro yAti paraM padam || 1||
hariruvAcha |
pa~nchatattvArchanaM vakShye tava sha~Nkara suvrata |
ma~NgalyaM ma~NgalaM divyaM rahasyaM kAmadaM param || 2||
tachChR^iNuShva mahAdeva pavitraM kalinAshanam |
eka evAvyayaH shAntaH paramAtmA sanAtanaH || 3||
vAsudevo dhruvaH shuddhaH sarvavyApI nira~njanaH |
sa eva mAyayA deva pa~nchadhA saMsthito hariH || 4||
lokAnugrahakR^idviShNuH sarvaduShTavinAshanaH |
vAsudevasvarUpeNa tathA sa~NkarShaNena cha || 5||
tathA pradyumnarUpeNAniruddhAkhyena cha sthitaH |
nArAyaNasvarUpeNa pa~nchadhA hyadvayaH sthitaH || 6||
eteShAM vAchakAnmantrAnetA~nChR^iNu vR^iShadhvaja ! |
OM aM vAsudevAya namaH |
OM AM sa~NkarShaNAya namaH |
OM aM pradyumnAya namaH |
OM aniruddhAya namaH |
OM OM nArAyaNAya namaH || 7||
pa~ncha mantrAH samAkhyAtA devAnAM vAchakAstava |
sarvapApaharAH puNyAH sarvarogavinAshanAH || 8||
adhunA sampravakShyAmi pa~nchatattvArchanaM shubham |
vidhinA yena karttavyaM yairvA mantraishcha sha~Nkara ! || 9||
Adau snAnaM prakurvIta snAtvA sandhyAM samAcharet |
archanAgAramAsAdya prakShAlyA~NghryAdikaM tathA || 10||
AchamyopavishetprAj~no baddhAsanamabhIpsitam |
shoShaNAdi tataH kuryAt aM kShauM ramiti mantrakaiH || 11||
sAmAnyaM kaThinIkR^itya chANDamutpAdayettataH |
vibhidyANDaM tato hyaNDe bhAvayetparameshvaram || 12||
vAsudevaM jagannAthaM pItakausheyavAsasam |
sahasrAdityasa~NkAshaM sphuranmakarakuNDalam || 13||
Atmano hR^idi padme tu dhyAyettu parameshvaram |
tataH sa~NkarShaNaM devamAtmAnaM chintayetprabhum || 14||
pradyumnamaniruddhaM cha shrImannArAyaNaM tataH |
indrAdIMshcha surAMstasmAddevadevAtsamutthitAn || 15||
chintayechcha tato nyAsaM kuryAdvai karayordvayoH |
vyApakaM mUlamantreNa chA~NganyAsaM tataH param || 16||
a~NgamantrairmahAdeva ! tAnmantrAn shR^iNu suvrata ! |
OM AM hR^idayAya namaH |
OM IM shirase namaH |
OM UM shikhAyai namaH |
OM aiM kavachAya namaH |
OM auM netratrayAya namaH |
OM aH astrAya phaT | 17||
OM samastaparivArAyAchyutAya namaH |
OM dhAtre namaH |
OM vidhAtre namaH |
OM AdhArashaktyai namaH |
OM kUrmAya namaH |
OM anantAya namaH |
OM pR^ithivyainamaH |
OM dharmAya namaH |
OM dharmAya namaH |
OM j~nAnAya namaH |
OM vairAgyAya namaH |
OM aishvaryAya namaH |
OM aj~nAnAya namaH |
OM anaishvaryAya namaH |
OM aM arkamaNDalAya namaH |
OM soM somamaNDalAya namaH |
OM vaM vahnimaNDalAya namaH |
OM vaM vAsudevAya parabrahmaNe shivAya tejorUpAya
vyApine sarvadevAdhidevAya namaH |
OM pA~nchajanyAya namaH |
OM sudarshanAya namaH |
OM gadAyai namaH |
OM padmAya namaH |
OM shriyai namaH |
OM hriyai namaH |
OM puShTyai namaH |
OM gItyai namaH |
OM shaktyai namaH |
OM prItyai namaH |
OM indrAya namaH |
OM agnaye namaH |
OM yamAya namaH |
OM nirR^itaye namaH |
OM varuNAya namaH |
OM vAyave namaH |
OM somAya namaH |
OM IshAnAya namaH |
OM anantAya namaH |
OM brahmaNe namaH |
OM viShvaksenAya namaH || 18||
ete mantrAH samAkhyAtAstava rudra samAsataH |
pUjA chaiva prakarttavyA maNDale svastikAdike || 19||
OM padmAya namaH |
a~NganyAsaM cha kR^itvA tu mudrAH sarvAH pradarshayet |
AtmAnaM vAsudevaM cha dhyAtvA chaiva pareshvaram || 20||
AsanaM pUjayetpashchAdAvAhya vidhivannaraH |
dvAre dhAturvidhAtushcha pUjA kAryA vR^iShadhvaja || 21||
garuDaM pUjayedagre vAsudevasya sha~Nkara |
sha~NkhAdipadmaparntaM madhyadeshe prapUjayet || 22||
dharmaM j~nAnaM cha vairAgyamaishvaryaM pUrvadeshataH |
AgneyAdiShvarchayedvai adharmAdichatuShTayam || 23||
maNDalatrayamadhye tu kIrttitA hyAsanasthitiH |
pUrvAdipadmapatreShu pUjyAH sa~NkarShaNAdayaH || 24||
karNikAyAM vAsudevaM pUjayetparameshvaram |
pA~nchajanyAdayaH pUjyAH aishAnyAdiShu saMsthitAH || 25||
shaktayashchaiva pUrvAdau devadevasya sha~Nkara |
indrAdayo lokapAlAH pUjyAH pUrvAdiShu sthitAH || 26||
adho nAgaM tadUrddhvantu brahmANaM pUjayetsudhIH |
iti sthAnakramo j~neyo maNDale sha~Nkara tvayA || 27||
AvAhya maNDale devaM kR^itvA nyAsaM tu tasya cha |
mudrAM pradarshya pAdyAdIndadyAnmUlena sha~Nkara || 28||
snAnaM vastraM tathAchAmaM gandhaM puShpaM cha dhUpakam |
dIpaM naivedyamAchAmaM namaskAraM pradakShiNam |
kuryAchCha~Nkara mUlena japaM chApi samarpayet || 29||
idaM stotraM japetpashchAdvAsudevamanusmaran |
OM namo vAsudevAya namaH sakarShaNAya cha || 30||
pradyumnAyAdidevAyAniruddhAya namo namaH |
namo nArAyaNAyaiva narANAM pataye namaH || 31||
narapUjyAya kIrtyAya stutyAya varadAya cha |
anAdinidhanAyaiva purANAya namo namaH || 32||
sR^iShTisaMhArakartre cha brahmaNaH pataye namaH |
mano vai vedavedyAya sha~NkhachakradharAya cha || 33||
kalikalmaShahartre cha sureshAya namo namaH |
saMsAravR^ikShachChetre cha mAyAbhetre namo namaH || 34||
bahurUpAya tIrthAya triguNAyAguNAya cha |
brahmaviShNvIsharUpaya mokShadAya namo namaH || 35||
mokShadvArAya dharmAya nirmANAya namo namaH |
sarvakAmapradAyaiva parabrahmasvarUpiNe || 36||
saMsArasAgare ghore nimagnaM mAM samuddhara |
tvadanyo nAsti devesha nAsti trAtA jagatprabho || 37||
tvAmeva sarvagaM viShNuM gato.ahaM sharaNaM gataH |
j~nAnadIpapradAnena tamomuktaM prakAshaya || 38||
evaM stuvIta deveshaM sarvakleshavinAshanam |
anyaishcha vaidikeH stotraiH stutvA vai nIlalohita || 39||
pa~nchatattvasamAyuktaM dhyAyodviShNuM naro hR^idi |
visarjayettato devamiti pUjA prakIrtitA || 40||
sarvakAmapradA shreShThA vAsudevasya sha~Nkara |
etatpUjanamAtreNa kR^itakR^ityo bhavennaraH || 41||
idaM cha yaH paThedrudra pa~nchatattvArchanaM naraH |
shR^iNuyAchChravAyedvApi viShNulokaM sa gachChati || 42||

iti shrIgAruDe mahApurANe pUrvakhaNDe prathamAMshAkhye |
AchArakANDe pa~nchatattvA(vaiShNavA)rchanavidhirnAma dvAtriMsho.adhyAyaH || 32||

garuDapurANa | pUrvakhaNDa | adhyAya 32/29\-37||
##
garuDapurANa . pUrvakhaNDa . adhyAya 32/29-37..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}