% Text title : Parabrahma Kavacham 3 % File name : parabrahmakavacham3.itx % Category : deities\_misc, kavacha, brahma % Location : doc\_deities\_misc % Transliterated by : Rukmini Goswami % Proofread by : Rukmini Goswami % Description/comments : Kunjika Damaratantra % Latest update : July 29, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Parabrahma Kavacham ..}## \itxtitle{.. shrIparabrahmakavacham ..}##\endtitles ## nArada uvAcha | bhagavannakhilAdhAra paramArthaikavigraha | achintyaM kavachaM brUhi parabrahmaNa eva me || 1|| yadgopyaM yogibhirnityaM maunamudrAvishAradaiH | yaddhR^itvA nirbhayo bhUtvA vicharedakhileShvapi || 2|| nArAyaNa uvAcha | shR^iNu nArada vakShyAmi rahasyaM paramAdbhutam | na prakAshyaM kadAchit tadayogyAya karhichit || 3|| nira~njanabrahmaR^iShiH prokto.anuShTupChanda udAhR^itaH | devatA chitshaktirUpaM parabrahma parAtmanaH || 4|| brahma bIjaM parA mAyA shaktirityabhidhIyate | bhagavatyeva kIlaM syAt sarvaguhyaprabodhinI || 5|| etadantaHsamAlabhya mantramaunaparAyaNaH | japet smaredvA dhyAyedvA kavachaM siddhidaM param || 6|| prakShAlya pANipAdau cha prashamyendriyapaddhatim | nirvikalpadhiyA dhImAn samAsIto jitendriyaH || 7|| karanyAsaM tataH kuryAnmaunabaddhendriyakramaH | a~NganyAsaM tataH pashchAchchidvahniM hR^idi bhAvayet || 8|| hR^idi brahma shirasyAdyaM shikhAyAM paramaM nyaset | kavache chitparAM shaktiM netrayorbhagavatIM nyaset || 9|| astratvena mahAshAntiM sarvadikShu visarjayet | mudrayA brahmamudrAkhyAM baddhvA dehaM samAcharet || 10|| dhyAyedavyaktamatyantaM nirvarNaM vishvatomukham | anirdeshyaM nirAbhAsaM chidghanaM paramaM mahaH || 11|| tataH kavachamArabhya rakShArthaM viniyojayet | yathoktakramayogena nAnyathA siddhidaM bhavet || 12|| OM parabrahma shiraH pAtu paraM dhAma nira~njanam | nirlepaM niShkalaM nityaM nirbhedaM brahma kevalam || 13|| lalATe lokasAkShitvaM lasadavyaktavaibhavam | aprameyaprakAshAkhyaM parabrahmAvatAd mama || 14|| bhruvormadhye paraM jyotiranirvAchyaM sanAtanam | niHspandAmR^itanirjharaM me pAtu paramaM padam || 15|| netre nirvyUhamavyagraM vishvachakShuH sanirmalam | svayaMsiddhaM paraM brahma sarvadarshI sadAvatu || 16|| karNau shrutishiroguhyapraNavottaraniHsvanam | anAhatAntarAlasthaM parabrahmAvatAd mama || 17|| nAsikAM nityanirmuktasarvagandhaikakAraNam | sUkShmAtisUkShmamavyaktaM parabrahmAvatAd vibhuH || 18|| mukhaM me maunanirdeshaM vA~NmUlaprabhavAlayam | yadvAcho.api nivartante tatparaM mAmavatvajam || 19|| jihvAM chinmayavAggarbhaM nigamAgamagocharam | svayamudbhAsitaM dhAma parabrahmAvatAd dhruvam || 20|| dantAn kAlakShayachChedi nirbhinnagranthibandhanam | anAdinidhanaM shAntaM parabrahmAvatAd mama || 21|| chibukaM chidgabhIrArthagUDhamaunaikamandiram | akhaNDaikamahAsAraM parabrahmAvatAd vibhuH || 22|| kaNThaM kAlAntarachChettR^i shabdabIjavivarjitam | mahAgambhIraniHshvAsaM parabrahmAvatAd mama || 23|| aMsau me vishvavishrAntinirdhUtabhuvanadvayau | sarvAdhAramachintyaM tatparabrahmAvatAd dR^iDham || 24|| bhujau me bhUribhAvaughabha~njanau bhavyavikramau | nirvairaM nirvikalpaM tatparabrahmAvatAd vibhuH || 25|| karau karmakShayadvAravimalaj~nAnadIpakau | asa~NgasparsharahitaM parabrahmAvatAd mama || 26|| a~NgulIrnigamAmbhodhilaharIsUkShmavR^ittayaH | achintyaspandarahitaM parabrahmAvatAd vibhuH || 27|| hR^idaye shrImatI lalitAdevI paramakAruNyavigrahA | chidAnandaikanilayA sarvama~NgaladAyinI || 28|| nAbhiM me nityamavyaktanAbhinAbhipravartinIm | parabrahma paraM dhAma pAtu vishvaikakAraNam || 29|| kaTiM kAlakShayAtItaM kalpakalpAntarAshrayam | nirmaryAdaM nirAbhAsaM parabrahmAvatAd mama || 30|| pR^iShThaM me pR^iShThataH pAtu sarvabhAravivarjitam | anantadhAma nirvyUhaM parabrahma sanAtanam || 31|| pArshvayoH paramaM tattvaM parachChedavivarjitam | nirupAdhikamadvaitaM parabrahmAvatAd vibhuH || 32|| guhyaM guhyatamaM pAtu guhyAguhyaprakAshakam | nigUDhagUDhanirlInaM parabrahma parAtparam || 33|| UrU me UrjitAnantavishvasaMstambhakAriNau | svayaMsiddhaM mahAshAntaM parabrahmAvatAd dhruvam || 34|| jAnunI janmanirmuktaM ja~Nghe jADyavidAraNam | niHsheShasaMshayachChettR^i parabrahmAvatAd mama || 35|| gulphau gUDhagatiM pAtu gahanAgamagocharam | adR^ishyagamanaM divyaM parabrahma sanAtanam || 36|| pAdau me paramavyomaparyantapadavistR^itau | sarvatIrthamayaM shAntaM parabrahmAvatAd vibhuH || 37|| pAdA~NgulIH padAtItapadaprAptipradIpikAH | nirAlambapadaM divyaM parabrahmAvatAd mama || 38|| romANi me rahasyaugharashmijAlaprakAshakaH | anirvachanIyasaundaryaM parabrahmAvatAd vibhuH || 39|| tvachaM me tattvasaMvItAM chinmarIchimayIM sadA | asaMspR^iShTamalachChAyaM parabrahmAvatAd dhruvam || 40|| raktaM majjAsthimAMsAdIn dhAtUn dhAmaikajIvitAn | antarbahiravichChinnaM parabrahmAvatAd mama || 41|| prANAnapAnasamAnodAnavyAnavAyavaH | svasaMvidvegasaMyuktAH pAntu brahma parAtparam || 42|| mano buddhiraha~NkArashchittaM chidghanasaMshrayam | svaprabhAsAramavyagraM parabrahmAvatAd vibhuH || 43|| j~nAnendriyANi sarvANi karmendriyagaNaM tathA | svabhAvashuddhisampUrNaM parabrahmAvatAd mama || 44|| sUkShmaM kAraNamavyaktaM mahadapyakhilaM vapuH | yadasti yanna vA ki~nchit tatsarvaM pAtu me param || 45|| sarvAsvavasthAsu sadA sarvakAlapravartiShu | parabrahma paraM dhAma mAmavyAdavyayAtmakam || 46|| prAchIM mAM pAtu sarvaj~naM pratyachIM parameshvaram | udIchIM chinmayaM dhAma pratIchIM brahma kevalam || 47|| aishAnyAM nirvikalpaM mAM AgneyyAM j~nAnavigraham | nairR^ityAM nirbhayaM brahma vAyavyAM vyomanirmalam || 48|| Urdhve vyomAtigaM pAtvadhastAdadharottaram | madhye mAmavyayaM brahma sarvato.avyAhataM vibhum || 49|| jAgrati svapnasaMsAre suShuptau turIyake | turIyAtItanirlInaM parabrahmAvatAnmama || 50|| gachChato me sthitasyApi dhAvataH shayanasya cha | bhu~njAnasya japasyApi parabrahmAvatAd vibhuH || 51|| raNe rAjagR^ihe ghore giridurgamahAvane | sindhumadhye mahAvarte parabrahmAvatAnmama || 52|| dAvAgnau jalamadhye cha ghoravAtaprapIDite | durbhikShe vyAdhisa~NghAte parabrahmAvatAd vibhuH || 53|| bhUtapretapishAchaughairyakSharakShogaNairapi | adR^iShTadurgrahebhyashcha parabrahmAvatAnmama || 54|| mohajAlamahAghore saMshayAvartasa~NkaTe | avidyAtIvratimire parabrahmAvatAd vibhuH || 55|| kAmakrodhabhayadveShalobhamAtsaryasa~Nkule | madamAnamahAraudre parabrahmAvatAnmama || 56|| vidyAvAdavivAdeShu maunagarbheShu chintiShu | shrutismR^itipurANArthe parabrahmAvatAd vibhuH || 57|| yogadhyAnasamAdhInAM sUkShmamArgapravartiShu | nAdabindulayAtIte parabrahmAvatAnmama || 58|| kalpakShaye mahAghore sargArambhe punaH punaH | avikAraM sadAnityaM parabrahmAvatAd vibhuH || 59|| idaM kavachamatyugraM rahasyaM rahasAmapi | dhArayedyo hR^idi prAj~naH sa brahmamayatAM vrajet || 60|| ya idaM shraddhayA nityaM shuchirbhUtvA samAhitaH | japeddhArayate vApi sa mukto nAtra saMshayaH || 61|| na tasya vighnasa~NghAtA na grahA na cha dAruNAH | na daivaM na kR^itaM karma bAdhituM prabhavanti hi || 62|| na taM mR^ityurbhayaM ghoraM na kAlasya vikampanam | na duShTadR^iShTirna shApaughaH spraShTumarhati karhichit || 63|| yatrAyaM likhito divyaH sthApyate bhaktibhAvataH | taddeshaH sarvatIrthAnAM sArabhUta iva smR^itaH || 64|| yatrAyaM pUjyate nityaM shraddhAbhaktisamanvitaH | tatra devagaNAH sarve tiShThanti svayameva hi || 65|| paThanAtsmaraNAdasya dhAraNAdarchanAdapi | asheShapAtakadhvaMsaH kShaNAdeva prajAyate || 66|| agamyAgamanaM ghoramabhakShyasyApi bhakShaNam | mahApAtakasa~NghAto vilayaM yAtyasaMshayam || 67|| avidyAgahanachChedI vij~nAnAmR^itavarShakaH | hR^idambuje sphureddIptaH svayambodhadivAkaraH || 68|| yaM yaM chintayate kAmaM dharmayuktaM samAhitaH | taM taM prApnoti niHsheShaM prasAdAtparabrahmaNaH || 69|| aShTasiddhirnava nidhayaH siddhavidyAshcha koTishaH | anugachChanti taM nityaM dAsIbhUtA iva svayam || 70|| na tasya durlabhaM ki~nchinna triShu lokeShu vidyate | yasyedaM hR^idaye nityaM kavachaM brahmarakShitam || 71|| brahmA viShNurmaheshashcha lokapAlAshcha sarvashaH | taM dR^iShTvA pUjayantyeva brahmabhAvasamanvitam || 72|| shrutayaH smR^itayo vedA AgamAH sakalAstathA | svayameva prakAshante tasya buddhau nirantaram || 73|| na tasya punarAvR^ittirna janma na punarbhavaH | yAvaddehasthitistAvadjIvanmuktaH sa uchyate || 74|| dehAnte parame dhAmni na pravesho na nirgamaH | svarUpaikyaM paraM shAntaM prApnotyeva nirAmayam || 75|| ekalakShapurashcharyA vidhirasya smR^ito budhaiH | dashAMshahomasaMyuktastarpaNAbhiShekapUrvakaH || 76|| taddashAMshena viprebhyo bhojyaM dadyAtsamAhitaH | gurave dakShiNAM dadyAdbhaktyA bhAvasamanvitaH || 77|| siddhe.asmin kavache divye na mantrAntaramiShyate | na yantraM na cha homAdyaM svayaMsiddhipradaM hi tat || 78|| yasya prasAdamAtreNa mUkaH syAdvAgvishAradaH | jaDo bhavedbR^ihaspatisamo dhIraH prabuddhadhIH || 79|| dAridryadAvadagdhAnAM chintAshailanipIDitAm | amR^itAmbhodhivarSheNa shamayatyeSha nishchitam || 80|| antakAle.api yaH samyagekavAraM smaredidam | na tasya bhramaNaM ghoraM kintu brahmaNi lIyate || 81|| gopanIyaM prayatnena na deyaM yasya kasyachit | bhaktAya shAntachittAya gurubhaktiparAya cha || 82|| iti te kathitaM divyaM kavachaM brahmadurlabham | devairapi sadA gopyaM yogisiddhaniShevitam || 83|| iti shrIku~njikADAmaratantre bhagavAnnAradasaMvAde shrIparabrahmakavachaM sampUrNam || ## Encoded and proofread by Rukmini Goswami \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}