% Text title : Parabrahma Mahimna Stotram % File name : parabrahmamahimnastotram.itx % Category : deities\_misc, mahimna, stotra, brahma % Location : doc\_deities\_misc % Transliterated by : Rukmini Goswami % Proofread by : Rukmini Goswami % Description/comments : Paramayogeshvaratantre chatuHShaShTitame paTale yonikhaNDe % Latest update : July 29, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Parabrahma Mahimna Stotram ..}## \itxtitle{.. shrIparabrahmamahimnastotram ..}##\endtitles ## Ishvara uvAcha | kathaM nu vakShyAmi parasya tattvaM yadvA~NmanaHsImavila~NghitaM sat | yasminnidaM bhAti jagatsamagraM yasmAdidaM nAparamasti ki~nchit || 1|| na tasya sa~NkhyA na cha nAmarAshiH na rUparekhA na guNapravAhaH | svayamprakAshaM svayameva shAntaM svayambhuvaM svAtmamayaM paraM tat || 2|| yadekamevAdvitayaM purANaM yadekabIjaM bahudhA vibhAti | yadantarAle.api nirantaraM tat yadavyaye vyomni chidekadhAma || 3|| yatroditA vedagiro nivR^ittA yatrArthajAtaM svayameva maunam | yatrAshritAH siddhagaNA munIndrAH svAnandapUrNAH praNamanti nityam || 4|| tatsaviturmaNDalamadhyavartin nAtiprakAshaM na tamovisheSham | dIpasya dIpaM hR^idayAntarasthaM bodhaikasAraM paramaM rahasyam || 5|| kAlI cha yA tAriNi durgarUpA kShamA cha yA ShoDashikA prasiddhA | rAdheti yA premamayI vibhAti bhairavyapAraM parameva sA hi || 6|| nAnAbhidhAnairbahudhA gR^ihItA nAnAsamAchAravibhAgayuktA | eko rasaH sarvanadIpravAhe yathArNave tadvadiyaM pratiShThA || 7|| na shAktamArgo na cha vaiShNavAkhyaH naivAshritaH shaivapatho na sauraH | yatsarvamArgaprabhavaM sanityaM tattattvamekaM praNamAmi nityam || 8|| niShkampamantaHkaraNapradIpaM nirmuktasa~NkalpavikalpajAlam | nirvyUhamadvaitamahAmahimnaM nirmeghachandraprabhamaprameyam || 9|| yannirjharANAmapi nirjharatvaM yadagnitejo.api parityajatyeva | yadvAyuvego.api vilIyate.ante yadambudhArApi layaM prayAti || 10|| yatra kShaNo nAsti na kalparekhA yatraiva kAlaH svamapi tyajanti | yatra grahAstArakapu~njavargA dhUlIkaNAbhA iva dR^ishyarUpAH || 11|| tadeva nAdaH praNavasya garbhaH tadeva bindurna cha bindureva | tadeva shUnyaM na cha shUnyamAtraM tadeva pUrNaM paripUrNamekam || 12|| avAchyavAchyaM paramArthagamyaM dR^ishyAdidR^ishyaM paridR^ishyahInam | gamyaM na gantuM manasApi shakyaM j~neyaM na j~nAtuM nigamairapIha || 13|| yatra praviShTA bahavo mahAntaH na pratyavartanti katha~nchideva | svAnandasindhau parimagnabhAvAH svaya~njyotIMShi svayameva bhUtvA || 14|| yada~NghrireNorna patanti vedA yannetrapAte galitAH purANAH | yatsmerarekhAsu vilIyate.arthaH tanmaunamekaM sharaNaM mamAstu || 15|| kiM varNaye tadvibhavaM mahAtman yatrAkSharANAmapi janma nAsti | yatra svayaMsAkShiNi kevalatve stotraM mamaitadapi lajjate.adya || 16|| aho kiM brUmastadanupamamavyaktavibhavaM yato vAcho yAnti svayamapi vilajjanta iva | yato buddhirnityaM pratinivartate vismayavatI tadekaM vande.ahaM paramamamR^itaM nirvikR^itim || 17|| tvameva kAlI tAriNI sundarI durgA rAdhikA tathA | ChinnA vairochinI chaiva madhumatI bhairavI tathA || 18|| bagalAmbikA kamalayA sImantikA vedagarbhikA | tripadI cha parA shaktiH sarvanAmaikakAraNam || 19|| na te janmotpattirna cha nidhanarekhAparichayaH na cha tvaM saMsargo na cha vikR^itibhedaprasaraH | achintyasyApyantaH parishishiradIptiprakaraH svaya~njyotirdhAmnAM paramapadavIbhUtavibhavaH || 20|| yadIyaM sa~nchintya kShaNamapi mahAyoginivahAH svabhAvAdunmuktAH svayamiva bhavantyavyathahR^idaH | yadIyachChAyAyAM shrutishikharamaulInamitayA layaM yAntyarthaughAH svapadanihitAH svaprabhavataH || 21|| na vedo vedaste na cha nigamamUlaM tava padaM na tantraM tattvaM te na cha samayasa~NketaviShayaH | yadekasminneva pralayajaladhau bhAti vimalaM tadantaHsphUrtyaikaM paramahasi dhAmni prathitam || 22|| vilAso no lIlA na cha parimitiH kAchana tava prakAsho no.aprakAsha iti nipuNairapyagamitaH | yathAmbhodhergarbhe maNigaNa ivAnantaruchayaH tathaiva tvayyarthAH svayamuditanidrAH pralayinaH || 23|| kathaM sAkShAtkuryAM kathamapi na pashyAmi bhavatIM kathaM dhyAyeyaM tvAM kathamapi na chintAmi pR^ithak | aho vismero.ayaM paramahasi gUDhapraNayitaH svayaM draShTA dR^ishyaM svayamapi cha darshanakramaH || 24|| yatraikasminnarthe bahuvachanamapyekavachanaM yatraikasminnAdau pralaya iva sargaH prasarati | yatra kShobho.apyantaH paramashishirasparshalaharI tadetadbrahmaiva praNamata hR^idA maunanilayam || 25|| yadakSharaM nAkSharamityabhidhAtuM na hi kShamAH surendrA brahmAdyA munivaragaNAshchApi satatam | atastvAM vandAmo natashirasi niHshabdavapuShA yato maunaM stotraM bhavati paramaM bhAvanidhiShu || 26|| yadulla~Nghya svairaM pracharati mahAkAlalaharI yadudbhUtaH kAlo.api kShaNakaNa ivAvirbhavati | yadAdhAre dhatte dhruvamapi dhruvatvaM dhruvapadaM tadekaM nityaM te paramahasi dhAma praNamyate || 27|| na yatronmeSho.asti na cha nimiSharekhApi bhavati na sandhirno bhedo na cha pariNatiH kAchana punaH | svabhAvasyApyantaH svayamabhinavaH sphAramahimA vibhAtyeko bhAvaH paramaparipUrNaH prashamitaH || 28|| tvameva vyomAbhA tvamasi pavanaspandanamayI tvameva kShoNIbhR^it tvamamR^itarasaprodgamabhuvA | tvamevApo vahnistvamasi hR^idi chinmaNDalalatA tvamevaikaM tattvaM bahirapi cha nAnAtvamiva || 29|| tvameva kAlI tAriNI sundarI durgA rAdhikA tathA | ChinnA vairochinI chaiva madhumatI bhairavI tathA || 30|| bagalAmbikA kamalayA sImantikA vedagarbhikA | tripadI cha parA devi sarvarUpaikakAraNam || 31|| na te mAyA mAyA na cha khalu mahAmohanakarI na te shaktiH shaktirna cha pR^ithagupAdhiprasaraH | yadekasyochChvAse prakaTitamidaM vishvavalayaM nishAyAmutsuptaM punariva layaM saMshrayati tat || 32|| yadantaH saumyatvaM dahati shatakoTyarkakiraNaiH yadugratvaM snigdhaM shishiramiva sAndraM prasR^imaram | virodho.apyatraikaH samarasatayA vartata iti mahadbhirnirNeyaM na khalu matibhirlaukikajanaiH || 33|| na sAkShI no dR^ishyaM na cha khalu dR^ishormadhyagatitA na dhAtA no dheyaH na cha karaNavargaprasaraH | akhaNDaikasvAntaprathitaparipUrNaprabhR^itayaH svaya~njAtAH santaH svayamiha layaM yAnti bhavati || 34|| yadIyasyaikasmin smitalavavilAsaprasarataH sahasrANyaNDAnAM prakaTitamaho vismayapadam | punastasminneva kShaNalavavinidrAprashamane na ki~nchiddR^ishyaM syAt paramamiva kevalyamakhilam || 35|| anantAnAmantaH parimitirapIhAparichitA parichChedachChedaprashamitapadaprauDhiramalA | nirAlambAlambaprathitaparamArthaprakaTanaM tavaitadvaibhavyaM kathamiva girA varNayatu kaH || 36|| ato niHsheShArthapravilayavinirmuktahR^idayAH mahAyogIndrAste natashirasa eva sthitimitAH | na bhAShante ki~nchit smitamadhuramaunaikasarasAH svayaM bhUtvA tasmin svayamiva pare nirvR^itimayAH || 37|| yato vedAnAM sragapi nikhilA niHsR^itirabhUt yato vedA~NgAnAM vinihitapadaM bhAvanidhayaH | yato.apyupavedAH pravitatavichitrArthanichayAH svayambhAsA bhAnti prakaTitamahArthaprakarAH || 38|| R^igvedo yajurvedaH sAmavedo.atharvaNastathA | tvadIyapreraNAdeva svasvamArgapravartakAH || 39|| shikShA kalpo vyAkaraNaM niruktaM Chanda eva cha | jyotiShaM cha tvadIyasya niHshvAsa iva nirmalam || 40|| AyurdhanurgAndharvashcha sthApatyaM chopavedakam | tvadIyabodharekhAyAM kaNikA iva saMsthitam || 41|| aShTAdashapurANAni tathopapurANasa~nchayAH | itihAsadvayaM divyaM tvadbhAvaikaprakAshakam || 42|| vaiShNavAgamashAstrANi shaivAgamasamudgamAH | shAktatantraprabandhAshcha gaNapatyAdidarshanam || 43|| sauramArgaH kaumArashcha pA~ncharAtraprakIrtitaH | sarve tvadIyasa~NketachChAyAmAtraprakAshakAH || 44|| na mantro na yaj~no na tapasi na yogakriyApathaH pR^ithaktvena tvatto yadi parigaNetkashchidabudhaH | yathaikasminnarke prabhavati sahasrAMshunikaraH tathaikasmiMstvayyeva pravilasati sarvapraNayitA || 45|| tvaM shrIkulasundarI dhUmAvatI parA | kR^iShNo rAmachandrashcha sakalA yashodA yashumatI || 46|| IshaputraH parAbhaktiryoniryonimaNDalam | yoginI yogijanaproktA devadevI maheshvaraH || 47|| tvameva shrutisImA tvamasi hR^idayasyopari dhruvA tvamevAntaHsUkShmA tvamasi bahirapyapratihatA | tvamevArthAnarthau tvamasi parihAsaH prashamitA tvamevaikaM guhyaM svayamabhinavaM chinmayapadam || 48|| na kenApyAkhyeyaM na cha kathanayogyaM tava padaM na choddeshyaM lakShyaM na cha layavikalpaH kvachana te | aho ye sandadhyuH svahR^idi nikhilaM maunasarasi te dhanyAH santo hi svayamamR^itadhArAmadhishayAH || 49|| yadIyachChAyAyAM prasarati mahadbhUtanivaho yadIyasparshena prakR^itirapi nR^ityatyanupadam | yadIyapratyagrasphuraNalavaleshapraNayinI svayaM siddhirbhAti svayamapi cha nirvANasaritA || 50|| na te desho desho na cha samayarekhA tava vibho na madhyaM no.anto na cha parita evAsti bhavataH | anantasyApyantaH svayamapi nirantaHprathitatA mahAshAnterdhAmnaH kimiva nu nidarshyaM kavibhiH || 51|| yadIyaikasminbinduni nihitamasheShaM bhuvanajaM yadIyaikasminnuchChvasiti sakalaM jIvitamidam | yadIyaikasminnistimitalaharau lIyata idaM jagajjAlaM sarvaM svapita iva nirvyAjamahasi || 52|| tvamevAkSharANAmagamaparamaM maunapadavIM tvamevArthAnAmantaritarasagUDhaprabhavitA | tvamevoddeshyAnAmapi nikhilasImAntaragatA svayaM lakShyAlakShyaprashamitamahAchitrarachanA || 53|| na te siddhiH sAdhyA na cha karaNamArgaH parigaNaH na yogo no bhogo na cha viratirapyasti pR^ithak | yadekasminneva prasarati samagraH parinayaH svayaMsiddhaM tattvaM svayamamR^itamevAdya satatam || 54|| prabuddhAnAM bodhaH praNatahR^idayAnAM parigatiH viraktAnAM shAntiH karuNarasikAnAM pararuchiH | mahAmaunavyAptaprasaravimalAnandarachanaM tvadIyaM vaibhavyaM na khalu parimAtuM prabhavati || 55|| yatraikaH shvAso.api shrutishatasamutpattijanakaH yatraikaH sa~NkalpaH praNavashatakoTIprasarakR^it | yatraikaH sandarshaH sakalamatabhedakShayakaraH tadeva brahmAkhyaM paramamamalaM kevalapadam || 56|| nirAlambAlambaprakaTanapaTIyAnapi giraH svayaM tatra stabdhAH patita iva niHshabdasarasi | vichitrairvyAkalpairupachitakavInAmapi matiH tavaikasmindhAmni prasarati vilIyeta sahasA || 57|| ataH sarve bhAvAH svapadamiva samprApya sahasA viniHsheShaM tyaktvA svakR^itimabhimAnaM cha sakalam | bhavantyekasvAntaprasaraparipUrNAmR^itamayAH praNamya tvAM nityaM paramaparipAkaM gatadhiyaH || 58|| ya etatpuNyaM paramamahimnaH stavamamalaM samAdhau vA shAnte hR^idi vinihitaikAgramatinA | sakR^idvApi shraddhApraNatimadhureNochcharati yaH sa jIvanmuktaH syAdapi na kathitairlakShaNagaNaiH || 59|| na tasya praj~nAyA gaNanamupayAti tridashatiH na siddhInAM sa~NkhyA na cha tapasi sImA prathitA | svayaMsaMvitsindhoH salilakaNikAmAtramapi yaH pibedasya stotrAdbhavati paripUrNAmR^itamayaH || 60|| na tasya vyAdhirvA na cha bhavabhayachChAyanivahaH na janmapradhvaMsaprabhavaparikhedaprasaraNam | yadIyapratyagraprasararasapAthonidhilavAt svayaM saMsAro.ayaM smitamiva vilIno bhavati hi || 61|| yamuddishyaikAgro nayanajalamekaM patati chet tadashrauto binduH shatashatayugArAdhanaphalam | yadekaH shvAso.asya stavanapaThanAveshavashagaH sa kalpAnAM koTipraNatiphalamekatra labhate || 62|| ayaM na stotrArthaH phalamiti na vAchyaM kavibhirapi phalaM yatraivAsti svayamiha tadeva stutiriyam | phalaM nApekShante paramahR^idayAviShTamanasaH svayampUrNAnandA bhavati hi parA bhaktirachalam || 63|| na lakShmIrnaishvaryaM na cha surapadaM nApi cha shivaH na brahmatvaM viShNoH padamapi na kAmyaM budhajanaiH | yadekasminnantaH paramamR^itanistandramahasi svayaMsiddhaM tattvaM tadiha labhate stotrarasikaH || 64|| sa vedAnAM vedaH sa nigamahR^idAM hR^idyamamR^itaM sa tantrANAM guhyaM sa khalu samayAnAmapi paraH | sa sarveShAM bhAvaprabhavavilayAnAmadhipatiH svayaM bhUtvA tiShThet svayamakhilamekaM parapadam || 65|| ato nityaM bhaktyA praNatimadhurairmAnasapadaiH paThedetadguhyaM yadi manasi shuddhiH prasR^imatA | na tasyApekShAsti kvachidapi punarjanmaviShaye paraM brahmaivAhaM iti sahasA sphUrtirudiyAt || 66|| iti shrIparamayogeshvaratantre umAmAheshvarasaMvAde chatuHShaShTitame paTale yonikhaNDe parabrahmamahimnastotraM sampUrNam || ## Encoded and proofread by Rukmini Goswami \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}