% Text title : Parivradmananam % File name : parivrADmananam.itx % Category : deities\_misc, gurudev, shrIdharasvAmI % Location : doc\_deities\_misc % Author : Shridharasvami % Proofread by : Paresh Panditrao % Description/comments : shrIdharasvAmI stotrANi. shrIdharasandeshaH % Latest update : January 14, 2023 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Parivradmananam ..}## \itxtitle{.. parivrADmananam ..}##\endtitles ## || shrIrAma samartha || \section{prathamaprakaraNam} mayyanantasukhAmbhodhau bahudhA vishvavIchayaH | utpadyante vilIyante tena me na pR^ithak sthitiH || 1|| kShIre kShIraM yathA kShiptamamR^ite hyamR^ita~ncha vA | saMyuktamekatAM yAti yathA.ahaM mayyanantatAm || 2|| brahmAviShNumaheshAdyAH devA vANyAdidevatAH | madrUpeNaiva chidvyomni rAjante bhedavarjitAH || 3|| mAyAkL^iptau bandhamokShau na staH svAtmani vastutaH | yathA rajjau niShkriyAyAM sarpAbhAsavinirgamau || 4|| yatraiSha sakalo bhAso darpaNAntaH puraM yathA | tachchinmAtro.ahamatyachChaHnirvikArasvabhAvavAn || 5|| yathA pipIlakAshvAsaiH merushchalati no kvachit | mAyAkAryaistathA nAhaM ki~nchitkvachidapi chyutaH || 6|| api shItashugarko.api apyatyuShNashcha chandramAH | apyadhaH prasaredagniH nAhaM syAM vikR^itaH kvachit || 7|| yathaiva vyomni nIlatvaM yathA nIraM marusthale | puruShatvaM yathA sthANau shuktau vA rajatasthitiH || 8|| mayi bhUmni parAnande nirvikAre.advaye tathA | mAyayAropitashchApi vikAro me na sajjate || 9|| mAyA tatsarvakArya~ncha tamaH shadvena chochyate | jyotiShAM jyotirevAhaM tamaHpAre.asya susthitaH || 10|| bhogyahIno.ahamAnandaH chaityanirmuktachidghanaH | sve mahimni svasattAkaH sanmAtro.ahaM svabhAvataH || 11|| matta airAvato baddhaH sarShapIkoNakoTare | mashakena kR^itaM yuddhaM siMhoghai reNukoTare || 12|| padmAkShe sthApito meruH nigIrNo bhR^i~NgasUnunA | vandhyAputreNa pashchAtsa shashashR^i~NgeNa vai hataH || 13|| mR^igAmbhottu~NgakallolaiH balAdAkR^iShTavannabhaH | tasminnimajya susnAtAnprANAMstyaktvA divaM gatam || 14|| yathaittattAvadevaM syAt arthashUnyavikalpanam | mAyAtatkAryarUpasya mayyanantachidarNave || 15|| nodeti nAstamAyAti mayi ki~nchinna ki~nchana | sadghanashchidghano vA.ahamAnandaghana eva vA || 16|| eko.ahamadvayo.ahaM vA svabhAvapariniShThitaH | na jAtaM jAyate ki~nchit janiShyati na vA mayi || 17|| chidrUpatvAnna me jADyaM satyatvAnnAnR^itaM mama | AnandatvAnna me duHkhameko.ahaM nityanirmalaH || 18|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane prathamaprakaraNaM sampUrNam || \section{dvitIyaprakaraNam} sarvabhAvAntarasthAya chaityamuktachidAtmane | pratyakchaitanyarUpAya mahyameva namo namaH || 1|| shAstrAbhyAsairbuddhisaukShmyaM sUkShmatattvAvagAhane | dR^ishyate tvagrayA bud.hdhyA sUkShmayA sUkShmadarshibhiH || 2|| karmANi chittashud.hdhyartha aihikArthasukhAptaye | aupAsanena aikAgryaM chittasya cha vidhIyate || 3|| shAstramabhyasya medhAvI j~nAnavij~nAnatatparaH | palAlamiva dhAnyArthI tyajed granthamasheShataH || 4|| ulkAhasto yathA loke dravyamAlokya tAM tyajet | j~nAnena j~neyamAlokya pashchAttatparivarjayet || 5|| AtmAnamAtmanaH sAkShAt brahmabud.hdhyA sunishchalam | dehajAtyAdisambandhAn varNAshramavyavasthitAn || 6|| vedashAstrapurANAni padapAMsumiva tyajet | nAnudhyAd bahUnshabdAn vAchoviglApanaM hi tat || 7|| vij~neyo.akSharatanmAtraM jIvitaM chApi cha~nchalam | vihAya shAstrajAlAni yatsatyaM tadupAsyatAm || 8|| na karmaNA na prajayA dhanenApyavadatshrutiH | amR^itatvaM cha tyAgena mumukShUNAM vimuktaye || 9|| yontaHshItalayA bud.hdhyA rAgadveShavimuktayA | sAkShivatpashyatIdaM hi jIvitaM tasya shobhate || 10|| parAtmani cha yo raktaH virakto.aparamAtmani | sarvaiShaNAvinirmuktaH sa bhaikShaM bhoktumarhati || 11|| ahamevAkSharaM brahma vAsudevAkhyamadvayam | iti bhAvo dhruvo yasya tadA bhavati bhaikShabhuk || 12|| sashikhaM vapanaM kR^itvA bahiHsUtraM tyajed budhaH | yadakSharaM paraM brahma tatsUtramiti dhArayet || 13|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane dvitIyaprakaraNaM sampUrNam | \section{tR^itIyaprakaraNam} adhruvaiHsAdhanairna syAt dhruvaprAptiHsvatobhavA | brahmaivAhaM shuddhabuddho hyaja AtmA mahAn dhR^ivaH || 1|| akR^itena kR^itenApi prAptiH syAnna kadAchana | akhaNDaikaraso hyAtmA brahmaivAhaM sanAtanaH || 2|| sUkShmabud.hdhyA cha kiM j~neyaM mama nityopalabdhitaH hR^idyantarjyotirevAhaM svaya~njyotiH svabhAvataH || 3|| vedashAstrapurANAni bhUtAni sakalAnyapi | yenArthavanti taM kiM mAM vij~nAtAraM prakAshayet || 4|| svayaM prakAsharUpaM tatkiM shAstreNa prakAshyate | nityaprApte hi madrUpaM niHshabdaM brahma nirguNam || 5|| shravaNaM tu guroH pUrvaM mananaM tadanantaram | nididhyAsanamityetatpUrNabodhasya kAraNam || 6|| shR^iNvantvaj~nAtatattvAste jAnan kasmAtshR^iNomyaham | mantantAM saMshayApannAH na manye.ahamasaMshayaH || 7|| viparyasto nididhyAsetkiM dhyAnamaviparyaye | dehAtmatvaviparmAsaM na kadAchid bhajAmyaham || 8|| na karmaNA no prajayA vittenApi bhavetsukham | sukhaM bhUmAhamevAhaM sarvopAsyo.advayaH shivaH || 9|| na me chittaM na tachChuddhi mayA ki~nchidapekShyate | aprANo hyamanAH shuddhaH ityAdishrutishAsanAt || 10|| aihikAmuShmikArthe vA siddhaye muktaye.api vA | na me.asti ki~nchitkartavyaM sukharUpo.ahamAtataH || 11|| duHkhino.aj~nAH saMsantukAmaM putrAdyapekShayA | paramAnandapUrNo.ahaM saMsarAmi kimichChayA || 12|| anutiShThantu karmANi paralokadhiyAsavaH | sarvalokAtmakaH kasmAt anutiShThAmi kiM katham || 13|| kiM karomi kva gachChAmi kiM gR^ihNAmi tyajAmi kim | yanmayA pUritaM sarvaM mahAkalpAmbunA yathA || 14|| brahmAdikITaparyantAH prANino mayi kalpitAH | budbudAdivikArAntAH tara~NgAH sAgare yathA || 15|| tara~NgasthaM dravaM sindhuH na vA~nChati yathA tathA | viShayAnandavA~nChA me mA bhUdAnandarUpataH || 16|| dAridryAshA yathA nAsti sampannasya tathA mama | brahmAnande nimagnasya viShayAshA na tadbhavet || 17|| svAnmanyAropitAsheShabhAsavastu nirasya cha | ahameva paraM brahma pUrNamadvayamakriyam || 18|| na devAsuragandharvAH na tallIkAH pumAMshcha strI | na bhogya\-bhoktR^i bhogAshcha mayyakhaNDe chidAtmani || 19|| na nirodho na chotpatti na baddho na cha sAdhakAH | na mumukShurna vai muktAH svaprakAshe.advaye mayi || 20|| sarvadraShTA vibhinno.ahaM dR^ishyAchchinmAtra vigrahaH | jIveshajagadAbhAsAH chinmaye vilayaM gatAH || 21|| chidakhaNDarase ko vA pumAnstrI cha jagachcha kim | jIvashau kau tayorj~nAnaM mayi ki~nchinna vaidmyaham || 22|| brahmANDapiNDau jIveshau jAgratsvapnasuShuptayA | nopAdhishcha na tatkarma chinmAtre shiShyate kvachit || 23|| atirikte cha sarvasvAtsarvarUpe.athavA tate | mayyadvaya sukhe sphAre bhinnatA vilayaM gatA || 24|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane tR^itIyaprakaraNaM sampUrNam | \section{chaturthaprakaraNam} adhyAropApavAdAbhyAM niShprapa~nchaM prapa~nchate | nityasya niShprapa~nchasya prapa~ncho.ayaM na me kadA || 1|| jAgaratsvapnayorevaM prapa~ncho.aj~ne vibhAsate | suptau tu vilayaM yAti svAj~nAne.anAtmavedinAm || 2|| svapne jAgaritaM nAsti jAgare svapnatA na hi | dvayamevaM laye nAsti layo.api hyubhayorna cha || 3|| trayamevaM bhavenmithyA guNatrayavinirmitam | asya draShTA guNAtItaH eko.ahaM nityachidghanaH || 4|| aj~nAne buddhivilaye nidrA sA bhaNyate budhaiH | vihInAj~nAnatatkArye mayi nidrA kathaM bhavet || 5|| buddheH pUrNavikAso.ayaM jAgaraH parikIrtyate | buddhitatkAryahInatvAt jAgaro me na vidyate || 6|| hitA nADI prachAro yat buddheH svapnaH prajAyate | sa~nchAradharmashUnye.asmin mayi svapno na vidyate || 7|| jAgratsvapnasuShuptyAdi prapa~nchaM yatprakAshate | svAtmano.anyachcha kiM tatsyAt ato.ahaM brahma svaprabham || 8|| mayyavasthA yataH sarvA jAgratsvapnasuShuptayaH | mattonyadAsakaM teShAM kiM syAd brahma tato.asmyaham || 9|| jAgratsvapnasuShuptyAhi prapa~nchaM yat prakAshate | tadbrahmAhamiti j~nAtvA sarvabandhaiH pramuchyate || 10|| yadanyattasya vilayaH janmanA shauchasa~Ngatau | svamAtrasya vikAro me na hi kashchit susa~Ngatam || 11|| svAtmanyA.anyadbhaved dR^ishyaM dR^ishyaM yajjanitaM cha tat | tasya kAryasya ShaDbhAvAH na me.ato.ahamajo.avyayaH || 12|| yato.ajanmA avinAshI nityashuddhAshchidAtmakaH | nityaM kAryavihIno.asmi matsamaM nAsti ki~nchana || 13|| avinAshasvabhAvasya niraMshasya hyajasya vA | naiva me svAtmamAtrasya janmamR^ityushchidAtmanaH || 14|| sarvapUrNe svataHpUrNa svamAtre mayi chitsukhe | kimarthaM kasya kAmAya kAryaM syAnnirupAdhike || 15|| prayojanamanuddishya pravR^ittirme kathaM bhavet | sR^ijeyaM kiM na me ki~nchitkAryaM syAdyatprayojakam || 16|| AkAshe dR^ishyate.asa~Nge meghakAryamitastataH | mayyadvaye nirvikAre.asa~Nge tanmAyikaM bhramaH || 17|| yathAchChannaM na chAkAshaM meghakArairna sambhavet | mAyAchChannastathA nAhaM nAnAkArairna me janiH || 18|| yathAkAshe bhavedvArvAyunA khaM na chAlyate | tathA mayi syAdyadahaM brahmAsmi na hi cha~nchalaH || 19|| chidghanaH sadghano.ahaM vA hyAnandaghana eva cha | na me.asti mAyA chA~nchalyaM na me sphUrtyA pR^ithak sthitiH || 20|| chinmAtratvAnna me jADyaM jADyAbhAvAnna vismR^itiH | vismR^ityabhAvato naiva brahmavAhaM smR^itishcha me || 21|| yadA na mayyahaM brahma smR^itirbhavitumarhati | lakShIkR^itya cha mAM mAyA sphUratyevaM sphuTaM tataH || 22|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane chaturthaprakaraNaM sampUrNam || \section{pa~nchamaprakaraNam} lohachumbakavanmAyA yatsAnnidhyAjjaDA.api cha | chetanatvamavApnoti tadahaM brahma nishchalam || 1|| brahmaivAsIdidaM hyagre ekamevA.avadatshR^itiH | tadAtmAnaM svayaM chAvet ahaM brahmeti tattvataH || 2|| tasmAttatsarvamevedamabhavattachchayo.advayam | devarShimanujAnAM vai pratyabudhyaka so.abhavat || 3|| adhiShThAnAnnachAdhyastaM pR^ithagbhavitumarhati | adhyastaphaNini rajjuryathaikA.abhAvabhAvayoH || 4|| nityo.ahaM nirvikalpo.ahaM chinmAtro.ahaM svabhAvataH | na me ki~nchidvikAro.asti mAyAyA bhAvato.anyathA || 5|| avyaktAchcha mahajjAtaM tato.aha~NkAra eva cha | pa~nchabhUtaM tataH sUkShmaM sthUlaM cha kramasho.abhavat || 6|| pa~nchA.apa~nchIkR^itAbhyAM cha sthUlasUkShmavapustataH | shivo.avidyAvashAjjIvaH praveshAnantaro.abhavat || 7|| sa~NkalpAdipraveshAntA sR^iShTirIshavikalpitA | jAgradAdivimokShAntA sR^iShTirjIvavikalpitA || 8|| bIje.avyakto yathA vR^ikShaH mAyAyAM kAryamIdR^isham | yadA bhAve tadAnIM sA kathyate.avyaktanAmataH || 9|| pR^ithvIjalamanuShyaishcha yathA bIjaM drumonmukham | tatsR^iShTyonmukhamavyaktaM kAlakarmatapaH kramaiH || 10|| bIjAda~Nkura evaM hi avyaktAnmahadudgamaH | a~NkurArthe yathA parNe tathA prakR^itipUruShau || 11|| tatparNAbhyAM cha vistAro vR^ikShasyaivaM yathA bhavet | tathaiva bhavavistAraH pumprakR^ityorvidhIyate || 12|| dvidhA vibhajyAtmAnaM sa ardhena puruSho.abhavat | ardhena nArI tasyAM tu virAjamasR^ijadvibhuH || 13|| mAyAM tu prakR^itiM vidyAtmAyinaM tu maheshvaram | tasyAvayavabhUtaistu vyAptaM sarvamidaM jagat || 14|| mAyAsambandhatashcheshaH jIvo.avidyAvashAttathA | vAchArambhaNamAtraM hi vastuto na hi ki~nchana || 15|| chidakhaNDarasatvena mayi mAyA na vidyate | nAvidyA na tayoH kAryaM mayi ki~nchidvijR^imbhate || 16|| ChAyAdehAshritA yadvat bhinnAbhinnA na chAnyathA | madAshritAM tathA mAyA tuchChA kApyasatI tathA || 17|| ChAyayA dehasambandho yathA bhavitu marhati | tathaiva mama sambandho mAyayA cha bhavediha || 18|| dehasya sattA ChAyAyAM tathA.a.asyAM matsthitirbhavet | mAyAvR^iddhikShayAbhyAM cha kvachinnAsti pR^ithak sthitiH || 19|| avyakte tvIshvaraH proktastathA mahati vishrutaH | hiraNyagarbhanAmnAtra sa~NkalpasyodayaH shrutaH || 20|| nAnAkAraistataH svasya bahutvamupapAditam | rUpaM rUpaM babhUvAtra shrutergIH sampravartate || 21|| bIjamekaM yathAsvasmAdbahUnyutpAdayettathA | hiraNyagarbha evAyaM bahvAhaM rUpato.abhavat || 22|| avyaktaM kAraNaM tasmAnmahalli~Ngavapurbhavet | yatreko.ahaM bahu syAM vai sa~Nkalpodgama IritaH || 23|| DAlimehi yathA tasya bIjAnyantarbhavanti hi | yathA DAlima ityuktaH sarvabIjasamaShTitaH || 24|| tathA.ahamo bahutvaM cha svarNagarbhe pratiShThitam | hiraNyagarbha ityuktaH sarvohaM mAnyataH shrutau || 25|| yogenAtmA sR^iShTividho dvidhArUpo babhUva saH | pumAMshcha dakShiNArdhA~Nge vAmArdhA prakR^itiH smR^itA || 26|| sarva mithunametasmAd agniShomAtmakaM jagat | enayoH sannatiH sA.api sarvA strIpuruShAtmakA || 27|| ardho vA eSha yatpatnI dvedhAtmAnamapAdayat | strIpumAMsmai rahaM chaikaM shrutyA chAnubhavena cha || 28|| aneka nAmarUpAbhyAM sR^iShTirevaM pravartitA | jAtishIlaguNaiH kR^ityai tathA bhUrAdayaH kramAt || 29|| strIpumAnrUpataH sarvA pravR^ittiH sR^iShTisarjane | mAtApitR^imalodbhUte dehe.asa~Ngo.ahamAnataH || 30|| aneka rochakairvAkyairmayi sR^iShTirvikalpyate | eko.ahami na chAnanye bhinnavArtA.api sambhavet || 31|| ahaMrUpeNa mAtreShu hyali~NgaM bhedavarjitam | suvidhAya shrutirvakti chAtmAnaM jAnathA.advayam || 32|| na strI nAhaM pumAMshchApi na bAlo bAlikA.api cha | sarvasminmAM hi chinmAtraM yaM pashyetsa hi muktibhAk || 33|| sarvabhUtasthamAtmAnaM sarvabhUtAni chAtmani | sampashchanbrahma paramaM yAti nAnyena hetunA || 34|| samaM sarveShu bhUteShu tiShThantaM parameshvaram | vinashyatsvavinashyantaM yaH pashyati sa pashyati || 35|| kAlatraye yathA sarpe rajjo nAsti tathA mayi | aha~NkArAdi dehAntaM jagannAstyahamadvayaH || 36|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane pa~nchamaprakaraNaM sampUrNam || \section{ShaShThaprakaraNam} kAraNaM yasya vai kAryaM kAryAbhAvAnna kAraNam | mayi mattaH pR^itha~NnAsti kAryaM nA.ahaM na kAraNam || 1|| asato mA sadgamaya tamaso mA jyotiriti | mR^ityormAmR^itavatva~ncha prArthanA dR^ishyate shrutau || 2|| asattamo mR^ityurUpaM kAryametattataH sphuTam | kAryasyaitasya yatsyAttatkAraNaM tAdR^igevahi || 3|| asattamo mR^ityurUpamidamagre.avadatshR^itiH | teM naiva pashchAttatkAryaM vyAkR^itaM tAvadeva hi || 4|| kAryeShu kAraNaguNAH sa~NkrAmantIti nyAyataH | kAryakAraNayormelaH samIchInatayA sthitA || 5|| jAgratsvapnaprapa~nchasya kAraNaM shUnyameva tat | sauShuptapratyayAdevaM mAyArUpaM vibudhyate || 6|| tuchChA.anirvachanIyA yA shrutA shaktiH svabhAvataH | tasyA rUpeNa tatkAryaM tathaivetyeva gamyate || 7|| shaktyaiva kAryajananaM shaktireva hi kAraNam | mAyAkAryamidaM sarvaM tataH sarvairnigadyate || 8|| kAryaM jaDaM yataH sarvaM shaktiH sA.api jaDA bhavet | raso.ahaM sachchidAnandaH jaDA prakR^itiruchyate || 9|| shUnyaM pUrNA~NkasaMyuktaM yadvadgaNyaM tathaiva hi | mAyA tatkAryasakalaM madyogAdeva gaNyate || 10|| mAyAkAryasya vaividhyaM madvinA naiva sid.hdhyati | vinaikagaNanAM kvApi kA.api sa~NkhyA na vidyate || 11|| sve mahimni sadaiko.asmi chinmAtro.ahaM svabhAvataH | nityaM mAyAvidyayostatkAryaMsyAbhAvabhAvayoH || 12|| satyaj~nAnAnantato.ahaM pratiyogitayA sthitaH | machchetanavatI seyaM jaj~ne.anR^itajaDaM jagat || 13|| tato madbrahmarUpasya kAraNatvaM jagau shrutiH | yato vAnena vAkyena tadadhyAropitaM kila || 14|| kArye kAraNatA yAtA kAraNe na hi kAryatA | kAraNatvaM tato gachChet kAryAbhAve vichArataH || 15|| athA.ahaM shuddhabodhashcha kAryakAraNavarjitaH | eka evAdvitIyo.atra tvavA~NmanasagocharaH || 16|| chidAnande na mayyevamasadAdikalakShaNA | mAyA.avidyA na tatkArye duHkhAnR^itajaDaM cha yat || 17|| pramAdo mR^ityurityAhuH mR^ityuratyantavismR^itiH | kAryaM sarvaM mR^ityurUpaM kArye madvismR^itiryataH || 18|| kAryasyaitasya pUrvaM kAraNaM sA.api vismR^iti | shaktirmR^ityuriti khyAtA nityabodhe na sA mayi || 19|| mAyopAdhirjagadyoniH sarvaj~natvAdilakShaNaH | mithyaiva bata mAM vakti shrutiradhyApayatyaho || 20|| AtmaivA.ahamasannAhamAtmaivA.ahaM cha nirguNaH | AtmaivA.ahaM na mAyA cha na tatkAryamasajjaDam || 21|| na vishvastaijasaH prAj~nAH virAT sUtreshvaraH kvachit | na pumAn prakR^itishchaiva na nArI na naraH kvachit || 22|| na sa~Nkalpo na bhutAni nendriyANi manastathA | kvachitsUkShmashcha sthUlashcha deho nAhamachetanaH || 23|| na me kAmashcha krodhashcha rAgadveShau na me kvachit | na me nArIti bhAvaH syAt na me nara iti kvachit || 24|| satyasvarUpa evAhaM chidghanAnandavigrahaH | eko.ahaM nAsti matto.anyat ahamevAsmi kevalaH || 25|| vandhyAmAturaho putraH piturvai brahmachAriNaH | mR^igatR^iShNAmbhasi snAtaH khapuShpakR^itashekharaH || 26|| videha eSha AyAti shashashR^i~NgeNa saMyutaH | ajo saparivAraishcha nistattvamakhilaM khalu || 27|| kAryopAdhirahaM jIvaH kAraNopAdhirIshvaraH | kAryakAraNatAM hitvA pUrNabodhAvashiShyate || 28|| tasmAn mumukShubhirnaiva matirjIveshavAdayoH | kAryA, kintu brahmatattvaM nishchalena vichAryatAm || 29|| mAyAbhAvAnna chAvidyA cheshAbhAvAnna jIvakaH | chinmAtratvAnna me bhedaH satyatvAnna cha me pR^ithak || 30|| pUrNA~Nke mIlitaM shUnyaM pUrNA~Nke naiva tiShThati | tathA manmIlitA mAyA madrUpeNaiva tiShThati || 31|| anyAbhAvAdadvayo.ahaM tasyA nityanivR^ittitaH | ahaM sachchitsukhAnandaH na madbhinnaM mayi sthitam || 32|| na me ki~nchitkvachidvApi pR^ithaktvaM tu pratIyate | sachchidAnandamAtro.ahamahamevAhamadvayaH || 33|| anyahInasvabhAvAtmA bhedashUnyaH svayamprabhaH | sadghanashchidghanashchAhamAnandaghana eva cha || 34|| kevalaH shAntarUpo.ahaM kevalaH shAshvatosmyaham | kevalAstitvarUpo.ahamahaM tyaktvA hamasmyaham || 35|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane ShaShThaprakaraNaM sampUrNam || \section{saptamaprakaraNam} dR^igdR^ishyau dvau padArthau staH parasparavilakShaNau | dR^igbrahma dR^ishyaM mAyeti kila vedAntaDiNDimaH || 1|| prathamaM sphuraNaM yatsyAt mayi brahmaNi kevale | ahaM brahmeti mAyA sA dR^ishyaM sarvAdimattathA || 2|| brahmAgre.avedahaM brahma tasmAttatsarvameva hi | vidyA.avidyAdibhedena jIveshvaravibhAnataH || 3|| abhAsena cha jIveshau karotIti shrutirjagau | mAyAvidyA cha saiveyaM bhavati svayameva hi || 4|| mAyAsambandhatashchesho jIvo.avidyAvashastathA | kalpiteyamavidyeyamanAtmanyAtmabhAvanAt || 5|| etAvadevAvidyAtvaM nAhaM brahmeti nishchayaH | etAvadeva vidyAtvamahaM brahmeti nishchayaH || 6|| deho.ahamiti sa~NkalpaH satyaM jIvaH sa eva hi | deho.ahamiti yajj~nAnaM tasyAj~nAnaM tadeva hi || 7|| deho.ahamiti sa~NkalpaH tadantaHkaraNaM smR^itam | antaHkaraNasambhine bodhaH so.ahampadAbhidhaH || 8|| deho.ahamiti sa~NkalpaH hR^idayagranthirIritaH | ahaM chidapi gehena yogAchchijjaDatAsya tu || 9|| hR^idayagranthisambhedAchchidahaM cheti nishchayAt | ahaM brahmeti bodhAd vA sa jIvaH kevalaH shivaH || 10|| ashabdamasparshamarUpamavyayaM tathA.arasa nityamagandhavachcha yat | anAdyanantaM mahataH paraM dhruvaM nichAyya mAM mR^ityumukhAt pramuchyate || 11|| dehendriyaprANamano.ahamAdayaH sarve vikArA viShayAH sukhAdayaH | vyomAdibhUtAnyakhilaM cha vishva\- mavyaktaparyantamidaM hyanAtmA || 12|| dR^ishisvarUpaM gaganopamaM paraM sakR^idvibhAtaM tvajamekamakSharam | alepakaM nityasthitaM yadadvayaM nichAyya mAM mR^ityumukhAt pramuchyate || 13|| AnandarUpo.ahamakhaNDabodhaH parAtparo.ahaM dhanachit prakAshaH | meghA yathA vyoma na cha spR^ishanti mAyAvikArANi na mAM spR^ishanti || 14|| sa~NkalpamAtrakalane kila cheshabhAnaM sa~NkalpamAtrakalane bata jIvabhAvaH | sa~NkalpamAtrakalane hi jagadvilAsaH sa~NkalpashUnyamayi nAsti vibhinnamIShat || 15|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane saptamaprakaraNaM sampUrNam || \section{aShTamaprakaraNam} ghaTAkAshamaThAkAshau mahAkAshe pratiShThitau | evaM mayi chidAkAshe jIveshau parikalpitau || 1|| parokShatAparichChedashAbalyApohanirmalam | tadasIti nirAlakShyaM brahmaivAhaM svayamprabhaH || 2|| jIveshayoH jAgradAdi prapa~nchaM yatprakAshate | tadahaM chitsukhaM brahma nirvikalpaM sanAtanam || 3|| naShTe pUrva vikalpe tu yAvadanyasya nodayaH | tanmadhye chitsvarUpeNa nityo.ahaM nirvikalpakaH || 4|| AkAshe vAyuvattasmin mayyahaM yadvibhAsate | tasya lakShyasvarUpeNa sarvasyAtmasvarUpyaham || 5|| ahaM brahmeti vij~nAnamIshvarasyeti kathyate | nityabuddhasvarUpo.ayaM sarvaj~naH sarvashaktimAn || 6|| bahusyAM vA prajAyeti pravR^ittau chodyate tataH | kartA bhartA praviShTashcha niyantA nAshitA.api cha || 7|| ahaM nAmmA praviShTaH san jIvatvena vasatyasau | tataH patishcha patnI cha bhUtvA kAmAdiveShTitaH || 8|| bahusyAmiti santatyA prapUrayati svepsitam | Isha eva jagatyasmin paTe tanturiva sthitaH || 9|| svarUpasyAvismR^ititaH pravR^ittAvIsha iryate | svarUpasya cha vismR^ityA pravR^itto jIva iryate || 10|| nAhaM jIvastathesho vA pravR^ittirahito yataH | na me dvibhajanaM chApi puM prakR^ititayA sthitiH || 11|| na me ki~nchitsarjanaM vA praveshasteShu sammataH | chaturvidheShu deheShu sR^iShTvA mithunamIdR^isham || 12|| nAhaM deho na me deho pumAnnAhaM na prakR^itiH | naro nAhaM na nArI vA na me kAmo na santatiH || 13|| j~neyAbhAvaj~nAnamAtre ki~nchijj~natvaM na jIvakaH | mayi bhUmni na tatsarvaM sarvaj~no vesha ityapi || 14|| ahamo lakShyameteShu prapa~nchasyApravartakam | nirvikalpasvabhAvaM yat tadahaM chitsukhaM svayam || 15|| sUtrAtmake paTe nityaM yathA karpAsasaMsthitiH | tathA sUtrAtmake vishve sachchidAnandasaMsthitiH || 16|| akhaNDaikarasatvena nirvikAro.ahamAnataH | bodhAnande svamAtre.asmin yayi matto na ki~nchana || 17|| mayi ki~nchitpR^itha~NnAsti svayamekAtmanA sthitaH | sarvasa~NkalpashUnyo.ahaM nirvikalpasvabhAvavAn || 18|| dvaitaM yadi tadAdvaitaM dvaitAbhAve.advayaM na cha | dR^ishyaM yadi dR^igapyasti dR^ishyAbhAve dR^igeva na || 19|| nAsti dR^iShTAntikaM satye nAsti dArShTAntikaM hyaje | chinmAtraM kevalaM chAhaM na matto mayi ki~nchana || 20|| vilakShaNaM yathA dhvAntaM lIyate bhAnutejasi | tathA.anirvachanIyA yA mAyA sA mayi svArchiShi || 21|| mAyA tatkAryamakhilaM mayyanantachidarNave | arthashUnyavikalpo.ayaM nAsti nAsti kathaM cha na || 22|| iti shrIrAmadAsakR^ipAnvitaiH bhagavadbhiH shrIdharasvAmibhiH virachite parivrAD\-manane aShTamaprakaraNaM sampUrNam || samApto.ayaM granthaH || itisham || || OM tatsat || iti parivrADmananaM sampUrNam | ## Proofread by Paresh Panditrao \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}