% Text title            : Pratahsmaranam
% File name             : prAtaHsmaraNamshrIdharasvAmi.itx
% Category              : deities\_misc, shrIdharasvAmI, suprabhAta
% Location              : doc\_deities\_misc
% Author                : Shridharasvami
% Proofread by          : Manish Gavkar
% Description/comments  : shrIdharasvAmI stotraratnamAlikA
% Latest update         : February 11, 2023
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pratahsmaranam ..}##
\itxtitle{.. prAtaHsmaraNam ..}##\endtitles ##
           (mandAkrAntAvR^ittam)
prAtaH kAle sphurati mama tachChAshvatAnandarUpaM
      sarveShvevaM saditi cha sadA bhAsate chitsukhaM yat |
suptau yatsyAtsakalavirame.arUpamevaM svato.archiH
      jAgratsvapnasthitiShu mama tadbhAvamAtraikarUpam || 1||
stotuM sajjA shrutirakathayanneti yachchAtivishvaM
      naivaM yasmin kvachidapi bhavedbhinnarUpasya bhAvaH |
advaitatvAtsa ghana iti yadvAsa evaM hi kArye
      bhinnaM bhAtuM mana iti na tachchintane shiShyate.atra || 2||
sarvaM yajjaM sphuTamapi tathA lIyateM.ate cha yasmin
      satsaMsthe.asmin jagati cha sadA kR^itsnamekaM sthitaM yat |
tasminnaShTaM mayi chiditi yadA.asatkhapuShpArthakalpaM
      draShTuM nomAM kvachidahamidaM shiShyate dR^ishyamIShat || 3||
shuddhaM shuddhajale jalaM milati tannaiva vrajedbhinnatAM
      tadvanmanmilitaM cha vishvamakhilaM bhinnaM na machchidrasAt |
AnandaikarasasvarUpamavikR^id yannirvikAro.apyahaM
      kutrAgAnnabhavetsphuTaM hyahamaho.anante vikArAtmakam || 4||
yadvatsyAttaTinI samudramilitA tAdAtmyamevaM gatA
      saikatvena yadA sthitA niravadhAvekastato.abdhiH svayam |
tadvachChidrasabhUmni yanmayi jagajjIvAdikaM sa~NgataM
      ekatvena nirAvR^ito niravadhiH svasmin sadaiko.asmyaham || 5||
               (vasantatilakavR^ittam)
astagate samudite na kadA tara~Nge
      bhinnaM jalaM jalanidhiH svayameva yadvat |
tadvajjIvasamAgatashchodayAstayoryaH
      so.ahaM sadaiva mama nAsti vibhinnamIShat || 6||
               (AryAjAtiH)
yadvakShArasamudre militaM tallavaNamekatAM yAti |
tadvanmama chiti sarvaM militaM yadi jagadahaM sadaiko.asmi || 7||
agnimukhe yaddiShTaM kA~nchanamiha kaTakanAma no dhatte |
tathA vivekAviShTaH kila na jagannAma bAdhate nUnam || 8||
kShIre milati yadaivaM kShIraM tannaiva bhinnatAM yAti |
jIvesha vishvabhAvaM militaM yanmayi cha tanna madbhinnam || 9||
sUryAtape vishuddhaH sphaTikanago lasata sundaratvena |
nijasukharUpe svArchirvR^inditashchinnagotrasuvirAje || 10||
svAmR^itasukhasindhurahaM chidrasabhUmnyeva mayi mamaivAham |
matsphuraNenaiva sadA sphurito lIno.api nAtra madbhinnam || 11||
mayi mama ramaNAvasare madviShayaH sahajAtaghoSho yaH |
brahmaivAhaM svayamiti yo.ayaM smR^itiruchyate.atra mAyA sA || 12||
asyAM brahmaivAhaM j~nAnaM yattasya nAma chesha iti |
kramato.asyAmaj~nAnaM nAhaM brahmAsya nAma jIva iti || 13||
mAyA.avidyAbhyAM ye bhavataH smR^itivismR^itI cha shashva~Nge |
anayorbhAvi cha yo.ahaM bhrAntanAmanI batAsya jIveshau || 14||
svarUpavismR^ityuditaM tanubhAvaM kathyate.atra jIva iti |
smR^itirasmin brahmAhaM bhavati tadA nAma tasya chesha iti || 15||
smR^itivismR^itijIveshA.abhAsairmAyA karoti vaichitryam |
tena kilaivopAdhI duHkhasukhe baddhamuktabhAvau cha || 16||
satkAraNamasya hi yattadahaM chiti mayi virAjamAne.asmin |
brahmAhaM yaH shabdo nikhilA bhAsashcha bhAti tenaiva || 17||
udayau yathaiva tasmAjjAte ghoShe.api nAsti tadbhAvam |
nAsti dhruvaM tathA mayi bhAvaM brahmAhamasya ghoShasya || 18||
sUryAdutpannAvapi chAvarakAvapi na shuklakR^iShNau tau |
meghau nastastasmin tadvanmAyA na mayi tathA.avidyA || 19||
mithyA mR^igajalabhAse sUryo.ayaM svArchiShaiva yadvatsyAt |
bhAtyasti priyato.ayaM bhAse.asmin chitsukho.ahamevAsmi || 20||
yadvatsarpo rajvAM bhAtyAbhAso.advaye.api mayi tadvat |
rajjuryathA hi shUnyA tathA svamAtraH sadA.anyashUnyo.aham || 21||
vandhyAsutavatsarvaM nityanivR^ittaM kilesthamakhilamidam |
pUrNA~Nke shUnyaM syAnmilitaM yadi tena tasya kA hAniH || 22||
kashchidvikAra evaM savisheShatvena nAstime.atra kadA |
nirvisheSha evAhaM svabhAvato.ataH sadA.avikAryachalaH || 23||
yaH paThetprAtarutthAya prAtaH smaraNamuttamam |
vidhUya nikhilAj~nAnaM brahmaiva sa kR^itI bhavet || 24||

iti shrImat paramahaMsaparivrAjakAchArya sadguru bhagavAn
shrIdharasvAmImahArAjavirachitaM prAtaHsmaraNaM sampUrNam |
rachanAsthAnaM, ma~NgaLUru \- shrIdattajayanti saMvatsaraH \- 1944

##
Proofread by Manish Gavkar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}