% Text title            : Prahlada Te Paramaputapadam Namami
% File name             : prahlAdateparamapUtapadaMnamAmi.itx
% Category              : deities\_misc
% Location              : doc\_deities\_misc
% Author                : R V Khadilkar, Nashik
% Proofread by          : M K Barman
% Description/comments  : nRRisiMhakosha 2 upAsanA khaNDa
% Latest update         : August 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prahlada Te Paramaputapadam Namami ..}##
\itxtitle{.. prahlAda te paramapUtapadaM namAmi ..}##\endtitles ##
bhaktAgraNIrbhajanatatpara bhUribhAga
shrImannR^isiMha padapadma parAgabhR^i~Nga |
tvatsamo.asti bhuvane paramo virAgI
prahlAda te paramapUtapadaM namAmi || 1||
jAto.api dAnavakule na cha te kubuddhiH
dehe.api no tanumatirvimalAtmabuddhiH |
IshAtmakaM jagadidaM sthirabodha eva
prahlAdada te paramapUtapadaM namAmi || 2||
dveShTA hiraNyakashipurjanakaH surAriH
sAdhvI cha te patiratA jananI kayAdhuH |
tAbhyAM janistava shuchirna vichitrametat
prahlAdada te paramapUtapadaM namAmi || 3||
bAlyAnna te viShayalolupatA kadApi
lakShmIpateshcharaNachintanatatparo.asi |
lobho lavo.api na cha te nijarAjyalakShmyAH
prahlAdada te paramapUtapadaM namAmi || 4||
santrAsitaH svajanakena supIDito.api
kShipto.api shailashikharAt dahane sudagdhaH |
tvaM rakShito.asi bhagavatkR^ipayaiva sAdho
prahlAda te paramapUtapadaM namAmi || 5||
yasmin maheshvara\-mahAtma\-kR^ipA sadaiva
taM tApayanti na kadA vipadAH sughorAH |
agnirna taM dahati majjayati nAbdhiH
prahlAda te paramapUtapadaM namAmi || 6||
vANissadA japati te parameshanAma
chittaM cha chintayati hyachyutachArurUpam |
dR^iShTiH prabhuM jagati pashyati vAsudevaM
prahlAda te paramatapUtapadaM namAmi || 7||
vidyAvishArada\-surarShi\-mahAkR^ipAtaH
bhaktistvayA navavidhA.adhigatA mahAtman |
yenaiva te manasi shAshvatashAntisaukhyaM
prahlAda te paramapUtapadaM namAmi || 8||
j~nAnAmbudhiH paramabhAgavato.asi dhIraH
bhaktyA tvayA prakaTitaM paramAtmatatvam |
manyurharaH prashamitaH padavandanena
prahlAda te paramapUtapadaM namAmi || 9||
bhaktipriyo hi bhagavAn sa cha bhAvavashyaH
j~nAnAdikena sa kadA parituShyate vai
sevyA cha saiva sujanaiH satataM mataM te
prahlAda te paramapUtapadaM namAmi || 10||
he vIravaiShNava visheShavidagdhavR^itte
brahmaNya shIlaguNasambhR^itashuddhakIrte |
rAme.astu te paramabhaktilavo dayAlo
prahlAda te paramapUtapadaM namAmi || 11||

iti prahlAda te paramapUtapadaM namAmi |
rachayitA \- rA\. va\. khADilakara (vakIla) nAshika
##
Proofread by M K Barman

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}