॥ प्रपत्त्यष्टकम् ॥

आवर्तपुर्यां जनितं प्रपद्ये पाण्ड्येशदेशे विहृतं प्रपद्ये । शोणाचलप्रस्थचरं प्रपद्ये भिक्षुं तपःक्लेशसहं प्रपद्ये ॥ १॥ आब्रह्मकीटान्तसमं प्रपद्ये जितारिषड्वर्गमहं प्रपद्ये । सर्वज्ञतासारभृतं प्रपद्ये निस्सीमकारुण्यनिधिं प्रपद्ये ॥ २॥ अस्मात्प्रपञ्चादधिकं प्रपद्ये विश्वाधिकोक्तेर्विषयं प्रपद्ये । कालग्रहग्राहभयापनुत्यै कृतान्तशिक्षाकृतिनं प्रपद्ये ॥ ३॥ विनेतुमार्तिं विषयाध्वजन्यां विज्ञानमूर्तिं दधतं प्रपद्ये । कन्दर्पदर्पज्वरवारणाय कामारिलीलावतारं प्रपद्ये ॥ ४॥ आजन्मवर्णिव्रतिनं प्रपद्ये कुण्डीभृतं दण्डधरं प्रपद्ये । ब्रह्मासनध्यानरतं प्रपद्ये ब्रह्मात्मभूयं यतिनं प्रपद्ये ॥ ५॥ हरं प्रपद्ये विजरं प्रपद्ये स्वतन्त्रतायाः सदनं प्रपद्ये । अमेयसामर्थ्यवहं प्रपद्ये विशुद्धविज्ञानिवरं प्रपद्ये ॥ ६॥ दौर्भाग्य तापत्रय कर्म मोह सन्तापहन्तारमहं प्रपद्ये । यथार्थसङ्कल्पमपेतपापमवाप्त कामं विशुचं प्रपद्ये ॥ ७॥ मनः प्रसादं भजतां ददानं मुग्धस्मितोल्लासिमुखं प्रपद्ये । व्यथामशेषां व्यपनीय मोदप्रदेन नाम्ना रमणं प्रपद्ये ॥ ८॥ शिवं प्रपद्ये शिवदं प्रपद्ये गुरुं प्रपद्ये गुणिनं प्रपद्ये । मदीयहृत्पद्मजुषं प्रपद्ये शरण्यमीशं शरणं प्रपद्ये ॥ ९॥ प्रपत्तिं रमणस्यैतां तन्वतां तत्त्वदर्शिनः तत्क्रतुन्यायरसिकाः तत्तादृशफलाप्तये ॥ १०॥ ॥ इति श्रीजगदीश शास्त्री विरचितं प्रपत्त्यष्टकम् सम्पूर्णम् ॥
Prapattyashtakam, Eight Verses of Surrender, was composed in praise of Ramana Maharshi, just at the eleventh hour when Jagadisha Shastri had been diagnosed with terminal stomach cancer. It is said that Maharshi was so moved that he saved him then to live for a further 38 years. Encoded and proofread by Anil Sharma anilandvijaya at gmail.com Reproofread by Sunder Hattangadi sunderh at hotmail.com The Sanskrit works, published by Sri Ramanasramam, have been approved to be posted on sanskritdocuments.org by permission of Sri V.S. Ramanan, President, Sri Ramanasramam, Website : http://www.sriramanamaharshi.org
% Text title            : prapattyaShTakam Eight Verses of Surrender
% File name             : prapattyaShTakam.itx
% itxtitle              : prapattyaShTakam
% engtitle              : Prapattyashtakam Eight Verses of Surrender
% Category              : aShTaka, deities_misc, jagadIsha-shAstrI
% Location              : doc_deities_misc
% Sublocation           : deities_misc
% Author                : Jagadisha Shastri
% Language              : Sanskrit
% Subject               : philosophy/hinduism/religion  composed in praise of Ramana Maharshi, just at the eleventh hour when  Jagadisha Shastri had been diagnosed with terminal stomach cancer.  It is said that Maharshi was so moved that he saved him then to live  for a further 38 years.   The Sanskrit works, published by Sri Ramanasramam  have been approved to be posted on Sanskritdocuments.org  by permission of Sri V.S. Ramanan, President, Sri Ramanasramam.
% Transliterated by     : Anil Sharma anilandvijaya at gmail.com
% Proofread by          : Anil Sharma, Sunder Hattangadi sunderh  at hotmail.com
% Description-comments  : Prapattyashtakam, Eight Verses of Surrender was
% Indexextra            : (Eight Verses of Surrender)
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update         : October 1, 2014
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP