% Text title            : rAghavendra\_stotra.inf
% File name             : rAghavendra\_stotra.itx
% Category              : deities\_misc, stotra, gurudev
% Location              : doc\_deities\_misc
% Author                : Sri Appannaacharya
% Transliterated by     : Shrisha Rao <shrao at dvaita.org>  http://www.dvaita.net
% Proofread by          : Shrisha Rao <shrao at dvaita.org>, Kesava Tadipatri <ktadipatri at dvaita.net>
% Latest update         : March 20, 1996, April 10, 2009
% Send corrections to   : sanskrit at cheerful dot c om, shrao@dvaita.org, or info@dvaita.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Raghavendra Stotram ..}##
\itxtitle{.. shrIrAghavendrastotram ..}##\endtitles ##
shrIpUrNabodhagurutIrthapayobdhipArA kAmArimAxaviShamAxashiraH spR^ishantI |
pUrvottarAmitatara~NgacharatsuhaMsA devALisevitaparA~NghripayojalagnA || 1||
jIveshabhedaguNapUrtijagatsusattva nIchochchabhAvamukhanakragaNaiH sametA |
durvAdyajApatigiLairgururAghavendravAgdevatAsaridamuM vimalIkarotu || 2||
shrIrAghavendraH sakalapradAtA svapAdaka~njadvayabhaktimadbhyaH |
aghAdrisambhedanadR^iShTivajraH xamAsurendro.avatu mAM sadA.ayam || 3||
shrIrAghavendroharipAdaka~njaniShevaNAllabdhasamastasampat |
devasvabhAvo divijadrumo.ayamiShTaprado me satataM sa bhUyAt || 4||
bhavyasvarUpo bhavaduHkhatUlasa~NghAgnicharyaH sukhadhairyashAlI |
samastaduShTagrahanigrahesho duratyayopaplavasindhusetuH || 5||
nirastadoSho niravadyaveShaH pratyarthimUkattvanidAnabhAShaH |
vidvatparij~neyamahAvisheSho vAgvaikharInirjitabhavyasheShaH || 6||
santAnasampatparishuddhabhaktivij~nAnavAgdehasupATavAdIn |
dattvA sharIrotthasamastadoShAn hattvA sa no.avyAdgururAghavendraH || 7||
yatpAdodakasa~nchayaH suranadImukhyApagAsAditA\-
sa~NkhyA.anuttamapuNyasa~NghavilasatprakhyAtapuNyAvahaH |
dustApatrayanAshano bhuvi mahA vandhyAsuputraprado
vya~Ngasva~NgasamR^iddhido grahamahApApApahastaM shraye || 8||
yatpAdaka~njarajasA paribhUShitA~NgA yatpAdapadmamadhupAyitamAnasA ye |
yatpAdapadmaparikIrtanajIrNavAchastaddarshanaM duritakAnanadAvabhUtam || 9||
sarvatantrasvatantro.asau shrImadhvamatavardhanaH |
vijayIndrakarAbjotthasudhIndravaraputrakaH |
shrIrAghavendro yatirAT gururme syAdbhayApahaH || 10||
j~nAnabhaktisuputrAyuH yashaH shrIpuNyavardhanaH |
prativAdijayasvAntabhedachihnAdaro guruH |
sarvavidyApravINo.anyo rAghavendrAnnavidyate || 11||
aparoxIkR^itashrIshaH samupexitabhAvajaH |
apexitapradAtA.anyo rAghavendrAnnavidyate || 12||
dayAdAxiNyavairAgyavAkpATavamukhA~NkitaH |
shApAnugrahashakto.anyo rAghavendrAnnavidyate || 13||
aj~nAnavismR^itibhrAntisaMshayApasmR^itixayAH |
tandrAkampavachaHkauNTh.hyamukhA ye chendriyodbhavAH |
doShAste nAshamAyAnti rAghavendraprasAdataH || 14||
##`##OM shrI rAghavendrAya namaH ##' ## ityaShTAxaramantrataH |
japitAdbhAvitAnnityaM iShTArthAH syurnasaMshayaH || 15||
hantu naH kAyajAn.hdoShAnAtmAtmIyasamudbhavAn |
sarvAnapi pumarthAMshcha dadAtu gururAtmavit || 16||
iti kAlatraye nityaM prArthanAM yaH karoti saH |
ihAmutrAptasarveShTo modate nAtra saMshayaH || 17||
agamyamahimA loke rAghavendro mahAyashAH |
shrImadhvamatadugdhAbdhichandro.avatu sadA.anaghaH || 18||
sarvayAtrAphalAvAptyai yathAshaktipradaxiNam |
karomi tava siddhasya vR^indAvanagataM jalam |
shirasA dhArayAmyadya sarvatIrthaphalAptaye || 19||
sarvAbhIShTArthasiddhyarthaM namaskAraM karomyaham |
tava sa~NkIrtanaM vedashAstrArthaj~nAnasiddhaye || 20||
saMsAre.axayasAgare prakR^itito.agAdhe sadA dustare |
sarvAvadyajalagrahairanupamaiH kAmAdibha~NgAkule |
nAnAvibhramadurbhrame.amitabhayastomAdiphenotkaTe |
duHkhotkR^iShTaviShe samuddhara guro mA magnarUpaM sadA || 21||
rAghavendragurustotraM yaH paThed.hbhaktipUrvakam |
tasya kuShThAdirogANAM nivR^ittistvarayA bhavet || 22||
andho.api divyadR^iShTiH syAdeDamUko.api vAgpatiH |
pUrNAyuH pUrNasampattiH stotrasyAsya japAdbhavet || 23||
yaH pibejjalametena stotreNaivAbhimantritam |
tasya kuxigatA doShAH sarve nashyanti tatxaNAt || 24||
yad.hvR^indAvanamAsAdya pa~NguH kha~njo.api vA janaH |
stotreNAnena yaH kuryAt.hpradaxiNanamaskR^iti |
sa ja~NghAlo bhavedeva gururAjaprasAdataH || 25||
somasUryoparAge cha puShyArkAdisamAgame |
yo.anuttamamidaM stotramaShTottarashataM japet |
bhUtapretapishAchAdipIDA tasya na jAyate || 26||
etat.hstotraM samuchchArya gurorvR^indAvanAntike |
dIpasaMyojanAj~nAnaM putralAbho bhaveddhruvam || 27||
paravAdijayo divyaj~nAnabhaktyAdivardhanam |
sarvAbhIShTapravR^iddhissyAnnAtra kAryA vichAraNA || 28||
rAjachoramahAvyAghrasarpanakrAdipIDanam |
na jAyate.asya stotrasya prabhAvAnnAtra saMshayaH || 29||
yo bhaktyA gururAghavendracharaNadvandvaM smaran yaH paThet |
stotraM divyamidaM sadA nahi bhavettasyAsukhaM ki~nchana |
kiM tviShTArthasamR^iddhireva kamalAnAthaprasAdodayAt |
kIrtirdigviditA vibhUtiratulA sAxI hayAsyo.atra hi || 30||
iti shrI rAghavendrArya gururAjaprasAdataH |
kR^itaM stotramidaM puNyaM shrImadbhirhyappaNAbhidaiH || 31||

iti shrI appaNNAchAryavirachitaM shrIrAghavendrastotraM sampUrNam ||
.. bhAratIramaNamukhyaprANAntargata shrIkR^iShNArpaNamastu ..
##
Encoded and proofread by Shrisha Rao shrao@dvaita.org
See http://www.dvaita.net for additional information.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}